زوجي يوميا يقولي انتي موعاجبتني بتزوج عليك

[ملكة بطبعي]

السلام عليكم 0000كيفكم خواتي0000
زوجي عذبني معاه من يوم اخذته وانا مو عاجبته مع اني على قدر من الجمال والحمدلله والثقافة والشياكة بشهادة الجميع , والله يابنات انو من النوع اللي عيونه طويلة في السوق فضحني مع الحريم يخز الوحدة بعينها الين ترخي نظرها وانا جنبه ولا عبرني ولا احترمني يدق التشخيصة اذا نزل السوق كانو رايح زواج , ودايما تلقين يده فيها الجوال , فتن بنات المسلمين حسبي الله ونعم الوكيل , اكيد بتقولون انتي مااشبعتيه جنسيا اقول اقسم بالله لدرجة اني مرابطة عند النت والثقافة الجنسية واحاول انوع في الحركات ويعجبه في لحظتها بعدين خلاص يرجع زي اول , هو من يوم هو شاب قبل الزواج وهو غزلنجي وياليتني دريت على الاقل ماجيب منه عيال
لكن الحمدلله على كل حال في الليل على المسن والشات وبنات الحرام يرقصون له ويسولفون معه وانا حرمني من كلمات الحب والغرام اللي يعطيهم اياها وكل شوي يقول انا بتزوج انتي مافيك شي لكن بتزوج وانا توني صغيرة وعندي اثنين بس وكل ماقام وقعد قال بتزوج , اتعب نفسيتي لدرجة اني الحمدلله البس واتكشخ في البيت لكن اللي طايحن في الحريم مهما سويتي له مو عاجبه , والبارح يوريني صور بنات مخزنها في جواله هو يمكن كويس انو ورانياها لكن احس بحرقة قلب وتهاوشنا انا وياه وقالي انو ماني عاجبته حتى يابنات احس انو معاي جاااااااااااااف جدا وقاسي في معاملته لي , والادهى والامر انو خواته جالسين عندي في نفس الشقة غثوني حسبي الله عليهم يتكلمون في النسوان ويوصفونهم هذي شقراء وهذي بيضاء وهذيك طويلة
واللي مكياجها حلو والي واللي 000
وهو فاتح فمه لهم وانا بموت من جوا , زيادة انو ظالمني معاهم وهم على قوله تاج راسك اللي هم خواته الله ينصرني نصر عزيز مقتدر
بتقولون ادعي اقول دعيت واقوم الليل ومازلت انتظر فرج ربي علي
للاسف حرمني حسن التبعل بتصرفاته وقسوته لاحول ولاقوة الا بالله
بالله عليكم اذا الواحد كل يوم كل يوم يقولك انتي عليك خطوط حمراء انتي مافهتي انا ماني مرتاح معاك انتي
يالله روحي بيت ابوك اتعب نفسيتي الله يفرجها

بتقولون وقفيه عند حده اقل مية مرة رحت لبيت ابوي ولافي فايدة 00
ايش رايكم اخرج من حياته وارتاح ؟ طيب وعيالي وين اوديهم

 

[ملكة بطبعي]

وحتى يابنات اخوانه مثله حقون بنات لدرجة انو واحد من اخوانه يخرج مع بنات وهو باقي ماتزوج حتى سمعته يكلم اخوه انه عاشرهم والعياذ بالله

 

[مهجوله]

مو يقولك روحي بيت ابوك خلاص ليش تهينين نفسك روحي وخليه حتى يتأدب

خير ان شالله جايبك من الشارع هو صراحه قليل ادب هذا

والمفروض توقفينه عند حده خير ان شاالله وشايفك ماوراك اهل

لازم تحترمين نفسك عشان هو يحترمك اذا شافك هاينه نفسك عنده بيهينك زياده

والله ياهو قاهرني صدق

 

[فطـوم]

استغفر الله العلي العطيم

لا والله ريلج هذا مب صاحي ..!!!
شوفي اولا حاولي تنصحيه .. و تكلميه بالهداوة ..
يعني في الليل مثلا ..
اسأليه .:؟
انت ما تبيني اكمل معك حياتي .؟
لكن اشرح لي الاسباب عشان اروح بيت اهلي و انا مرتاحة .؟
لأني ترا تعبت منك و الله ما يرضى بالي تسويه فيني ..؟
شوفي شو يقول ..
و بعدين قوليله خذني بيت أهلي و اذا اهلي سألوك ليش قولهم خلاص انا مابي بنتكم ...


سوي معاه هالحركة شوفيه شو يقول ..

لكن بعدما تستخيري ربج ...

