أحب واحد صارلي 10 سنين وكان غرضنا من هذي العلاقه الزواج في النهايه ولكن لم تساعده ظروفه لأنه أهله رافضين انه يتزوج من برع العائله ،حاول معاهم وايد ولين ألحين مايقدر ، وعدني انه مايتركني ولا يتزوج ونظل مع بعض على طول ، انا رفضت عرسان واجد تقدمولي عشانه مع اني كنت متأكده ان هو خلاص ماراح يتزوجني بس وعدنا بعض نظل مع بعض على طول لين ماتصير معجزه وهله يوافقوون ، ألحين يقولي أبي اتزوج وخاطري في عيال ، ابي اكون اسره وعندي احتياجات رجوليه وتعبت من العزوبيه بس حبج مستحيل انساه وهو احلا شي بحياتي
حاولت معاه ترجيته بكيت مافي فايده يبي يتزوج ويبكي ويقولي اسف بس لازم اتزوج ، للعلم هو اكبر واحد في اخوانه وكلهم تزوجو ما عاد هو ، ماقدر اعيش بدونه عشمني ووعدني بأشياء وايد وألحين يقولي خلاص ماقدر لا اتزوجج ولا استمر معاج ، انزين انا اللي ضحيت بنفسي وبعمري عشانك ليش تبيعني بهذي السهوله ، ابي اقوله الله لا يوفقك لا دنيا ولا اخره وماراح اسامحك طول عمري بس احس بيكرهني ، ابي اقوله الله يوفقك وعيش حياتك بس بعد ما أقدر
انا بمووت من القهر والنار تكوي في صدري وماعرف ايش اسوي ، هو يموت في ترابي ولا يقدر يعيش يوم واحد بدوني ، وانا عارفه ومتأكده من هذا الشي بس ألحين يبي ينهي الحب ويعيش حياه اسريه ومايهمه لو مافيها حب ، ويحلف ان مستحيل يحب حد كثر ماحبني انا ، بس انا ماقدر انساه ولا اشيله من بالي واخاف اسوي شي بنفسي
ارجوكم قولولي ايش اقوله ، اقوله الله لا يوفقك واسكر الجوال واغير رقمي او اقوله الله يوفقك او ايش اسوي ارجوكم علموني
انا ضحيت بحياتي والله بس عشانه وهو ياما عدني بأشياء وايد وايد وايد واخر وعد انه مستحيل يتزوج غيري وراح يظل معاي على طول وهذي النهايه يبي يتزوج ويتركني
ساعدوني ارجوكم