ساعدوني بالرأي السديد الله يجزاكم خير..؟؟

[التحفةالممنوعه]

السلام عليكم ورحمة الله وبركاته
(صلو على النبي محمد)
بسرد لكم قصيتي وانشاء الله ألقى منكم الرد الحكيم والسديد لأني والله في حيرة من أمري وتعب شديد من كثر ماأفكر..
أنا امرأة متزوجه لي تقربيا ثلاث سنوات وزواجي ماكان تقليدي نروح نخطب واذا عجبتك على بركة اللِه ...لا... كان بقصة حب (طبعا زوجي يصير ولد عمي)
تزوجت بعد صبر 8سنوات .. وبعد ماتزوجت حسيت انه يرفض كل شي احبها وبيتي كحال أي بيت من البيوت تصير فيه مشاكل..
وزوجي من النوع اللي يشيل في خاطره مع اني والله اذا كان الخطأ مني اني أعتذر واستسمحه وهو اذا أخطأ يعتذر وانسى خطأه لكن هو ماينسى وشايل على مواقف وانا في شهر العسل مع أني اعتذرت عنها ومواقف عادية لكن مع ذلك مانسي حتى لما كانت تصير مشاكل بيني وبينه بعد شهر العسل
وكأني امام ناقد كان يفرض علي أشياء ماكنت مقتنعه برفضه لها واحيانا وكردة فعل مني اعاند وارجع اطلبها مرة ثانيه واذا عصبت ماقدر اتحكم في ردة فعلى وازعل وأرضى بكلمة وانسى ولاكأن شي صار .. أنا اعترف انه عيب فيني... لكن والله اني أحاول اني أمسك نفسي وتحسنت كثير عن أول من حبي له وعشان اني أعرف اذا ابغى السعادة لازم اسعده الحمدلله هو انسان مايدخن وماكان يتلفظ علي ولاكان يمد ايده وكان شايلني شايل وانا حامل ويساعد اذا شافيني تعبانه بس انه كان دايم يقول ليش ماسويتي كذا.. وليش ماسويتي كذا..وليش ماحطيتي هذا ..وليش مارفعتي هذا.. وينقد على اهلي .. ويعايرني أحيانا بخالتي وبنات خالي وبنات عمي.. أذا صار بيينا مشكلة.. أحيانا أزعل وانفجر وقول خلاص ماقدر اتحمل لدرجة اني أقول له خلاص انا ماعاد ابغى اعيش معك..بس بعدين لما ارضى اكون زي العسل وادعي ان ربي مايحرمني منه
ولماافكر في عيوبه أقول في نفسي يالله بتهوون وبيتغير انشاءالله وعندي أهون من اني أبتعد عنه وأعيش بدونه...
وقبل 4شهور تزوج عليّ مدرسة كانت متزوجة وعيّب فيني عند خواته اللي هم بنات عمي اللي توقعت انهم يذبحونه لو فكر بس انه يتزوج عليّ من حبهم فيني ومن طيبتي معاهم وعيّب فيني وعند أعمامي وانتشر الكلام بين الناس(لدرجة والله ياأخوات اني سرت اشوف بعيون الناس كلمة ((تستاهل))تقدم لها اللي احسن من ولد عمها لكن ماوفقت وضيعت 8سنوات من عمرها وهي تنتظر وهذا رد الجميل لها ... وهذا الشي متعب نفسيتي حيل
طبعا الوالد ماكان راضي عن هذي الزيجة مع انه يحب زوجي وشال أهلي لما مرض الوالد
((بس ياخسارة عايرني فيها بعدين)بس الله يجزاه خير والله ماقصرمعنا
والوالد كان أعتراضه على الزواج من الأقارب..
أنا زعلت وانصدمت من حاجتين ويمكن الثانية عندي أقوى من الأولى
الأولى زواجه مع انه شرع ربي وهو ذو مقدرة جسدية (ماشاءالله) لكن انا في النهاية ماني ملاك وأوافق على زواجه
والثانية كلامه فيني.. واللي أنتشر بين الناس...ليه... ماهو زوجي وولد عمي والمفروض انه يكون ستري وغطاي ... ليه يعيّب فيني؟؟؟؟
انا الحمد لله انسانة متدينه وانسانه طيبة جدا وعلى قدر كبيرجدا من الجمال ومكنت مقصرة لا في لبسي ولا في نفسي ولا في بيتي ولا على بنوتي وحنونه ورومنسيه ..
نا حاليا عند أهلي وطالبه الطلاق ...بس عندي بنوته عمرها سنتين ونص.. كاسرة ظهري
أنا طلبته لأن ماعاد بحس بالأمان معه ولا الستر ..ولأن خوفي منه صار اكبر من حبي له
والوحده منا اذا تزوجت تدور على الستر وزوجي ماستر علي....
هل انا غلطانة في طلبي الطلاق؟؟
ساعدوني بالرأي السديد الله يجزاكم خير..؟؟

 

[فردوس هوساوي]

والله حبيبتي من كلامك وااااضح ان قلبك متعلق فيه



الزواج اذا كان فيه ضرر على الوحدة >>> كلامه عليك قدام الناس >>> يجوز لك تطلبين الطلاق


لان الزواج مودة ورحمة ومن المودة والرحمة انه يحترمك كانسانه ويقدرك لاكن هالشي ماتوفر فيه ..



