سؤال يضحك...

[رهيفة احساس]

مرحبا بلقيسيات
أنا بصراحة بخاطري سؤال بس ياليت تاخذوني ع قد عقلي فيه وماتنقدون علي :10: السؤال يعني شنو زوجي شرقي غربي ؟أو جنوبي شمالي؟ او اذا في بالترتيب شي غلط اسمحولي لأني مو فاهمة ؟
وابي افهم عشان لما أي وحدة تعرض مشكلتها أكون معاها ع الخط:30: أقصد ان لكل ناس عادات وتقاليد ع اساسها يحلون مشاكلهم؟ في شي يمشي بالكويت ! مايمشي بمصر؟؟!!
أتمنى وصلت الفكرة!
سؤال ثاني اذا مافيها اطالة عليكم :
لييييييييش في ناس ماتكتب بلهجتها العامية! اذا كانت ماتبي تكتب باللغة الفصحى ليش تكتب باربع لهجات في السالفة الوحدة؟
مثال:
أمس اندمجت مع وحدة حسبتها كويتية كاتبة ريال بدال رجال!
بعد شوي كاتبة انبسطت باللهجة السعودية !يعني استانست! بعد شوي كلمات بالمصري!!!
اشفيها اذا كملت المقاله بلهجتها الاصلية؟
وأخيرا اعذروني انا اللي بقلبي ع لساني جاملوني وردوا علي !!:22:

 

[(شمس النور)]

بالنسبة للشمالي والجنوبي والشرقي والغربي ... هذي انماط شخصية
تعرفي عليها خلال هالرابط ... وهو اختبار لتعرفي نمطج او نمط زوجج او من حولج
هذا الرابط
http://www.niswh.com/vb/showthread.php?t=109230&highlight=%CA%CD%CF%ED%CF+%C7%E1%C7%E4%E3%C7%D8

 

[راحةالقلوب2]

الله المستعان​

 

[رهيفة احساس]

شكرا حبيبتي شمس النور و راحة القلوب .
وجزاك الله خير ياشمس النور راح ادخل واشوف وشكرا على مجاملتي هذا لطف منج

 

[دائما أفضل]

انتي عسل

 

[ابتسامه مهجوره]

اللهجات تهون عند الاخطاء الاملائيه

 

[رهيفة احساس]

شكرا (دائما أفضل) وانتي أحلى من العسل ياحياتي
ابتسامه مهجوة والله انج صاجة يبيلنا نراجع العربي حق الاخطاء الاملائية
اسعدني مروركم حبيباتي...

 

[رائحة الندى]

والله ياعمري انا مثلك نفسي اعرف وش الشرقي والغربي ومادري وش

بس ان شااء الله اعرفهااا من رابط الاخت


عواافي لاهنتوووو..

 

[روتـــانا]

والله سؤالك التاني عجبني اكثر من الاول ...

اوقات احس اني اقرا الغاااااااااز هههههههههه

من جد انك عسل ...

 

[رهيفة احساس]

رائحة الندى
روتانا
مشكورين ياحياتي ع المرور اسعدني دخولكم

 

[مَلآمِحْ حُلمْ]

ما شاء الله البنات أفادوك و ما قصروا أبــــد ​

 

[غيم ومطر11]

انا شاريه كي بورد بجميع الهجات يمكن نفس الي عند الاخت هههههههاي

 

[نور زوجها]

شكلك خفيفه دم

 

[مغربيه]

بالنسبة اختي لسؤال الاول بامكان الاخوات يساعدونك فيه
اما السؤال الثاني يااختي تلقي كل وحدة من دوله مو كلنا كويتيات او سعوديات في غيرهم ماشاء الله مثلا عني انا هههههههههههههههههههههه فاكتب بكل اللهجات الله يستر الحمد لله اني لحد الان ادمج بكلامي سعودي مصري ومغربي وغيرهم هههههههههههههههههه لانو اختي كل واحد ادرى بلهجته اذا اكتب بالمغربي ماراح يفهم عليا احد هههههههههههه