ساعدوني انا محتارة وماادري وش اسوي؟؟؟

[read rose]

السلام عليكم ورحمة الله وبركاته
احب احيي جميع اخواتي وابغامنكم مساعدتي في قصتي اللي بقولها لكم وارجو التفاعل معي ولا تطنشوني بلييز ..
انا فتاة عمري 21 سنه تقدم لخطبتي شاب متدين ويصلي ويخاف الله وهذا كان اهم شي عندي المهم تزوجنا بعد فترة الملكة القصيرة اللي كانت 14 يوم فقط وسافرنا وكنت سعيدة جدا و بعد تقريبا شهرين من زواجنا اعترف زوجي وقالي انا ما احس بأي شعور تجاهك انا كنت دائما اسأله انت تحبني ويسكت وما يجاوبني انا كنت اقول ممكن فيه نوع من الرجال مايعبرون بالكلام يعبرون بلافعال بس بعد ماقالي هذا الكلام تسكرت الدنيا بوجهي انا احبه وابيه بس هو مايحبني وماادري وش اسوي وانا ما ابغى الطلاق وانا مالي الا 7 شهور متزوجه وماقلت لاحد حتى امي ماقلت لها انا ماابغى اضيق صدر احد بمشاكلي ودايم اتذكر كلامه واقعد اصيح ولا اكل شي ولدرجة اني نزل وزني والكل لاحظ اني تغيرت كثير المهم زوجي من النوع اللي ما يتكلم الصامت ولايسولف وانا اللي دايم اسولف وافتح مواضيع علشان يسولف معي بس مافيه فايدة يجاوب ويسكت كانه في جلسة تحقيق وحتى اهلي لاحظو ضيقة صدري ويسألوني وش فيك بس مااقولهم شي واسوي نفسي مبسوطه ومشكلة زوجي بعد انه بيتوتي مرررة ومايحب الطلعات ولا التمشي واذا بغيت شي من السوق رحت لاهلي وودوني للسوق بس هو مايقصر ماديا ..

هذي كل قصتي وارجو منكم يااخوات انكم تتفاعلون معي لاني ادعي على نفسي بالموت في كل ركعة في صلاتي لاني ماابغى الطلاق يضيق صدور اهلي بعد مافرحوا في زواجي ومحتارة مرررة ومدري وش اسوي ؟؟
الله سخرلكم ازواجكم اللي بيردون علي

 

[ام رموسة]

البنات يفيدونك انشاء اللة

 

[المتمكنه]

يااختي مشكلتك بسيييييييييطه

قلتي زوجك ملتزم00 يعني مااتعود على كلام الحب والبناااااااااات

ويقول مااحس بشي 00 لانهااااا مشاعر جديده وتجربه جديده بالنسبه له

بدل الدمووووع والتباكي 00

امسحي دموووعك وكوني امراه قووويه ناضجه واثقه من نفسهااااا

هدفهاااا ان تكسب زوجهااااا

وبما انه بيتوتي فالطريق سهل جدااااا

ولكن يجب ان تعرفي نمط زوجك ثم فهمه والتعامل معه حسب نمطه

وايضاااا اطلعي على كل مايكتب لجذب الزوج

من جلسااااات ممتعه ولا اقصد الرومانسيه

ولكن جلسه العصر الحلو والقهوه والبخور والتسليه

اجعلي بيتك جنه تجذبه وتريحه

ولاتستعجلي النتيجه دعيه يتعود ثم يدمن ثم يحب فيعشق وجودك في حياته

ولكن عليك بالصبر وايضا الدعااااااااء بالالفه بين قلبيكم والاستغفاررررررر

وان شااااااء الله ستجدين ماايسرك

 

[نيازك]

ياحبيبتي البيوت لاتبني على الحب من أول الزواج ولكن مع الزمن والتعايش وانتي وشطارتك في الحياة اليوميه مثل الطبخ وغيره وحتى طباعك وهذه فرصتك لانه بيتوتي{عليكي بلصبر والتحمل وكثرة الاستغفار}اتمني اني قدمت المفيد​

 

[اعاني]

عليك بالصبر والاستغفار والاهتمام بكل مايجذب انتباهه

والله معك ​

 

[عذاب السنين]

أولا وقبل كل شي لو كان مايحبك كان سرحك من زمااااااااااااااان :cupidarrow:

ثانيا أنتى مافهمتى قصده :schmoll:

ممكن يكون قصده أنو مابعد يتعلق فيك مره وطبعا" أنتى بشطارتك تقدرين تجذبينه لك :blushing:

ولا يمديك تفكرين بالسوء وتقولين ممكن وحده ثانيه في حياته

والدليل انك تقولين أنه بيتوووووووووتي !!!!

معناتها لازم تجددين حياتك وتتغيرين للأحسن كونك توك عروس حتى سنه ماكملتي ....

وبعدين تعالي ليش تدعين على نفسك حرااام بالعكس قولي الحمدالله أنا وضعي أحسن من غيري

شوفي مشاااكل البنات وأحكمي !!!

وكلها فتره وتعدي وأدعي أن الله يسخركم لبعض ويرزقكم الذريه الصالحه !!!!

موفقه :fish:

 

[read rose]

اشكر اخواتي اللي ردو على موضوعي وحبيت اوضح ان زوجي نمطه شرقي وقرات عن صاحب الشخصيه الشرقيه انو مايعبر عن مشاعره ولا يكون جاف صح ولالا وانا شخصيتي جنوبيه ارجو من اخواتي ذوات الخبرة الرد علي وشكرا.

