زوجي يهملني

[فراغ_العاطفة]

السلام عليكم
مشكلتي مبينه من العنوان .. زوجي يهمني.. مب عارفه شو اسويله بعد علشان يرد يحبني نفس الملجه
مع اني يبت له الاولاد .. ولا حصلت حتى كلمة الله يعافيج .. ولا ورده.. :no:ابا ورددددددد:icon1366:نفس حريم اخوانه !!!

زوجي يا بنات كان مبين في ايام الملجه انه يحبني مووووت.. وانا ما كنت معطته ويه:sly:.. اولا لانه اول تجربه لي ويا ريال:dunno:.. وثانيا لاني مستغربه كيف حبني واحنا ما نعرف بعض غير من اول شوفه ... وغلطت يوم سمحت له يرمسني في فتره الخطبه.. لاني توهقت وياه مب عارفه شو اقول له:blushing:.. ومستحيه .. وخايفه حد من اخواني يكشفني.. مع اني رمسته بموافقت امي ..

المهم حصل الزواج.. وانا عصبيه وااااااااااااايد.. واتنرفز ع اتفه الاسباب .. واكبر الامور مرات .. وهاي الاشيا زادت من حجم الهوه بينا.. وكثرت خلافاتنا .. وضراباتنا وصلت للاهل .. والمعارف :shutup:.. انا مب عارفه هو شو يبي مني .. يقول يبي احترمه ومب عارفه شو قصده في الاحترام فانا ما اخالفه ولا اطلع بدون شوره .. واهلي تقريبا قطعتهم لانه ما يحبني اسير اعراسهم والمناسبات الثانيه .. واذا اروح ويا اهلي وبالنادر..

يبت له الولد وقلت بينسى خلافاتنا وبنعيش مثل العالم ... بس الخلافات تطغى ع كل شي .. حبيته بعد ما يبت الولد.. بس صار وايد جاف.. ما يعطي موليه.. وبس ياخذ.. كثرت خلافاتنا زياده .. وصرت احسه مب مهتم .. ويردد وايد اذا تبين سيري اخلعي ما بطلق انا .. وصارت مصاريفي كلها علي ومصاريف عيالي تدريجيا صارت علي .. وهو وايد عليه الحليب والبامبرز.. وفارد ريشه .. ومسوي عمره ريال البيت:icon28:!!!..

وطالع لي احين وياه ربيع من زمن سكتوووووووو... وكله وياه .. طلعات ومشيات .. حتى اطلانتس سار وياه :icon1366:وانا يالسه بين ارضع واسوي حليب وابدل بامبرات عياله ولا فكر يوصل فيني دبي مول:detective2متواضعه ما ابي اتلانتس)..

صح انه يرد من وقت (قبل الساعه 12في الليل ) واعرف انه ربيعه ريال .. بس بعد منقهره .. واباه يجابلني شوي بس!!.. (ويوم نتجابل كله هواشه بس يله احسن من لا شي).. صرت اصلا اتملل اذا ما اتهاوشت وياه ولا ضايقت فيه (وييييييه استويت نكدية وانا ما ادري)

اباه يرد شرات ايام الملجه .. يصيييييييييح اذا ما رمسته والا غلقت الموبايل بويهه(شكلها كانت دموع التماسيح).. احين اتصل فيه يقولي .. ييله شو تبين .. بتخلصي الرصيد وبتقوليلي دخل رصيد.. يله باي شوي وبكون في البيت وقولي شو تبين !!!!!!...

ابي اعرف هو وين موقعه من البوصله.. فصيله دمه او سالب(O-) .. وانا ايه موجب(A+).. واممم شو غيرها بعد تحدد شخصيته :no:؟؟

انا احبه مووووت.. وابيه يرد يحبني ويحاتيني .. ويستانس يوم يكون وياي مب يتنكد.. ويقلل قعدته ويا اهله ويي يجابلني انا مب بس العيال :in_love:

شو اسوي يا بنات؟؟؟؟

 

[أمـ سالمـ]

هلا الغلا

الله يعينج... انا شراتج يا ويل حالناا:dunno:

والحين حامل وقلت اذا عياال يمكن يتغير........؟

بس شكلي واايد احلم....!!!:nosweat:

والله اتمنى البناات يعطوناا حل .. عنبوو ما نبى شي منهم غير الكلمة الطيبه:in_love:

 

[Ms Uae]

الله يكون في عونج ويسهل عليج

بس مثل ما قلتي انتي صايرة نكدية !!

