زوج اعز صديقه عندي ارسلي البن حق البلاك بيري لي

[حبكـ أنا]

اهلين كيفكم يابناااات
انا مصدوووومه من اللي صااار
عندي صديقه عزيزه علي كانت بنت جيرااانا من ايام الطفووله وتزوجنا وهي عندها اللحين 5 وانا انفصلت عن زووجي
بس الغريب ان قبل اسبووعين جاني رساله وكان مضموونها ان هاذا البن حهق ويعرف بنفسه طلع زووج صديقتي وكاتب اخوووك ابو فلانه
انا انصدمت وقلت لاامي قالت طنشيه وخلاص علشان لو قلتي لصديقتك يمكن تصير بينهم مشكله والا يتبلى عليك ويقول هي ترسلي او شي زي كذا
مع انه علاقته كوويسه مع اهلي واخواني
نسيت الموضوع واليوم ارسلي رساله ثاانيه يعلمني انهم طالعين استراحه ويطلب مننا نجي لهم بالاسترااحه واستغربت يعني لو قصده عزيمه خلى زووجته تتصل او على الاقل كلم امي اذا وده هو يعزمنا ليه يرسلي


انا احترم صديقتي واااحبها وهي اقرب من اخواتي وماابي اخسرها وماادري ايش اسوووي اخاف اقولها تصير مشكله بينهم او اخسر البنت وافقد ثقتها
واخاف اسكت يتمادى مع ني في كل المرتين طنشت وماعلقت على رساايله ابد

 

[نضوج أنثى]

طالما والدتك عرفت بالموضوع خليها تتصل عليه بنفسها وتقوله انا اخذت رقم فلانه اللي هي انتي وانصدمت من مسجاتك ومااتوقعتها منك كان بإمكاني اوريها ابوها او اخوانها وتكبر المشكله لكن انا فضلت اكلمك بنفسي عشان زوجتك بنت حلال وماتستاهل احترم نفسك انا محتفظه بالرسايل لوقت الحاجه وكأني ماشفت شي

 

[اه يادنيا]

ولا تعطيه وجه بكره يقول انتي لحقتي وراه وتطلعي بنظر صحبتك خاينه

 

[حبكـ أنا]

ماااعطيته وجه انا طنشت مسجااته وكاني ماشفته وكانها ماووصلتني بس ماادري كيف جااب رقمي

 

[عاشقة دودي]

مع كلام نضوج انثى

 

[حبكـ أنا]

مررررررررررررررره متضاايقه من تصرفه قليل الادب وماااني عاااارفه ايش اصلح

 

[خاله سوسو]

مع الاخت نضوج أنثى .. عين

العقل ..​

 

[مدمنة صبر]

طيب يالغلا وربي وين موقعه اشوفك خايفه بس من زميلتك !!!!!!!!!!!!!!!!!!!!!!!!!!!!!!!!!!!!!!!!!!!!!! وربي ماخفتي منه !!


طنشي واحذفيه وهو بيفهمها هذا اذا جد انتي خايفه على صديقتك لا يوسوس لك الشيطان ويزين لك السالفه !!!

 

[حبكـ أنا]

يامدمنه صبر انا ماسويت شي اخاف منه عند ربي الحمدلله محترمه نفسي وبنت متربيه وبنت ناااس وانا اساسا احب طليقي ومستحيل حتى اتزوج بعده ومالي في الرجااال ابد وانا اخاف من ربي اكثر من اي شي ثااني
وخوفي مو من صديقتي خووفي عليها لايتدمر بيتها
والحمدلله انا واثقه من نفسي ولا حرك فيني سااكن وتصرفه يدل على انه انسان حقير وواطي ومافيه خير لزووجته وخاااااااااين

مااضفته اصلا علشان احذفه هو ارسل يطلب اضااافه

 

[حبكـ أنا]

اتمنى اي وحده ترد على المووضوع تفهم قبل
انا مو عاجبني الوضع واللي خلاني اكتب المشكله اني مقهوووووووووره من تصررفه
لحد يقولي انتبهي يزينه الشيطان او خافي من ربك او اي شي
انا بنت اخااف من ربي وملتزمه الحمدلله ومالي في الرجاااال ابد

 

[متفائلة2011]

طنشي يااختي وهو بنفسه يفهم

 

[الاميرة ريمي]

اختي فاهمة عليك
بس لو انتي مكان صديقتك مو بتحبي تعرفي ان زوجك يلاحقها..
لو لا فكري ممكن صديقتك ما تتعبر الموضوع انك خايفة على بيتها
احفظي رسالته و خليها تنفعك

 

[الودق الحر]

اقترح عليك تمسحي مسجاته أول بأول ولا كأنك شفتيها 000 وتعاملي عادي مع صديقتك 000
لأن بعض الرجال سقيم العقل 000 يعتقد أن المطلقة اي شئ يأثر فيه 00وقد تقبل الزوج منه أو صداقه000
لا يعلم حجم ثقتها بنفسها 00وأعتزازها بكرامها 000 الله يوفقك ويجنبك الأشكال هذي00

 

[دروب الليالي]

