ساعدوني ابي حل؟

[الماسة و حساسة]

مشكلتي هي مشكلة عائلتي
من كم سنة اتوفى الوالد الله يرحمه
طبعا حنا منصدمين وما في اي احد فينا من اخواني ولا اخواتي بيفكر بشي تفكيرنا مشلول بس مصدومين
لأن الوالد اتوفى فجأة
المهم
بعد كدة اخوي الكبير جانا وسوينا له وكالة عامة بمعنى انه يقدر يدير كل ما يملك الوالد
واخواني الباقيين ابتعدوا من تحمل مسؤولية الوكالة وقالو ما يقدروا يديروا اعمال الوالد نهم صغار على هالشي
كل فترة نقوله تعال نجتمع مع بعض نعرف وضعنا يتهرب واذا جا يقول لنا انه مالكم الا الي كان لكم اول ما اتوفى الوالد وهذا مو صحيح لأنه بيشتغل بهذي الفلوس ويكسب منها ولنا فيها ارباح كبيرة
المهم
الحين كم واحد من عايلتي لغى الوكالة لأنه بيتهرب كل ما قلنا له نبغى حقوقنا عشان اخوتنا ما تتأثر والحين بعد واحد من اخواني رفع عليه قضية في المحكمة عشان يطلب حقه لأن اخوي الكبير مو راضي يعطينا حقنا ويقول ما عندي فلوس والمشكلة انه الوالدة الله يحفظها مصدقته و متعاطفة معاه وزعلانة من اخوي الي رفع قضية عليه
واحنا البنات وباقي واحد من اخواني نبي نرفع عليه قضية مطالبة بحقوقنا
ايش نسوي والله عجزنا معاه وما عرفنا ناخذ حقنا بالأدب
احنا مو ضامنين عمرنا ولا هو موضامن عمره بكرة عياله يفكروا انها فلوسهم وتصير مشاكل كبيرة ويضيع الحابل بالنابل
محتارين احنا مابين حقنا وما بين امي الي بتزعل مننا اذا رفعنا قضية
صدقوني استخدمنا كل الحلول لكن مافي فايدة
ساعدوني الله يخليكم
مالي غير الله ثم انتو اخواتي
ادري انكم ما راح تبخلوا علي بحلولكم الذهبية
وجزاكم الله خير الجزاء​

:sadwalk:

 

[حب عذري]

السلام عليكم ورحمة الله

الله يعينك حبيبتى عشت مأساتك هذه من سنوات طوال لكن صدقينى الله يمهل ولايهمل

وصدقينى احنا راحت علينا حقوق كثيره ووحده من اخواتى توفيت قبل ما يتوزع الورث والى الان معلق كل شيء لكن ما نقول غير حسبي الله ونعم الوكيل

ويااختى اذا فيه احد يساعدكم بدون محاكم حاولوا معاه واذا ما قدرتم المحكمه لاتترددي لن هذا حق لكم جميعا

وربي يخسركم لبعض ...............

 

[اماني العمر]

اختي العزيزه .......ماسه وحساسه

اولا ... اسال الله العظيم ان يتغمد والدك بواسع رحمته .. وان يجزايه بالحسنات احسانا وبالسيئات عفوا وغفرانا

اللهم امين.

ثانيا / مطالبتكم باملاك الوالد رحمة الله عليه حق من حقوقكم .. ومااحد يلومكم

اذا اخوك الكبير خان الوكاله ويريد اكل مالكم لكم الحق في مطالبتها سواء بالمرونه او بالقوه

واذا احد اخوانك طالب الجهه الرسميه بأن تقف معه لأخذ ماله فلا لوم عليه...

وانا اقول يااختي احسن شي بأنكم جميعا تعرفون نصيب كل فرد منكم في الأرث وعلى راسكم الوالده ويقسم بينكم

كل واحد يأخذ نصيبه , واذ اخوك الكبير رفض بيع الملاك خليه يثمنها ويشتريها ويوزع ثمنها بينكم على حسب تقسيم

الورث .

وان شاء الله الوالده با لاقناع راح ترضى خصوصا لما تجيبون لها ما يثبت ذلك

فرج الله كربتكم .. والله اسأل ان لا يفرق شملكم ويجمعك واخوتك على خير.

 

[الماسة و حساسة]

اشكركم اخواتي ربي ما يحرمني منكم
لكم المشكلة انه ما عندنا اي اوراق تثبت حقنا كل الاوراق معاه وما ندري وينها
يااااااااربي ساعدنا المشكلة كمان حتى اخوي الي اصغر منه واقف معاه ضدنا لأنه مستفيد منه ومعطيه فلوس يشتغل بها
وكل الاوراق الي تثبت ملكيتنا لكل شي معاهم
ما نقول غير حسبي الله ونعم الوكيل نعم المولى ونعم النصير

 

[قلم رصاص]

الله يرحم ابوك ويسكنة الجنة

بس موضوعك هذا يبيله محامي ,, انصحك تروحون لمحامي وهو يشير عليكم شنو افضل
الطرق عشان تسترجعون حقكم...

 

[زهرة البوادي2006]

لا حول للله ولا قوه الا بالله اختي اكيد فيه اثباتات غير الي عنده انتو لما رحتو تسويوا وكاله المكتب الي سويتوا فيه وكاله اكيد عنده دليل انكم سويتو وكاله حاولو جيبو دليل ولا تسكتو عن حقكم شكله اخوك طمعان في الورث

 

[Pink Dove]

لاحول ولاقوة الا بالله ,,, ايه حصل في الدنيا ؟؟ ,, فعلا مالها امان ماحد يستأمن أخوه اللي من لحمة ودمه ولا امه حتى ,, الله يعينك واستشيروا محامي وادعي الله عز وجل لا يترك حق احد ابدا ,,

 

[وجدان ام سارة]

اختى الماسة وضعكم مثل وضع ناس اعرفهم بس اهم وكلو محامى
والمحامى نفض اخوهم الكبير
اختى انصحكم توكلون محامى وهو الى بيعرف اذا لكم شى ولا لا وبيعرف يجيب لكم حقكم وذا عن الوالدة قولولها مانبى نظلم اخوى باتهامنا بنى كل شى يصير واضح اذا لنا حق بناخذة وهذا ماهو عيب اغلب الناس توكل محامى لاملاكها وربى يوفقكم

 

[ليمونه]

ايوه اختي وكلوا محامي احسن لكم واذا عن الوالده حاولو تقعدون معها كلكم بدون علم اخوكم الكبير وتناقشوا معها بهداوه وبينوا لها كيف ان الشيطان يقدر يلعب بعقله خصوصا اذا كان متزوج وعنده عيال اكيد بيفضلهم عليكم اهم شي لاتتنازلون عن حقوقكم لان هالوقت مااحد يثق بأحد والله يصلح بينكم انشاالله.

 

[الماسة و حساسة]

شكرا اخواتي على النصيحة ولو احد ثاني عنده نصيحة اخرى انا كلي اذان صاغية
والله يعطيكم العافية