يتيمة الفرحة
New member
- إنضم
- 29 مارس 2008
- المشاركات
- 14
بسم الله الرحمن الرحيم
رجاءا ساعدوني لاني تعبت وحياتي صارت جحيم واحس نفسي حتى مب قادرة اربي بنتي زين من كثر المشاكل
انا مشكلتي ويا زوجي اولا احسه في اوقات بارد ومب مكترث حقي وهو من النوع المهمل يعني صح متزوج لكن ما عنده مسؤولية فشي ابدا
احنا ملجنا واستمرت ملجتنا 10 شهور ... وفي هالفترة حبني وايد لدرجة انه كان يتصل كل خمس دقايق وكنا متفقين على اساس انا
نتزوج بعد سنتين الين اخلص الجامعه لكنه ما صبر لانه ابوي ما كان يخلينا نيلس ويا بعض وايد يعني الزيارة تستمر 10 دقايق بس ومره فالاسبوع
المهم كنت اشوف انه رومنسي واااااايد ويحبني وايد يعني يموت فيني
وفعلا قررنا الزواج وتزوجنا بس للاسف ثاني يوم عرسنا حصلت عنده تيلفون فيه صور بنات وكانت مب بس صور وخلاص يعني صور عارية
اضاربنا وقال انه الصور مب له وان ربيعه قال عطني التيلفون عشان ابغي اشوف شي وانه لو له ما كان بيخليها فالتيلفون ويخلي التيلفون فالغرفه
لانه مب غبي .. وهو من النوع الي يحب يطلع وايد ويا ربعه وكنا دايما نظارب على هالسالفة وسالفة الصلاه ... يعني حياتنا كلها كانت ضرابة فضرابه
وحملت بعد شهرين من الزواج وكانت حياتي بنفس الاسلوب وبعد ما ربيت تقريبا بست شهور بالصدفه حصلت عنده تيلفون فالسيارة
وكان فيه صور ونفس الشي صور عارية يعني كان يمارس معاهم الجنس على التيلفون وهالمره تاكدت ان التيلفون ماله لان الرقم كان مالي وشله عني
على اساس انه كانت اتيني عليه ارقام من شباب وايد وقالي انه عطاه حد من ربعه واثاريه هو شالنه ويخوني فيه اكثر من 10 شهور وهو على هالحال
طبعا من الصدمة ما عرفت شو اسوي لكني اتخذت قراري وقلت ابغي الطلاق خلاااص حاول فيني وكان يبغي يراضيني بكل الطرق
لكني ما رضيت والكل عرف بالسالفه وانا تعمدت هالشي لاني دايما كنت اتستر عليه وكان يتمادى وهالمره قلت لازم الكل يعرف
وكلموني اهله وحايلوني اني ارجع فقراري لكني مارضيت ويوم وداني عند اهلي نفس الشي حاولوا فيني وحلف جدامهم انه ما بيكرر هالشي وانه ندمان على الي سواه
بعد فتره من الزن فراسي من قبل الجميع قلت برجعله ورجعت
توقعت منه يعاملني باسلوب خيالي عشان ينسيني السالفه لكنه كان بارد واسلوبه عادي وعناده زاد وصار كل ما اساله عن شي يقولي مالج خص ولا
اتنبشين ولا ادورين فاغراضي
صارت حياتنا ماصخه مافيها اي شي حلوو
ومره كنا في مكان وحصلت عنده بطاقه ثانيه بس ما شفت الي فيها قال انها كانت لابوه لانه فالمستشفى وابوه عطاه اياها
بس انا استغربت انه محولنها على تيلفونه وما قدرت اصدقه لاني خلاص تعقدت
وقلتله مااقدر اصدقه وقلتله رجعني بيت اهلي
ونحن راجعين فالطريق كانت بينا مشادات بالكلام لكنه فعمره ما غلط علي بكلمه او مد ايده علي ... من تزوجنا بالعكس انا الي كنت اعق عليه كلمات
لاني كنت اتذكرله الشي الي سواه فيني ... وانا حسين بانهيار عصبي شديد فالسيارة وطلبت منه الطلاق وقالي بوديج بيت اهلج وهناك قولي هالكلام جدام اهلج
وانا اعرف انه السالفه اذا وصلت لاهلي بتنتهي عادي وبيرجعوني له وجنه شي ما صار عشان جي هو يوديني بيت اهلي
عشان جي رفضت وحاولت ارمي نفسي من السيارة وقلتله اذا ما طلقني برمي نفسي وفهاللحظه مد ايده علي وظربني عشان ما ارمي عمري
ووصلنا بيت اهلي وترجى ابوي عشان ما يكلمني ولا يهزبني
وبعدها تميت شهر فبيت اهلي ومارضى اي يرجعني لانه قال اني انا الي غلطانه وانا الي لازم ارجعله ومب هو
ولا يتصل ولا شي يعني حسيته كارهني ولكنه فنفس الوقت كان ما يبغي يطلقني
