ساااااااااااعدوني أرجوكم

[خلاصة الطبيعة]

يابنات ياليت ماتبخلون علي بآرآئكم:icon1366:
ومشكلتي باختصار هي زوجي:tears: هو انسان طيب وخلوق وماعمره ضايقني لكن لاحظت إذا أنا مو في البيت وأرجع دايم أحب أشيك على جواله بدون مايدري:msn-wink: طبعآ فضول
وماكنت الاحظ رقم غريب كلها أسماء رجال لكن شكيت في اسم مايدق عليه الا إذا أنا مو عنده وحفظت الرقم والحين هو مسافر عنده عمل بمدينه ثانيه وجاني البريد الحين بالفواتير وصرت اقلب فيه وفعلا طلع شكي في محله لقيت نفس الرقم مايدق عليه الا وهو في الشغل اللي حطمني أكثر ان طول سفرته يدق على الرقم في الصباح يعني شكلهم متفقين على وقت معين يكلمون !!!!!!!طبعآ أنا واثقة انها خيانة بالمكالمات فقط لأن زوجي بيتوتي وما يحب يسافر لحاله ويحبني مره:schmoll: أضحك على نفسي................. والحين شو رايكم أواجهه بالفواتير والا أكلم صاحبة الرقم وأتفاهم معاهاااااااااا ارجوكم ساعدوني أنا منهاره وماني مصدقه اللي يصيروزوجي بيرجع اليوم...............

 

[خلاصة الطبيعة]

وينكم خواتي؟؟؟؟؟؟؟؟؟؟

 

[لحن الوداع]

الأفضل ماتفاتحينه بالموضوع فكري على مهل
وترا الرجال لما تواجهينه بشي ينكر على طول الله يهدي زوجك
أتمنى بلقيسات يفيدوكي

 

[دلع بلقيس]

أنا موجوده ...
واتمنى اني افيدك وانصحك قبل اي شي انك ماتعلمينه انك عارفة الا بعد ماتتغيرين انت لأن استاذتنا ناعمه تقول اخطر شي المواجهه قبل تغيرك انت .
لأنه راح يبكي عندك ويعتذر ويقول لك والله مدري كيف انا سوت هالشي و...و....و...
وبعدها يرجع للخيانه مره ثانية.

فكل اللي عليك انك انت تغيرين من نفسك وتحاولين تفهمينه اكثر.. ومهم مهم جدا انك تمسكين الكمبيوتر وتبحثين في النت عن فتوى الخيانة الزوجية وفتوى مكالمات غير المحارم ومثلا تحطينها على سطح المكتي وهو من نفسه اكيد راح يقراها بس انت انتبهيييييي يحس انك تقصدين شي واذا سألك سوي نفسك ماتعرفين وغيري الموضوع .

او ممكن انك تجين تسألينه تقولين انا ذاك اليوم اضطريت اني اكلم (......) وقولي له اي قصة سبق وحصلت لك وحاول اللي تكلمينه انه يتحرش فيك .. وانك مرة تضايقتي من تصرفه وانه ماحترم انك متزوجه حتى ..


انت موجوده اكمل والا لأ؟
وهل كلامي يناسبك او لا؟

ياليت بعد لاهنتي توضحين لي اكثر عن علاقتكم مع بعض وكم لكم متزوجين؟؟؟

 

[خلاصة الطبيعة]

مشكوره اختي دلع الله يكتب أجرك أعجبتني فكرة الفتاوي خاصة ان زوجي يتأثر بهذي الشغلات..........وبالنسبة لعلاقتنا ممتازه ولي 8سنوات متزوجه بس مشكلت زوجي اذا قعد لحاله ما يستحمل لازم يكلم غيري أعترف ان مكالماتي أحيانآ تكون فيها نوع من الجديه بس أحاول أتغير ويمكن يبغى يسمع غزل وأنا أستحي

 

[دلع بلقيس]

يوه ياقلبي ماينفع كذا ابدا ...

انا الحين براسلك عالخاص عشان اعطيك افكار تنسي زوجك كل البنات واولهم اللي يكلمها بس صدقيني مع الحياء زوجك راح يلاقي عشيقات مو عشيقة وحده بس.

نصيحتي لك ياقلبي قبل اي نصيحة .. استحي من كل الناس الا زوجك وصدقيني انت اذا طلع الفن الانثوي اللي عندك صدقيني هو مارح يحتقرك والا يحس ان الحركات هذي بس للي يغازلون او للعشيقات .
زوجك ياقلبي تتمناه كثييييير من الحريم والبنات لأنه يحب المشاعر وتبادل الاحاسيس فأنت عضي عليه بسنونك ..بس سنونك هذي هي دلعك وغنجك .

ولاتتضايقين اذا قلت لك ما الوم زوجك اذا راح وكلم غيرك ..صحيح ان اللي يسويه خطأ وخطأ كبير بعد وممكن يهدم بيتكم لكن هو المسكين محتاج وشكله كثير طلبك لكن انت ولاهمك الا لما الحين جرح قلبك .

انصحك انصحك والله من كل قلبي ترى زوجك سهل ترجعينه ومو صعب عليك ابدا انك تتدلعين عليه والا اذا مرضيك هالحال خلي الدلع لغيرك والتغنج وراح يصير زوجك لغيرك.


الله يحفظك من كل سوء وانا معاك بس آسفة عالتأخير وانتظر ردك..

 

[خلاصة الطبيعة]

الله يسعدك ومشكوره على اهتمامك وفعلآ زي ماقلتي كان يطلبني ويسولف معي وكنت أجلس ساكته من الخجل لكن شكلي بنزع الستار .........

