زوج اختي وخيانته لها ارجو المساعده ضروري

[ستيلا جيفنشي]

سلام بلقيسيات انا مررره مستعجله دخلت اكتب مشكله اختي

زوجها يشارك في منتدى وعلى علاقه مع وحده من العضوات واختي كانت تراقب تصرفاته ولما واجهته المره الاولى عصب عليها ومنعها من النت عشان ما تراقب تحركاته

وهي جالسه تحذره من ذا الشي

المهم اهي اليوم فتحت ايميله من وراه ولقت رسايل بينهم و اخذت ايميل البنت

وانهارت من قرت الرسايل وقالت انها بتواجه لكن تقول ما ادري كيف ابفتح معاه الموضوع

وتقول كل ما اتذكر اني بواجهه احس بخوف مو طبيعي

بنات الله يخليكم قولوا لي كيف تقدر تواجهه كيف تفتح معاه الموضوع

هي تقول انا خايفه من ردت فعله لأنه ما نعني عن دخول النت

غير كذا يا بنات تقول انه تغير علي من فتره وصار يدخل مواقع اباحيه اعوذ بالله

بنات الله يسعدكم قولوا كيف تفاتحه بالموضوع

 

[ستيلا جيفنشي]

الله يسعدكم بنات بسرعه ردوا

 

[موس شوكولاته]

الله يكون بعونه ماله الا الاستغفار وقيام الليل وتدعي الله ان يصرفه عن هذا الطريق

 

[مشاعر مكتومه]

الله يعينهاا

 

[ستيلا جيفنشي]

الله يسعدكم اللي رديتوا بالله يابنات نبي حل

 

[احبك واكرهك]

اهلين اختي ما يصير تواجهه وهي ماملكته كله اذا كانت كتأكده من كل هذا تواجهه وتدرب ع هالشي حتى لو ايام بعدين تفتح معاه الموضوع لانها لازم تصير قويه ولا بيسكتها وتخليه يحس انها تملك الحجه القويه وانها مو محتاجه له والاهم انها تكون لابسه ومتعطره بس مو كثير لان هذا يأثر على نفسيته

 

[ام جومانا]

نصيحةلاتواجهه ابداراح تكون هي الخسرانةوعليهابالدعاءان اللّه يهدية

 

[الى الله امضي]

المواجهه لازم تستعد لها

كيف تسلح نفسها

يعني تسد كل فجواتها ما تخلي عليها ممسك لو تستمر شهور على تحسين وضعها

قصدي ببيتها وبنفسها وبعيالها كل شئ مهتمه فيه

اهم شئ ما تواجهه الا وهي قد اعدت العده له على شان مايقول انتي السبب وانتي السبب

وومكن يتعدل من حاله قبل ماتواجهه

 

[مدام فلمبان]

اذا كانت بايعته تواجهه
لانها اجهته بالاول ومنعها من النت وهي سكتت وماقلبت الدنيا علا راسه
وهذا غلللط منها ليش تسكت علا هالحركه
فما بالك الحين تقله انها فتحت ايميله
قويه والله قويه وراح تكبر المشكله يمكن لاسمح الله توصل للانفصال
اللي تقدر تسويه
انها تنشر ايميل هاللي ماتخاف الله
ولاتقولون تستر عليها
ليش هيا ماسترت علا نفسها وسابت الرجال المتزوج في حاله
ولو تعرف اسمها يكون احسن
عشان تتآدب وتعرف ان الله حق
واذا لقت زقمها ونشرته خير وبزكه
عان ماتسير فاضيه لزوج اختك لوحده
الاشكال ذي ماعندها مانع تستقبل اكثر من واحد
اااخ قهرتني اختك ليش تسكت من الاساس
والله اذا ماعندها شي تخاف عليه
يعني ماعندها عيال تواجهه واللي فيها فيها
مااظن انها باقي تحب واحد خاااين ​

 

[الملكة لجين]

ياسلام يرتكب الغلط ويمنعها من النت ؟!
وبما انها واجهته قبل كذا ولا حصل حل
فالأفضل انها ماتواجهه .. تتبع طرق أخرى
وتكثف إهتمامها في زوجها وماتتركة لوحدة ع النت
تلبس وتتعطر وتلصق بجنبة ..
وقبل كل شيء تذكرة بالله وتقوله الي يدق باب الناس الناس تدق بابه
هم يخافوا من هذه الناحية ..
وتلجأ لربها بالدعاء والإستفغار .. والله يهدية ويصلحة .
​

 

[الداعية إلى الل]

السلام عليكم
أنصحها بعدم المواجهه الآن
بس تحاول تصلح أحوالها معاه
تستقبله زين وكشخه
ولاتنسى أهم شي وهو الدعاء
وإذا قدرت او أنتي أدخلي المنتدى الي يدخله وتحاولو التلميح ولاكن بدون التصريح
لاحول ولاقوه إلابالله

 

[ام لمويه]

