ساعدوني لو سمحتوا والله يرزقكم بالجنة :)

[cokey]

السلام عليكم ...

بختصر قصتي من الاخير ..

انا وزوجي مو متفاهمين من اول ما تزوجنا يعني نتصالح ونتضارب ونرجع نتصالح وجي دوامه !!

المهم اخر مره زوجي كان ناوي ع الصلح وكان ناوي يردني انا وبنتي البيت بس قالي انه بيصلي استخاره احسن فقلت ماعليه احسن


فجاه فيوم كنت مريضه واتصلت فيه عشان ياخذني العياده وكنت مريضه واايد وفجاه سالني سوال : انا كم مره طلقتج ؟؟؟

هني انفجرت من الصيااح لاني فكرته نسي هالسالفه وناوي ع الصلح خلاص وبعد الوقت ابدا مب مناسب لهالسؤال !!! :tears:

يعني يشوفني مريضه خالصه ويسالني هالسوال الي يهلك تخيلواا !!

وعقب اخذني ع العياده وعطوني ابره وخف الويع شوي ولله الحمد

بس حسيته طول الوقت مب هو الي اعرفه سااكت وكانه فباله كلاااام كثييير

وعند باب البيت سالته كمن مره واصرييت علييه وعقب قالي كلامه الي خلاني مثل الطير الشبه مذبووح لاني حيه ولا ميته :tears:

قالي انا صليت استخاره وانا مابردج واذا تبين ترديين تعالي بروحج !!

واصلا انا مب مرتاح ويااج لاني كلما اتذكر امج واهلج اكره اليوم الي عرفتكم فيه وحتى لو جيتي وعشتي ويااي ما برتااح ويااج والريال اذا ما ارتاح ويا حرمته سار يدور ثانيه !!

وانا يوم اطلع ويااج ما اطييق اتم ويااج واايد لانج تذكريني بالمشاكل !!

و انا كنت الي كنت اتحرا يردني البيت بسرعه عشان بنتنا! :tears:

وقالي كلام وااايد يقطع الثلب وما ينقاال

كلام مثل السجاجين ما روم انسى للحين وكل يوم اصييح بسببه

حتى بعد هذا كله فالسياره حاولت اهديه فبغيت ابوسه رفض وقال مابي !!

اول مره يرفض اني ابووسه !!

فطلعت من السياره وحاول يمسكني بس كنت اسرع ودخلت البيت وانا شبه مييته

المرض من صووب وطعنه الحبيب من صووب :tears:

وما كلمته ولا حاول يصالحني لكم يووم يعني اسبووع وجا رمضان

وقبل رمضان بيوم اتصلت فيه الفجر عشان اوعييه للصلاه

بس مارد علي واتصلت كمن مره وفكرت ان نومه ثقييل !!

وفالليل اتصل فيني وقال: شو تبين متصله الصبح ؟؟

قلتله كنت ابا اوعيك للصلاة قالي الين متى بتمين توعيني ؟؟؟

هني حسييت بالغصه واني ما اسوى شي وكرهت عمري والدنيا كلها

وفي رمضان بالعمد اتصلت فيه واستفزيته وطلقني مع العلم انه طلقني قبل مره وكم مره مسجات !!

طلبت منه الطلاق لاني مليت من هالحاله وعشان انهي الموضوع نهائيا !!

بس هو ما راح المحكمه عشان يطلع الورقه طلب مني هالشي يعني يباني اتبهدل ويعرف ان عندي بنت صغيره عمرها سنه ماقدر اودرها بروحها يعني لازم اوديها ويااي

بحجه شو ؟؟ ان ما يقدر يودر الدوام ... الشغل اهم من حيااته !!

المهم الزبده طلعت ورقت المحكمه اخيرا وطلع اني مطلقه منه مرتين بس والمسجات مب محسوبه !!

وهو احين من فتره يبا يرجعني البيت ويبدا من جديد بس انا مب مرتااحه

لانه كم مره تزاعلنا وعقب يوم يرضيني بكلمتين ويفرشلي الدنيا ورود ويقول انه بيي ياخذنا البيت وانه ما عليه من امه (لانه ولد امه ) وانه ما بيمنعني ازور امي ومن هالكلام الي مثل العسل

بس انا مب مرتاحه مب قادره ارتاح

مرات اقول اضحي لاجل بنتي هي اهم بس يوم اتذكر كلامه ذيك الليله ماقدر انسى الجرووح والدمووع شي صعب !!

احين انا محتاره ارجووكم ساعدوووني والي يسلمكم !!

