ساعدوني زوجي رفع ضغطي

[ليتني ما كبرت]

السلام عليكم ..

اولا انا ضيفه جديده عندكم..وما جيت الى ابي مشورتكم علي ..انا صغيره سن ومتزوجه ..زوجي له مكانه عاليه ومثقف ...صار لزواجي 6 شهور ..

المشكله ..زوجي يتغير فجاه ..اذ حضروو الناس عندنا يتغير ..حتى انه يجلس يصرخ علي ..طبعا الناس ذولا اهله ...؟
ويحرجني معهم ...وكنت التزم الصمت على شان ما اقلل من كرامتي ...تخبلوو حتى انه اخر مره عصب علي لاني رفعت على درجه المكيف..لان الجو حار..؟؟؟؟هذا سبب يخليه يعصب لا ويقول لي انت مو على كيفك شي با البيت ...قدام اهله.؟
انا لما قالي انقهرت ليش يقولي كذا ليش يقلل من كرامتي قدام اخوانه وخواته ..
طبعا انا كنت معزومه واهله بنزلهم لمكان بطريقنا ..كانو يبون السوق ..
طبعا ذيك الفتره لما صرخ علي وهزئني وقال الكلام كنت افكر اني ارفض اروح وارجع انزل عباتي بس م كثر ما انا طيبه ..قلت لا بعدين مشوار خواته يتعطل ومدري شنو خليني اروح..وصج رحت وركبت السياره ..وطول الطريق ساكته..مقهوره ..بينما هو كان يسولف وعادي..نزلنا خواته ..ووصلني للمشوار ..وانا با الموت ماسكه نفسي ..قاهرني...وصلت للبيت ..ونمت مباشره ..بينما هو راح يسهر مع اهله طبعا انا ما نمت مباشره من جيت انتظرته وهو سهران مع اهله وبعدين نمت ,,وانا مصره ها المره ماراح اكلمه لو مدري و ش يصير انا ما ابي اادبه ما فيه رجال حرمه تادبه بس ابي اخليه يحترمني ...ومره ثانيه ما يقول الالفاظ هذي؟
بس خايفه يصير شي ما كنت حاسبه له حساب ..انا مو قادره اطالع في وجهه لانه احرجني قدم الكل ..طبعا اهله جاين عندي زياره كم يوم وبيروحون والبيت بيتي انا ؟هذا الي رافع ضغطي تعامله معي ..وهو من النوع الي ما ينفع معه اجلس ونتفاهم يجلس طول الموضوع يستخف دمه وينكت عليك ..انصحوني وش اسوي اظل زعلانه وا ايش ...

 

[كلي احزان]

حقريه وعلميه الأدب وانج مب اصغر عياله عشان يصارخ عليج

واذا يبي يثبت رجولته خل يدور له شي ثاني مب يقعد يصرخ عليج بدون سبب

انتي حاولي تتحاشين اي شي يصير وحتى لو كان قاعد او يسولف مع خواته لا تسولفين معاهم ولا تفتحين باب نقاش يكون زوجج معاكم

 

[احلى غرام]

الله يعينك نفس طبع زوجي ماكثر صراخه يحرجني ويقولي قلبي صافي 10 سنين ومالقيت له حل

 

[شموخ أماني]

السلام عليكم و رحمــة اللــه و بركـــاته ..
قبل كل شـــي الله يهو عليج كربتج ,, و يمنحج الصبر ..
حبيبتي ,, الرجــال اصـــناف و تحليلهم او التعامل معاهم يبالــه دراسات ,,, و انشــالله مع الـايام و العشــرة بتعرفين زوجج و بتعرفين تتعاملين مــعاة .. اعتقد انــه من الرجــال سريعي الأنــفعال ,, و بعد هالشي ينســى و ما يعتقد انه اسلوبة محرج او يجرح ,,
عادة المرأة تكون اكـــثر حــساســية و هالشي صعب انه يحس فيه الا اذا انتـــي بينـتيله .

و االلي الاحــظة انه هو يتابع تجريحة اللا مباشر و انتي تظلين تزعلين بدون ما تلمحيين سبب زعلج و هو طبعا بيكون تعود على سكوتج ,,
اول شي برايي انج تقعدين ويـــاه و تتفاهمين بهالموضوع مثال ..
حبيبي اليوم زعلتني علــيك المفروض شوي تقدرني جدام اهلك مب حلوة في حــقي الكلام اللي قلته اليوم اوعدني ما يصير هالشـي مرة ثانية و اذا ضايقتك بشي كلمني بيني و بينك عالأقل بفهم غلطي و بصــلحة

أو

من الواضح انه هو من الرياييل اللي يحبون يفرضون رايهم و اللي بالأحرى يحبون انه تكون لهم حرية التصرف و انه هوو " الكل بالكل " و حاب يحس بهالشعور جدام اهله ,,
فأنتي حسسيه بهالشي بدون ما يستغل الفرص السخيفة عشان يبين هالجـانب ..
حسسيه انه انج تبين راية .. مثلا حبيبي الجو حــأر شو رايك ازيد الدرجــة .؟

و اخر شي في جعبتي ..
في اللحظة نفســها اللي تقول فيـه كلام يزعــل بينيله انه هالشي غلط ترا الريال مثل البيبي تعلمينه و يطبق و انتي بهالطريقة تعلمينه انه الكلام اللي يقوله عادي و اذا كرره ما بيصير شــي
فأذا صرخ عليج و هو حذالج يا أنج تبينيله بنظــرة انه " عيب مو جدامهم " او تنادينه الغرفة و تقوليله شو تبا يقولون الحيــن انك ما تحترم حرمتك و اني ساذجــة و اخر شي ارضي غرورة شوي و قوليلة ادري الشي اللي سويته ضايقك حبيبي بس ياليتك قلته بس مب جدامهم ..

