ساعدوني عصبيتي بتدمر حياتي

[دفى قلبه]

السلام عليكم

انا متزوجة من 3 سنوات

ما عندي اطفال بعد


احس اني بعد الزواج صرت عصبية كثييير

احب زوجي موووت و هو بعد يحبني

بس لا عصبت ما اعرف اللي قدامي هو زوجي و الا اخوي و الا السواق

اعدي حدودي بزيادة و هذا عيب فيني مضايقني مررررة و لساني يطول شويتين:bleh::harhar1:


تعبت زوجي معايا و مع عصبيتي

ما ادري لا كان عندي اطفال ايش بسوي بروحي :busted_red:

بليز ساعدوني صارت مشكلة بسبب لساني مع زوجي على شي تافه وو زوجي زعلان بس يقول انه مسامحني بس احس قلبه شايل و انا مررة ندمانة


ايش اسوي ؟؟؟؟ واسوني و كيف اظبط انفعتالاتي:busted_red:

ما ابي زوجي يطير من ايدي بسببي

يارب هدي سرنا

 

[ثقتي عاليه]

هلا حبيبتي
فعلا تصرفاتج غلط وجي بيحس انج انتي الريال .. حبيبتي لازم تكونين ناعمه ورقيقه .. اعرف وحده من كثر ماهي بشوشه حتى اذا عصبت وكان الموضوع خطير بعدها تضحك ولاجنه صار شي..والله ان زوجها يموت فيها ومايقدر على فراقها ويقولها ماحس اني متزوجج من 10 سنوات احسج الى الان صغيره .. مدري اذا انتي من صغرج هاي طبعج لان اطباع الانسان تولد معاه من صغره وممكن يكتسبها يمكن حصلتلج اشياء تنرفزج مثلا تغارين من اختج الكبيره او اي شي ثاني
بس حبيبتي نفس الوقت اللي تعصبين فيه استغفري.. في البدايه بتحسينها غريبه بس بتتعودين
عودي لسانج على الاستغفار
وموفقه عزيزتي

 

[مامي 1]

حبيبتي دفى قلبة ............... دائما يكون فية سبب وراء العصبية انت تجهلينة ، قد يكون شوقك لاهلك او حبك الزائد لزوجك اوانت حاسة انك تعطيين اكثر وتاخذين أقل ، او موضوع الانجاب ، او جنسيا حاسة انك غير مشبعة ، او انك تكتمين امور بسيطة بس تاكلين في نفسك وتتجمع عليك وتنفجرين عند اي سبب ............... ............... اكيد لازم فية سبب مستتر وقد يكون تافة ، حاولي تختبرين الامور في حياتك لين تعرفين السبب ؟؟؟؟؟؟؟؟؟؟؟؟؟؟ بعدين لازم تمارسين تمارين استرخاء يوميا ، وتمارسين رياضة عشان يفرز جسمك الاندورفين اللي يشعرك بالراحة ، وفية وصفة ممتازة ل د. عبد الباسط للعصبية الزائدة وهي تجيبي ملعقة بردقوش + ملعقة ريحان وتصبي عليها ماء مغلي وتحليها بعسل ولما تبرد تشربيها مثل الشاي مرررررررررررررررة تهدي الاعصاب وتنظم الهرمونات في الجسم ، واكيد قبل هذا كلة قراءة القران والاستغفااااااااااار

 

[دفى قلبه]

حبيبتي دفى قلبة ............... دائما يكون فية سبب وراء العصبية انت تجهلينة ، قد يكون شوقك لاهلك او حبك الزائد لزوجك اوانت حاسة انك تعطيين اكثر وتاخذين أقل ، او موضوع الانجاب ، او جنسيا حاسة انك غير مشبعة ، او انك تكتمين امور بسيطة بس تاكلين في نفسك وتتجمع عليك وتنفجرين عند اي سبب ............... ............... اكيد لازم فية سبب مستتر وقد يكون تافة ، حاولي تختبرين الامور في حياتك لين تعرفين السبب ؟؟؟؟؟؟؟؟؟؟؟؟؟؟ بعدين لازم تمارسين تمارين استرخاء يوميا ، وتمارسين رياضة عشان يفرز جسمك الاندورفين اللي يشعرك بالراحة ، وفية وصفة ممتازة ل د. عبد الباسط للعصبية الزائدة وهي تجيبي ملعقة بردقوش + ملعقة ريحان وتصبي عليها ماء مغلي وتحليها بعسل ولما تبرد تشربيها مثل الشاي مرررررررررررررررة تهدي الاعصاب وتنظم الهرمونات في الجسم ، واكيد قبل هذا كلة قراءة القران والاستغفااااااااااار

