زوجي يكره.......... صمتي

[[ جودي ]]

بسم الله الرحمن الرحيم

الموضوع ومافيه اني حبيت هذا المنتدى وحبيت المشرفات العضوات

والله يجمعنا في الجنه



ولكن في شى محيرني

وهو المطالبه بان تكون المراه غامضه وان الرجل

مايحب الحرمه الي تبربر كثير وانه يحب المراه الغامضه والكتومه

مثل بعض المواضيع الي قراتها

احب استشهد فيها ولا تزعل مني كاتبه الموضوع

على المرأة ان تعتمد الصمت كما الرجل لكي تضعه في موقف دفاعي فيضطر للكلام
الصمت يضفي على المرأة هالة من النفوذ والسيطره ويجعلها في نظر زوجها اكثر ذكاء وأعمق تفكيرا

حلو هذا الكلام صح

بس انا عندي زوجي مايحب يشوفني ساكته في بدايه زواجنا

اااذا سكت يخرج من البيت يقول طفشت واني ماتسولفين

بس انا اسولف وابربر وانتي مستمعه قلت له هذا طبعي ما احب الكلام الكثير


بس انا حاولت اني اسولف واتكلم
وزوجي من النوع الي يحب المناقشات

يعني صرت اجب له قصها سمعتها اوقريتها

واناقشه فيها

يامتزوجات في وحده زوجها من هذا النوع

الي مايحب يشوفها ساكته

ارجو التفاعل

السلام خبر ختام

 

[أميرة الزهور]

و الله يا عزيزتي انتي حاله شاذه

ياليتني مثلك

انا عكسك تمااااااماً

انا اللي ابربر وهو ساكت

و انا اللي اطفش منه و ازعل عليه و اقوله انت ما غير ساكت و اطلع من البيت و اروح و اخليه


اقولك

وش رايك نتبادل هههههههههههههههه

 

[همسة دلال]

هلا حبيبتي
أنا بعد قرات موضوع المراة الغامضة
شوفي عمري المقصود ما انه تسكتين نهائيا لأن الريال يحب زوجته تتفاعل معاه وتهتم لكلامه ولا المقصود انج تثرثرين دوم :nosweat:يعني فلانه سوت كذا وهاي حصل عندها كذا وانا احب كذا واشعر بكذا ورايي كذا وكذا وكانج تسولفين لصديقتج!! الوسط هو افضل الحلول يعني تسولفين بس سوالف حلوة وممتعه وما كل شي لازم تتكلمي فيه وتبدي رايج يعني احيانا اطرحي عليه اسئلة عشان بحس انج تحبين تاخذين رايه وتسمعبن ارائه وعشان ترضين غروره واحيانا قولي رايج بس ما بالتفصيل...لما تتناقشون وتختلفون هنا قولي رأيج بس ابتعدي عن خوض النقاشات بالتفصيل ولا تتجادلي كثير هنا يكون الصمت أحسن...
يعني تبدين رايج بس بشكل جزئي ما بالتفصيل حتى ما يشعر انج كتاب مفتوح لأن كذا يشعر بانج متجدده وغامضة ..خليه يكتشف ارائج شوي شوي ما بلحظة تقولين كل شي..:no:

حبيبتي احنا كلنا نحب الشخصية الي ما وايد تتكلم يعني احيانا ايماءة او نظره تكفي للرد او الرد باقتضاب عشان كذا صاحب الشخصيه الغامضه عنده القدره علي جذب الناس له
لأن طبيعة البشر هي حب التطلع ومعرفة المستور وبالتالي ايكون أكثر جاذبيه
عناأنا أتكلم عن
الغموض اللي يجعلك تسعى وراء شخص ما لتعرف عنه ما تراه مستتراً وغير واضح وليس كبقية
الأشخاص فسحر ما يحيط به ويلفه وشئ ما يجذبك نحوه ولاتقدر منع نفسك من ذلك..يمكن لأنه مختلف عن الباقيين والغموض المقصود ليس معناه أن يكون الشخص غريب الأطوار..لا ولكن شخصيته مختلفة و به من الجاذبية الكثير..يعني رؤيته من زاوية التنوع في الصفات والشخصيات..

