سؤال يحتاج رد صريح؟؟؟

[الحمل]

قرأت بموقع سؤال وقلت أطرحه عليكم وشوف اردودكم!!!!!!!!​

لو جاء زوج لابنتك أو أختك، شاب متدين ملتزم على خلق ومتيسر الحال ولكن كان من دار الايتام هل ستقبله أو ترفضه لانه يتيم أو لقيط والعكس طبعا في حالة اختيار ابنك أو أحد افراد عائلتك لفتاه بنفس المواصفات؟؟؟؟​

بانتظار ردكم الصريح :sadwalk:​

 

[Rosealmary]

دام ان ملتزم وعارف ربه وعلى خلق أقبل به وبكل فخر وانتي بالذات عارفة اني بوافق لأنج تعرفين منو روز،،،وسؤالي لج صح والا لا؟؟؟؟؟


تحياتي......

 

[ام عنود]

تسلمين حبيبتي على ها السؤال...

انا بقولج شي...

الصراحه انا مب ملاك...ولا مثاليه...

انا اتمنى لبنتي الافضل والاحسن...

ما بكون دبلوماسيه في اجابتي بقول اذا كان ملتزم بوافق..لا صعبه...

الصراحه انا اهم شي عندي الاصل وطريقه التربيه...طبعا فوق كل هذا اخلاقه ومدي تمسكه بدينه...

عني انا ماقدر ازوج بنتي بها الطريقه...

ماحب امثل واقول اني بوافق...لا ما بوافق...

وصعب اني اوافق...

وشكرا يالغاليه...

 

[ام شهد]

بصراحة اذا كانت سمعته زينة وانسان خلوووووووووووووووق ليش لا...بالعكس افتخر اني اناسب الانسان

اللي يخاااف ربه

 

[لحن الأنوثة]

اذا جائكم من ترضون دينه وخلقه فزوجوه،،

____________

 

[أخت_الشيوخ]

بوافـــــق إذا صفاتــه مثل ما ذكرتي......و ما يهمني لقيط يتيــــــــم مش مهم ...المهم الريال عارف ربه و يخاف ربه في بنتي.......

شكراً ع السؤاااال

 

[سعوديه]

الموضوع مو في موافقتي من عدمها
الموضوع كله يدور على عاداتنا وتقاليدنا
وان الشاب لازم يكون ولد عائلة معروفة ومن قبيلة عريقة وثابت النسب
وهنا تكمن المشكلة في هذا الموضوع

يعني باختصار ما راح اوافق لكن مو عشان عيب في اخلاقه
لا
فقط عشان النسب وثبوته

 

[عزيزة نفس]

الزواج الناجح مبني على التكافؤ من هالناحية على الأقل
يفضل ان اللقيط يتزوج لقيطة مثله​

 

[gggg]

مثل ما قالت الأخت عزيزت نفس و سعوديه
اليتيم اوافق أما الأخر أو الاقطه فلا لأسباب .................
مشكوره ع السوال

 

[عنقود عنب]

اختي من بعض الاشياء التي يطالب بها ديننا الحنيف ان يكون هناك تكافؤ اجتماعي مادي بيئي بين الطرفين

سبحان الله عشان ينجح الزواج

اما انا من بيت عائلة معروفه و مربية بناتي على مستوى معين من المعيشة ازوجها ليتيم من ملجأ ؟؟؟

لا طبعا مستحيل

يمكن ازوجها ليتيم من نفس بيئتي الاجتماعية و البيئية لكن من بيئة غير بيئتي لا طبعا

لان الفروق بين الزوجين في هذه الاشياء راح تؤثر على حياتهم في المستقبل

 

[عيارة]

الله يوفق له بس الموافقة عليه صعب

 

[الوسمى]

قبل مانجاوب بالموافقة او عدم الموافقة
انحط ارواحنه مكانهم وخاصة اللقيط او اللقيطة
ياترى ايش الذنب ألي جنوه عشان نرفضهم او ناخذ موقف منهم
مساكين مالهم ذنب وممكن تكون جذورهم عريقة واولاد قبائل بس الخطأ
على من رماهم ولا فتكر فيهم اما بنسبه لليتيم فهو عادي ومعروف النسب وليس مثل اللقيط
اما عني وبكل امانه اذا كان المتقدم لأبنتي رجل يعرف ربه ودينه وأخلاقة عالية اوافق حتى ولو كان لقيط​

 

[بنوتاتي غيرررر]

انا مو ممكن اوافق لان بنتي غاليه عندي واذا تزوجت واحد ماعمره جرب حيات الناس وعاش مع عايله ام واب يحبونه ويوجهونه ماراح يعرف يريح بنتي والسبب الثاني الناس ماراح ترحم بنتي وبتصير ناقصه ومنكسره اتمنى محد يزعل من كلامي انا اتكلم بعقلي ولو تكلمت بقلبي انا ارحم الايتااااام مرررررره وحس انهم يعانون ووودي اتبنا واحد منهم بس زوجي مو راضي:no::icon28:

 

[هواوي]

انا عن نفسي الصراحه ما اعرف وش بيكون رأيي وقتها .. مع ان العقل والمنطق والدين يقولون انه مافيها اي شي .. والانسان يكرم بدينه

وانا اعرف عائله لرجل سعودي لقيط من دار الأيتام تزوج من سيده فاضله مصريه وانجب ثمانية من الأبناء مابين الذكور والإناث وله حوالي اكثر من اربعين حفيد .. وسته من ابنائه اطباء(اربعة رجال وفتاتين) .. واغلبهم يعتلون مناصب عاليه جدا في وزارة الصحه .. واحدهم مستشار رفيع الشأن في الوزاره ومن اهم الأطباء في السعوديه علاوه على عدة مناصب اخرى يشغلها في الدوله.. ويتميز هذا الرجل بسمعته الحسنه وكذلك ابنائه وزوجته .. وانا اعرف هذه العائله الرائعه شخصيا

فسبحان الله الذي لايفرق بين احد من خلقه
ولا يكرم مخلوق بحسبه ونسبه ولن يرفعه عند الله الا عمله​