انا فكرت وايد وشفت ان الطلاق احسن وكنت مصره بس فنفس الوقت كنت ابغيه اي يقول ابغيها مادري ليش
صارت وايد اشياء بس الي كان يشوفه اكثر شي مني اني ما ابغيه .. والكل كان يكلمه وهو يقول ما برجعها اذا هي تبغيني تقول انها تبغيني لاهلها وتقول ابا ارجعله
وانا رضيت هالشي لعمري لانه هو غلط علي وخاني وحسسني بالاهانه وفوق هذا ما عاملني بالطريقه الي استحقها
وفي نهاية الامر ادخل اخوي فالسالفه وكلمه وقاله يعطيه قرار نهائي اذا يبغيني ولا لا
ورد على اخوي فنفس اليوم انه خلاص بيطلقني ... طبعا انا وصلني الخبر مثل ظربة سكين فقلبي لاني متاكده انه تحت تاثير علاقات
وتسليه وغيرها من هالامور الي ماخذته ولاهيته بالدنيا
مادري حسيت اني ما سويت شي من قبلي وتنازلت فقلت اني ابغي اكلمه لمره اخيره قبل لا يطلقني
وفطلبت منه اي بيتنا ويوم ياني قالي انا انصحج ما ترجعيلي لاني انا من الظيجه الي فيني ابغي اسوي وايد اشياء مب زينه
اول مره كنت اكلمه بهداوه وبعقل واناقشه بامورنا
وهو كان شارط شروط ان لو ابغي ارجعله لازم ما اساله وين طالع ووين رايح واذا تاخر فليل ما ازعل ولا احاسبه
ويوم ناقشته حسيت انه هو نفسه مب مقتنع فهالامور الي قالها
وما عرف شو يقول ولما مسكت ايده حسيت انه انهار ... وكل هذيج القوة صارت ضعف ... مسكت راسه وحاولت اسوي مثل ما قالت الدكتورة ناعمة
مع اني ما اعرف شخصيته لكني جازفت وحطيت راسه على صدري وقام يصيح وانا صحت
عقب حضنته وقلتله الكلام الي كنا نقوله لبعض فبداية حبنا انا مستحيل ششي يفرقنا وانا ماقدر اعيش بدونه
وهو كان يحضني بقوة شديده ... ولكني استغربت من شي ... انه كان يبغي يمارس الجنس عندي ... ماعرفت شو اسوي
اسلمه نفسي او امنعه لاني صراحه فمواقف مثل هذي احس نفسي سخيفه اذا سويت هالشي
فالنهاية ما قدرت وسلمتله نفسي ... وعلى فكره هو شافني بدون علم اخوي
ولما وصل اخوي البيت وشاف سيارته برى عصب وناداه وكلمه بطريقة شديده وقاله انت عطيتني كلمه انك بطلقها كيف اتي البيت واشوفك معاها؟؟
فهاللحظه اخوي اصر انه يطلقني ... لكن زوجي صاح جدامه وقال لااء انا ابغي حرمتي وابغي بنتي وما ابغي اطلق
وانتهت السالفه ... لكن اخوي هدده وايد من انه يسويلي شي مثل الي صار قبل
مشت امورنا زين لفترة قصيرة .. عقب لاحظت انه في رقم في تيلفونه هو كاتب عليه اسم ولد ولكن كان دايما يطرش مسجات ولا يتصل
ويوم يكلمه يروح عني بعيد فشكيت فيه وخذت الرقم واتصلت عليه وحصلته وحده مب واحد
كرهت عمري ونفسي وحياتي وياست من زوجي خلاص ... ولكني تمالكت نفسي وقلت بكلمه بدون علم حد
ويوم سالته عن الرقم واني دقيت عليه وعرفت انه وحده عصب وقالي انا اكرهج لانج سويتي هالحركه وكيف تتجرئين تفتشين تيلفوني
وكسر التيلفون وحلفلي اني خذت الرقم غلط وانه واحد
وكان يبغي يطلع من الغرفه ويوم انهرت انا وطحت اصيح رجع وحضني ويلس يتاسف لانه عصب
واصر على انه واحد مب وحده وانا اوهمت عمري بانه واحد مع اني متاكده من الرقم
وعقب كم يوم فتحت سيارته وحصلت بطاقه تيلفون فالسيارة خاشنها قلت الا اشوفها
ركبتها فالتيلفون وحصلت ارقام بنات فيها ومنهم الرقم الي اتصلت عليه انا وكان يقولي انه واحد
شليت البطاقه وما خبرته
ويوم ما حصل البطاقه اتصل وسالني اذا انا الي شليتها
وعصب وقال خلاص انا ما ابغيج خلاص وابا اطلقج ... وهو معصب قال ان هالبطاقه كانت عنده فالفتره الي كنا متزاعلين فيها وهو ما يستخدمها الحين
لكني انا شفت انه مستخدمها قريب .. واصر انه خلاص ما يبغيني ..
