سآعدوني ولآبنفجر ..

[صعب آنساك]

السلآم عليكم ..

كيفكم ؟ بدخل فالموضوع على طول انا متزوجه لي سنه وشهرين تقريبا .. اعاني من اهل زوجي كل شي يسونه يكلمونه لو احد بيدخل الحمام اكرمكم الله اتصلو عليه .. شي مو معقول مرا اخته تتصل احجز لي عند الدكتور الفلاني ..اخوه اكبر منه متزوج مكيفهم خرب يكلم زوجي كلم لي فلان يسوي المكيف غير عمي اللي كل شوي يتصل يبي شي عادي لو الفجر ماعليه من احد .. خلاااااااااااااااص تعبت وصلت معي عمي ساكن بديره ثانيه لو بيجونه ضيوف يدق على زوجي دور لي غنم زين ياناس بنجن مو للهادرجه .. زوجي دوامه من 7 الصبح ل 7 المغرب يجي تعبان وحالته حاله ومايحب ياكل برا متعودين نتغدا المغرب .. اليوم وربي لما جا قاعده احضر الغدا لسه ماشفته رحت فرشت السفره وجا جلس الا ابوه يتصل تعالي اللحين قام وراح له !! حتى ولاشي طب بفمه لا انا ولا هو .. مني قادره اسحمل وربي بنفجرررررر كم مرا اتكلم معاه وتسير بينا مشاكل على هالموضوع مدري شسوي .. الوضع كل ماله يزيد .. وطبعا يجي تعبان من برا وماله خلق لي ولامزاج مدري شسوي والله تعبت والطامه الكبرى عمي بينقل هنا وطبعا كل شوي يتصل روح متر لي الشقه روح مدري وشو مافيه عمال يعني ؟؟ لو انه ولده الوحيد تنبلع نقول معليش ماعنده الا هو .. اخوان زوجي 12 ماشاءلله بس مايكلمهم الا زوجي .. يعني حتى النوم يصحيه والله حرام انا طفشت من هالعيشه واللحين دامه نقل هنا بتسير بينه وبيني مشاكل كثيره .. مني قادره استحمل كل ماكلمه يقولي مالك شغل انا اللي بتعب !! طيب انا مالي حق يعني ؟ من اول ماتزوجت وانا ساكته بس خلااااااااااص وصلت معي تكفون قولولي وش اسوي لاني بنفجر ..طبعا هذا كله ولاشي من اللي يسير .. هذا اختصار بس ..

 

[قاهرة الزمان]

يمكن انه خادمهم من قبل مايتزوج وصارو متعودين عليه وانتي خليك علا الصامت لين تشوفين ايش يسير والله معك

 

[مس مي]

ياقلبي انا حاسه فيكي لانو زوجي كان كده اول ما تزوجت وتعبت نفسيتي من هادا الموضوع بس ما كنت اشكيلو كنت اقولو هدولا اهلك ولا تعصب لاكن شوي شوي وبعد ما صار عندي اولاد ومسؤليه ما صاروا يطلبوا كثير هدي بالك حتى انا زوجي مو الكبير الوسطاني بس هوه الي كان شايلهم اصبري وتحملي وربي يكون بعونك فكرتيني بالذي مضى همه الى الان احيانا يطلبو منو لاكن انا تعودت مصيرك تتعودي زيي:37:

 

[عاشقة الشروق]

الله يعينج حبيبتي انا بعد زوجي اهله يعتمدون عليه اكثر وبكل شي..بس ساكتة مااقدر اقول شي بالنهاية اهم اهله
بس حاسة فيج والله..انا اقول بدل مانهم نفسنا خل نحاول نعتبر هالشي مصدر فخر ان ازواجنا قايمين بأهلهم وفيهم خير..ترى بالنهاية لو تكلمتي اهو ماراح يحس انج بصفه وخايفة على راحته..راح يحس انج ضد اهله وحاقدة عليهم
فاحسن شي حاولي تتأقلمين مع الوضع واشكري الله ان زوجج بار بوالده

 

[نفوفه]

اشوف الامر عادي بما انه راضي عليه انت اذا بغيتي شي اطلبيه واذا قصر معك يمدي تتكلمين معه اما اذا كان ما قصر معك وملبي طلبات ابوه خلاص خليه ع راحته
ابوه مايرتاح الا له

 

[العيون زوجي]

الله يعينك

 

[صعب آنساك]

تسلمون حبايبي عالمرور الله يعطيكم العافيه

والله المستعان ..

 

[جوري الشمالي]

عزيزتي زوجك متعود كذا من اول خليه راح يجيه يوم ويمل صدقيني لان فيه زيه كذا والله والله انهم ملو

 

[كيان امرأة]

حياتي الي ماله خير باهله ماله خير فيكي احمدري ربك انه اعطاك انسان بار وساعدية على برة الدنيا رحلة ولاراح يبقى منها الا العمل الطيب اصبري وجاهدي نفسك

يعطيك العافيه

 

[كشه ناعمه]

زوجي كان كذا مثل زوجك خادم اهله واخوانه رغم ان عندهم عيال طولهم
حتى فاتوره الكهرب يحوله الفلوس ويقوله سدد واذا اخترب شي ببيتهم
قالوا له تعال صلح وامه بكل شي تقوله تعال سو كنا بمنطقه وهم بمنطقه
لما نجي عندهم مايجلس من الصبح يقوم يشوف طلباتهم والي مراكمينه طول الاسبوع
يستنونه يجي يقوم فيه وكنت اشتكي مثلك واتضايق لين تعودت وقلت كيفه
زهقت من كثر ماشكي لانه احيان يكون عندي مشوار ويكون مرتبط فيهم ويكنسل
مشواري على حسابهم .
بس تدرين يوم قمت ماشكي بس المح له من بعيد لبعيد يؤ شلون تروح
انت تسوي كذا وولد اخوك لهدرجه بزر مايعرف يجيب عامل والا اقول هو نايم
اخوك وانت تجلس من الصبح والله انانيه واسكت وا لا اقول متى يتعلمون
عيالهم المرجله ويسدون مكان ابوهم .. بعدها هو صار يقول لهم
علموا عيالكم .. والا يرفض ويقول مشغول .. لان يشوف عيالهم موجوده وهو يقوم
فانتي صبري وطنشيه ولا تشتكين .. وهو بعد ماتزيد مسؤلياته وبعد
ماتجبون عيال هو الي بيرفض وينسحب منهم
انا ادري وحاسه فيك بس ان شكيتي بيعاند وبيخدمهم
بس سوي انك العكس وقولي يوه انت تعبان ولا كلت
بس ماعليه اهلك مانقول لهم لا
والا قولي احسك دايخ ومافيك حيل تشرب حتى ماي وبتروح لهم
الله يعينك هذا اهلك والا قولي اخوانك كل واحد
في بيته نايم ومرتاح وانت مشتقي وتوك جاي من دوام
ولا بعد املي عيوني فيك وبتروح الله يصبرك على اهلك
هو بايحائك بياثر فيه وبيتغير
واشوي اشوي بينسحب وبيساعدهم على قد استطاعته
بس صبري والله معك​

 

[حبي so so]

حبيبتي كلنا والله ارجلنا كذا بس اصبري وللي والله والله مافيه خير لاهله مافيه خير لك لان هذولي هم الي وجدوه في الدنيا اهم الي كبروه فصبري اواهم شيء والديه عشان هم سبب دخوله الجنه اماالدنيا والله كلنا را يحين منها ياعمري ودعيله علشات اولادك اسيرون بارين فيك