شكرا على الرد

انا صراحة ايام الدورة اتنرفز بزيادة و انا حساسة ومرررة من اي كلام


اي كلمة يقولها احسها قصدو سئ مع انه ما يقصد

بس عشان في بيت اهلي

كنت احس انهم ما يحبوني و كنت جامدة في مشاعري يعني مافي عواطف عندنا كثيير باهلي

بس لمن اتزوجت احس اني لاصقة و متعلقة بزوجي بزيادة لهذا السبب

نفسي زوجي يعرف انه مو بس انا العصبية الوحيدة

ما ادري هو يبى ملاك 24 ساعة :icon28:

 

[دفى]

غاليتى دفى قلبه......اسمعى كلام دفى قلبها خخخخخخخخخخ

عزيزتى والله كلامى من تجربه( سبحان اللة من تشابه أسمائنا) شوفى انامثلك بالطبع

بس بصراحه عصبيتى اطلعها على اولادى وشغالتى مااصرخ على زوجى ابدآبس

كل مشاكلنا بسبب هذى العصبيه والصراخ......ولكن بفضل من اللة بدأت اخففها كثير

كيف مثلا دائمآ أذا بدأت اعصب أعدالأرقام فى البدايه وبعدين صرت استغفراللة حتى أهدأ

واحيانآ اترك المكان وأروح غرفتى دقائق افكر بهدوء وبعدين اطلع......

وأهم من هذا كله انى عرفت سبب عصبيتى الزايده وبدأت اعالجها وحده وحده...

وقبل ماأنام احاسب نفسى على كل تصرفاتى......

وحاطه عند راسى ورقه وقلم ادون فيها كل مره عصبت فيها او تصرفت غلط...

وأبدامن اليوم الثانى اتجنب تكرار هذى الأخطاء.....

حبيبتى انتبهى لنفسك وحاسبيها انت قبل ماأحديحاسبك

اللة معاكى اكثرى من الأستغفار.....

 

[so0oso0o]

انتي للاسف بتخربين بيتج بنفسج بعصبيتج هذي واللي مالها مبرر الا ان زوجج يسكت على الاهانه اللي توجهينها له ومن امن العقوبه اساء الادب
انتي لسى بأول حياتج والمشوار قدامج طويل وانا ما اقول يمكن يطلقج او يطردج من البيت لا بس اقل شيء يمكن يسويه انه يعتبرج مو موجوده في حياته وهني راح تموتين من القهر يعني هو ما اساء لج بس مهمشج يعني كأنج مو موجوده في حياته اما يتزج انثى ثانيه تحسسه برجولته او يستمر في الخيانات مع بنااااااااات ياكثرهم في هذي الايام
وفي هذي اللحظه راح تكتبين موضوع في المنتدى زوجي والخيانه وتطلبين الحل
الكلام اللي كتبته له احتمالين في قبولج له
1* اما انج تزعلين وتدعين علي وتقولين هذي تسب وتتهزىء فيني
اااااااااااااااااااااااو
2*هذي تبغى تصحيني من الحلم اللي جالسه احلمهوتوريني سناريو حياتي بعد كم سنه قدام ولو صحيت هالحين السناريو هذا بينلغي ان شاء الله (وهذا اللي اسأل الله انه يصير انج تنتبهين لعصبيتج وتحمدين ربي على ان زوجج انسان رائع وهادي ومتحمممممممل ) واااااااسفه لو زعلتج

 

[so0oso0o]

اتمنى تقري هذا الموضوع

http://www.niswh.com/vb/showthread.php?t=7521

 

[so0oso0o]

http://www.niswh.com/vb/showthread.php?t=75212

 

[حبيبت رشيد1]

الله يكون في عونك ياقلبي اذا عصبتي تعوذي من ابليس

 

[تاج الاحزان]

عزيزتي احيانا البيئه تأثر مثلا لغة التفاهم في البيت بالصراخ دايما والواحد يشيل معاها عاداته وامكن الفراغ الي انت عايشته حبيبتي اكثري من ذكر الله وادعي في صلاتك وان شاء الله كل شي بيتغير

 

[Ms.RoZa]

الله يستر عليه من الإنفجار ..

لآنه الحين جالس يجمع ويجمع ويجمع .. وبيتظاهر انه ناسي لكن الرجال مستحيل ينسى !

ومرده بينفجر .. تماسكي عشان بيتك .. وحطي بين عيونك خراب بيتك من تحت لسانك

 

[دفى قلبه]

شكرا على اللي ردو و الله يوفقكم

انا مرة مو راضية عن نفسي

بس كلامكم وعاني

ربي يهدي سرنا و سر جميع المتزوجين

 

[الزين كويتي]