وخبر ابوي بالسالفه وقاله اني افتشه دايما ورمى الغلط علي كله
ولما ابوي قاله تعال ابغي اكلمك يوم وصل البيت وشافني اصيح ما طرى حق ابوي انه يبغي يطلقني ولاشي من هالقبيل
وخلى عمره انه ماصار شي وانه زعلان لاني افتش
لكني زعلت من ابوي لانه قال جدام ريلي حقي مالج خص فيه وهو حلف والاذان ياذن انه ما بيعيد هالشي ودام انه راضي بهالشي خليه لا تسالين فيه
ولا تسالينه منو يكلم ومالج خص فالي يسويه
عقب شلني زوجي فالغرفه وكلمني وقالي خلاص وانا اسف .. طبعا للمره الالف
وبعدها بفتره .. قلت ابغي اصارحه ولما كلمته عن الي سواه قالي انا لجالت لهالشي بسبب المشاكل الي كانت بينا
ويوم سالته ليش استمريت فهالشي عقب ما خلصت المشاكل قال لاني تعودت على هالتسليه ...
وقالي جمله ... : انتي شفتيني انا لو اروح واروح ماقدر الا ارجعلج
ولما قلتله احلفلي انك ما ترجع لهالشي قالي ما بحلف لانه انا ادري لما بتصير بينا مشاكل بحنث بحلفتي وبرجع
وانا الحين حياتي وياه كلها شك بشك ... وما احس اني عايشه حياتي .. ابدا ... ودايما يقولي انا مب امقصر وياج فشي ... وجنه يقولي خليني على راحتي دام اني مب امقصر وياج فشي وجنه المشاعر وعدم الخيانه مب اهم شي بين الزوجين
والله اني حتى من كثر ما بالي منشغل احس اني مب قادره اربي بنتي واخاف بنتي تكبر وتفهم وانتم نظارب جدامها جي طول عمرنا
حتى اني اخذ حبوب منع الحمل لاني مب ضامنه حياتي وياه
سااااااااااااااااعدوني ... ودخيلكم دخيلكم ... وصلوا قصتي للاستاذة ناعمه ابغيها تساعدني واتقولي شو اسوي وكيف اقدر اتعامل مع زوجي الخاين والمستمر فالخيانه
رجااااااااااااااااااااااااءا رجااااااااااااااااااءا ساعديني يا استاذه ناعمه ...