انتي ما تحبين حد ينكد عليج.. فكيف الريال من حد ينكد عليه ما تشوفين غير غبار ريوله..

أنا أقول اذا يه .. وانتي عصبية .. اسكتي .. واذا سألج .. ردي على قد السؤال .. وابتسمي

خلي يحس انه في شي غريب.. ولا تنكدين حياته >> تراج تنكدين حياته بعد

وعشان خاطر دبي مول.. قولي له عشان خاطر عيالك ( حتى لو هم يهال وما يفهمون ) ودهم دبي مول خلهم يشوفون الاكويريوم ..

ما صدقنا يسون لنا اكويريوم في البلاد..أدري أدري ما تقدر تزعل عيالك.. وعلى كيفك اختار اليوم اللي يناسبك.. وانتي تتكلمين لا تعطينه مجال..

وأهم شي تبتسمي 24 ساعة .. وخلي نظراتج فيها غموض .. وتمي ساكتة لو انتي تفورين من داخل..

وان شا الله ما يصير الا الخير

 

[فراغ_العاطفة]

اكتشفت بعد ولادتي الثانيه انه الريال ما بيتغير اا يبت له الاولاد.. بس بيتغير اذا تدللت وتدلعه وبكيت وصرت حساسه :icon31:




بس في اول شهرين:tears: وعقب رد يسويلي طااااااااااااااااف

ان شاء الله ريلج ما يكون شرات الي عندي ...

 

[فراغ_العاطفة]

اشكركم على المرور:shiny:

مس يو ااي اي.. تعرفي شو المشكله .. اني انا انقهر وامووووووووووووت يوم يطلع ويا ربيعه ها :busted_red:وابا اليوم الي بعده يكون لي .. واذا ما سوااه خلاص اخرب له عيشيته واعق خيط ورى خيط:icon1366:.. اباه يكون لي انا بس .. ملكيييييييي..

 

[جادل]

الله يكون بعونك ويوفقك ...

 

[عنقود عنب]

.. اباه يكون لي انا بس .. ملكيييييييي..

هنا مشكلتك اختي

تبغين تتملكينه و تنكدين عليه ..وتعيشينه في حجيم

وتبغينه يرجع لك ؟؟؟

قولي لي عزيزتي

انت عارفة كل اخطاءك ...لكن وش سويتي عشان تجذبين زوجك لك

عمر الاولاد ما تربط الزوج بزوجته

ياما زوجين ما الله كتب لهم اطفال ..تلاقينهم عايشين كأنهم في شهر عسل دائم

وتلاقي زوجين عندهم درزن اطفال ...وفي الاخير يطلقون

حتى لو ما كان طلاق كامل ...فهو طلاق عاطفي

عيدي حساباتك عزيزتي

عشان تعيشين عيشة طبيعية مع زوجك

 

[الحلم البعيد]

معليش اختي راجعي نفسك احس نكديتك هي السبب

 

[دوشه بلقيس]

اكتشفت من حياتي مع سي السيد ان الرجل مايصلح تقولين له ابيك تفضي نفسك لي وليه تطلع وليه تخليني وانت موب مثل اول وصاحبك ماخذ وقتك
كلها هذي يفسرها الرجل بجمله وحده اجلس في البيت وربي عيالك ولاتطلع تفهم؟؟؟
وبالتالي هو يعاندك اكثر ...بس بصراحه انا استغربت من كلمة جبت له الولد وتوقعت انه بيتغيرهههههههههههههههه
انا متأكده انه انتي اللي تغيرتي مو زوجك

 

[om3mmar]

يا اختي الله يهديكي
اذا فعلا تبي زوجك وتلفتي نظرو
واذا كان زوجك كل اهتمامك

ابدئي بنفسك

مشروعك كبير ويحتاج للصبر

غيري بعض من تصرفاتك
وحاولي تسيطري على حالك

اقرئي!!

