ساعدوني.... أنا مخطوبه ؟؟

[غريبه]

السلام عليكم..

حبيباتي..

أنا مملكةلي شهرين وباقي على زواجي 5 أشهر
المشكلة أن زوجي يطلب مني أني أدلعه وأختكم ميييييييييح ما تعرف هالسوالف
ممكن تعطوني طرق وأفكار تدليع للزوج تنفع فترة الملكة لأن الأفكار اللي عندي ما تنفع في هالفترة
، أنا صرت أو تعودت على أني أقوله كلام حلو الحمد لله راح الإحراج بس هو الله يهديه ما يبي كلام يبي حركات
ودلع ، دلوني على حركات تنفع في أسويها له في هالفترة :sadwalk:
والله تعبت من كثر ما أفكر!!!!

أدعوا لي..

 

[نسائيات]

حركات حلوه يا طويلة العمر
خذي هذي الحركات
ممكن في يوم تتصلين عليه وتقول له فلان تعال ابيك في سالفه
تعدلي وتكشخي و زهبيله هديه حلوه طبعا لا تفهميه الموضوع فيه هدايا ويوم بيوصل عطيه بوسه والهديه
وقول له باي لا تخلينه يقعد عشان يتحرقص عليج زياده
وممكن يوم بي كل يوم تسوين له حركه مره تلبسين هندي ومره غربي ومره مصري
ولا تقصرين في الاحضان والتلزيق

 

[الذهب الصافي]

أختي غريبه نفس المشكله الي تواجهني .....

 

[بسمة]

من رايي انج ماتسوين له سالفه اكثر من الكلام الحلو

لانه بعد الزواج راح يعايرج ويقول تذكرين ايام الملكه كنت اطلب منك تسوين وعلى طول نفذتي

خليك ثقيله ورزينه وصدقيني راح تكبرين في عينه

ادري ان هالأيام هي أحلى ايام العمر بس يبغيلها تفكير وتركيز اكثر

ياما رجال مالكين لعبوا في حريمهم وطلقوهم قبل العرس

والله يهنيكم

 

[غريبه]

تسلمواااااا حبيباتي
أخيييييييييرا أحد عبرني ورد علي
الله يعطيكم العافية
بس حيرتوني ..
كثيير يقولوا لي أثقلي عليه وترا الرجال يمل من الوحده لما تعطيه وجه دايما.
وفي نفس الوقت بعضهم يقولوا دلعيه دايما في الكلام والحركات عشان ينهبل عليكي

بنات أنا أعطيه وجه بس مش على طول يعني مره ومره ، والمشكله عطيناه وجه بس يبي زياده ودايما يقول ما تدلعيني لما أجي عندك >>>>>>>> والله قهر محتارة طول الوقت أفكر كيف أدلعه وأرضيه بس بحدود .

سااااااااااااااعدونيييييي ؟؟؟
لا تبخلوا عليا أبي نصايحكم .

 

[V I P]

وممكن يوم بي كل يوم تسوين له حركه مره تلبسين هندي ومره غربي ومره مصري
ولا تقصرين في الاحضان والتلزيق

احس الحركات تنفع اكثر للمتزوجين الكلام الحلو .

 

[V I P]

وممكن يوم بي كل يوم تسوين له حركه مره تلبسين هندي ومره غربي ومره مصري
ولا تقصرين في الاحضان والتلزيق

احس الحركات تنفع اكثر للمتزوجين الكلام الحلو يكفى .قولى له كل شى فى وقته حلو .

 

[كنز حبايبي]

لن يساعدك سوى دعواتك

 

[البيت السعيد**]

بقول لج مجموعة من الحركات،

- لما إيي يزورج سوي له طبخة حلوة وأكليه بيدج،

-كتبي له خاطرة ولا أبيات شعر، ولما إيي تكوني بأبهى صورة، وقعدي معاه وعينج في عينه وقولي له الخاطرة،

- إلعبي معاه ألعاب مختلفة، (فيه لعبة النرد) وايد ممتعة وخفيفة تنفع للمخطوبين،

- إمسحي على راسه، وسوي مساج إلى راسه ويده

- بعض المرات قعدي في حضنه، وبغنج ودلال

- قولي له نكت أو قصص خفيفة،

- إتصلي فيه يوم الجمعة، ولما يوصل، قولي له، اليوم بنسوي شي كبييييييييييييير، وكنت منتظرة على أحر من الجمر إني أسويه وياك،

أحين أحين تعال، ومن يجي لج طيران، قولي له دش علي الغرفة،

ومن يدخل عليج الغرفة، تكوني على سجادتج ولابسة مشمر الصلاة، ناديه وفي يدج كتاب الله،

قولي له نقرا مع بعض سورة الكهف، آنا أقرا صفحة وإنت صفحة،

- جيبي كتاب تثقيفي للأزاج،
وقعدوا إقروا مع بعض، ولما توصل لمواضيع حساسة، قومي عنه بدلع وبإستحياء، وقولي له ما أقدر أقراه وإنت صوبي،

- إذا طلعج في السيارة خليه يمسك يدج، وعاد حزتها كل إشوي إضغطي على يده، وسوي ببوزج (صوت بس) إموااااح،


​

والله يوفقج ويخليكم إلى بعض.

 

[رحالة ومليت]

انا من رايي انك تخلي الحركات لبعد الزواج واثقلي يالحبيبه ترى الرجال ماراح يطير ان شاء الله واذا اتجوزتوا خوذي عقله وهبلي فيه لاتقصرييين وراح يذكر لك ايام الحياء والتغلي تراهم يحبوا اللي تتغلى