في النهايه حبيبتي انتي مأجووووورة و الصبر مفتاح الفرج و مع التكرار بتصححين وايد جوانب في ريــلج فلا تستسلمين فهالموضوع يبالة استمراريـــه الى ان يتعود علـــى ردة فعلج ,,
و السموححححححححححة

 

[abeer abdulmohs]

مثل جاله زوجك السكوت مهب من صالح زواجكم لان الحاله عنده ممكن تزيد ويبدا يصارخ عليك بالطالعه والنازله. وقفيه عند حده وبكل احترام. اذا صار لكم موقف زي هذا ويبي يصير كثير , قولي له بعد ما تهداين ويهدا هو" الله يا عمري, والله الموضوع مهب محتاج هالنرفزه وشد الاعصاب والتوتر, ترا والله حزت هالحركه بنفسي يعني مهب زينه لا لك ولا لي هالصوت العالي, والله لو قلتها بهدوء كان فهمتك احسن, احرجتني عند الناس" .وصدقيني يبي يتغير اهم شئ لا تسكتين لان الامر ممكن يزيد وهذيك الساعه ما تلقين حل. عوديه على انه يحترمك وانت بعد احترميه.

 

[ونة قلب]

اختي لا تسكتين انا قبل كنت مثلج كان يحرجني جدام اهله وانا دايما اسكت واكتم وامشي الموضوع لكن صدقيني الحين صار غير وصار يعاملني باحترام جدام هله تدرين ليش؟ لأني وقفته عند حده وكل مايصير لي موقف معها ارد واتناقش معاه وافهمه الغلط اللي سواه واحيانا كثيره ازعل وامد بوزي واروح انام واخليه بروحه .. ترى مع الأصرار والثقه بالنفس راح تخلين زوجج يغير طريقته معاج والله يهديه ويهدينا جميعا

 

[روان الريان]

ناقشيه باسلوب محترم وطالعيه بنظرات كلها عتاب وحزم ( مو ضعف) في اللحظة نفسها اللي يحرجك فيها .. والمودة والحب الله سبحانه يسخرها وعليك بالدعاء " ربنا هب لنا ..." الاية

 

[سلة خوخ]

يمكن يتوتر إذا جوا اهله ويبغى يقوم بواجبهم على اكمل وجه

عشان كذا تلاقيه متوتر ويتنرفز بسرعة.. لأن اعصابه تكون مشدودة

أو يمكن يبغا يبان قدامهم إنه شخصية قوية..

إعذريه ,, حاولي تفهمي الوضع .. وطنشي

كل الصراخ والعفسه خلها تدخل من أذن وتطلع من اذن >> بمعنى مو تشيلي عليه ولا تحرقي دمك

جاريه عشان يرتاح..

 

[كويتيه كيووت]

عادى لاتحاتين الخلاف بكل البيوت ومافى رجال مايعصب
بسسسسسسسسس توج انتى 6 شهور يعنى توج مزوجه
امممم بسسسسس سورى بقول شى
انتى شكلج ضعيفه
اكتشفته من كلامج لماتقولين ارووح عشان ماتخربين على خواته الطلعه ؟ ازعلى مالج شغل
وبعدين شنو الحرمه ماتادب الرجال لا تادبه اذا هو ماعرف يحترم نفسه وبعدين على الاقل عوديه على لاحترام
صدقينى الزوج بالذات اذا اهان زوجته الكل راح يتعدى عليها وماراح يحترمها

 

[ياربي انصرني]

بما انك تقولين انه له مكانه في المجتمع هذا هو السبب من وجهة نظري يرى ان يتعامل مع الكل حسب مكانته وقيمته في المجتمع00

والكثير ممن لهم مناصب وقوة شخصيه تجدينهم يتصرفون في بيوتهم وكأنهم في ثكنه عسكريه 00وانا اعرف مديرة مدرسه كادت تنهي اسرتها بسبب اسلوبها مع زوجها وابنائها حتى تداركت الموضوع ونصحها الاستشاري النفسي قبل دخولك بيتك انسي انك مديره وفعلا انقلبت حياتها الاسريه الى سعاده لانها عرفت اين الخطأ فعالجته
وبالنسبه لك تفاهمي مع زوجك بالاسلوب الجميل والهين اللين يمكن فعلا يتصرف معك بجهل دون علم منه وهنا يأتي دورك 00الله يسخره لك يارب

 

[ليتني ما كبرت]

مشكورين على الرد...المشكله اني اخاف اكبر الموضوع فا اضطر اني اروح عند اهلي وابوي ..ما يتفاهم ابد يعصب بسرعه..وما عنده السوالف هذي ...طبعا ما كان كذااا بس من مشكله وحده قبلته خربت له حياته ....وخليته يتعقد ما يوقف معنا لان عمتي الله يهديها خربت علينا صرنا ما نقدر نشكي ...اسفه دخلتكم بسالفه ثانيه ..حبايبي ..بس اليوم العصرر كنت نايمه ..وجاني يراضيني وانا نايمه ويتحرش فيني الين صحاني يوم صحيت لقيت نفسي راضيه بس انا اقول اذ جاء من براا بكلمه على شان افهمه ..لي باك

 

[حصريا في بلقيس]

تم نقل الموضوع لقسم الإستشارات الزوجية

 

[ميعاد عواد]

طنشي هاذى حاجة طبيعية في بعض الرجال ينقلبون راساً على عقب اذا اهلهم كانوا موجودين
مادري وش السبب بس عادي
بس بما انه روق فاتحيه بالموضوع قولى له ليش تحرجني قدام اهلك
واطلبي منه احترامك قدام اهله وصدقيني مع مرور الوقت بيتعدل