سؤال جرئ للمتزوجات

[كوكب الشرق]

السلام عليكم ورحمة الله وبركاته

كيفكم

​

عندي موقف وبدي كل زوجة منكن تحط نفسها فيه وتقلي شو ردة فعلها وكيف بيكون تصرفها


يوم جميل وأنتي في سهرة رومانسية هادئة مع زوجك وشريك حياتك وبكل صدق وشفافية أخبرك زوجك وقلك بدي اسألك سؤال

إذا اتى يوم وقلت لك
يا فلانة أنا تزوجت عليكِ وندمت جدا" وأحس أني ارتكبت خطأ" بهذا الزواج وأريد ان تساعديني وتقفي بجانبي​

ماهي ردة فعلك
​

 

[shamashemo]

السلام عليكم ، سعيدة ان اكون اول الردود، اذا قال لك انه ندمان فخير كثير وبركة ، لأنه جرب هذا الزواج ووضع نفسه في هذه التجربة ، وجيد جدا انه ندمان ، (يا رب يندم زوجي على زواجه الثاني ...قولي آمين)وتقبلي مروري

 

[أعرف قدر نفسي]

رغم انه يقول انه ندمان إلا انني احس بداخلي غصه ولكن لا اظهرها له حتى لايندم انه صارحني

 

[كوكب الشرق]

وانا اسعد يابعد هلي واتشرف بمرورك
واقول امين
ام ديما

 

[ام العبير]

ما دام صارحني فهذه معزة تسعدني كثير

في هذه اللحظه اكون الزوجه والصديقه المخلصه المتفهمه واقف بجانبه واساعده

وما ابين غضبي (اكظم الغيظ )وامسك اعصابي واحاول ما اساله ولا سؤال عن ما مضى وما اضيع الرومانسيه واحاول اكسبه

 

[كوكب الشرق]

انا ضدك يا ام العبير هذا شي لايطاق

 

[نحول]

طبعا ابتشره عليه مره مره وبزعل فتره وانا في البيت وبتغير عليه طبعا يجرحني وبعد اصير اخر من يعلم
لانه لو بتقبل هالامر اتوقع بيكررها اكثر من مره
وطبعا كل هذا في الحلم لان مافيه زوج بيجي يعتذر من زوجته الصراحه تخيلي

 

[دمعه حزن]

اما انا ردة فعلى غيركم ياخواتي راح اصارخ وانفش شوشتي بعد بعد ذاق وحده غيري وانا ياغافيلنكم الله اخر من يعلم ..
والله لاقلب الطاوله على راسه لابوه لابو رومانسيته .. والله لاضربه ( نسيت اعلمكم اني تكوندو) ..
وانكد عيشيه واجننه .. والله لاخليه يمشي يكلم نفسه ..
باخليه يندم ينسى انه في يوم تزوج ريووومه ...
وبس وسلامتكم والحاضرين ..

 

[سحر الرؤى]

اما انا فماني قادرة اتصور شنو راح اسوي
بس


اتوقع اني راح اغضب بصمت واحاول التنفيس عن هذا الغضب

من نظرات عيوني

راح احاول اساعدة

بس

راح اعاقبة على استغلالة لي

انا طيبة لاني متربية بس مو غبية ولا هبلة

 

[حبووبه]

صراحه راح احس بغصه قويييييييييييييييييييييييييييه.......

بس بكظمها واقوله ممكن اوقف معاك بس بشرط اعرف بايش

قصرت وايش السبب اللي خلاااااااااااااااااك تسويها.........
بس انت وش سويتي اختي كوكب

 

[فراشة القمر]

اول شي راح اعطيه الامان وابين له اني امرأة محبه
حتى يطلع مكنوناته .. والمستخبي

واذا طلع بس حكي راح ابين له ان مستحيل اعيش معاه

ولو كان الحكي صحيح ... راح اقلب عليه البيت فوق تحت
وازعل عليه زعله عودة ... اخليه يعرف فراشة القمر بشكل ثاني ... حتى يندم


والله لايجيب هذا اليوم .. انا بس فكرت عصبت ..

 

[زوجة وأم وأخت]

ريووووومه ردك يجنن ضحكت والله من قلبي
تخيلت إنك عملتي فيه مثل ما قلتي ...
وتايكوندو كمان ... يا عيني .. راح فيها الرجال ...
هههههههههههههههه

(( ما جاوبت على الأخت !!! ))
جاوبيه بكل مشاعرك ..............تماما ..
، قولي له كم يؤلم أن يتزوج الرجل من غير علم زوجته ، وبالذات لم تقصر معه ، وفي الأخير شعر بغلطته ، وندم ،
ماذا كسب ، إلا أنه أوغر قلب زوجته فهي تشعر الآن بعدم الآمان معه ، وربما الثقة انعدمت ، فهذا سيؤثر على حبها ، الذي سيؤثر على علاقتهما ...
لأنه لم توجد أسباب حقيقية خلف هذا الزواج ..

وبما انه عرض عليها مساعدته ، فعليه أن يخبرها الأسباب والدوافع ( حتى تاخد بالها منه ، وتعمل الأمور اللي ربما حب
يشوفها بغيرها ) ...
وهي تشوف بشو ممكن تساعده ؟

مع إنه كله بيد الزوج !! هو اللي بتزوج وهو اللي بيطلق !!!

