ساعدوني بالله كيف اسوي معاها ؟

[monmonmon]

السم عليكم بلقيسيات من تغير استيل الموقع ماني عارفة

الموضوع ضايقه حيييييل

وحدة تعرفت عليها بمنتدى وسوت معاي صداقة من عرفت مشاكلي وعرفت انني مطلقة
وبعدها طلبت مني اسمي ومعلوماتي لانه اخو صديقتها يبغى زوجة وكل يوم تتصل وترسل
وبعد ماعرفت عائلتنا انقطعت عني وماعاد ترد إذا اتصلت

خائفة مرة تستغل معلوماتي ولا هي لها غرض ثاني
بالله ساعدوني
ابلغ الهيئة عليها لكن ماعندي معلومات عنها غير الي قالت لي ممكن تكون كذبت فيهم .​

 

[منارة وفاء]

عذرآمنك أعتقد انك غلطتي حييييييييييييييل لما تعرفتي عليها في منتدى هذا اولآ ...ثاني شي غلطتي لما ااعطيتيها معلومات عنك عزيزتي ماتدرين اذا هي وحده فعلآوالاواحد لاتقولين كلمتك ومتأكده انها بنت فيه الحين تكنولوجيا تغير الاصوات ..بعدين ماعندك اي معلومات عنها ولاتعرفينها ياما ناس ابتز بهذا الطريقه انا اقول تروحين لأحد تثقين فيه وتعلمينه بالسالفه علشان اذا صار من ناحيتها اي ابتزاز لك يكون فيه احد واقف معك

 

[لين0]

مدام انقطعت ليش خايفه .. استودعي نفسك الله وعيشي حياتك .. يمديها ملت وطفشت وانتي حارقه عمرك عالفاضي .. وخليه درس ليكي ماتدي لاحد معلوماتك الشخصيه عالنت كائنا من كان .. الله يوفقك ..

 

[رازيا]

الله يهديك ويصلح حالك
استمري على الدعاء كل ليلة في القيام
وادعي وانت ساجدة اللهم اكفيينها بما شئت
ومرة ثانية تعلمي ما تعطي معلومات صحيحة عنك وخصوصا رقم تلفونك ومو اي وحدة توثقي فيها

 

[سالي.]

طيب الله يهديك وشلون تاثقين فيهادرس لك وادعي ربك يكفيك شرها وزي ماقالت الاخت لين خلاص راحت الله يفرج همك

 

[آزال..]

أكثر العلاقات النتيه لا تستمر .. كون البعض يهتم بإنشاء قاعدة عريضة من العلاقات للتعارف فقط ...بغض النظر عن تكوين صداقة صادقة بمعناها السامي ..وربما كان الغرض الأطلاع على حياة اشخاص آخرين للفضول فقط ..أو الأستغلال

ربما كنت علاقة عابره لها..وللفضول ولمعرفة المزيد عن حياتك لجأت لتأليف قصة اخو صديقتها .. لاداعي للخوف لكن الأفضل ان تعلمي أحد افرد العائله كالوالدة مثلا أو شخص متفهم ..

وعلى العموم يجب أن تتسم علاقتنا بالأخر بالتحفظ سواء في النت او في أرض الواقع فالحياة مليئة بالزيف والخداع..

 

[monmonmon]

ادعوا لي أن ربي يكفيني شرها ، يارب يرد كيدها وماتريد من شر عني حسبنا الله ونعم الوكيل .

 

[رندا كووول]

وحده تعرفتي عليها وانقطعت عااادي ليش خايفه.
وكيف تستغل معلوماتك ..وتبلغي الهيئه وهي ماسوت لك شيئ الا انها ماترد ع اتصالاتك.
تطمني ولا تشغلي بالك وخوفك ماله داعي ..وهذا درس ان شاءالله تكوني استوعبتي..
الله يحميك ويحرسك من كل شر.

 

[أحلى غرور]

الله يعينك اختي

لا تعيديها مره ثانيه واللي يبغى زواج ما يدور من المنتديات

 

[رازيا]

للر فع

 

[غرام انسانه]

خلاص طنشي واستودعي نفسك الله كل يوم
وخلي هذا درس لك
وبعدين مو يمكن يكون واحد..؟؟ليه تثقين كذا
عموما ان شالله انه درس لك...

 

[غدا نلقى الآحبة]

عزيزتي لاتخافي انتي بتقولي ماعطيتيها غير معلوماتك الشخصية ( يعني اسمك اسم عائلتك مطلقة ,, وهكذا),, وهذه اكثر الناس ممكن تعرفها عن طريق جيران صديقات اقارب وغيرهم ,, عادي ..