 

[الزوجه الثانيه]

ولا مايجوز تدعين على نفسك بالموت
ثانيا شي اكيد ما بيحس بشي تجاهك كذا الطبيعي في بداية الزواج وخصوصا الملكه كانت قصيره
هذا كلام عادي وان شاء الله انك تتفهمين كلامي وتنسين الكلام اللي قالك
شكلك الحيتي عليه بكثرة الاسئله هل تحبني وغيرها
اتركيه لا تسأليه
وبعدين عامليه بكل حب وبكل رقه عشان يعرفك ويتعلق فيكي وهذا وشطارتك
فيه خصلتين جدا مهمه انه بيتوتي وشي اخر انه مايقصر ماديا فاستغلي هذا الجانب واحمدي ربك
لا تخليه يكره البيت حسسيه ان البيت فرح ومرح
وعوديه يطلعكويهتم باشياءك
ولا تخبري احد
قصتك سهله واكثر الناس مروا بها
وحتى اختي حصلها نفس الشي وهذي حكايتها
ملكة جمال وعمرها 16 سنه وهو اكبر منها ب11 سنه وبعد شهر من الزواج اخبرها انه لا يحس تجاهها بشيئ وجلس يبكي قدامها وانه اهله اجبروه على الزواج بها
وبرغم صغر سنها الا انها لم تخبر احد فقط اخبرتني انا وكانت جدا حزينه
قلت لها وماذا قلتي له قالت سكت قلت ممتاز والان جاء دورك وكان فيه مواصفات مثل زوجك بيتوتي ومايقصر ماديا
فاهتمت به وبكل صغيره وكبيره في حياته لدرجة انها تستيقظ قبله وتعد له الفطور وتلبسه الحزام والشراب
وتفاجئه في المغرب بنوع من الحلى
وتسويله عشا مشكل صحي وتخبره بالمطاعم وتترجيه ياخذها كانه اخزها وليس زوجها
واذا قالها بيتي عند اهلك تقول ما اقدر على بعدك تعودت انام على ريحتك
وما كان يعاشرها كعريس او شاب او محب الا فيما ندر
ولكنها تعلمت فنون الجماع من هذا المنتدى المبارك وخلته يطلبها وتعود على هذا الشي
وبصبرها ودعائها ان الله يحببها الى قلبه بعد سنتين من الزواج اصبح لا يستغني عنها
ولا يخليها تبيت في بيت اهلها
ولا يسافر بدونها واذا تعبت يسهر بجنبها ولا صاريجلس عند امه واخواته وصار يموت بطبخها يعني الله يديم عليهم
لذلك انصحك بالصبر والدعاء ونسيان ماقال وان هذا شي طبيعي مو بس انتي لحالك واتعلمي فنون العلاقه الجنسيه والاهتمام به كانه طفل لا تنسي نظافة بيتك ومظهرك ولا تبينين انك تسوي هذي الاشياء عشانه حسسيه انو هذا طبعك ولا تجيبين سيره لاهلك كوني قويه
​

 

[نبع الطيبه]

ماقصروا البنات
الله يوفقك يارب

 

[سحابة ورد]

حبيبتي بما انه (شرقي) راح اقولك بعض الاشياء المهمه اللي اذا اهتميتي فيها راح تلفتين نظره

الشرقي يحب الترتيب خصوصا في اغراضه الشخصيه اهتمي في ترتيب ملابسه بشكل كبيير .........

وكذلك (المطبخ) احرصي دايم على نظافته ... وكمان احرصي على البخووور بشكل دايم......

وكذلك يكره النق والزن على راسه ........... يحب الهدوووء والاسترخاء..........يقدس الروتين عشان كذا عوديه على اشياء معينه

مثلا الغداء الساعه (الفلانيه) دائما لاتغيرين هالوقت استمري عليه............ مثلا القهوه بعد صلاة المغرب دائما وهكذا اشياء كثيييره

خليه يحس انك دقيقه بمواعيدك عشان يعجب فيك ويرتاح لك ................ وفي الجنس استمتعي معاااه وتفاعلي وحسسيه انك مبسوطه............

الله يوفقك يارب ويسعدك...........

 

[ياربي انصرني]

الحب يجي مع العشره اهتمي بزوجك وقومي بواجباته واذكر قصه ان في وحده تزوجت وصارحها زوجها انه ما يحبها في اول ايام زواجها وطلبت منه ان ما يطلقها الا بعد فتره حتى مايتكلم عليها الناس ووافق الزوج على ذلك وكان زوجها ساكن في منطقه بعيده لظروف العمل وعندما وصلت للشقه قالت له انا باخذ غرفه من غرف الشقه وانت لك غرفة النوم رفض وقالها انتي خذي غرفة النوم واصرت انها تقيم في غرفه الثانيه وعندما بدا دوامه يصحى ويلقى الفطور وكل شي جاهز وعند عودته من الدوام يجد البيت جنه من النظافه والترتيب وكانت طول الفتره هذه لايراها وبعد انقضاء المده المحدده وعندما كان يتناول فطوره وجد ورقه كاتبه زوجته انها تشكره على صبره وان المده انتهت وتريد الذهاب لاهلها على حسب الاتفاق المبرم بينهما فذهب اليها وجدها جالسه وكانت تنتظر ان يقول لها اخرجي ولكنه اقترب منها وجلس بجانبها وقال لها انا ماقدر اني افارقك وصرح لها انه يحبها وعاشت معه اجمل ايام حياتها

ونصيحتي لك ان تلجئي الى الله بالدعاء ان يحنن قلبه ويصب المحبه والرحمه في قلبه لان قلب زوجك بين اصبع من اصابع الله وسمعت راي للشيح صالح بن سدلان يقول اذا بني الزواج على المحبه نجح50% واذا بني على الرحمه نجح 50%