 

[عجايب]

خلااصه حبيبتي الله يسخرلك زوجك .. وانا مع الاخت دلع عسى ربي يوفقها ان شاءلله تفكيرها حلووو واسمعي نصايحها ..

ونصيحه نصيحه مثل ماقالت أختي دلع .. لاتواجهينه ابدا" الا اذا تغيرتي انتي وحسيتي انه تعلق فيك ..

عسى نبشرينا اخبار حلوه عنك..

 

[دلع بلقيس]

الله يسعدك ومشكوره على اهتمامك وفعلآ زي ماقلتي كان يطلبني ويسولف معي وكنت أجلس ساكته من الخجل لكن شكلي بنزع الستار .........

أهلين حبيبتي ...

اليوم افكر فيك وقلت خل ارجع للموضوع اشوف وش صار.. والحمدلله ردك ان شالله يحسسني ان فيه شي راح يتغير وفيه تجاوب ..بس ياقلبي صدقيني التغير مستحيل يأثر اذا كان في جانب واحد بس .
يعني انت املي حياته بالتغيرات مثل:
شكلك
بيتك لو تغيرين مكان الخداديات او الشجر او تجيبين شجر في البيت تراه يعطي جوووووو
ومو شرط التغير في البيت يكون في غرفة النوم ..مع انها لها تأثير قوي لكن الجنوبي واتوقع زوجك جنوبي تأثر فيه تغييرات البيت اكثر.
لبسك في النوم
طريقة الجماع المثيرة والغريبة والاهم تكون جريئة بس مو في الاقبال لأن الجنوبي -مو كل جنوبي- مايحب الاقبال لكن ممكن تكوني جريئة بعد الانغماس في العلاقة نفسها.
واهم شي اجعلي لنفسك شأن عظيم عند نفسك وعنده ...

والله يسخر فيما بينكم ويوفقك ياااارب

 

[شـــادن]

دلع بلقيس كفت ووفت ماشااالله عليها..
نصيحتي من نصيحة الاخوات لاتواجهينه ..انا واجهته وانهرت بالمقابل هو انهار وبكى واعتذر وطلب اسامحه والنتيجة خيانه ثانيه بعدها بأشهر ..وزوجي مثل زوجك خيانة بالمكالمات فقط..
الله يهديهم ويبعد عنهم الساقطات اللي صار احسن ماعندهم يسوون علاقه مع متزوج
حسبي الله عليهم..
فرفشي اهم شي خليك مرحه ومبتسمه وضحوكه..اهتمي بنفسك وانشغلي بنفسك ودلعيها ، انتي الاول بعدين زوجك،، اذا تغيرتي هو بيرجع لك
اعرف انها صعبه لان انا اول ماعرفت انهرت واغمى علي وتبهذلت والى الان تعبانه
بس الله يعين .. اتمنى ماتكونين تسرعتي وواجهتيه وربي يوفقك..

 

[أم مهرة1]

السلام عليكم ورحمة الله وبركاتة حبيبتي أول شي أحب أنصحج تتأكدين من أن الرقم لحرمة وهذا الشي تسوين عن طريق انج تتصلين من أي رقم ريلج ما يعرفة يعني من عند أي وحدة من ربيعاتج وما يكون رقم ربيعتج مخزن عندج علشان أكيد الحرمة بتعطيه حق ريلج علشان يتأكد ثاني شي إذا تأكدتي انها حرمة ما أبيج تطيحين حرتج على اليهال لأني أنا كنت جية أحطي حرتي في عيالي بس حرام مالهم ذنب إهتمي بعمرج أكثر واشغلي نفسج وحاولي تجذبينه بأشياء ثانية وتكبري عليه لين ما تحسينه ميت عليج عقب واجهيه

 

[أنت عضو سابق فقط]

السلام عليكم ورحمة الله وبركاتة حبيبتي أول شي أحب أنصحج تتأكدين من أن الرقم لحرمة وهذا الشي تسوين عن طريق انج تتصلين من أي رقم ريلج ما يعرفة يعني من عند أي وحدة من ربيعاتج وما يكون رقم ربيعتج مخزن عندج علشان أكيد الحرمة بتعطيه حق ريلج علشان يتأكد ثاني شي إذا تأكدتي انها حرمة ما أبيج تطيحين حرتج على اليهال لأني أنا كنت جية أحطي حرتي في عيالي بس حرام مالهم ذنب إهتمي بعمرج أكثر واشغلي نفسج وحاولي تجذبينه بأشياء ثانية وتكبري عليه لين ما تحسينه ميت عليج عقب واجهيه

انا مع اختي ام مهرة في كلامها

يجب ان تتأكدي من الموضوع قبل اي تصرف

 

[خلاصة الطبيعة]

يابنات رجع زوجي من السفر ومثل ماتوقعت الرقم في المكالمات الصادره وأنا ماسكه نفسي باقي ماواجهته واللي صدمني اكثر اليوم رحت اتسوق والفتره اللي كان ينتظرني كان يكلمها؟؟؟؟؟؟؟؟؟؟ واللي قاهرني مهو مبين عليه يعني كيف افاتحه لانه ماتغير من ناحيتي!!!

 

[ألما]

زوجك نفس زوجي خيانه ومع متزوجات بعد بنات ويتشكل ع الف شكل



ومكللمات ع طول اتمنى يرجع لك ولي


ولك متعذبه مثلنا

 

[Naww-wwafa]

والله يا اختي الحال من بعضه زوجي يخوني بالتليفون و واجهته اكثر من مره
وكانت غلطات لاني ما كنت فاهمه شخصيته طلع شمالي.
والحين يخوني وقاعده افكر كيف اتعامل معاه..