الاخت العزيزة
انا تأثرت جدا لما قريت مشكلتج بسبب ان انا حياتي احسها تدمرت والسبب عصبيتي
اختي ارجوج من كل قلبي عالجي مشكلة اعصابج باسرع وقت واقري مشكلتي بعنوان " زوجي الخاين يعود بعد اسبوعين "
ترى السبب الأول لخيانة زوجي وابتعاده عني العصبية الزائدة والصراخ المستمر
اختي انا اكتشفت اني عصبية لاني ما أحب نفسي وكنت احتقر نفسي جدا ولا أرى مميزاتي ولا أشعر بثقة بنفسي أو بحب الناس لي
ولما واجهت نفسي وحاولت احل مشكلتي الأساسية ماتصدقين شكثر أنا تغيرت
أختي الغالية انصحج تغوصين داخل نفسج عشان تعرفين شنو سبب العصبية الحقيقي قبل لاتدورين الحل

والله يوفقج ويرد قلب زوجي لي :in_love:

 

[القلب المفتوح]

عزيزتي حاولي تتعرفين على شخصيتك وشخصية زوجك .. والأوقات اللي تكون نفسيتك فيها زفت
ونبهي زوجك لهذي الأوقات مثل وقت الدورة إنا يبعد شوي أو يراعي زيادة نفسيتك
والله يديم المحبة بينكم ويرزقنا وإياكم الذرية الصالحة
اختك القلب المفتوح

 

[بـنـت الـريـاض]

ياحلوة استعيذي من الشيطان وخذي كل الامور ببساطة واذا خاصمك عادي استقبلي الموضوع بهدؤ وابتسمي واستغفري واتعوذي من الشيطان بينك وبين نفسك ولاتردين ابدا مهما استفزك واذا انته من الهواش انسحبي من امامة لمدة نصف ساعة وجهزي عصير ليمون او برثقال وقدمية له وكائن شئ لم يحصل وانتي مبتسمة وقولي حبيبي اكيد انك محتاج العصير وتركية لا شغلة تشغلك عنة وبعد فترة برجع ندمان جربي وتشوفين وانتبهي من نظراتك لازم تكون هادية علشان زوجك لايسير فريسة سهلة لبنات ابليس وحترق قلبك صدق اسالي مجربة تمرني امام المرايه على النظرة الهادية والبسمة الخجولة والمشية الدلوعة وحطي اعصابك في الفريزر واذا زعلتي لاتقولين شئ الين تهدئين وتصلين ركعتين والموضوع يبرد بعدين افتحي الموضوع بدله في اليل وقولي انك تضايقتي من كذا او شعرتي بالم في نفسك بطريق راقية وهو مهما كانت ردة فعلة راح ينتبة المرة الجاية ولا تتوقعين الاعتذار الفوري من الرجل كوني ذكية وفقك الله

 

[الفتاة ألم وأمل]

غاليتى دفى قلبه......اسمعى كلام دفى قلبها خخخخخخخخخخ

عزيزتى والله كلامى من تجربه( سبحان اللة من تشابه أسمائنا) شوفى انامثلك بالطبع

بس بصراحه عصبيتى اطلعها على اولادى وشغالتى مااصرخ على زوجى ابدآبس

كل مشاكلنا بسبب هذى العصبيه والصراخ......ولكن بفضل من اللة بدأت اخففها كثير

كيف مثلا دائمآ أذا بدأت اعصب أعدالأرقام فى البدايه وبعدين صرت استغفراللة حتى أهدأ

واحيانآ اترك المكان وأروح غرفتى دقائق افكر بهدوء وبعدين اطلع......

وأهم من هذا كله انى عرفت سبب عصبيتى الزايده وبدأت اعالجها وحده وحده...

وقبل ماأنام احاسب نفسى على كل تصرفاتى......

وحاطه عند راسى ورقه وقلم ادون فيها كل مره عصبت فيها او تصرفت غلط...

وأبدامن اليوم الثانى اتجنب تكرار هذى الأخطاء.....

حبيبتى انتبهى لنفسك وحاسبيها انت قبل ماأحديحاسبك

الله معاكى اكثرى من الأستغفار.....

انا مع هذا الرد حبيبتي
فعلا الانسان بيده التغير
كنت مثلكم في العصبية الى درجة إني أرتجف وأحس بكتمة وأنفجر وأصيح
لكني جلست بيني وبين نفسي ومثل ماقلتي ورقة وقلم وحاولت أخفف منها الحمدلله والاهم تطبيق ماقاله رسولنا الكريم عليه الصلاة والسلام عند الغضب
إذا كنت واقفة إجلسي وإذا كنت جالسة وقفي ولاتنسين الوضوء بعد
خاطبي ذاتك وعقلك الباطن إنك ماراح تعصبين اليوم أو تحبيبن السلام
وسبحان الله فعلا تحسي فيه
تذكري الدنيا ماتستاهل كل هذي العصبية وخافي على نفسك من الامراض
سكر _ضغط_قالون عصبي ....الخ
الله يهديك ياقلبي

 

[نبع الحنين]

شوفي الاشياء اللي تاثر عليك وتخليك عصبيه اكيد في ضغوط انتي تحسي فيها .