والله يهديه و يعينج الصراحة ​

 

[فطـوم]

و صحيح ترا هذا انسان بيندم في الأخير ...

و اللي يعصي ربه مستحيل يتوفق في حياته و بيعرف غلطه ​

 

[nana mall]

أختي انت ايش اللي مصبرك ع الحياه هده
خلاص الرجال معاد يحسب لك حساب ولا حتى لروحتك لبيت اهلك
حبيبتي استخيري الله في تركه وان شاء الله ربنا يعوضك اللي احسن منه
الله معاك وبالتوفيق

 

[ام معمر]

الله يعينك ويفرج همك زين ليش خواته ساكنين معك ليش مايسكنون في بيت ابوهم

 

[مدري مين انا]

والله انا استغرب من اللي تقول
كلمي زوجك وكلمي زوجك وكلمي زوجك
الحين هي لو كلمته وجاب نتيجه كان لقيتو مشكلتها هنا ؟؟؟؟؟؟؟؟؟
الرجال او اشباه الرجال ما يسمع الكلام ولا مستعد يفهم
وان جلستيه كلمتيه تلاقيه مافهم ولا شي لان في شي براسه يدوووووووووور
ولا منتبه لك اساسا
وانتي ياعزيزتي الحمدلله انك تدعين وتقومين الليل وربي يثبتك ان شاء الله
الشي الثاني اللي لازم تسزينه هو " شيفت + ديليت "
يعني طنشيه لا فين رحت ولا جيت ولاتسألي عن اي شي وتكلمي معاه عادي
اقولك كيف عادي ؟؟؟؟ كيف تكلمين اخوك ؟؟؟ نفس الشي
خليكي من العتاب وجلسات المصارحه لانك ماتعرفي وش في قلبه عليكي
وتخافين وقت المصارحه يرمي كلمه تجرحك
وسجلي في اي دوره قريبه من بيتكم وتكشخي وروحي وتعالي
وصديقاتك يجوون وانتي روحيلهم وعيشي حياتك بالطول والعرض وزياده
خليكي على هالحال فتره وشوفي فيه تغيير او لاء ؟
اذا ماتغير فكري جديا بحل اخر وفكري في تبعاته
لاتستسلمي بسهوله وترجعي عند اهلك او تفكري بالانفصال
وبالتوفيق​

 

[ملكة بطبعي]

يااااااااااااااااااااااااااارب

 

[ملكة بطبعي]

خواته يدورون شقة في المدينة لانهم كانو في الديرة وعندهم اخوان ثانين لكن ابوهم وامهم ماتو
وهو تغيرت معاملته لي بوجودهم صار يجرحني اكثر وييهني احينا قدامهم ليثبت رجولته وانا خلاص مقدر اتحمل اللي يسويه في
القاها من فين ولا من فين
من خياناته ومطامره ورا الحريم ولا من خواته اهانته لي قدامهم حسبنا الله ونعم الوكيل

 

[ملكة بطبعي]

حتى العلاقة الشرعية اللي بيني وبينه يتكلم فيها قدام خواته

 

[قمر بلامنازع]

اسمعي حبيبتي
امسكي سجادتك وصلي وادعي ربي يفرجها عليك
ولاتنس الاستغفار والدعا
وخليك دايم نظيفه
وكاشخه
وبيني له انك زعلااانه على الي يسويه
انتي قومي بواجبته ع الصامت وبس
والله يفرج همك ويحنن قلبه عليك ولايشوف غيرك ويسخره لك

 

[ملكة بطبعي]

وخواته فلان تزوج على حرمته ومافيها شي هي تقعد على عيالها وهو ياخذ الثانية يعني اسمعي ياجارة دق الحجارة, وهو فاتح فمه لخواته
افوض امري الى الله ان الله بصير بالعباد

 

[ملكة بطبعي]

ياليتك ياامي مازوجتيني الحمدلله والشكر

 

[جيفنشيه]

استخيري والله يعينك
هذا وشلون بيربي عيالك
بعدين هناك خطوط حمراء وقفيه عندها
كيف يشرح لخواته علاقتكم الخاصه؟؟؟؟؟؟؟؟
ماهو صاحي واللي مافيه دين ينعاف

 

[الوردوالياسمن]

الله يفرج همك

 

[قمررر20]

ياإختي حافظي عاللي باقي من كرامتك
روحي بيت اهلك وخليه يتأدب واتركي عياله عنده لاتقولين مااقدر
بلا عواطف هايمه هذولا عياله مثل ماهم عيالك استودعيهم الله وعطيهم أبوهم ورحي لاهلك
صدقيني بيرجع لك يبكي ويبوس رجولك صدقيني بعض الرجال مايمشون إلا بالعين الحمرا

