ساعدوني تكفون

[رقة مشاعرa]

السلام عليكم ورحمه الله

صباحكم ومسائكم راحه بال وسعاده ..

انا عضوه جديده عندكم بصراحه شدني المنتدى وحبيت اشاركم فيه ...

اتمنى تشاركوني لاني وربي حييل متضايقه وكارهه نفسي واحس اني مكسوره

انا عمري 21 ومتزوجه صارلي سنه ماعندي عيال زوجي مطلق من قبل وحده دامت معاه 5 اشهر واهو كارهاا من اول وطلقها

مو هني المشكله واللي مضايقني ..زوجي اناني ويحب نفسه ويزعل على اي شي ويغاار علي بشكل مو طبيعي ويكاابر حيل
انا ازعل مع ان انا زعلي مجرد اني اسكت وحتى بزعلي البي طلباته من اكل ولبس
انا دايم معاه اضحك ونتغشمر مع بعض واذا زعلت انقلب ومايشوف الضحكه ولااسولف معاه ويمكن هالشي انا لاحظت انه ينرفزه ويرفع ضغطه بس انا جذي طبعي كتوومه ومااناقش وايد
المهم كانت بهالسنه تصير بيننا مشاكل بسيطه وتعدي بس هالمره وصلت انه يمد ايدي علي وعلى شي تاافهه جدا لايستحق الذكر ..
واحس انه صار يتحجج علي ويدور غلط او اي زله مني ..مادري شسوي انا صرت اخاف انه حن للاولى والا شنوو ..
انا طرشتله مسج اعاتبه فيه ومارد علي وانا الحين عند اهلي ..

تكفوون قولولي شسسوي انا صغيره ومااعرف بالحياه شي وتصرفاتي طفووليه حيل مابي اخسره بس هم اناعندي عزه نفس
تكفوون ساعدوني انا اخاف اتطلق

 

[واضحه حد الغموض]

السلام عليكم ورحمة الله وبركاته

تحيه طيبه لك غاليتي واسعد الله صباحك

انا كمان مشتركه جديده مريت من هنا وشفت موضوعك

حبيت اشاركك وان شالله تستفيدين

في البدايه حابه الفت انتباهك ان الرجل يختلف بتفكيره
عن المراءه كمان يختلف بطريقه نظرته للامور الرجل ينظر للامور
من العقل والمراء تشوف الامور من ناحيه العاطفه
ابعدى كل البعد عن موضوع انه حن لطليقته لانه طلقها
وما كمل الست شهور كيف يحن لوحده عاش معها كم
شهر حتى مواقف جميله ماصارات بينهم وان صارت
فاعتقد وجودك مسح اثرها لانو واضح عليك انك على
قدر من الاسلوب الي يخلي زوجك يستمر معك
موضوع طليقته انسيه وخليك واثقه من نفسك

بس قربي له وفكري شوفي حياته بعمق يمكن
هو يواجه ضغوط بالعمل مع اهله يمكن انتى
وانتى مو حاسه تضايقينه
انتى عند اهلك ارسلتي له ومارد لانو اعتقد مازال
تحت الضغط الى يعيشه فانصحك مادمتى ماغلطتى
ولا قصرتى تتنحين عنه شوى وتخلينه لين مايهدى وهو
بروحه بيجيك انتبهى تلصقين فيه وتكتمينه

انتى حطى روحك مكانه لو تعرضتي لضغط نفسي
سوااء مشكله عائليه او بالعمل اكيد تفضلين تكونين لحالك وتفكرين
بحل لمشكلتك بدون ماتحكين فيها واي احد يكلمك تعصبين عليه
صح ولا ؟؟
ومجرد ماتنحل تلاقينك
رجعتى طبيعيه الرجل تماما كذا
انتى استهدى بالله وشوفي باقي حياتك
ولا تركزين على زوجك
وتحصرين حياتك عليه اممم روحى سوى لك
شي مفيد مدام جالسه عند اهلك فرصه اعتنى
ببشرتك وبجسمك اصقلي شخصيتك ببعض الهويات
الى تحبينها روقي انبسطى عيشي اللحظه انتيهي
تفوتين يوم بعمرك بتفكير سلبي ويضيق الصدر
شوفي الاشياء الى كنتى مقصره فيها بحياتك وكمليها سواء دينيا
ولا بالعمل لو موظفه
اخيرا حبيت اشارك برايي
ان شالله اكون افدتك
اختك واضحه​

 

[لغيرك لاتخليني]