حتى لو كانت مو كويسة او انها ستستغل ارقامك واسمك وتعطيها لشاب ثم ضايقك هذا الشاب فوقتها بامكانك تتصلي على الهيئة وتنتهي المشكلة او تخبري احد من اهلك متفهم بالحقيقة وخلاص ..

الان عيشي حياتك فما قدره الله سيكون ولن يضرك احد الا بشيء قد كتبه الله عليك فاستعيني بالله وتقربي اليه وادعيه واطلبي منه وحده فهو وحده بسبحانه بيده الرزق والزواج واكثري من الاستغفاار ..

ولاتصحبي الا من وثقتي بأمنتها ودينها حتى ترتاحي من مثل هذه المواقف ..

وفقك الله لكل خير وفرج همك ورزقك الزوج الصالح ..


وللفائدة :

عَن أَبِي مُوسَى رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا خَافَ مِنْ رَجُلٍ أَوْ مِنْ قَوْمٍ؛ قَالَ:
.

((اللَّهُمَّ! إِنَّا نَجْعَلُكَ فِي نُحُورِهِمْ، وَنَعُوذُ بِكَ مِنْ شُرُورِهِمْ)).
.

رواه الإمام أحمد وغيره، وصححه الوالد رحمه الله ، "صحيح الجامع" (4706)
.
قال العلامة العثيمين رحمه الله في شرحه لـ"رياض الصالحين" (كتاب آداب السفر/ باب آداب السير) :
.
"ثم ذكر المؤلف حديثًا فيما يُسنّ للإنسان إذا خاف ناسًا أو غيرهم؛ ماذا يقول؟، مثلاً: قابلك أناسٌ تخشى منهم، قابلك شخصٌ تخشى مِن شرِّه فقُلْ:
.

(اللهم! إنّا نجعلُكَ في نحورهم ونعوذ بك مِن شرورهم)، إذا قلتَ ذلك بصدق وإخلاص ولجوءٍ إلى الله؛ كفاك الله شرَّهم.

.
( اللهم! إنّا نجعلك في نحورهم ) أي أمامهم تَدفعهم عنّا وتمنعنا منهم ( ونعوذ بك مِن شرورهم ) ففي هذه الحال؛ يكفيك الله شرَّهم.

http://tamammennah.blogspot.com/2009/01/blog-post.html

 

[لين0]

طمنينا عليكي ..

 

[حجازيه ذوق]

يوم انتي حريصه ليه من الاساس اعطيتيها معلوماتك صدقيني العالم هذا فيه عجائب ماتخطر على بال واشياء ماتتصدق كيف تثقي بشي مجهول يحاور ك من خلف خطوط وهميه وعالم افتراضي سمعت فيه قصه انو اخو متفق مع اخواته انهم يتعرفو على بنات ويتكلمو معهم ويورطوهم باشياء مثل صور معلومات وغيرها بعدين يصير ابتزاز للبنت دي تدفع مبلغ لهم او ترسلهم شحن او يفضحوها وبعضهم تواعد البنت ويطلع اللي منتظرها شاب والبنات واخوهم عادي يرضى على اخواته يكلمو الشباب بالنت ويخلي اخواته يستغلو الشباب وياخذو منهم بطائق شحن وشات وبالتوك وبلاوي مادري هم لهم اهالي او لا اتوقع من العالم اللي يستمهنون التسول والسرقه لكن خلوها بطريقه احترافيه عبر التكنولوجيا الالكترونيه وبعضهم ياخذ معلومات منك مثل السحره
انا هنا مابي اخوفك لكن بنبه لك ولغيرك ان هذا العالم الوهمي الثقه فيه بحدود
الحين مابيدك شي تسويه يمكن لها اسبابها انتي ادعي ربنا يحميك والباقي خليه على الله وازمه ان شاء الله تعدي على خير لكن لتكون درس لك بالمستقبل والزواج بالطريقه دي عمره ماكان ناجح

 

[صعبة المراس]

ليش ما تأخذين الأمر بحسن ظن يمكن مشغولة ، وألا منحرجة منك أخو صديقتها رفض .. كل شيء. وارد .. خوفك يدل أنها عرفت أسرارك .. وهذا الخوف لازم يكون من كل شخص عرف أسرارنا. ..
ربي يستر عليك لا تخافين توكلي على الله.

 

[فرفوره9]

وربي انا وحده كذا حالي نفسي اكوون صداقات من برى جماعتنا ودائما نيتي زينه ما دامت حرمه مثلي ليش يعني لو وحده بالمنتدى هذا واقرى لها وغيررره لشهور وربي ازورها البيت مو حتى اصادقها