وللعلم انا ما عندي مصروف يكفي اني اشترك فالاستشارة الهاتفية او الدورات لان مصروفي محدود وانا اصرف على بنتي لان زوجي غارق بالديون بسبب تفكيرة الصبياني
(( للعلم انا مب امقصره عليه فشي ودايما احاول اني اكون مرحه وكل صديقاتي يقولولي ان زوجي محظوظ لاني حلوة وااايد ومعايير الجمال كلها فيني ولله الكمال انا ما اقول شي من عندي
لكن هذا كلام اهله والكل لي حتى اني محبوبه مب لجمالي بس لان شخصيتي جذابه وقلبي حنووووووون جدا وعمري ما شليت فقلبي على حد واهله وايد يحبوني
لدرجه انه امه كانت تصيح يوم درت انه يبا يطلقني علاقتي بالناس كلها حلوة ... وحتى فالعلاقات الحميمه احاول اني اوفرله كل الامور الي يحبها وحتى لو ماكنت انا احبها او اتعبني ))
رجااااااااااااااااااااااااءاااا ساعدوني لاني مهما ادعيت القوة احس اني بتحطم فاي لحظة
رجاءا ساعدوني لاني تعبت وحياتي صارت جحيم واحس نفسي حتى مب قادرة اربي بنتي زين من كثر المشاكل
انا مشكلتي ويا زوجي اولا احسه في اوقات بارد ومب مكترث حقي وهو من النوع المهمل يعني صح متزوج لكن ما عنده مسؤولية فشي ابدا
احنا ملجنا واستمرت ملجتنا 10 شهور ... وفي هالفترة حبني وايد لدرجة انه كان يتصل كل خمس دقايق وكنا متفقين على اساس انا
نتزوج بعد سنتين الين اخلص الجامعه لكنه ما صبر لانه ابوي ما كان يخلينا نيلس ويا بعض وايد يعني الزيارة تستمر 10 دقايق بس ومره فالاسبوع
المهم كنت اشوف انه رومنسي واااااايد ويحبني وايد يعني يموت فيني
وفعلا قررنا الزواج وتزوجنا بس للاسف ثاني يوم عرسنا حصلت عنده تيلفون فيه صور بنات وكانت مب بس صور وخلاص يعني صور عارية
اضاربنا وقال انه الصور مب له وان ربيعه قال عطني التيلفون عشان ابغي اشوف شي وانه لو له ما كان بيخليها فالتيلفون ويخلي التيلفون فالغرفه
لانه مب غبي .. وهو من النوع الي يحب يطلع وايد ويا ربعه وكنا دايما نظارب على هالسالفة وسالفة الصلاه ... يعني حياتنا كلها كانت ضرابة فضرابه
وحملت بعد شهرين من الزواج وكانت حياتي بنفس الاسلوب وبعد ما ربيت تقريبا بست شهور بالصدفه حصلت عنده تيلفون فالسيارة
وكان فيه صور ونفس الشي صور عارية يعني كان يمارس معاهم الجنس على التيلفون وهالمره تاكدت ان التيلفون ماله لان الرقم كان مالي وشله عني
على اساس انه كانت اتيني عليه ارقام من شباب وايد وقالي انه عطاه حد من ربعه واثاريه هو شالنه ويخوني فيه اكثر من 10 شهور وهو على هالحال
طبعا من الصدمة ما عرفت شو اسوي لكني اتخذت قراري وقلت ابغي الطلاق خلاااص حاول فيني وكان يبغي يراضيني بكل الطرق
لكني ما رضيت والكل عرف بالسالفه وانا تعمدت هالشي لاني دايما كنت اتستر عليه وكان يتمادى وهالمره قلت لازم الكل يعرف
وكلموني اهله وحايلوني اني ارجع فقراري لكني مارضيت ويوم وداني عند اهلي نفس الشي حاولوا فيني وحلف جدامهم انه ما بيكرر هالشي وانه ندمان على الي سواه
بعد فتره من الزن فراسي من قبل الجميع قلت برجعله ورجعت
توقعت منه يعاملني باسلوب خيالي عشان ينسيني السالفه لكنه كان بارد واسلوبه عادي وعناده زاد وصار كل ما اساله عن شي يقولي مالج خص ولا
اتنبشين ولا ادورين فاغراضي
صارت حياتنا ماصخه مافيها اي شي حلوو
ومره كنا في مكان وحصلت عنده بطاقه ثانيه بس ما شفت الي فيها قال انها كانت لابوه لانه فالمستشفى وابوه عطاه اياها
بس انا استغربت انه محولنها على تيلفونه وما قدرت اصدقه لاني خلاص تعقدت
وقلتله مااقدر اصدقه وقلتله رجعني بيت اهلي
ونحن راجعين فالطريق كانت بينا مشادات بالكلام لكنه فعمره ما غلط علي بكلمه او مد ايده علي ... من تزوجنا بالعكس انا الي كنت اعق عليه كلمات
لاني كنت اتذكرله الشي الي سواه فيني ... وانا حسين بانهيار عصبي شديد فالسيارة وطلبت منه الطلاق وقالي بوديج بيت اهلج وهناك قولي هالكلام جدام اهلج
وانا اعرف انه السالفه اذا وصلت لاهلي بتنتهي عادي وبيرجعوني له وجنه شي ما صار عشان جي هو يوديني بيت اهلي