أنا زوجي ما من النوع الصامت هو يحب يتكلم ويناقش وانا احب اتكلم معاه واناقشه بس احيانا احس انه لما اتكلم باقتضاب يكون احسن لأن الرجال فضوليين ويحبون يفكرون ويشغلون عقولهم فلما ما تصرحين بكل شيء يبدأ يشغل عقله ويفكر وهنا تكون الشخصية جذابه ما لانها صامته دايما لكن لانها تتكلم وتصمت بالوقت الصح
وتترك للطرف الاخر فرصة للتفكير:sadwalk:
اسفة ع الاطالة بس الموضوع شدني ..الله يوفقج حبيبتي:bye1:

 

[[ جودي ]]

مشكوره اميره الزوهره لااقبل التبادل اعذريني هههههههه
همسه دلال مشكورره على الكلام الرائع
بس انا كان ودي اعرف في احد مثلى زوجها يبيها تتكلم
على طول وتسولف

وكيف تعاملت معه

 

[دلولة زوجها2009]

خير الأمور الوسط ، عليك بمناقشتة ، و فتح المواضيع التي تفتح النفس
و تحببه أكثر فيك ، إقرأي بالأمور التي يحبها ، إن كان يحب الرياضة فثقفي نفسك
في هذا المجال ، لكن إياك و الثرثرة ، فهي تبعد زوجك عنك .
و إياك و التعنت في رأيك فذلك يجعل قلبه يبتعد عنك .
و الأهم إياك و كثرة اللوم و الشكوى ، لأن ذلك يحول حياتكما إلى جحيم .
موضوع جميل تشكرين عليه .

 

[بحرينية وافتخر]

انا وحده ما اسووولف وااايد ما عندنا وقت حق السووالف وااايد
بس لما يكووون معااي عطول يعني يوم الاجازات اسووولف بس مو وااايد وهو من النوع المزاجي يعني اذا تكلمت ساعات احسه يتملل واذا بغى يتكلم ما يسكت وظل انا اسمعه يعني انا لا اثرثر وااايد ولااا صامته

 

[درة العروس]

انا كنت مثلك اختي الغاليه........متعوده من قبل الزواج دايم ساكته..وحسيت انه هذا الامر مو عاجب زوجي..بديت احاول انا افتح مواضيع معه باشياء تهمه وتهمني..بامور مختلفه مثل البيت والمستقبل والرياضه حتى الامور السياسيه....وانتي وشطارتك ...........ويسلمووووووووووو

 

[الدكتورة نبضة قلب]

خواتي
الغامضة مب معناها ما تسولف وتناقش
بالعكس ا>ا زوجج من النوع اللي يحب النقاش في مواضيع معينه ناقشيه

لكن حاولي ما تخلين حياتج..خصوصياتج..صديقاتج..هو الموضوع الرئيسي في نقاشكم

مثلا

ا>ا زوجه يالسه هي وزوجها على الغداء بعد رجعته من الدوام
وتقوله
تراني عقب ما طلعت نظفت البيت
وطلعت الدجاج عشان ي>وب عنه الثلج
وكلمت امك اصبح عليها
وعقب شغلت الغساله على الملابس
و و و

وين الغموض اهنيه

اي ريال يتحمل يسمع هالتفاصيل!

الغموض انج ما ت>كرين تفاصيل عن بيت اهلج وحياتهم
ما ت>كرين تفاصيل عن دوامج وصديقاتج

خلي عندج اسرار

مب لازم الزوج يعرف كل شي عنه وتكونين صقحه حفظها صم ومافيها اي شي جديد




​

 

[[ جودي ]]

مشكورات الاخوات على ردودكم

وكلام عن جد اقتنعت فيه

عن زوجي انا اهتم في الاشياء يحبها

حت لو كان شي تافه مثل الالعاب في الانترنت

احيانا اتفرج معاه واشجعه مع اني ودي يجلس معي

بس ماابغاه يجلس عليها بر البيت

 

[روح البندر]

انا نفسك تمااااما___ بالله من وين اجيب سوالف وانا جالسه فالبيت>>>حتى بصراحه لواطلع ويسالني شوالاخبار والسولف الجديده>>>اقول مافيه:icon1366:مدري ليه هالحاله>>لااااااااااااا واكبرهمي اذاكنافطريق وقال سولفي علي ونسيني>>والله بدون مبالغه احس كل السوالف تطيرمن راسي>>ابغااااحل وادعي لكم:clap:

 

[سحرجدة]

صح لسانك الدكتور نبضة قلب كلامك اعجبني كثير

فعلا اهم شي مع الزوج خلي عندك خصوصية بالذات عن اهلك وصديقاتك والله لو شي يخص اهله تتفاجين انتي ممكن تعرفيها بعدين تنقهري ليش ماخبرك عنها ليش لانه يحب الخصوصية لنفسه وانصح كل وحده وعن تجربة ماتخبر زوجها اي مشكلة او شي خاصة في اهلها واذا فكرتي تفضفضي يكون لغير زوجك من صديقة او اخت افضل ولا تخليه يمسك عليك اي شي بالذات لاهلك واول مايصير سوء تفاهم بيعايرك فيها ويستغلها ضدك هالنقطة ..
ونصيحة لاتفكري تصاحبي زوجك لانها فكرة خائبة وعواقبها وخيمه هههههههههه. وهذي حكاية لوحدها نحكيها بعدين
تحياتي ..