ارجع له والا لا ؟؟

واسفه ع الاطاله ومشكوريين مقدما :shiny:

 

[ice creeem]

حبيبتي عندكم استشاريين بالامارات ومركز اصلاح ذات البين حاولي تراجعونهم لان هذي اخر فرصه لكم مع بعض اسال الله العظيم ان يرده لك ردا جميلا

 

[حرب الأحساس]

استخيري وربك يكتب الي فيه الخير
وصراحة اثنينكم غلطانين الطلاق زي اللعبة عندكم
وين الجدية بالحياة؟
طيب بيردك لين متى؟ لين يطلق نهائي؟
الموضوع موسهل فكري زين وعيدوا حساباتكم فرطتوا بحياتكم الزوجية
ومشاكل كثيرة ليه؟؟؟؟؟؟؟؟؟؟؟؟؟
فكري زين وربي معك وصدقيني هو مو خسران شي
لو بترجعين لازم يحظركم شخص مسئول زوجك يبغاله احد يعقله
وخلك معانا بالمنتدى وشوفي حبيبتي مشاكل غيرك
والله الحياة يبغالها صبروغلط تخلين الرجل كل حياتك عطيه جزء فقط والباقي لنفسك بكذا تختفي المشاكل
وربي يوفقك

 

[عزنفسك تجدها]

حبيبتي صح ريلك وبنتك مهمين يجتمعون بك في بيت واحد بس ريلك ماينوثق فيه من كلامه لك

لالالالالالالالالالالالا لا تردين له اصبري اثقلي حتى يحس بطعم الالم وانك انتي اللي ماتبينه وانتي رافضتيه

حينها بيحس قد ايش انه كان قاسي عليك لدرجة انك ماصرتي تبينه.....

اثقلي وصلي وكثري من صلاتك واستغفارك وربي بيحلها لك بإذنه تعالى.

 

[راجيه التوبه]

اول شئ ياقلبي انا حاسه فيك وكلنا هنا خواتك وبنساعدك
واول شئ ابدي كلامي معاك بدعوه عسى الله يبرد قلبك ويفرج همك ياعيوني
(الله يجعل السعاده تدخل قلبك وحياتك من كل صوب وعساك يارب من الصالحين السعداء في الدنيا وفي الاخره يارب يفرج همك يارب ينور بصيرتك يارب يريح بالك)
:c016::c016::c016:
شوفي انا ودي تسألين نفسك سؤال واحد بس
انتي مستعد انك تكملين معاه وتفتحين صفحه جديده؟؟؟؟
اذا ايه الله يوفقك
واذا لا حتى لو 1% لاترجعين
صدقيني دام لسانه قالها مرتين بيقول الثالثه
والله اعلم
​

 

[بحبك ياحلو]

حبيبتي بصراحة اكثرمن انة يقول ماابيك يعين لوتقعدين الى اخر العمرماراح ينسى او حتى تنسين لانك انكسرتي ودام ماعندك الابنت ارتاحي وعيشي حياتك بعدين لازم تبعدين عنة يعني تستقرين منة مادين وتفتحيلك مشروع لان الرجل يحب المراة اللى قوية وبعيدة مايحب المراة اللى تحت رحمتة اوكية انتى من كلامك انك في الامارات يعني اكثر حرية في جميع المجالات اي عمل اي يمكن انك تشتغلينهاوبيرجعلك لكن يضربك وترضين ويلقاك في البيت زي مانتي لاردت فعل ولاتحرمينة من شي يحبة زي الجنس مثلااكيدبيقول هذي ماتفهم اضرب متقول شي علشان كذة تكلم وقال اللى بخاطرة حتى ماقدريجاملك العمر كله وانتي بعد لاتجاملين على حساب راحتك اذاتبين تكملين معه لازم تسوينها هذي نصيحتي وشكرآ

 

[أميرة الشرق]

شو خسراانه انا من رااايي انج ترجعي وتجربيه لاخرر مرررررررره بس انتبهي لاتحملي منه اشربي حبوب منع الحمل ...وبعدين غيرررري كل شئ هو ما يحبه فيج شكل او طبااع وخلييييييييييييج قووويه وخلي في بااالج انه ممكن يطلقج فلاا تتضاايقيي لو قاالها المهم :::اذا عيشيج حياااه كريييييييييمه وسعيييده بدوون تجريح او اي كلمه قاسيه او حركه منه فيها اذلال لج تكوني جربتي وكسبتي واذااا شفتي انه يكدر حيااتج ويضاااايقج فااانتي قووولييييله باااااي باااااي قبل لايقووولها ولاتنسسي وانتي رااايحه طلعي كل الكلام اللي في قلبج له خليه يحسس انه ظلمج وببيييه يووووم والله بيسلط له من يظلمه ويكدر حييييييييياته
وبنتج الافضل لها انها تتربى في جو هادي مع ام او اب ولا في جووو مشااكل وظلم ممع اب وام مب متفاااهمين ...................واستخيري قبل لاترجعييييييله ولاتنسي الدعااء بس والله لو هانج لاتقعدين معااه
لانه مايستاهل الاوحده تذله ما تعزه..................هذا رااايي