( بصراحة سؤاله ما دخل عقلي ، الظاهر هو يريد أن يظهر
بمظهر المسكين حتى ينسيها فعلته ، ويفرح قلبها المسكين ،
إنه هيطلق !!!! )

 

[كوكب الشرق]

اشكركم على المرور وعلى راسي وانتم اعطيتني الثقه احسن منه ورديتو لي الروح الله
يعطيكم مثل ماعطيتوني ووفقكم جميعنا والردعلى اختي.....................
ام ديما

 

[ام العبير]

اختي كوكب الشرق كل واحد له وجهة نظر

ردي كان بسبب اني احس ان الرجل ممكن في الحظات اسعيده مع زوجته يستغل الفرصه ليخبرها عن شيء ما يقدر في غير هذا الوقت ان بخبرها به ويشوف ردة فعلها ولو خربت عليه الجو الجميل راح يزعل وياخذ في خاطره ومااستفادت الزوجه شيء من الغضب
بس لو انها صبرت وعاشت معاه الجو الجميل وبلعت الزعل
(طبعا هو يعرف حجم الغضب الي فيها )اكيد راح تكون في نظره اجمل ويشكرها على تفهمها وهي عاد بطريقتها ممكن تحسسه انها غضبت حتى يحس بحبها وغيرتها عليه
وبعدين هو اختار اجمل الحظات وندمان يبغى من زوجته انها تسامحه يقوم يشوف العكس اين التسامح مع الزوج وكيف تكون نفسيته حطي نفسك مكانه ما حد معصوم من الغلط
لو كان مو ندمان ما كان يحتاج يخبر زوجته في وقت كل زوجه تتمناه وممكن كان اصلا ما يخبرها بالذات لو انه بيعيدها

وشكرا للجميع

 

[Ms.RoZa]

انقز من مكاني واحب خشمه .. !!

توج وندم .. يعني الحين رجع لي اكثر من أول ..
واكيد المشاعر بتتضاعف .. والحب بيزيد

لأانه جرب غيري وفشل .. والأحلى من هذا كله انه يعترف انه (غلط) ..

اكيد راح افرح طبعا ً .. بس ماراح ابين .. ولازم يعرف اني اغار

 

[Om Ghala]

عندنا مثل يقول، ما تعرف قديري الا لما تجرب غيري، يعني اهو ما اعترف من دافع تأنيب الضمير، يمكن لأن جرب الثانية وابتلش فاطلعت الاولى رحمة بالنسبة له

 

[مزونة]

ما بصدقه بس ببين اني راضية عليه بس انا عندي مقولة ديل الكلب عمره ما ينعدل يعني بتوقع زوااجه مرة اخرى

 

[حنون21]

راح تكون غصة في حلقي ولكن لابدمن التعقل ومعرفة الاسباب وسبب تقصيري واخذعليه عهووووود ومواثيق مغلظة انه ما يفكر يعودها والا................
ومن دوري احاول احافظ عليه وافتح عيوني زين واشغل الحاسة المليون اللي عند الحريم

 

[سلى الطارش]

أما أنــــــــــــا ... بعطيه ذيك النظرة اللي كلها حزن وألم ...
وبقول له عشرة العمر والمحبة اللي في قلبي بتغفر لك ...
بساعدك بس بشرط تحلف عالقرآن أنك تساعد نفسك قبل وتنتشل نفسك من
هالتجربة اللي اعتبرتها غلطة ...
أنا ساعدتك من قبل .. وما أظني أتخلى عنك أو أخليك لغيري في مثل هالظرف ..
أعطيه بوسة وأقول له ... نكمل سهرتنا الرومانسية

 

[السهم]

اهلين حيباتي
اذا قال لي كذا راح تكون ردت فعلي

اناضره في عيونه مع ابتسامه
والعب شعري باطراف اصابعي
واقوله
زوجي حبيبي
انت ما شاء الله عليك تزوجت بروحك وتقدر تحل مشاكلك بروحك ياعمري
واذا كنا في مطعم راح اطلب لي شي حلو واكله بكل استمتاع
واذا كنا في البيت اقوله عن اذنك حبيبي و اروح افرش اسناني وانا ادندن باي نغم والبس بيجاما نعومه و اتعطر
الاخ يحسب اني اني قاعده اثيره
واذا خلصت......اجيب سجادة الصلاه واصلي الشفع و الوتر
واذا خلصت اقوله نعسانه مووووووت تصبح على خير يالغالي

اما سالفت اقول وش قصرت فيه
فاالرجال مستعد يجيب اعذار من تحت الارض
اما اني اساعده ...ليه بيتخلص منها و يدور غيرها ان شاء الله عمره ما خلص من مشاكله معاها
اما هو ....زوجي طول العمر وراح استمتع بحياتي معاه بالطول و العرض ولا راح اتركه لان كل الرجال زي بعض

مع نصيحه لكم اذا حسيتي بضيقه بعد السالفه هذي
اقعدي برحك و حاولي الضرب على منطقة الكراتيه في اليد(عرفتوها الي يضربون بالكراتيه)
ورددي هذي العباره

بالرغم من ان زوجي تزوج علي الا اني احترم نفسي و اتقبلها بعمق

واعيدها كذا مره مع الضرب على منطقت الكراتيه

هذي التقنيه تستخدم للتخلص من المشاعر السلبيه مره حلوه و مجربه






اعطوني نتايج هذي التقنيه
وان شاء الله يجي يوم واشرحها لكم بالتفصيل لانها مره رهههههههههيبه

احبكم
اختكم السهم


​