 

[بيرو العمودي]

انا لو مكانك
اول ما يقول لي بتزوج وانتي مو عاجبتيني
بقول له الشعور متبادل
واقول كان في بالي اني اتزوج رجال
يخاف الله ويغض البصر ويحفظ نفسه
و و و اعددله الصفات السلبيه اللي فيه
بحطمه وبقول كل عيوبه واصحيه من الغيبوبه اللي هو فيه
واشيل العيال واحطهم فوقه واقول له جيب لهم مربيه بالمره
لما تروح تتزوج لانه مافي وحده هتربيلك عيالك
وانا باخد الرجال الحقيقي مو شبه رجال
واجهز نفسي واروح بيت ابويا
​

 

[رازيا]

وثقي علاقتك جيداً من زوجك الكريم، بمعنى اقتربي أكثر من زوجك، تحدثي معه في مواضيع كثيرة غير موضوع محادثته مع هذه العلاقة او خياناته
حديثه عن أفكاره تطلعاته همومه وطموحاته، حديثه عن مستقبل أسرتكم وعن ما يخطط لها في المستقبل من مشروعات، حديثه عن نفسك وهل هو راضي عنك أم لا؟، حديثه عن أشياء يرغبها في زوجته وأشياء لا يرغبه، وفي نفس الوقت حديثه عن حبك له وإعجابك به وبأخلاقه، وعن حديثك أمام القريبات والصديقات عنه وعن شهامته وغيرته عليك وعن أخلاقه الكريمة معك. واجعليه يشعر بفخرك به وقربك منه وحاجتك إليه وحاجته إليك. وشاركيه في اهتماماته وأفكاره. استمري دائماً في هذا الأسلوب فترة من الزمن واعتقد أنك ستجدين تغيراً في زوجك نحوك وفي نفس الوقت تغيراً فيك نحو زوجك.
بعد فترة من الزمن راقبي زوجك بدون تجسس وتصنت هل لا يزال مستمر على سلوكه الخاطئ أم أنه تغيّر؟ إذا تغيّر فالحمد لله. أما إذا لم يتغير فصارحيه ليس من باب العتاب ولكن من باب الحب والخوف والشفقة. قولي له: لأني أحبك وأخاف عليك لا أود أن تسلك هذا السلوك الذي لا يناسب زوجاً مثل زوجي الكريم العاقل الشهم الغيور. قولي له: أي شيء موجود عند تلك البنت ليس موجداً عندي حتى أوفره لك. قولي له: أنا متأكدة أنك تغار علي ولا ترضى أن أكلم رجلاً غيرك. وأنا أحبك وأغار عليك ولا أرضى أن تكلم فتاة أو بنتاً غيري. قولي له: أنا أحبك وأرغب العيش معك في أسرة يملئها الحب والحنان، لا أريد أن أعيش مع زوج يبدد حبه يمنة ويسره، وبالتالي يفقدني الحب والحنان ويدفعني إلى نفس سلوكه. قولي له: أنا إنسانة شريفة تربية على الحشمة والوقار والحياء والغيرة، ولن أرضى أن أكون عرضة للوقوع في الحبائل الشيطانية وبالتالي فقد يكون الطلاق أرضى لربي عز وجل من تلك المسالك الخاطئة.
ولكن هذا الحديث وهذا الحوار في هذا الموضوع، لابد أن يكون متأخراً بعد سلوكك الأول (توثيق العلاقة)، كما أنني أؤكد على أهمية الاحترام والهدوء أثناء الحوار مع زوجك في هذا الموضوع, وأنا متفاءلة ومستبشرة خيراً بإذن الله أن أمورك سترى النور والخير بعد هذا.

** أخيراً: وثقي العلاقة واقتربي أكثر وانظري في رغبات زوجك المباحة والمشروعة وأشبعيها له، وحاوريه بهدوء وذكريه بالله وبرجولته وشهامته وأخلاقه دائماً، وشاركيه كثيراً في اهتماماته وأفكاره. ولا تنسيه من الدعوات الصالحات بأن يصلحه الله ويحفظه ويديم عليكما نعمة السعادة والاستقرار والحب والمودة. حفظك الله وحرسك وأسعدك في حياتك الزوجية والأسرية....
ولا تنسي الاستعانة اولا واخيرا في الله والاستغفار والدعاء
وسوف ترين جوائز السماء تنهمر عليكي

 

[*ملكة الحب*]

الله مثله ماينجلس معه دقيقه وحده زيادة

الطلاق أبرك​