زوج كذاب

[ملكة متوجة]

السلام عليكم :خواتي بغيت استشيركم في مشكلتي
انا زوجي شمالي غربي للاسف اكتشفت انه كذب
علي كان مسافر لدولة وعرفت انه رايح لدولة ثانية
وانا عمري مامنعته من السفر لانه هو مايقصر
دايما يسفرني .بس مادري ليش كذب علي ؟
انا حتى ماعترض على الدولة اللي يروحها
لاني واثقه فيه بس صراحة صدمني مادري
شسوي؟ دلوني ؟؟؟؟؟؟؟؟؟؟؟؟؟

 

[الـ غ ـلا كلـه]

تكلمي معاه بصراحة يمكن صار تغيير في اخر لحظة ونسى يقولك

 

[@ مشاعر @]

يابنت الحلال لا تدققين عليه بكل شيء
وتعوذي من بليس تراه شاطر في انه يوقع المشاكل بينكم

 

[ام رايم]

ياأختي لاتثقين في الرجال أبدا ماودي تقولين عني إني أحرضك بس هذا الواقع
وحتى لو صارحتيه ماراح يقول الصدق عشان كذا طنشي بس اعطيه خبر إنك تدرين بطريقة التلميح بكلام في العظم ولا تهتمين مره طنشي.

 

[ليتني احتويك]

طيب صااااااارحيه ليييييييه يكذب مادام عارف انك ماتمنعينه اش سبب هذا الكذب اسألييييييييييييييه ..

 

[نضرة دلع]

انا من رايي انك تطنشين وكنك ماعرفتي
لانك اذا قلتيله انك عارفه ورضيتي راح يكررها
ويكذب عليك دايم الانه عرف ردة فعلك وش بتكون
بس اذا انتي عندك استعداد للمشاكل وعندق القوه اتك
بتادبينه زين وتخلينه يحرم الكذب الله يقويك
واذاكان الي عندك دمعتين بتنزلينها وليش وليش
بعدين يجي يراضيك وترضين احسن لك انسي الموضوع
وصدقيني كلامي عن تجربه​