ساعدوني انا في حيره

[ولادي حياتي]

بدخل في الموضوع مباشره
ولدي عمره3 سنين و8 شهور
كنت انومه قال ماما حكيلي ظهري قلت من عيوني حبيبي وحكيتله شوي وقمت اطفي التلفزيون وقتها لحظت ان ايده في المنطقه الحساسه تفاحأة وقلت عيب حبيبي
تسويت نفسي مااشوفه ورجعت وحصلته رجع ايده
جالست بجنبه وقلت له حبيبي انا مااشوفك صح بس الله بشوفك انت تبغى الله يزعل منك قال لا قلت تبي حسنات كثيره وتروح الجنه قال ايوه ماما قالت خلاص ماتمسك عيبك هذا مكان كله جراثيم والله مايحب نمسك هاالمكان ومايحب احد يشوفه اويمسكه

تصرفي صح ولاغلط
وتكفون ليه حط ايده وهذا الحركه عادي في هذا السن ولا لا
أخاف احد معلمه او احد مسك عيبه أمانه كيف اتصرف

 

[النوم سلطان]

تصرفك صحيح
لا حبيبتي يمكن مع الحر والعرق حب يحكه هههههه

ولا شايف ابوه يتحكحك

ان شاءالله مافيه الا خير وانتي حصنيه دائما

 

[فراشة اللبوه]

عاايدي حبيبتي هو يبي يتحسس شنو هذا او شي
وبعدين طريقتك في العامل هو الصح
وخليك على طريقة تعاملك معه البيبي

 

[فردوس هوساوي]

تصرفك صحيح
بس لما قلتيله انو المنطقة كلها جراثيم
احسها قوييييييييييييية
لأنه بيكبر وبيحها فباله انها كلها جراثيم
بس انتي قوي الناحية الدينيه فيه
والله يحفظه
وعلى فكرة احنا عندنا جماعتنا بالديرة
ماياكلون عيالهم حلويات وسكريات
يقولون هي اللي تخلي الاطفال يحطون يدهم بذيك المنطقة
والله اعلم
بس حبيت اقولك يمكن تستفيدي​

 

[اخر ايامي]

اختي بنتي بسن ولدك وتسوي نفس الشي لكن بنتي مو مثل ولدك ماشاء الله علية احسها ماتفهم لو اقولها مثل الكلام اللي قلتي لولدك اذا قلت لها عيب تعاند وتزيد مدري وش اسوي معاها

 

[عساني فداكم]

معاناه معاناه هذي الحركه الله يعينا بس مالي خبره بس احس تصرفك صح

 

[Hno0odah]

قويه من الناحيه الدينيه وصدقيني راح يلهى عن هالمواضيع

 

[ولادي حياتي]

الله يسعد كل من رد عليه
(اخرابامي) لازم تتعاملي معاها كأنه كبيرة وتفهميها أن في حسنات وسيئات وجنة ونار والله أعطنا اشياء حلوه في حياتنا لازم أحنانسوي كل شي حلوه عشان الله بهذا الطريقه فهميها

ردي لي اش يصير معاك

 

[DREAM...CHANGE]

حبيبتي هذا شيء طبيعي ومن الفطرة إن الإنسان يكتشف أعضائه ويتحسسها .
و تصرفك كان سليم .

 

[وشلون مغليك&&]

ماشاء الله اختي تصرفك جدا حلو انا ولدي عمره 3 و3 شهور احسه باقي
مايستوعب للعلم ان مو دايم يمسكها

 

[¨°مسڪٌ أبيِض•◦॰]

عادي يكتشف أنا أبني كان يسوي العجب بالبداية نهيته وقلت بابا هذي زي عينك لما تمط رموشها ماتوجعك وهو كذا وكنت اعلمه بس نمسكها بس لما نكون بالحمام وانتم بكرامه
و لما سألت أختي الكبيرة قالت فترة أكتشاف وبعدها بيهجد فلاتكبرين الموضوع علشان مايرسخ بباله ويجلس يضايقك

 

[زهرة حزن]

والله حبيبتي نفس معاناتي ولدي عمرة 3 سنين و8شهور بعمر ولدك والله يهدية يمسك العورة ويدخل يدة وساعات القية يطالع بعورته والحين لما يشوف احد من الصغار يرفع ثيابهم فشلني عند اهلي كم مرة فهمتة ان هذا عيب وربي مايدخلك الجنة واصحابك ماراح يحبوك وساعات اخاصمة بقوة من قهري علية تعبت مو عارفة الحل معاة وكيف اخلية يترك هالتصرفات وابعدة عنها ؟؟

 

[قصة أحزان]

الله يعينا على تربيتهم هذا ولدي مجنني من يوم علمته على الحمام الله يكرمكم وهو يسوي هذا الحركه واذا تحمس وهو يطالب مدري ليش واذا قلت له عيب يابابا يسمع الكلام نصف ساعه ربع ساعه مايطول وترجع حليمه لعاده القديمه وانا اسوي اني مااشوف وش اسوي تعبني الله يهديه

 

[قمر بلامنازع]

الله يعينكم ’’

 

[الـــجـــوري]

الله المستعان ..
أختي فهميه بأسلوب لطيف محبب لقلب الطفل أنو هذا عيب ومن هالكلام
وحاولي تشغلي فكره بأشياء ثانية ..

وهمسة لك يا الغالية : ترى ما يجوز تحلفين بالأمانة لأنه يتعبر شرك بالله عز وجل
الحلف يكون بالله فقط​

 

[للحياة معنى]

انت لفتي انتباهه هو يكتشفها الان عادي ويمكن حر

 

[استعدت نفسي]

انا من رايي لو تجاهلتيه كان افضل لان منعك له راح يخلي عنده فضول

 

[أحلى أحساس]

لا مشاء الله تصرفك صحيح
ان شاء الله يبطل العاده
تحياتي