زوج اختي وجواله

[بنية سوسو]

السلام عليكم ورحمة الله وبركاته :
انا بعرض لكم مشكلة اختي لعل وعسى تلقى عندكم حل اختي متزوجة من 8 سنوات
و طبيعه عمل زوجها انه يتواصل مع النساء عن طريق الجوال المهم
ان اختي قبل تقريبا سنه اكتشفت ان زوجها يكلم بنت خذت جواله بدون علمه وقامت
تقرا الرسايل الواردة والمرسله ولقت رسايل مرسلة من زوجها للبنت كلام اذا تحبيني
ومدري ايش يعني رسايل فيها كلام معسول ومن هالحكي المهم اختي يوم قرتها ضاق
صدرها مرررة وخذت رقم البنت من جواله عشان تتأكد ويوم صحى من النوم قالت له
ودني لاهلي لاني تعبااانه مرررة وهو جابها وعلى طول دقينا على الرقم وردت علينا
بنت زي ماكنا متوقعين ولا قالت لها شي سوت اختي نفسها انها غلطانه في الرقم
وبعدين كلمها زوجها قالها انا عارف انك فيك شي مزعلك مني بس قولي لي وش فيك
هي قالت له اني خذت جوالك ولقيت رسايل وكذا وهو على طول حلف ويدعي على
نفسه ان علاقته في هالبنت بالحلال وانه خاطبها ويبغى يتزوجها وانه خلاص مهوب
متزوجها لانه ماارتاح لها اختي ماصدقته يعني سبحان الله ماانتهت سالفة زواجه وانه
ماارتاح لها الايوم درت اختي لان الرسايل اللي قرتها مافيها انه مايبغاها او شي زي كذا
بالعكس المهم اختي جلست اسبوع عند اهلي ومع اصرار زوجها انها ترجع له رجعت
له ... المهم بعدها هو غير رمز الحماية لجواله وتقول يعني مالاحظت عليه شي يخليني
اشك فيه مثل قبل والحين لاحظت زوجها رجع مثل قبل يعني اذا دق جواله يطلع برا يكلم
ويتأخر مايرجع المهم هي رجعت بنفس الطريقة يوم كان نايم فتحت جواله ولقت رسايل
وسائط صور مخلة لبنت مصورة اجزاء جسمها عاري اختي خذت الرقم بعد وقالت اكيد
بنت يوم صحى زوجها لقاها معصبه وكذا ويقول وش فيك ومدري ايش وهو شاك انها
فاتحه جواله وطلع للعمل وهو متضايق تقول نظراته نظرات اللي متأكد انها شايفه جواله
ويقول لها اذا انتي لاقيه علي شي قولي لي عشان اوضح لك وافهمك كل شي وانتي
لاتخليني اروح وانا شاك في نفسي اني مسوي شي غلط المهم كلامه كلة متأكد انها
فاتحه وشايفه اللي في جواله المهم اختي جتنا ودقينا على الرقم اللي مرسل الصوروطلع
رجال ...؟وهي مازعلت على زوجها عادي رجعت معه ولابعد قالت له عن اللي شافته !
اختي الحين محتارة ماتدري وش تسوي تقولي ببلغ عليه الهيئه واخليهم ان شاء الله
يسحبونه وانا والله خاااااااااااااايفه انها تهدم بيتها اذا درى انها هي اللي مبلغه عليه اكيد
راح يسوي فيها شي ...
ولا تقول لزوجها وتقوله عن اللي شافته بس تخاف يصير الموضوع عنده عااادي
يعني يتجراء عليها يعني يصير يكلم ولا عاد تهمه ...؟
والله اني محتارة ماادري وش انصحها اخاف انصحها بشي يهدم بيتها وبناتها مساكين
لسى صغار وصعبه انها تسكت وتخليه يسوي اللي يسوي ؟؟؟
الله يجزاكـ خير ويسعدكـ ردي علينا بأسرع وقت ...
عذرا على الاطاله ... وشكرا لكـ ...

 

[بنية سوسو]

تكفووون ردوا علي الله يجزاكم خير

 

[شــروق]

قولي ل اختك....تعوذ من ابليس زين..

ولا تبلغ عنه ولا شي خليه يطس ويولي

ولاخرب بيتها

خليها طبيعيه مع زوجها..

