كنت بنت مثل كل البنات تحلم أنه تتزوج وتعيش حياة حلوة كلها حب ورمانسية بس ماعندها إي خلفية عن الحياة الزوجية...وكنت طالبة متفوقة في دراستي ومؤدبة وخلوقة والكل يشهد بهذا وكان كل همي إني إييب نسبة عالية في الثانوية وأرفع راس ابويه الحنون اللي ما في مرة زعلني ويبتها ...يبت96 علمي..والكل فرحلي ...وخلصت مرحلة المدرسة وانتقلت لدراسة الجامعة وخطبني ولد عمتي وملجت في بداية السنه الأولى وأنا ماكان عندي أي خلفية عنه.. ماعرف إلا الكلام اللي اسمعه عنه وهو انه طيب ...وخلصت السنه الأولى وانا بين دراسة الجامعة وتجهيز للعرس اللي كان في الصيف ...ويا يوم العرس ودخل عندي كنت أحس بخوف بس أحس براحة بعد (انا صليت استخارة يوم يا خطبني وعقب سرت العمرة فحسيت براحة ووافقت وهو بعد صلى استخارة بس كان يحلم أحلام مب زينه) المهم تم العرس ورحنا البيت(أنا لي بيت بروحي ولكن في حوي واحد ويا أهله) وخطف أول شهر واحنا مرتاحين وعقب بدت المشاكل في حياتنا ،أنا من طبعي إني ما أحب ادخل في أمور الناس وفي بيوتهم وانا إنسانه هادية قليلة الكلام وهوكان يباني أندمج ويا أهله،يباني أكون وياهم في كل شي بس أنا ما أحب أدخل عمري في شي ما يخصني ،أوكيه أكون وياهم بس كل شي له حدود (زوجة أخوه علاقتها قوية بعمتي وهو يغار منها ويباني أنا أكون أنا الاقرب لها )..دكتورة عمتي مدلعة ريلي وايد وهو أهم شي عنده أمه وأنا أحترم هذا الشي ..بس كل شي لأمه ..يقولي يبا ياكل وياها عشان ما تحس بأن ولدها خلاها ووافقت ..يبا يكون وياه دوم عشان ما تحس بالفرق عقب ما عرس..وأنا وافقت في البداية بعدين تميت أتضايق من الموضوع لأنه استوى طول اليوم برع عندها ..أو يكون عند ربعه.. وما يي إلا متأخر بس وقت الرقاد ..وبدا يبتعد عني .وأنا ابتعد عنه ..بدت تقل لقاءاتنا الخاصة وبدت تقل تلفوناتنا لبعض وبدا يرفض ينفذ طلباتي سواء أنه ييلس معاي في البيت أوالسيرات للجمعية أو الأسواق..واستمر هالحال لين الحين (على فكرة دكتورة أنا حملت وسقطت بسبب تعب الجامعة وبعدها قرر زوجي انه يعزل بس أنا كنت ابا صغيروني بس كان هو يرفض يقولي صبري ليين ماتخلصين جامعة وها الموضوع سببلي اكتئاب)..دكتورة كنت أشوف المعرسات يسون اشياء وايد عشانهن وعشان ازواجهن يهتمن بعمارهن يسيرن الصالونات يتعدلن يشترن كل اللي يبنه ويسيرن يحوطن ويا رياييلهن ويسافرهن ...بس أنا ما أقدر اسوي هالأشياء خاطري فيها بس هو ما يطيع..فاستويت مضايقة دوم من اللي اشوفه وخاطري اسويه وما أقدر ...خاطري أعيش كل لحظة في حياتي وياه نعيش حياه حلوة ..خاطري تكون علاقتي فيه قويه أعرف عنه كل شي(دكتورة أنا أسمع أخباره من برع ما يقولي)...علاقتي وياه سطحية باردة..دكتورة يت فتره يرقد عني تحت يقول ما يحب حد يتحرك ويلصق فيه....) وأنا طبعا مضايقة وكاتمه قي قلبي...وبديت أنا أتعب وهو يتعب وأهله ملاحظينا وأهلي حاسين بالوضعا ييلس ويايه كله سرحان ..دكتورة كنت أحس أنه ما يباني يتجاهلني م...ويا اليوم اللي تواجهنا ...بالنسبه له قال اللي مضايقنه:
- قال أنا قلتج أباج تندمجين ويا اهلي وامي ويكون لج دور في حياتهم ؟؟دكتورة أنا ماغفلت عن الموضوع حاولت بس استوت مواقف بينت أنه ما يبون حد يدخل بينهم سواء في بيتهم أو مطبخهم فابتعدت.
- سألته عن راحته ويايه وطبعا الإجابه ضايقتي بسبب وزني الزايد والكرشة( اشتركت في نادي رياضي بس ما كملت بسبب نفسيتي
- سألته عن يلسته ويايه في البيت قال ما لقيت شي يجذبني
حاولت أصلح الوضع بس ما قدرت وفكرنا في الطلاق واستخرنا وتمينا مع بعض والوضع نفس ماهو ...وكل واحد شايل في خاطره من الثاني ..استويت اتحسس من كل شي ومضايقة وحبست عمري في بيتي ما اطلع منه ...دكتوره أنا غلطانه في حقه وهو غلطان في حقي..أنا قصرت فيه وقصر فيه...دكتورة زوجي كان من الشخصية المرحة ومتطور ومهتم بكل شي يديد وعارف لكل شي..بس الحين غدا انسان ثاني كله سرحان وتعبان أعرف اني أنا السبب بس حاولت ما قدرت أغير نفسي..دكتورة ساعديني....
- قال أنا قلتج أباج تندمجين ويا اهلي وامي ويكون لج دور في حياتهم ؟؟دكتورة أنا ماغفلت عن الموضوع حاولت بس استوت مواقف بينت أنه ما يبون حد يدخل بينهم سواء في بيتهم أو مطبخهم فابتعدت.
- سألته عن راحته ويايه وطبعا الإجابه ضايقتي بسبب وزني الزايد والكرشة( اشتركت في نادي رياضي بس ما كملت بسبب نفسيتي
- سألته عن يلسته ويايه في البيت قال ما لقيت شي يجذبني
حاولت أصلح الوضع بس ما قدرت وفكرنا في الطلاق واستخرنا وتمينا مع بعض والوضع نفس ماهو ...وكل واحد شايل في خاطره من الثاني ..استويت اتحسس من كل شي ومضايقة وحبست عمري في بيتي ما اطلع منه ...دكتوره أنا غلطانه في حقه وهو غلطان في حقي..أنا قصرت فيه وقصر فيه...دكتورة زوجي كان من الشخصية المرحة ومتطور ومهتم بكل شي يديد وعارف لكل شي..بس الحين غدا انسان ثاني كله سرحان وتعبان أعرف اني أنا السبب بس حاولت ما قدرت أغير نفسي..دكتورة ساعديني....