بصراحه يااختي اهنيك وارفع لك القبعه على اخلاقك الي اصبحت من النادر نلقاها عندنا انتي صدق محترمه وعريقه الله يهديك زياده والله يرزقك بالي نفسك فيه امييين وبصراحه انا اكثر وقتي اتصفح بس من يوم شفت موضوعك حسيت بصديقتك الي زوجها يسوي هالحركات من وراها الله لايوفقه وحسبي الله على كل خاين ومن وجه نظري خلي امك او احد اخوانك او اي احد كبير يكلمه ويوقفه عند حده لانه لوكان قصده شريف كان تقدم للك مو يرسل البن حقه ولاتطنشين بيزيد وراح يكون عنده امل انك راح تضعفين وتجاريه على قولة اخوانا المصريين ( عرق وسيح دمه) والله يهديك للصواب ويزيدك عقل ورزانه

 

[خطوات أميرهـ]

ياحبيلك أنتي ماشاء الله عليك مايحتاج الواحد ينصحك لأنك واعيه الله يسعدك وكلامك صحيح أستري عليه وطنشيه لأن صديقتك لو قلتي لها راح يتدمر بيتها وراح تشك فيك لأن الشيطان راح يوسوس لها ,,تصرفك سليم ومره وبعد مره خلاص راح يقطع فيك بس لو تقولي مثلا لأخوك أو أي أحد حكيم يخليه يخجل من عمره بدون أن تعلم زوجته لأن ممكن تشوف رقمك عند زوجك وأنتي ياحياتي بريئه من الأعمال الفاسده ,,الله ييسعدك ويصلح شأنك وترجعي لطليقك معززه ومكرمه آآآمين.

 

[كلي لضناي]

حبيبتي عطي جوالك صديقتك وفهميها السالفة وخليها هي اللي تضيفة وترد علية لمدة اسبوع وهي اللي راح توقفة عند حدة بدون لاتخسرك والله يكملك بعقلك ماقصرتي الله يرجع لك طليقك

 

[مدمنة صبر]

يامدمنه صبر انا ماسويت شي اخاف منه عند ربي الحمدلله محترمه نفسي وبنت متربيه وبنت ناااس وانا اساسا احب طليقي ومستحيل حتى اتزوج بعده ومالي في الرجااال ابد وانا اخاف من ربي اكثر من اي شي ثااني
وخوفي مو من صديقتي خووفي عليها لايتدمر بيتها
والحمدلله انا واثقه من نفسي ولا حرك فيني سااكن وتصرفه يدل على انه انسان حقير وواطي ومافيه خير لزووجته وخاااااااااين

مااضفته اصلا علشان احذفه هو ارسل يطلب اضااافه

:7: والله نصيحه يالغلا مافيه انسان معصوم عن الخطا!!!

واسفه اذا زعلتي على كلامي بس استغرب بنت عاقله كبيره فاهمه في الحياة تستشير على شي مثل هذا

 

[Miss.Feminine]

سبحان الله مواقف ازواج الصديقات شر لا بد منه ..


انا صار لي نفس الموقف مع صاحبتي .. وكل ماخلص معها الشحن ترسل من تلفونه .. والخسيس مسجل رقمي .. وتم بعد فتره يرسل .. اونه زوجته متغيره عليه ومدري شو ..ويتكلم وكني اعز اصدقاءه صراحه فاااااار دمي .. وماعجبني ليش انو رسل .. طنشت ..



كمان مره رسل .. !
اليوم الي بعده .. خبرتها فديتج سامحيني .. زوجك قاعد يرسل والظاهر متعشم اني اساعده بشي بينكم بس انا محب اتدخل بامور بينكم .. وان شاء الله دومكم متفاهمين ..


ونا اعرف انه ماكر وخبيث وفاهمه والله شو قصده .وصاحبتي الله يهداها تصدقه بجنون .. ماحبيت يصغر بعيونها دامها تحبه بس بعد انا ما أمنت شره ( قعد يرسل لي من ارقام مختلفه )..



وصرت اسحب نفسي حبه حبه لدرجه اصبحت صداقتنا سطحيه ..







يعني بالمختصر حتى لو حشمتي نفسك .. صدقيني الا ويردها عليك .. ويشوهك بنظرها .. خبيثين !


فبدل لاتحرجين نفسك معها وتزعل (لانها حتى لو اكتشفت انو يغازلك بتكرهك لانك لفتي نظر زوجها )


.. واذا صج تهتمين لامرها اعرفي ان وجودك معها دوم مشكله .. احسن تخبريها بطريقه ذكيه .. !ويا داااااااار مادخلك شر ..​

 

[مدمنة صبر]

اتمنى اي وحده ترد على المووضوع تفهم قبل
انا مو عاجبني الوضع واللي خلاني اكتب المشكله اني مقهوووووووووره من تصررفه
لحد يقولي انتبهي يزينه الشيطان او خافي من ربك او اي شي
انا بنت اخااف من ربي وملتزمه الحمدلله ومالي في الرجاااال ابد

الله يثبتنا على دينه والحمدالله اللي هدانا لهذا الدين اللهم لك الحمد حتى ترضى


يالغلا اسفه اذا زعلتي:3::5:

 

[حبكـ أنا]

جزاااكم الله الف خير على ردوودكم والله يستر علينا في الدنيا والاخره ويهديه يااحيااتي ياصديقتي تصدقووون حاامل وهااااذ شهرها وهاذا اللي زااد قهري منه