شوفي حبيبتي قولي لاختك لاتواجهه تراها اللي خسرانه بالعكس تتقرب منه اكثر
وتنسى موضوع النت هذا على الاقل تجرب نفسها وصدقيني بتخلي الوسوسه والتفكير بهالشي وتبدا معه من جديد اكبر غلط انك تقولين لاي شخص في وجهه انك غلطان لانه بيكابر وبيعاند وبيحس بنفسه مو غلطان لكن اذا جيتيه بسياسه ثانيه بتنجحين الا المواجهه نصيحه لا

 

[ام لمويه]

وعلى فكره قولي لها تسحب عليه ولا تبين غيرتها وتخليه والله ان يدور لها دواره ويركض وراها
وقولي لها تنسى الان فكره كرامه او حتى غيره الان هي في وقت غضب تهدي نفسها شوي وبتلقى الحل اهم شي المواجهه لا وتبين غيرتها لا لانها خسرانه

 

[ستيلا جيفنشي]

يووووووووه يابنات اختي هذي قاااهرتني مرره

المشكله انها تحب زوجها حب مو طبيعي مسلمته اموالها كلها وما عندها مانهع انها تساعده بالرغم من انها مو موظفه

ومع ذالك مقصر عليها

وانا ذا الحين جالسه اقولها لا تواجهينه ذا الحين الا اذا هديتي لاني اعرفها راح تنهار وانا ما ابيها تيكي قدامه لأانه ما يستاهل دموعها

هي تفكر بعد هالمشكله تزعل عليه وتروح لأهلي كم شهر
واللي تقول خليها تتعطر وتهتم في نفسها وفي بيتها واولادها هي تقول انه ما يستاهل من تعطر له

وما يستاهل اني اقوم بحقوقه على اكمل وجه

طيب ذا الحين هي داخله في مشروع وان شاء الله بيجيها ارباح وتقول بعطي زوجي نصف الارباح تخيلوا يابنات
كيف اقنعها فهمتها قلت لها زوجك مقصر عليك يسااافر وما يسفرك ومع ذالك تساعدينه ؟

قالت لي مسكين كل اخوانه دا خلين في تجاره الا هو وابي اساعده

بالله كيف نقنعها؟ ادري طولت عليكم بالموضوع لكن والله من حري على اختي ومن تصرفاتها

 

[ستيلا جيفنشي]

سبحان الله وبحمده سبحان الله العظيم

 

[منايا الجنة]

حسبنا الله ونعم الوكيل على الخونة حسبنا الله ونعم الوكيل على بنات السوء الله ينتقم منهم
شوفي يا اختي خلي اختك تلجىء لله ثم لله ثم لله والله ماينفعها الاهو وما يرفع عنها الضر الا هو
قالت احدى الاخوات انها اكتشفت خاينة زوجها ولم تواجهه وكانت تتالم كثيرا
ولكنها لجئت لخالقها وبكت كثيرا بين يدية وقالت يارب اني احب زوجي واريدة ان يدخل الجنة معي فهدية وطهر قلبة وفرجه من الحرام وجنبة فتنت النساء وكانت تقول اللهم اجعل زوجي مع بنات السوء اجعل باسهم بينهم شديد شديد
وتقول بعد فترة قالت لزوجها جاتني رسايل من جهه غير معروفه مكتوب فيها انه زوجك يخونك
دايما وانتي لا تعلمي ولكنها قالت لزوجها انا ما اصدق الرسايل لانك انسان تخاف الله ومن هذا الكلام
المهم بينت له انها غير مصدقه المهم قاالت الرجال تغير كثير بفضل الله وقال انا ما اسوي كذا ابدا وبدا يراجع حساباته وتغير للافضل وصار يروح للبيت كثير والحمدلله
انصح اختك انها ما تواجهه وهذة نصيحة استاذة ناعمة المواجهه مع الضعف مو حلوة
واختك الله يهديها ليبش بتعطية فلوسها يستخدمها في الحرام الاستاذة ناعمة تقول الحرمة ما تعطي زوجها فلوسها ابدا الا اذا كان بحاجتها وشرط يكون طالبها لكن لاتعطية بدون طلب لانه راح يكون العكس راح يحتقرها
وكيف اختك ماتبغى تتزين لة تقول ما يستاهل وكيف بنفس الوقت تعطية فلوسها يعني يستاهل الفلوس:25:
اسال الله ان يفرج همها ويعجل بالفرج لها ويهدي زوجها وينتقم من بنات السوء مخربات البيوت

 

[تيميه]

الله يفرجها

 

[ستيلا جيفنشي]

الله يسعدكم يالغوالي ويفرج همكم

 

[الدلوعه 22]

لا تواجهه وتهتم بنفسها وتدلعها وتعيش حياتها مو بيوم وليله لايبغالها صبر
وتنشغل عنه والله يفرج كربتها

 

[الى الله امضي]

خليها تقرا الردود هذي عل وعسى تقوى شخصيتها