ساعدوني جزاكم الله خير

[ام الوئام]

السلام عليكم

تكفووووووووون يابلقيسيات تساعدوني

من جد مقهووووووووووووووووره من الماسنجر حقي مايفتح يقولي رمز الخطا 80048820وضبطت الساعه ومادخل برضه

حذفت المسن ونزلت جديد برضه مايفتح مع انه فيه اجهزه تشتغل عليها من نفس الاتصال المودم

وفتحت ايميلي من جهاز ثاني وفتح مع انه نفس الاتصال

تكفوووووووووووون جيبولي حل

 

[shorian]

طيب حبيبتى طالما فتح من جهاز آخر يبقى المشكلة عندك فى الجهاز
حاولى تلغى البرنامج تماما من الكنترول بانل
واحضرى نسخة ماسنجر جديدة جيدة ونزليها واعملى لها Set up كاملة وان شاء الله يشتغل معاك

 

[قـطـريـة]

لا لا وش هالحل اخت Shorian هذا الحل كبير مره بالنسبه للي ما عندهم خبره كافيه بالجهاز

او لازم على الاقل تشرحين الطريقه بالتفصيل لهم > عشان لاحد يدعي عليج خيتوو ^^

اختي ام الوئام تأكدي مره ثانيه من التــاريخ والســاعه بالاول اذا مضبوطين او لا

بعدها سوي هالطريقه

بالاول انسخي هالامر الي بالانجلش كــله لا تنسين منه اي جزء

regsvr32 softpub.dll Wintrust.dll Initpki.dll Rsaenh.dll Mssip32.dll Cryptdlg.dll Dssenh.dll Gpkcsp.dll Slbcsp.dll Sccbase.dll MSXML3.dll


بعدها روحي على أبــدأ >> ثم تشغيل

حطي في المستطيل الي يظهر الامر الي نسختيه وبعدها اووكي

و ننتظرين شوي وبتطلع وياج هالرساله

[ نجح DllRegisterServer في MSXML3.dll ]

حطي اوكي وبعدها انطري على الاقل 3 دقايق يمكن تجي وياج نفس اخر رساله بحدود ال 10 مرات

كل الي عليج تحطين اووكي

اصبري خمس دقايق وجربي تفتحينه وعلمينا بالي يصير ..؟؟

 

[shorian]

الاخت قطرية

تفتكرى انا لما أحاول أقدم مساعدة لأى شخص دة يخليه يدعى عليا

يمكن أكون موضحتش لكن

انا قلت ان موضوع الفورمات دة آخر حل وقبلها قلت موضوع تنزيل الويندوز

على العموم أنا قلت ما وفقنى الله اليه من خلال خبرتى فى عملى
وان كان من توفيق فمن الله وان كان تقصير فمنى وسامحونى عليه

شكراااااااااااااااا

 

[قـطـريـة]

اختي Shorian لا تفهميني غلط

جمله عشان لاحد يدعي عليج >> ترا هذي مزحه نستخدمهاا دايماا بس دفشين بالتعبير ^^

الي كنت اقصده اغلب العضوات بالمنتدى خبرتهم بسيطه بالحاسب ومشاكله

والحل الي حطيتيه لو اي وحده سوته من دون خلفيه ومن دون ما يكون عندها نسخه احتياطيه منه

راح يضيع كل شي ويخترب الجهاز

فالقصد اختي لو حطيتي الحل مع الشرح المفصل مع رابط الموضوع الي قلتي عنه يكون اسهل عليهم

واحنا بالاول نلجأ للحلول البسيطه الي يقدر يفهما الكل وبعدها لو ما فادت ندش بالعميق

واذا كان تخصصج انتي حاسب مثل ما فهمت من كلامج فخبرتج اكثر مني ما شاء الله

وان شاء الله نستفيد منج ومن خبرتج في هذا المجال

لان خبرتي انا من النت فقط مب تخصص ودراسه ^^

والسموحه منج ولا تاخذين بخاطرج > كلام اخواات ^^

بالتوفيق للجميع

 

[shorian]

قطرية
أختى الحبيبة ربنا يراضيك ويرضى عنك
مفيش زعل ولا اى حاجة ولا تاخد ببالك احنا زى ما قلتى اخوات فى الأول واللآخر

تسلمى يا قلبى على ذوقك واهتمامك