 

[umm yusuf]

حبيبتي صح ريلك وبنتك مهمين يجتمعون بك في بيت واحد بس ريلك ماينوثق فيه من كلامه لك

لالالالالالالالالالالالا لا تردين له اصبري اثقلي حتى يحس بطعم الالم وانك انتي اللي ماتبينه وانتي رافضتيه

حينها بيحس قد ايش انه كان قاسي عليك لدرجة انك ماصرتي تبينه.....

اثقلي وصلي وكثري من صلاتك واستغفارك وربي بيحلها لك بإذنه تعالى.

وازيد على كلامها استخيري الله قبل الاقدام على اي تصرف والله يعينك

 

[nany2009]

استخيري وربي بيقدملك اللي فيه الخير
وربنا يكتبلك الخير ويسعدك ويصلح حالك يا رب

 

[EMoOo 4 EvEr]

استخيري وربك يكتب الي فيه الخير
وصراحة اثنينكم غلطانين الطلاق زي اللعبة عندكم
وين الجدية بالحياة؟
طيب بيردك لين متى؟ لين يطلق نهائي؟
الموضوع موسهل فكري زين وعيدوا حساباتكم فرطتوا بحياتكم الزوجية
ومشاكل كثيرة ليه؟؟؟؟؟؟؟؟؟؟؟؟؟
فكري زين وربي معك وصدقيني هو مو خسران شي
لو بترجعين لازم يحظركم شخص مسئول زوجك يبغاله احد يعقله
وخلك معانا بالمنتدى وشوفي حبيبتي مشاكل غيرك
والله الحياة يبغالها صبروغلط تخلين الرجل كل حياتك عطيه جزء فقط والباقي لنفسك بكذا تختفي المشاكل
وربي يوفقك

انا معاكي:bigsmile:

 

[cokey]

ماشاء الله 9 ردوود مره وحده !!

ما توقعت بصرااحه مشكوريين كلكم الي ردواا علي او من الزوار الي قروا قصتي بس بدون تعليق

بصراحه امس صلييت استخارة وللحيين مب مرتااحه للرجعه وبخبركم باخر التطورات ان شاء الله

والله يقدم الي فيه الخيير

مع العلم اني بديت حياتي بعد الطلاق الثاني وحصلت لي شغله ادعولي بالثبات والتوفيق

 

[cokey]

مافي اراء زيادة ؟؟؟ والله محتاااره !!

 

[المتغيرة للأفضل]

اثقلي عليه ولاترجعيله بسهوله وضعي شروط تحفظ حقوقك اعملي صلاة استخارة ربنا يكتب لك الخير

 

[cokey]

مشكووره المتغيرة للنصيحة !!

مادري ليش احس احيين اني لازم ارجع له ونبد صفجة يديده !!؟؟

 

[cokey]

اممم سويت احصائية لردودكم واغلبكم اشار اني مارد له او اتغلى عليه بس بصراحة خلاص انا قررت اني مارد له خاصه يوم تذكرت انه مره قالي " انا ما تزوجتج لنفسي .. انا تزوجتج عشان تساعدين امي " !!!

تخيلوا الشخص الي تحبونه وتموتون فيه قال مثل هالكلام شو يكوون شعوركم ؟؟

وانا الحمدلله عايشه فبيت ابوي مثل الملكه اسير هناك بريولي عشان اكون خدامه لامه ؟؟

صج بكوون غبيه اذا سويتها ..