ايوا اقرئي فيه كتب كتيرة عن الرجال
اذا ما تحبي الكتب في مواقع كتيرة تخدمك وتعرفك كيف تتعاملي معاه
في منتدانا الرائع
واذا تحبي اكتبي في جوجل فن التعامل مع الرجال وشوووووووفي ايش بيطلعلك

وحاولي تطبقيها
تاخدي وقت في تغييرك
لكن بترتاحي طوول عمرك بإذن الله
اتوكللي على الله كل يوم
وابدئي يومك في التغيير
صدقيني الله بيساعدك

ترى يا اختي لا استشاراتنا ولا المواقع ولا الكتب ما بتغيرو
ما يغيرو الا الله
طبعا قلوبنا بين اصابع الرحمان
هو بيضح حبو في قلبك وحبك في قلبو

ادعي لزوجك بالهدايا
وحاولي تعملي برامج مع اطفالك تلفت نظر ابوهم لهم
مثلا علميهم اول ما يدخل يغنو لو ويرحبو في ويبوسو يدو
وانتي مبتسمة وعيونك مفتخرة فيهم

المهم
انت ادرى بزوجك
لكن نصيحتي اهدئي واتغيري
الدعاء بيغير القدر!!!
معقولة ما بيغرك او يغير زوجك

اوصيكي بالدعاء الموجود في توقيعي
ترى خيرو كتير ومجرب
ادعي في كل سجود

اعاننا الله على رضا رجالنا

 

[ورود جورية]

الرجال ياحياتي انسي انهم يكونوا مثل ايام الملكه ....شيلي هالفكره من بالك....
وفيه شغله ثانيه لكن لاتزعلي مني ....انتي باين عليك نكديه وتحبين تطلعين حرتك فيه وهو لما يطلع من البيت اتوقع مالقي الي يبغاه داخل البيت من الحب والهدوء والموده مايلقى منك غير شكوى وصراخ عشان كذا يطلع برا البيت ويقابل صاحبه الي ينسيه جو البيت ونكده....نصيحتي لك غيري من نفسك واسلوبك وشخصيتك القاسيه وحاولي تعرفي زوجك من اي نمط شمالي او جنوبي او شرقي او غربي وانتي بعد اعملي الاختبارات عشان تفيدك في تعاملك معه والله يعينك
وترى مو بس انتي الي تتمنين زوجك يرجع مثل ايام الملكه....كلنا نتمنى لكن هذا شي مستحيل لانك لو تدققين بالموضوع تلاقين ان احنا بعد تغيرنا وازواجنا يلاحظون هالشي....والله المستعان

 

[جريئه]

حبيبتي الرجال يبي وحده تنسيه همه مو تزيده
غيري من نفسك وهو بيتغير صدقيني
اي رجال يحب الفرفوشه البشوشه الدلوعه الناعمه
الفراشه اللي تملا حياته

يابناااااااات لازم نتغير
نكون إناث بمعنى الكلمه
عشان نكسبهم ونوصل لمبتغانا
تحياتي

 

[فراغ_العاطفة]

اشكركم ع المرور عزيزاتي

اللي مخلني نكدية اني صج احب اطلع واااايد .. وبعد احب احظر مناسبات عائلتي من اعراس وغيرها
وها الشي الي ما يحبه والود وده يبعدني عن عيلتي واخوالي وبناتهم .. ما ادري شو مشكلته.. والا بس يبغي يعاندني علشان شي سويته وانا مب حاسه بعمري ؟؟!!.. :icon1366:

كيف اقدر اقنعه واغير رايه وهو طول الاسبوع بين الدوام والجامعه .. وما فيه فرصه افتح حلجي فيها الا ويقول انا مشغول .. ووراي مشاوير لازم اسويها وغيرها من ها الاعذار...

يدخل البيت مثل العاصفة يبوس ولده ويلاعبه ويروح يجلس ويا اهله واقعد انتظره وانتظره .. والا الحبيب طالع من الباب الثاني وطالع للجامعه .:icon28::icon28:

البس له واشعل الشموع واسوي جووو.. يطفيها ويسير يرقد .. ويتعذر انه عنده دوام من الفجر!! مع العلم انه يحب الشموووع وها السوالف:in_love:..

صار عادي يطوووف اسبوعينواكثر بدون ما :tears:.. انزين اوكي ما ابي ها الشي:sadwalk:.. ع الاقل حسسني بحنانك بوسه ع الطاير على الاقل ..ماشي:icon1366:

صرت وايد اشك في انه فيه حد لقلبه غيري.. وارد اتعوذ من بليس.. فهو يرد البيت عشر وان طول12 في الليل..وموبايله مفرور ف كل مكان ..:shutup:

 

[ام يوسف16]

ربنا يسخر لكى زوجك وقلبه بين يديكى