ساصبح زوجه ثانيه وأبي نصائحكم

[خجوله بطيبيتي]

السلام عليكم يا حلوات بنات أنا كنت مطلقه وهالحين ابعرس وأخذ متزوج ماكان ودي بمتزوج بس هذا نصيبي المهم أنا وربي دلخه وجاهله تكفون علموني كيف اخلي العريس يحبني وكيف اكسب قلبه والمشكله أني دفشه ومعرف اتصنع الدلع تكفون علموني وكلمه اخيره لاتنسون تدعولي**

 

[ايـلان]

ادخلي قسم الزواج والزوج فيلو حااجات اكثر من رائعه ان شاء الله تستفيدي منهاا

 

[ايـلان]

قصدي الزوج والزواج تعديل هههههههه

 

[ملائكية النبض]

أسأل الله العظيم لك التوفيق
أول حاجا خلي ثقتك بروحك عاليه ولبي طلبات زوجك في غير معصية الله لانو اهو جنتك ونارك
وثاني شي حاولي لو بس تتصنعي الدلع وخليكي مرحه ودووم مبتسمه لانوالزوج مايحب الزوجه المكشره والنكديه
وحاولي تهتمي بروحك كثيير اشري كريمات من بودي شوب للمتزوجين ومعطرات للجسم والشعر من نكتار هالمحلين كتير حلوه واشيائها طبيعيه
وغيري في لبسك لاتكوني ع روتين واحد غيري من شكلك من بين فتره لفتره قصي واصبغي بين فترات اد سافر ورد استقبليه احلى استقبال ويكون شكلك منظم ومرتب
خلي فمك دووم ماينطق الا بشي حلوو ودلعي زوجك وخديها معلومه ببالك انو الزوج متل الطفل
يحتاج من يسايره بكل شي ومن يحن عليه ويسمعه لاترفعي صوتك حت لو اهو الغلطان تكلمي بهدوء وراح يفهمك وارسلي له مسجات غزليه من فتره لفتره حت لوكان بالدوام رسلي له بس لاتكثريها وتاخديها حلى هههه
وصدقيني لو اتبعتي كل خطوه قلتها والله راح تنجحي وقبل هدا كلو خلي الله بين اعيونك واخلصي نيتك
سامحيني طولت عليكي بس حبيت افيدك وربي يسعدك

 

[خجوله بطيبيتي]

الله يسعد كل من ردت ويرزقكم خير ماتتمنون أطمع اكثر في معلومات ابيه يحبني ويشوفني بعيونه ملاك كيف الله يسعدكم يارب

 

[لااارا]

اهم شي ماتغيرينه على الاولى وماتتدخلين في اي شي يخصها

 

[خجوله بطيبيتي]

لا والله منيب متدخله ومستحيل حتي اذكرها هذي ام عياله بس ابيه يموت فيني بس

 

[الدنيا دنيئة]

لو سمحتي يااخت ايلان ممكن تغيرين الصوره الرمزيه الي حاطتها لانها كشف للعوره
بالنسبه لصاحبة الموضوع ادا تعاملتي مع زوجك الي يمليه عليك ضميرك بترتاحي ان شاء الله

 

[معلمة متألمة]

شوفي .... الواحد ما ياخذ الا نصيبه....

نصيحه من وحده ماتبي الا الخير لج ولكل وحده تقرى لي..

انتي ربي كتب تصيرين زوج ثانيه.... هذا قدر ربي العالمين... ودام انه من ربي ف هو اكيد خير ..

نصيحتي.... لج من كل قلبي..

