ساعدوني أعرف نمط زووجي لاني عجزتـ ..

[A7LA MLAAK]

مساء الخير بلقيسياتـ ..

دخلت رابط البوصله الشخصيه .. بس احس الى الان ماني مقتنعه ومحتاااارهـ جدا ..

انا بقولكم مواصفات زوجي وانتو بخبرتكمـ قولوا لي ايش ..

زوجي هادئ جدا معاي

الكلام الحلو مااسمعه كثير يمكن ثقل .. عكس ايام الملكه واول ايام الزواج كان كلامه عسل ودايم كلامه حلو
الحين خف شوي ... اذا قلت له قوللي كلام حلو يقول لي انتي مراهقه .. الحب مو بالكلام الحب بالاهتمام

اذا عصب والغلط عليه مسحييل يعترف انو غلطاان ابدا


بيتوتي

يحب الاكل كثيييييير >> اتوقع كل الرجال كذا


يخليني البس ع راحتي بس العبايه مطفشني عليها .. احس يتفشل انو اخوانه يشوفوني كذا

مايحب الناس يقولوا له انو يمشيني ويدلعني ويسمع كلامي


اذا تناقشنا في شي وابديت رايي يحسب اني ابي اتحكم فيه وماياخذ برايي الا نادرا



الحمدلله مبسووطه معه كثير يبين حبه بالاهتمام .. ويبديني ع نفسه في اغلب الاحيان

مايحب يخلي بخاطري شي

بس اذا زعلت مايراضيني بسرعهـ .. احيانا يحس نفسه مو غلطان
كيف يراضيني :
اول شي يساعدني اذا جيت احط الغداء
وبعدين يسال كم سؤال وبعدين يبدا يسولف عادي

واذا تجاوبت معه يفتح الموضوع ونتناقش فيه وعلى كل هذا يقول انا ماغلطت انتي الغلطانهـ !!!
اذا زعل بالموووت يرضى .. بس انا انشب مااخليه ينام وهو زعلان..

اذا سويت شي غلط يجلس يتكلم فيه اسبوع وبعدين ينسى ..


يحب اهله مررره ومايرضى عليهم حتى لو غلطوا علي .. صح يدافع عني مرررره .. بس مايخليني اتكلم عليهم حتى لو انتقدهم .. واذا صار وانتقدت مو يزعل بس يتضايق


الله يخليه لي



اتمنى تساعدوني عشان اعرف اتفاهم مع نمط شخصيتهـ

ولكم جزيل الشكر



اتمنى موضوعي ماينحذف .. لان كل مااحط موضوع تحذفونهـ علي :5:

 

[نزف العيون]

افتحي على انماط الشخصيه وانتي تعرفين


ويمكن وحده من البلقيسيات تمر ع موضوعك وتساعدك

 

[هذا رأيي]

ماتكلمت عن دقته ونظامه وترتيبه ونظافته


وحبه للروتين والنوم بوقت محدد..


لكن أتوقع إنه جنوبي شرقي ..

 

[A7LA MLAAK]

دقيق و يحب الترتيب .. مايحب يغير روتينه .. بس لو حصلت فرصه مايمانع

يحب السهر .. ويحب النوووم بعد ..

ومقولته الشهيرهـ : النوم عز للرجال وهيبهـ ... لازم يقولها قبل ينام


ينبسط مره اذا سويت له جوو رومنسي .. مرررره يحب ذا الشي


شكرا لمروركمـ

انا فتحت البوصله بس ماحسيت اني مقتنعهـ

فافيدوني بخبرتكمـ

 

[الضوء الابيض]

الله يفرج همك
ان شاء الله البنات يفيدوك يارب

 

[هذا رأيي]

إذا مو مقتنعه بالأنماط ليه تسألين عن نمطه؟؟؟؟؟


عموما أعتقد إنه جنوبي شرقي ........

 

[حياتي بيد حبيبي]

احسه جنوبي

 

[شموخ ودلع]

الله يعينك ياختي اتوقع انه جنوبي شرقي

 

[شموخ ودلع]

تصدقي نفس شخصية زوجي وزوجي جنوبي شرقي من يوم عرفة نمط شخصيته عرفة كيف اتعامل معه طبعا العشره لها دور اكيد تعرفي ايش اللي يحبه واللي يرضيه واللي يسعده انافي بداية زواجي تعبت شوي ومع الوقت عرفته وصار التعامل معه سهل لاتخلي ببالك انه صعب ولازم احد يساعدك اعرف زوجك وكتشفي شخصيته انت وحبيه وخليك ودودهولاتوتري نفسك مافي شي صعب حبيبتي:7:

 

[A7LA MLAAK]

إذا مو مقتنعه بالأنماط ليه تسألين عن نمطه؟؟؟؟؟


عموما أعتقد إنه جنوبي شرقي ........




لا ياقلبي مقتنعه
بس قصدي انا توقعت انو جنوبي ومااقتنعت باختياري !!







وربي يعافيكم جميعا

شموخ ودلع .. الله يعافيك ياذووق

 

[ام ديما وبس]

للرفع

 

[نووووفه]

الله يسعدكم ويهنيكم ولا يغير عليكم
ما شاء الله واضح انك عرفتي شخصية زوجك وعرفتي تتعاملي معها من غير انماط
مايحب الناس يقولوا له انو يمشيني ويدلعني ويسمع كلامي
لانه يخاف من الانتقاد
يحب اهله مررره ومايرضى عليهم حتى لو غلطوا علي .. صح يدافع عني مرررره .. بس مايخليني اتكلم عليهم حتى لو انتقدهم .. واذا صار وانتقدت مو يزعل بس يتضايق
من اللي يرضى على اهله؟؟؟
المهم انه ما يرضى عليك لاتضايقينه بانتقاد اهله
اذا عصب والغلط عليه مسحييل يعترف انو غلطاان ابدا
اذا كان معصب ممكن ما يعترف بس كيف اذا هدى؟؟
اذا عصب والغلط عليه مسحييل يعترف انو غلطاان ابدا
بطئ الزعل بطئ الرضا يحب الترتيب يحب اهله ما يعبر عن شعوره هذا حسب معرفتي بالانماط شرقي
يحب النوم وينبسط من الرومانسيه هذا جنوبي