المهم مشكوورييين ع النصايح ويارب تفرج هم المكروبيين يارب

والشكر لكل من رد او زار موضوعي وتعاطف معي

 

[سواليفي غير]

استخيري وربك يكتب الي فيه الخير
استخيري وربك يكتب الي فيه الخير
استخيري وربك يكتب الي فيه الخير

 

[سلة خوخ]

حبيبتي الله يكتب الليي فيه الخير


بس بصراحة مدامه طلقك مرتين قبل وكذا مرة بالجوال فماتستبعدي إنه يعيدها ثالثة

ومدام إنه وضح لك شو مكانتك بالضبط عنده .. ماتستبعدي إنك ترجعي ويرجع لنفس الإحساس مرة ثانية

يمكن يبغاك لأنكم بعاد عن بعض .. لكن حاسني قلبي إنه مايتأمن

حبيبتي إنتي مو بدأتي حياتك من جديد بشغل ووظيفة؟؟ الحمدلله رب العالمين

لاترمي نفسك له مرة ثانية إلا إذا كنتي مستعدة ومتقبلة عدل .. ولازم تحطي لنفسك شروط تضمني فيها مستقبلك في حال إستمريتي معاه أو عملها مرة ثالثة وتركك

ومن أهم الشروط إنك تظلي محتفظة بوظيفتك ويكون دخل الوظيفة لك إنت وهو ماله يتدخل فيه ,, وهذا غير خدمة أمه اللي على قولته ماأخذك إلا عشان تخدمينها .. إنتي شرعا" موبملزومة وإذا يبغا خدامة لأمه خله يستقدم له وحده من ماله لأنك إنت زوجة له وأم لبنته .. وأي شي ثاني بتقدميه من طيب خاطر وبدون فرض من أحد


لا تخافي أو تستحي إنك تحطي شروط تضمني بها حياتك وكرامتك ومستقبلك ..

هذا رأيي ومو شرط تقتنعي فيه حبيبتي بس أنا عرضته لك..

ربي يكتب لك الخير ويوفقك

 

[سكر زيادة*]

استخيري يا البي.. الله يختارلك الاحسن

 

[أم البيان]

استخيري اكثر من مره يمكن انه ندمان بعدين انت اطلبي بيت شرعي خاص فيك
اعطيه اخر فرصه بس استخدمي مانع حمل ولا تتركي وظيفتك وطالبي بكل حقوقك
ولا تدخلوا الاهل بمشاكلكم وغيري اسلوبك معه واكثري من الاستغفار واقرا سورة البقره
والله يهديه ويسخركم لبعض بقولك ملاحظه اذا كان مايصلي لاترجعي

 

[cokey]

حبيبتي الله يكتب الليي فيه الخير


بس بصراحة مدامه طلقك مرتين قبل وكذا مرة بالجوال فماتستبعدي إنه يعيدها ثالثة

ومدام إنه وضح لك شو مكانتك بالضبط عنده .. ماتستبعدي إنك ترجعي ويرجع لنفس الإحساس مرة ثانية

يمكن يبغاك لأنكم بعاد عن بعض .. لكن حاسني قلبي إنه مايتأمن

حبيبتي إنتي مو بدأتي حياتك من جديد بشغل ووظيفة؟؟ الحمدلله رب العالمين

لاترمي نفسك له مرة ثانية إلا إذا كنتي مستعدة ومتقبلة عدل .. ولازم تحطي لنفسك شروط تضمني فيها مستقبلك في حال إستمريتي معاه أو عملها مرة ثالثة وتركك

ومن أهم الشروط إنك تظلي محتفظة بوظيفتك ويكون دخل الوظيفة لك إنت وهو ماله يتدخل فيه ,, وهذا غير خدمة أمه اللي على قولته ماأخذك إلا عشان تخدمينها .. إنتي شرعا" موبملزومة وإذا يبغا خدامة لأمه خله يستقدم له وحده من ماله لأنك إنت زوجة له وأم لبنته .. وأي شي ثاني بتقدميه من طيب خاطر وبدون فرض من أحد


لا تخافي أو تستحي إنك تحطي شروط تضمني بها حياتك وكرامتك ومستقبلك ..

هذا رأيي ومو شرط تقتنعي فيه حبيبتي بس أنا عرضته لك..

ربي يكتب لك الخير ويوفقك

انا سويت شروط وقلت ابا ذهبي الي اخذته امه مني وابا مهم محترم يعني مب الف او الفين شو يبا ياخذني ببلاش لانه كله يقول انا مديون واذا طلبت منه شي قالي انتي ما تفكرين الا فالبيزات ؟؟

يعني شو يباني اسوي ما اطلب منه شي ؟؟

وعن البيت قلتله وقالي ماروم اودر امي بروحها والخدامة ما يقدر ييب لانه ما عنده بيزات مع انه يشتغل فالجيش وديونه كلها من ورا يشتري سيارات جديده !!

والدواام اكييد بيقولي لا لان منو بيهتم فبنتي ؟؟

امه ما تحب اليهال الصغار !!

احس ان خلاص ماشي فايده ارجع له واتبهدل عشان بنتي وانساه نهائيا !!