حاولي تقرين على نفسك يمكن عين او حسد او يكون هو مسحور فصاير يتصر معاك كذا



اكثري ذكر الله والاستغفار والصدقة واستخيري واكيد راح تشوفي نتيجة استخارتك لربك باللي فيه خير لك لانه مايعلم بالخير الا الله فاستخيري ..

 

[أم حميدة]

أختي الغالية :
ليس من حقك أبدا أبدا طلب الطلاق
السبب لأنه ليس الذي ذكرتيه مبرر لطلبك الطلاق
واحمدي ربك أن زوجك ما يضربك
وتذكري دائما حسناته وأما سيئاته لا تتذكريه

وهذا من الشيطان يذكرك بمساوءه ليفسد عليكم حياتكم
وما في إنسان كامل فإاذ ا ما رضيت بهذا يأتيك الذي هو شر وقد يضربك لأن النعمة إذا لم تحسي فيها وتشكريه تماما الشكر ، زالت


وأما الحل معاه :
عندما يعيب عليك ، طنشيه ، وسوي نفسك ما سمعتيه ، لكن لو سويتي نفسك زعلتي أو تفاعلت معه فيأخذها نقطة ليعيب عليك دائما
وأما أمام الناس ، فقولي ( اللهم اكفنيه بما شئت ) مع نفسك

وأقول لك شيء ، أن لا يتسلط أحد عليك إلا بذنب ، فكلما سمعت كلام ما تحبينه ، اعرفي أن هذا بسبب ذنبك ، فراجعي نفسك : كبر ، حسد ، حقد ، عجب بالنفس ، رياء ،،،،،،،، الخ وتوبي
( ما أصابك من حسنة فمن الله وما أصابك من سيئة فمن نفسك )
وتذكري قول الله ( وجعلنا بعضكم لبعض فتنة أتصبرون ) سورة الفرقان
فتنة اي اختبار ، فالزوج اختبار لزوجته ، والناس الذين حواليك اختبار لك ، وكل ما تملكينه اختبار لك
كل يوم وكل لحظة تختبرين ،، أتصبرون ؟؟؟؟؟؟؟؟؟؟؟؟؟
الصبر حبس النفس عن التشكي والضجر واللسان عن التسخط وحبس الجوارح عن فعل أفعال التسخط
فإن صبرت وعلمت أن هذا ربي كتبه لك قبل خلق السموات والأرض ، وأن هذا الشر بسبب ذنبك وجعت إلى الله وتبت ، زاد إيمانك وكفر الله عنك وإن لم تصبري وضجرت ،نقص إيمانك ويعاد عليك الاختبار

 

[S.smsm]

شوفي انا بقصتك ماراح اقولك اطلبي الطلاق

لكن لمن قلتي انه تكلم عليك عند الناس,فبصراحه هنا ممكن اطلبه وبقوووه
مع اني مااعرف وشو الكلام
بس مافي واحد يحب زوجته يتكلم عنها عند الناس,واحسه حتى الاحترام مافي بعد كلامه عند الناس عنك

لاتذليين نفسك ,واذا ماتبيين الطلاق حاولي تخليينه يصلح غلطته ويعتذر قدام الكل لك ,ويكذب الكلام الي قاله فيك او يسوي شيء يرجع لك اعتبارك..

واستخيري الله اولا واخيرا والله ييسر امرك ويفرج همك.

 

[تلميذة ناعمة]

يا اختي انت خلك عند اهلك
وهو اذا جاك واسترضاك روحي معه
واذا طولت المدة ماسال عنك شوفي حياتك

 

[التحفةالممنوعه]

اشكركم ياأخواتي على قرائتكم موضوعي وردكم عليه والله يابنات اني في حيرة من امري
والخوف مسيطر علي بشكل كبيير ... أخاف اني ارجع له واندم ..؟؟
واخاف اني ابتعد عنه وعن بنتي وماأنساه وأحن لابنتي واندم...؟؟
اناالحمدلله ماجحدته وماذكرت إلا العيوب اللي فيه لأني اعرف ان اللي تجحد ربي بيرد جحودها
واناأستخرت وربي يكتب اللي فيه الخير
تسلمووووون على الردود...

 

[مدنفة أوصالي]

الله يجعل لك من بعد هالهم والضيقة انفراجة من حيث لا تحتسبين

وأشكر الغالية أم حميدة ما قصرت في شورها ...

وخلي الطلاق آآآخر الخيارات

الله يكملكم بعقولكم ويصلحكم لانفسكم ثم لازواجكم واهليكم

 

[القلب المهجور]

الله يكتب لك الخير وين ماكان ثم يرضيك بك
البنات ماقصروا ونصحوك
بس أحب أضيف نقطه
وهي أن زوجك ماتكلم فيك قدام الناس إلا ليعطي لنفسه وللناس المبررات لزواجه عليك
الله يهديه ويحنن قلبه عليك ويسخره لك

 

[التحفةالممنوعه]

آآآآآآآآآآآآآآمين يارب العالمين
شكرا حبيبتي مدنفة على المرور والرد​

 

[التحفةالممنوعه]

مشكورة يالقلب المهجور على الرد
وانا اقول في نفسي مثل قولك
لان بصراحه الناس عتبوا عليه وعزاي الواحيد ان الناس اللي عتبوا عليه يعرفون منهي التحفة الممنوعه
تحياتي على المرور حبيبتي...