عشان جي رفضت وحاولت ارمي نفسي من السيارة وقلتله اذا ما طلقني برمي نفسي وفهاللحظه مد ايده علي وظربني عشان ما ارمي عمري
ووصلنا بيت اهلي وترجى ابوي عشان ما يكلمني ولا يهزبني
وبعدها تميت شهر فبيت اهلي ومارضى اي يرجعني لانه قال اني انا الي غلطانه وانا الي لازم ارجعله ومب هو
ولا يتصل ولا شي يعني حسيته كارهني ولكنه فنفس الوقت كان ما يبغي يطلقني
انا فكرت وايد وشفت ان الطلاق احسن وكنت مصره بس فنفس الوقت كنت ابغيه اي يقول ابغيها مادري ليش
صارت وايد اشياء بس الي كان يشوفه اكثر شي مني اني ما ابغيه .. والكل كان يكلمه وهو يقول ما برجعها اذا هي تبغيني تقول انها تبغيني لاهلها وتقول ابا ارجعله
وانا رضيت هالشي لعمري لانه هو غلط علي وخاني وحسسني بالاهانه وفوق هذا ما عاملني بالطريقه الي استحقها
وفي نهاية الامر ادخل اخوي فالسالفه وكلمه وقاله يعطيه قرار نهائي اذا يبغيني ولا لا
ورد على اخوي فنفس اليوم انه خلاص بيطلقني ... طبعا انا وصلني الخبر مثل ظربة سكين فقلبي لاني متاكده انه تحت تاثير علاقات
وتسليه وغيرها من هالامور الي ماخذته ولاهيته بالدنيا
مادري حسيت اني ما سويت شي من قبلي وتنازلت فقلت اني ابغي اكلمه لمره اخيره قبل لا يطلقني
وفطلبت منه اي بيتنا ويوم ياني قالي انا انصحج ما ترجعيلي لاني انا من الظيجه الي فيني ابغي اسوي وايد اشياء مب زينه
اول مره كنت اكلمه بهداوه وبعقل واناقشه بامورنا
وهو كان شارط شروط ان لو ابغي ارجعله لازم ما اساله وين طالع ووين رايح واذا تاخر فليل ما ازعل ولا احاسبه
ويوم ناقشته حسيت انه هو نفسه مب مقتنع فهالامور الي قالها
وما عرف شو يقول ولما مسكت ايده حسيت انه انهار ... وكل هذيج القوة صارت ضعف ... مسكت راسه وحاولت اسوي مثل ما قالت الدكتورة ناعمة
مع اني ما اعرف شخصيته لكني جازفت وحطيت راسه على صدري وقام يصيح وانا صحت
عقب حضنته وقلتله الكلام الي كنا نقوله لبعض فبداية حبنا انا مستحيل ششي يفرقنا وانا ماقدر اعيش بدونه
وهو كان يحضني بقوة شديده ... ولكني استغربت من شي ... انه كان يبغي يمارس الجنس عندي ... ماعرفت شو اسوي
اسلمه نفسي او امنعه لاني صراحه فمواقف مثل هذي احس نفسي سخيفه اذا سويت هالشي
فالنهاية ما قدرت وسلمتله نفسي ... وعلى فكره هو شافني بدون علم اخوي
ولما وصل اخوي البيت وشاف سيارته برى عصب وناداه وكلمه بطريقة شديده وقاله انت عطيتني كلمه انك بطلقها كيف اتي البيت واشوفك معاها؟؟
فهاللحظه اخوي اصر انه يطلقني ... لكن زوجي صاح جدامه وقال لااء انا ابغي حرمتي وابغي بنتي وما ابغي اطلق
وانتهت السالفه ... لكن اخوي هدده وايد من انه يسويلي شي مثل الي صار قبل
مشت امورنا زين لفترة قصيرة .. عقب لاحظت انه في رقم في تيلفونه هو كاتب عليه اسم ولد ولكن كان دايما يطرش مسجات ولا يتصل
ويوم يكلمه يروح عني بعيد فشكيت فيه وخذت الرقم واتصلت عليه وحصلته وحده مب واحد
كرهت عمري ونفسي وحياتي وياست من زوجي خلاص ... ولكني تمالكت نفسي وقلت بكلمه بدون علم حد
ويوم سالته عن الرقم واني دقيت عليه وعرفت انه وحده عصب وقالي انا اكرهج لانج سويتي هالحركه وكيف تتجرئين تفتشين تيلفوني
وكسر التيلفون وحلفلي اني خذت الرقم غلط وانه واحد
وكان يبغي يطلع من الغرفه ويوم انهرت انا وطحت اصيح رجع وحضني ويلس يتاسف لانه عصب
واصر على انه واحد مب وحده وانا اوهمت عمري بانه واحد مع اني متاكده من الرقم
وعقب كم يوم فتحت سيارته وحصلت بطاقه تيلفون فالسيارة خاشنها قلت الا اشوفها
ركبتها فالتيلفون وحصلت ارقام بنات فيها ومنهم الرقم الي اتصلت عليه انا وكان يقولي انه واحد
شليت البطاقه وما خبرته
ويوم ما حصل البطاقه اتصل وسالني اذا انا الي شليتها
وعصب وقال خلاص انا ما ابغيج خلاص وابا اطلقج ... وهو معصب قال ان هالبطاقه كانت عنده فالفتره الي كنا متزاعلين فيها وهو ما يستخدمها الحين
لكني انا شفت انه مستخدمها قريب .. واصر انه خلاص ما يبغيني ..