لاتجيبين طاري زوجته ام عياله لا بزين ولا ب شين .... من الحين شيليها من بالج خير شر.... ولو ما شلتيها من بالج ترى بتتعبين وبتعبينه معاج وبتخسرين كل شي..... ومن الحين اقولج بعد الغيــــره هذي شيليها ... من راسج... كلنا حريم وكلنا نغار.... بس وضع اللي متزوجه رجال متزوج غير.... انا ما اتكلم من فراغ.... لان وحده قريبه مني قرب الروح زوجه اولى... ومع انها زوجه اولى.. زوجها يحاول يجيب طاري زوجته الثانيه قدامها .... من باب الغيره وهو من النوع اللي يحب يشوف غيرة حريمه..وكل ماجاب طاريها تسوي نفسها ماتسمع مع انها الاولى وغيرتها ربي ادرى بها... فهي ولله الحمد وقتها مع ربها ودوم مع القرآن ودوم تدعي ربها ان الله يشل الغيره من قلبها وبالفعل اشهر قليله بمعيــّ ربها.. وربي ربط على قلبها الين اليوم...... ولو طلع زوجج من هالنوع انصحج لا تطاوعينه .... ولا تطاوعين بليس... لان الغيره في مثل وضع واحد معددّ تسوي بلاوي خصوصا اذا الزوج من هالنوع..اغلب المشاكل بين الحريم بسبب الزوج وقلة عقله ودينه ...

حتى لو حاول يجيب طاريها انتي قولي له.... يا بو فلان انا زوجتك مثل ماهي زوجتك واكيد ماتبي الشين لا لي ولا لها ... لا تجيب طاريي عندها ولا طاريها عندي....

ومهما صااار ومهما تضايقتي..... اذا تبينه وشارية زوجج لا تشكينه عند اي بشر ولا تطلعين اسرارج لأي احد.... مهما كانت قرابته منج ترى بالاول وبالاخير محد بيفيدج الا ربي ف الشكوى بكل الحالات ماراح تفيدج ابد واذا تبين تفضفضين حياج بالمنتدى ع الاقل محد يعرفج وبنكون كلنا معاج ....وحتى لو كان زوجج روعه معاج وان شاء الله يكون اروع من الروعه يارب ويسعدج وتسعدينه ويرضى ربي عليكم.... ف هالحاله بعد لا تسولفين ش جاب لي و وين وداني.... نصيحه مجرّب ملدوووغ.. شيليها من راسج ولو شفتي عياله... عامليهم بما يرضي ربج وهو اصلا لوشافج تحبينهم ويحبونج هالشي بعد بيونسه عليج.. ( ف حال انج شفتي عياله ما ادري شلون بيكون وضعج!!)

اهم شي تكونين قريبه من ربج .... لو كنتي قريبه منه ربي بيسعدج سعاده ماتحلمين فيها سواء كنتي متزوجه معدد او عزوبي او مطلقه او ارمله.. السعاده الحقيقيه لن نتذوقها الا بمعيــّة الباري وحده..
من الحين اقول لج خصصي لج ورد من القرآن واليوم اللي مايكون هو عند فيه اهتمي بروحج وبالبيت وبالمطبخ.... وبريحه البيت...
اهتمي ب روحج.. بالبخور والعطور.... واللبس جلابيات استقبال وجلابيات للبيت اذا حد زارج ... بيجامات بناطيل..... جيبات للزيارات وللبيت لبس النووم .... هذي كلها جهزتيها!!
جسمج اهتمي بالماسكات والحمامات المغربيه والمرطبات اهم شي المرطبات...
فيه سنفره تقشير طبيعيه ومرطبه روعه.... اخذي ملح خشن وحطيه ب برطمان مع زيت زيتون وبعد ماتاخذين شاور تستخدمينها وعقب تتغسلين بالمااي وشاور جل خفيف وتطلعين من الحمام ... كل اسبوع تسونها روعه وترطب وتنعم... وتشيل البشر الجافه خصوصا الركب والاكواع... وكعب القدم...
والاقدام اهم شي تهتمين فيها..... بالفازلين او الجليسويد رووعه مع الشراب طول اليوم خصوصا بالبرد الحين... وحاولي تهتمين ف اصابع الاقدام وتنظفين بينها قبل النوم...مع الشاور قبل النوم ..
والملابس حاولي تكون ملابسج ريحتها بخور وملابسه هو بعد.... بخري الدولاب ب عود خام روووعه ريحته بالملابس... وبعد فيه اكياس عطرية تسوينها انتي دانتيل او تور تحطين فيها ورد مجفف وتربطينها وتعطرينها وتعلقينها بالدولاب بين الملابس... روعه وهاديه ريحتها.. وفيه ورق معطر بالجمعيات تحطينه بالدواليب... بالعود وباللافندر وعطور ثانيه..

