ساعدوني ارجوكم

[هتون]

السلام عليكم حبيباتي ، ،،،،،،
ابغي مساعدتكم اذا سمحتوا انا ابغي اسوي حفلة حلوة حق عيالي لانهم ختموا جزء عم(قولوا ماشاء الله) وبصراحة ابيها تكون حفلة مميزة جدا وممتعة جدا ، بليززز ساعدوني عطوني افكاركم الحلوة حق الحفلة وكل شي يخصها من بطاقات الدعوة والفعاليات والهدايا وكيفية تغليها بليززززززز لا تبخلون علي بافكاركم الحلوة يا بلقيسيات ،،،،،،،،،،،،،،،، وبادعيلكم في ظهر الغيب ،،،،،،،،،بس لا تتاخرون علي لاني ابي اسويها على نهاية الاسبوع ،،،،،،،،،
وجزيتم خيرا
احبكم في الله :22:

 

[هتون]

أفا يا بلقيسيات طلبتكم ساعدوني وينكم ؟؟؟؟؟؟؟؟؟؟؟؟؟؟؟؟؟ بليزز ؟؟؟؟؟؟؟؟؟؟

 

[مكان القمر]

الله يجعلهم من أأمة الحرم


جهزي مسابقات تكون عمليه
يعني مو اسئلة لا تكون حركيه

مثلاً جمع شيء معين من الحضور
نفخ بلونات
ابحثي في النت عن مسابقات حركية


جهزي سفرة الأكل بطريقة فنيه حلوه وتكون اكلات يحبونها الأطفال

زيني بيتك باللوحات الترحيبية البلونات
ووقت تقديم الهدايا لعيالك لبسيهم قبعات مميزة

لا تنسين تشجيع الحضور على الحفظ وقولي لهم اللي يحفظ راح اعطيه هديه
ويكون تواصل بينك وبين امه عشان تعرفين وين وصل
تاخذين الأجر وأنتِ في بيتك


وبالتوفيق

 

[الحب غلطه]

ماشاء الله تبارك الله الله يحفظهم لك ويتمون حفظ القران كامل باذن الله...

اهم شي حبيبتي انك تحصنين نفسك واولادك..

 

[الوان ربيعية]

ماشاء الله لاقوة الإبالله......................بإذن الله يتمووووووو الحفظ

هناك افكار كثيرة وممتعه...........

بالنسبه للهدايا....اخذي اكياس ملونه عبي فيها اغراض بسيطه مثل اشرطه دينيه.اناشيد العاب
وصحون خاصه لللأطفال وملاعق وكاسات حتى سفرة الطاوله هناك سفرة عليها رسومات حلوة


شغلي اناشيد بصوت عالي حتى تعم الفرحة المكان


هناك مصصات (اواعواد قش)كما يسميه البعض عليها رسومات حلوهواشكال حلوه


بالنسبه للالعاب كثيرة ادخلي مواقع رياض الأطفال وستدهشين.من الأفكار الرائعة................بالتوفيق

 

[بيعجبني ستايلي]

هلا فتون ماشأللة مبروووك
عبي البيت بلووووووونات من جميع اللأوان لصقيها من فووق
وخلي مجمووعة بلونات ملونة الوان حلوة ناازلة من فوق على الزااوية
((بحيث الزاوية تكون فيها مجمووعة بلونات مررررة رووووووووعة وسويها في كل زااوية ))ولصقي أيضا مجمووعة بلونات في الجدر فوق وتكون نازلة *وسوي كذا وحدة * وتكون في جميع اماكن *
وجيبي زينات الحفلات &&تراها رخييييصة &&ولصقيها مع البلونات
وانـــت تفناني فيها
نجي للأكل...
جيبي كاتوة بطعم الي يحبوه من المحل الحلويات وخلي يكتب علية مبرووك ألى () ويتفنن في الكتابة ....
وسوي مسابقات زي ماقالت (مكن القمر)
انا عندي طريقة حلوووة
أكتبي أسئلة وحطيه كل سؤال في بلونة وانفخيها وأربطيها
وبعدين كل شخص يأخذ بلونة ويفقعها في أبرة ويقراالسوال....

وش رايك في الافكار ؟؟؟؟؟&&أستنى ردك&&
وأنتي وعتني تدعيلي خخ
لاتنسييييييييييييييييني من الدعاء

 

[هتون]

الله يجزاكم ألف خير حبيباتي فديتكم والله ما قصرتوا وانا عند وعدي والله أدعيلكم من كل قلبي مو لأنكم ساعدتوني وبس لأني أحس بعد ان كل خواتي البلقيسيات ولو اني ما شفتهم بس والله احبهم في الله والله يجمعنا دوم يا رب في خير وعلى خير ويجمعنا كلنا بعد عمر طويل في الفردوس الاعلى .
خواتي ( الوان ربيعية ،الحب غلطه، بيعجبني ستايلي ،مكان القمر ) أشكركم من كل قلبي والله يحفظ عيالنا جميعا ويجعلهم قرة عين لنا ويجعلهم من حفظة القرآن ويجعلهم أئمة للمتقين .
وأنصحكم ياخواتي تحرصون انكم تحطون مدرسة للقران او مدرس لاولادكم في البيت لان هذا هو الي بيحفظهم وهذا هو الي بينجيهم من فتن الدنيا باذن الله .
والي ما عندها عيال الله يرزقها بالذرية الصالحة يارب والي ما اتزوجت يا رب يرزقها بابن الحلال الي يصونها ويحفظها .

 

[هتون]

وخواتي البلقيسيات الاخريات وين افكاركم الحلوة وابداعاتكم اتحفوني ، طلبتكم لا تردوني لا تدخلون بس من دون ما تساعدوني