هو طيب ولا يبي زعلها وقالها قولي شفيك تظايق من زعلها وعشاانها زعلت

تكفين لاتخرب بيتها وتبلغ ع خويه والله انه غير يعرف انها هي

ويصير شي مااتتوقعه....

وترى واضح ان زوجها يحبها ..لاتهدم الحب وتضيعه عشاان سفيه مثل راع الصور

والله يهدي بالكم..

 

[امري لله]

تقول لزوجها وتقوله عن اللي شافته بس تخاف يصير الموضوع عنده عااادي
يعني يتجراء عليها يعني يصير يكلم ولا عاد تهمه
شكله شاري اختك وبنات هل وقت الله يعين عليهن ماخلو رجل من شرهم
لاتصارحه ابدا
وتدعي له

 

[ملاك 88]

تحملي تخبر عليه ...
لاتهدم بيتها ..بلعكس هاالحركة قوية راح يكرها وبطيح من عينة وراح يتمسك ف البنت الانسان قبل كل شي يفكر بهدووووووء وتفكير صح عشان النتيجة تكون مريحتنها مب ادمر حياتها بنفسها عشان وحدة ولاتستاهل ..
خل تواجهة بطيب واذا مانفع خل تتصل ف البنت وتكلمها بطريقة حلوة ..ان تبتعد عن زوجها وتحسسها ان راح تخبر عليها اهلها تخوفها وتقول لها انا يتلج بطيب واني ابتعدي بطيب ...

 

[زوجةاسير]

من رايي انه ماتعلم الهيئه عليه لانه بتكون فوق راسها تصبر وتشوف اخرته معه

 

[العجيبه]

 

[منت فاهم]

انا مع البنات الا تبلغ سلامات كل الرجال تجيهم رسايل وايميلات من اصحابهم بس مافيه احد بلغ كلن واخلاقه خليها عادي تمشي الوضع ولاكن شي صار لاتخرب بيتها علي الفاضي

 

[فلوووور]

لاااااااا تخبر الهيئه أبد
بس تصاااارحه وهو إن شاء الله يترك هالعاده وهو وااااضح إنه يحبهاااااا
بس قولي لها تكلمه بهدووووء وبمحبببه وإنها خااايفه عليه من الأمراااض ومن الله
وإن شاء الله يترك هالعاااده

 

[سمراء وافتخر]

السلام عليكم
لا تقوليه شي خليها عادي كم مره الدكتوره ناعمه والمنتدي يقولون لا تواجهي خليها تشوف شنو اللي مخليه يركض وراها اكيد في سبب ونفس الوقت خلي تشوف نمطه علشان تتعامل معاه صح وخليها عادي وتستقل عنه ماديا وتفرح وتبسط نفسها وتنشغل عنه راح يركض وراه خليها غامضه وربي يرفقها ويبعد عنهم عيال الحرام يارب ويهدي زوججها ولا تنسي سوره البقره والدعائ قبل الاذان الفجر بساعه وربي يوقفها وطمنينا

 

[حكاية روح]

كلام البنات صح لا تبلغ ولا شي...
اكيد صور هذي من خويه متعرف على بنت دزله صورهاا وهو يدز الى زوج اختك...
ااختك ما لاحظت عليه شي ثاني يعني مثل اول يطلع يكلم برا ويطول,,,
هذا دليل انه ما يكلم احد واكيد ترك البنت...
خليهاا ترجع له وتخلي الوضع عاادي ...
ولا تقوله شي ريال ما يحب زوجته تراقب تصرفاته او جواله...
تخلي والوضع زي اول عاادي يعني ترقبه من بعيد الى بعيد اهم شي هو لا يدري عن شي..
وان شاءالله ربي يكون بعونهااا..


واسفه عزيزتي على الاطاله...
وبشريني عن اختك....

 

[بنية سوسو]

والله يااخواتي ماندري وش نسوي يعني تسكت بس احس انه من جد شي يقهر تقول يعني اجلس على عماي واخليه يسوي اللي يبي

 

[بنية سوسو]

والله يااخواتي ماندري وش نسوي يعني تسكت بس احس انه من جد شي يقهر تقول يعني اجلس على عماي واخليه يسوي اللي يبي مقهووورة مرررة وتقول انا مااقدر اخليه كذا على كيفه بالله وش رايكم ...

 

[فراشة طائرة]

وانا رايي من راي البنات لاتبلغ الهيئة