وبخصوص الدلع تقولين انج تتصنعينه!! مو عيب... ومو غلط و مو مستحيل....
للعلم ترى الجنه لا يدخلها الا المتطبــّعين...فقط... اللي يطبـّع نفسه بما يرضي ربه ويستحق الجنه لان الجنه حفت بالمكاره بما تكره النفس.... ف ماراح تواجهج اي صعوبه لو تصنعتي الدلع لين مايصير طبعج.... كلش مو صعب..
وصوووتج اهم شي الصوووت يكون واطي وهادي.... معاه ومع الكل.... بالتعوّد كل شي تبينه بيصير..
واللبس والميك اب.... مع الوقت بتعرفينه هو وش يحب ووشو يكره.... فيه رجال مايحبون الميك اب الثقيل... وفيه اللي يحبون الثقيل... هذا كله مع العشره....


الرجال يحب اللي تهتم فيه و عمرها وبيتها ومكانها وكل شي يعني مر سنعه بكل شي وتبيض وجهه!!

اي نسيت: اهم شي المقارنات... لاتقارنين روحج مع زوجته ام عياله مهما صار... المقارنات سبب طرد ابليس من الجنه وتخليده ف النار وسبب ظلم اخو يوسف.. المقارنات اصلا مامنها اي فايده...
عينيه على العدل.... ولو حاول يظلمها بأقل القليل اعرفي ان مافيه خير وان بليس مخاويه..ولاتطاوعينه وتشاركينه بالظلم.. اذا نصرتيها ربي بينصرج وبتشوفين سعادتج بعيونج..
ترى هذي اللي زوج اولى تخيلي هي الاولى... واذا اتصل لها ف يوم الثانيه يبي يسولف او يبي يتغزل فيها ماتعطيه وجه وهي الاولى,,, وماترد عليه في يوم الثانيه الا مره وحده عشان يتطمن على عياله واذا محتاجين شي تخلي ولده العود يتصل ف ابوه ويقول اللي يبونه... واسألها ليه ترى انتي الاولى قالت لي واذا انا الاولى اظلم الثانيه!! مع انها ماتدري وبتبقى ماتدري انه متصل بيومها عشام يتغزل فيها.. شوفي الزوج الاولى شلون تصرفت تعرفين ليه!! بس لأنها مع ربها 24 ساعه واللي مع ربه يسرّج حاله..الين اليوم وهي قدوة ف حياتي عسى ربي يرزقها من حيث لاتحتسب ويربط على قلبها وقلب كل زوج معدد وكل ارمل وكل مطلقه يارب وكل من فقد له غالي او قريب.. يعني العدل مو بس من الرجال ..لانه مسؤولية زوجاته بعد لانهم يشاركون بعد بالعدل وبالظلم...

واهم شي باوصيج فيه عقب القرب من الله .. هو الصبـــــــر..... اي وحده مقبله على الزواج اوصيها بالصبر واللي بتتزوج متزوج باوصيها دبل بالصبــــــــر وتخلي وقتها مع ربي ولا تخلي مجال للشيطان يخرب حياتها مع زوجها..
ولا تساعدينه ع ظلم زوجته.... وحطي ف بالج شي واحد لو جاب طاريها بالشين ترى مستحيل يكون فيه خير لج...لان اللي مافيه خير لزوجته ام عياله مستحيل يكون فيه خير للثانيه..واللي بيخون واحد وفى معاه وصبر معاه ع الزين والشين ما راح يشوف منج اي شي لو ولعتي له اصابعج العشر شمع واحترقتي عشانه..
كلامي كلام مجرّب وشفته بعيني.... محد قاله لي....

الله يرزقه العدل بينكم ..ويربط على قلبج وقلب زوجته الاولى يارب العالمين ب رباط صبر من عنده لا ينقطع وحسن ظن به لا ينقطع آمين

اتمنى اني افدتج.... و وصلت لج اللي ف بالي..... بس الصبـــــر والقرب من الله فقط بهاتين سوف تملكين قلب زوجج وربي بيسخره لج....

بالتوفيــــــــــق ياغاليهـ​