حبيبتي...عااااادي تصير هالحركااااااات ببدايه الزواج انه يغاااااار ويزعل على اي شي...مع الاياام والعشره بيتغير
انتي غيري من حالك السنوات الخمس وخصوصاا الثلااااثه اصعب شي واذاا تعديتيهااا يدل على قد المسؤليه وتقدرين تعيشين مع الزووج
فحااولي تبعدي عن الاشياااء اللي يخليه يغااار واذا زعل بدون ماغلطتي اتركيه الى ماهوو يرضى..
اماا ع الضرب دام انك رحتي لاهلك ان جااء زووجك خليه يحلف انه مايكررهااا
ونصيحه مني اهلك ابعديهم عن مشااكلك لااان هااذي حياتك الخاصه وبذكائك وبشطارتك تحلين امورك بدون دخول الاهل لاان تأكدي لااتدخلوو الااهل المشكله بتكبر والوضع بيسوء ويصير شي ماتتوقعينه
..............................
اهم الشي الصبر في بدايه السنوات الااولى وانسي طليقته لاان هناا المشكله كثر ماتفكري هاتفكير تأكدي بتخربين بيتك بيدك اللحين هو زووجك بكل سهوله اتخلينه يعشقكي لحد الجنووون<<طبعااا كثره المشااكل مو من صالحك تبعد الرجال عنك فخلي بيتك الراحه له لاااتسبيبن مشاكل ويااااااااه

 

[رقة مشاعرa]

مشكورين حبيباتي بصراحه كلامكم أثلج صدري وطفا النار اللي فيها
جزاكم الله خير ويارب الله يسعدكم بحياتكم

 

[دموعي شي معتاده]

انا بداية زواجــــي كان يضربني واهلي يرجعوني
ووالله وصلت فيه انه يضربني قدام امي وانا كنت بالنفاس
ومع كيذا اهلي غصبوني عليه عشان عندي طفل

انتي يمكن اهلك كويسين معك
بس انا مايحبوني ازعل عشان ماارجع له لو يموتني

بس اللحين الحمدلله الله هداه وتاب

 

[دموعي شي معتاده]

بس انا مايحبوني ازعل عشان ماارجع لهم لو يموتني

بس اللحين الحمدلله الله هداه وتاب

__________________

​

 

[nona--]

اهلا بكي غاليتي سأرد على موضوعك لاحقا ان شاء الله ​

 

[nona--]

اهلا بكي اختي واعتذر عن تأأخري عليك بالرد
في بدايه الحياه الزوجيه
طبيعي ان تجدي الكثير من الاختلافات بينك انتي وزوجك
فانظري الى البيت الواحد الاخوه يختلفون في الرأي وفي طريقه الحديث وفي المفاهيم وهم اخوه
تربوا تحت سقف واحد وبايدي نفس الابوين


طبيعي حبيبتي ماتمري به
ولكن عليك بمسايسه الامر معه
حاولي ان تبدي اعجابك لكل مايقوم به
فكل الرجال يحبون ذلك وليس بزوجك فقط
لا اعتقد انه يحن لزوجته الاولى
ولكن لابد وان تجربته الفائته اثرت عليه وجعلته ينظر نظره سوداويه تجاه كل النساء
دورك انتي ان تجلي تلك الغمامه عن عينيه
وان تثبتي له ان ليس بكل النساء سيئات المعشر
اضفي روح المرح في بيتك
واذا اتى الليل
اشعلي الشموع واجعلي بيتك وطنا من الراحه والروائح الطبيعيه التي تشده للبقاء معك




اكرر لكي
اظهري مدى اعجابك به
وبكل مايفعل ولو كان صغيرا
فالرجل يبقى كالطفل يحب ان تدلليه دائما وان يحظى بنظرات اعجاب من حوله واهمهم زوجته



واتمنى ان اكون افدتك
ولكي حبي​

 

[nona--]

ابقي في بيت اهلك حتى يأتي هو ولاتشاجريه ابدا
وان لم تخبري اهلك فجميل منك ذلك
لاتتصلي ولاترسلي انتظري لعل الله يرسل اقدار اجمل ​

 

[نضوج أنثى]

حبيبتي الخلافات شي طبيعي ومفروغ منه في بداية الزواج ومالك إلا تتحملي وتحاولي تفهمي زوجك وتتقربي منه مع الوقت لكن الشي اللي صار معك اخر مره ماينسكت عنه وزين إنك عند اهلك لاتسكتين على الموضوع شفتي الضرب هذا من اول مره لو اخذتي موقف جدي وصارم مايعيده الزوج ويعمل لك الف حساب لكن لو قلتي اول مره وبمشيها بيتكرر الموقف لازم تقولين لأحد قريب منك وحكيم من اهلك بحيث يكون الموضوع سري بينكم لازم رجال يتفاهم معاه سواء اخوانك ولا ابوك بس مايتعداكم الثلاث قولي له المره الجايه فيها رجال وفضايح ويمكن مافيها رجعه خليه يخاف ويحرم يمد يده عليك

 

[رقة مشاعرa]

جزاكم الله خير على ردودكم