وخبر ابوي بالسالفه وقاله اني افتشه دايما ورمى الغلط علي كله
ولما ابوي قاله تعال ابغي اكلمك يوم وصل البيت وشافني اصيح ما طرى حق ابوي انه يبغي يطلقني ولاشي من هالقبيل
وخلى عمره انه ماصار شي وانه زعلان لاني افتش
لكني زعلت من ابوي لانه قال جدام ريلي حقي مالج خص فيه وهو حلف والاذان ياذن انه ما بيعيد هالشي ودام انه راضي بهالشي خليه لا تسالين فيه
ولا تسالينه منو يكلم ومالج خص فالي يسويه
عقب شلني زوجي فالغرفه وكلمني وقالي خلاص وانا اسف .. طبعا للمره الالف
وبعدها بفتره .. قلت ابغي اصارحه ولما كلمته عن الي سواه قالي انا لجالت لهالشي بسبب المشاكل الي كانت بينا
ويوم سالته ليش استمريت فهالشي عقب ما خلصت المشاكل قال لاني تعودت على هالتسليه ...
وقالي جمله ... : انتي شفتيني انا لو اروح واروح ماقدر الا ارجعلج
ولما قلتله احلفلي انك ما ترجع لهالشي قالي ما بحلف لانه انا ادري لما بتصير بينا مشاكل بحنث بحلفتي وبرجع
وانا الحين حياتي وياه كلها شك بشك ... وما احس اني عايشه حياتي .. ابدا ... ودايما يقولي انا مب امقصر وياج فشي ... وجنه يقولي خليني على راحتي دام اني مب امقصر وياج فشي وجنه المشاعر وعدم الخيانه مب اهم شي بين الزوجين
والله اني حتى من كثر ما بالي منشغل احس اني مب قادره اربي بنتي واخاف بنتي تكبر وتفهم وانتم نظارب جدامها جي طول عمرنا
حتى اني اخذ حبوب منع الحمل لاني مب ضامنه حياتي وياه
سااااااااااااااااعدوني ... ودخيلكم دخيلكم ... وصلوا قصتي للاستاذة ناعمه ابغيها تساعدني واتقولي شو اسوي وكيف اقدر اتعامل مع زوجي الخاين والمستمر فالخيانه
رجااااااااااااااااااااااااءا رجااااااااااااااااااءا ساعديني يا استاذه ناعمه ...
وللعلم انا ما عندي مصروف يكفي اني اشترك فالاستشارة الهاتفية او الدورات لان مصروفي محدود وانا اصرف على بنتي لان زوجي غارق بالديون بسبب تفكيرة الصبياني
(( للعلم انا مب امقصره عليه فشي ودايما احاول اني اكون مرحه وكل صديقاتي يقولولي ان زوجي محظوظ لاني حلوة وااايد ومعايير الجمال كلها فيني ولله الكمال انا ما اقول شي من عندي
لكن هذا كلام اهله والكل لي حتى اني محبوبه مب لجمالي بس لان شخصيتي جذابه وقلبي حنووووووون جدا وعمري ما شليت فقلبي على حد واهله وايد يحبوني
لدرجه انه امه كانت تصيح يوم درت انه يبا يطلقني علاقتي بالناس كلها حلوة ... وحتى فالعلاقات الحميمه احاول اني اوفرله كل الامور الي يحبها وحتى لو ماكنت انا احبها او اتعبني ))
رجااااااااااااااااااااااااءاااا ساعدوني لاني مهما ادعيت القوة احس اني بتحطم فاي لحظة
