ساعدوني لأني بعتبركم خواتي

[الشاهي الأخضر]

السلام عليكم ورحمة الله وبركاته

أخواتي بستشركم لأني ماعندي غيركم يساعدني

أنا بسوي شبكت بنتي بإجازة الحج وش الأفكار الي تنصحوني بها من ناحيت الضيافه

والتوزيعات ياريت تكون حاجه معقوله من حيث التكلفه

وكيف يكون ترتيب الحفل ودخلة اهل العريس وش الأشياء الي اطلبها منهم أو اخليهم

على راحتهم يجبوا الي يجبوا لأنهم مهم من الجماعه ما ادري عن عادتهم واسلوب الشبكات عندهم ،

تكفون شوروا عليه تراني بحاجتكم والله يكون بحاجة أخوه مادام بحجة أخوه ..​

 

[مَلآمِحْ حُلمْ]

الله يسهل عليك أمرها و الله ما عندي أفكاار أتمنى البنات يفيدوووك
و عند قسم العروس و ليله الزفااف اطرحي موضوعك هنااك و بتلاقى تفاااعل خاااصه إنهن مملكااات و بالتوفيق ياعزيزتي

 

[الشاهي الأخضر]

الله يجزاك خير يارب ولايحرمك أجر الدعاء .

ياريت المشرفات ينقلون الموضوع لـ العروس و ليله الزفااف

بدل ما افتح موضوع جديد .​

 

[الغرسة]

الله يتمم لكم على خير والف مبروك والله انا ليس مازوجت بنتي بعد ولا عندي فكره بس اقلك كل انسان حسب استطاعته فلا تكلفين العريس مالا يستطيع وكوني عون له لا عليه اهم شئ الرجل الصالح صاحب دين وخلق.

 

[عبقرية منسية]

الف مبرووك .. وينقل الموضوع

 

[الشاهي الأخضر]

الله يبارك فيكم يارب

يارت الأخوات يساعدوني تكفون الله يسعدكم يارب.

 

[الشاهي الأخضر]

وينكم يالنشميات تكفون لاتخلوني مالي غيركم
الله يكتب اجركم يارب.

 

[حلاوه حامضه]

امممممم الله يتمملكم على خير
التوزيعات ممكن توزيعي ماء زمزم حلو الفكره بصراح بس بالنسبه لاهل العريس خليهم يجيبوا اللي يجيبوه بس اهم شي لو عندكم طلبات المفروض تقولولهم بس بدون ماتكلفوا عليهم ودخلة اهل العريس خليها عاديه يعني زغاريد ودق وخلاص الشبكه لازم تكون بسيطه ومافيها كلافه اهم شي الفرحه

 

[سمو الأميرة]

هلا عزيزتي ..
اسمحيلي ما بقدر افيدج لأن احنا ما نسوي شبكة .. و ما أعرف كيف طريقتها ..
لكن بعطيج افكار مفيدة في كل الأحوال
ممكن تحطين ورود على الطاولات بهذي الطريقة لتزيين البيت .. تعطي شكل و احساس حلو للضيوف

و طالما الموضوع فيه عزيمة و ناس .. و هالفترة الجو حلو .. ممكن تسوين بوفيه في حوش البيت .. اذا عندكم مساحة كبيرة ..

و ان شاء الله ردي يرفع الموضوع .. و غيري يعطونج افكار مفيده​

 

[غرور القمر]

هلا أختي أنصحك نصيحه لوجه الله لا تكلفي عليهم بس تأكدي من الدبل و خليها


حفلة عائلية بسيطه و جهزي طاولات للعروسه لو تكون عندك بالبيت و إذا عندك لمسات أنتي شرعيها و إذا حابه أحجزي طاوله بمحل و حطيها عند المعازيم عليها صور بنتك إذا عندها و كاسة عصير فخمه بنفس تشريع الطاولات و شغلي لمبات إضاءة عليها و حطي شوكة و ملعقه كشخه لفيها بمنديل مشجر أبعدي عن الشموع و الأشياء هذه حطي الريش اللي ينباع بالمتر بلون فستانها على الطاولة لولو فازات ورد اشياء بسيطه و إذا جابوا لها طقم مع الخطبة شرعي الطقم بطريقة حلوة و حطيه ع الطاولة ولا تنسي الجاتوه حطيه بس مو بدري لا إذا جاء العريس و حطي عليه شعلة الجاتوه تلقيها عند محلات الزين و خليهم يشغلوها قبل تقطيع الجاتوه اما بالنسبه للتقديم خذي من انستال كم صحن مغلف جاهز حلى حتى شكله حلو روعه جيبي حلاوة صحن أو صحنيين مليان و فخم و حاولي تغلفيه بنفس لون فستان العروس كل شي خليه بنفس لون فستانها لا تكلفي على نفسك كثير أهم شي الفرحه و شغلي مسجل و حطي دقاقات موضي و جيبي المصورة لها بالبيت و شوفي كيف تطلع ليلة حلوة أنا أهلي سووها لي بالبيت و الحمد لله مرررررررره أنبسطوا لأن ما في زحمه و كله اقارب و الكل يتكلم عن طاولاتي و جمالها و وين سوتيها


و ربنا يوفقها يارب و يسعدها مع زوجها دعواتك حبيبتي لي بالسعادة


و تسهيل امور زواجي على خير

 

[إحساس عابر]

مسآء الورد :21:

أهمـ شيء جهزي طآولة القآتوآ والعصيرآت <~ هذا الاشياءات مااتوقع أهل المعرس بيجيوبنها

وخلي الحفله عآئلية أحسن وبالزوآج أعزمي اللي تبين

وبالنسبة لأهل المعرس لاتسأليهم وخليهم يجيبوآ اللي جيبوآ واذا في شي معين بيسووه

بيتصلون عليك وبيقولن لكـ أكيد ,,

ممم في ملكتي أنا حطيت لي صورة وأنا صغيروونه من ضمن الاكسسوريز اللي كانت بالتزيين اذا تناسبك تكبرين صورة بنتكـ وحطيها ,,

واذا تذكرت شي برجع

ولاتنسين تقدمين شآي أخضر <~ :21: برآآآ

وبالتوفيق ياارب

دعوآتكـ​

 

[الشاهي الأخضر]

الله يبارك فيكم ويجزاكم كل خير يارب

على مروركم الي يثلج الصدر

واسأل الله تعالى لكم السعاده في حياتكم يارب..​

 

[كيوت حدي]

مرحبا

قد كتبت رد لاحدى الاخوات عن تجهيز الملكه

افتحي ع الرابط وتلقين ردي وان شاء الله اكون افدتك وماابغا منك الا دعواتك ان الله ييسر اموري ويتمم زواجي على خير
http://www.niswh.com/vb/showthread.php?t=277584
​

 

[الشاهي الأخضر]

جزاك الله خيراً على الرابط استفدت منه
ومن الافكار الي فيه الله يعطيك العافية يارب.​