زوجي يطالب براتبي

[تناغيم]

للاسف الكيبورد العربي ليس متوفر عندي باستمرار والسموحة
ارجوا قراءة الملف المرفق

 

[احاسيس منثوره]

ماله حق فراتبج
خبريه ان هو الريال هو الي يصرف وهذا واجبه انتي تساعدي بس من كرمج وطيبج

سأليه شو تبا فراتبي؟؟؟

وسأليه الحساب المشترك بأسم منو اذا بأسمج انتي اوكي؟ تقدري توافقي

كلميه بلوينه وبين انه هو الرجل وهذا واجبه مو واجبك انتي؟

 

[وحيده كالقمر]

أختي العزيزه أنتي على صواب لا توافقي على رأيه, ف2000درهم كافي وزياده, أخدعيه على أنك أشتركتي في جمعيه مثلا أو أدخلتي بيزاتك في أسهم أو أشتريتي بيت.......المهم هذا مالك أنتي يجب أن تستثميربه في شى ينفعكي مستقبلا,

 

[أم الوردتين]

لاتعطينة
وتهربي منه بطريقة دبلوماسية
وكأن الموضوع لايعنية ولا له دخل فية ان تكلم في الراتب قولي حبيبي اكيد مشتاق لي ومن هالسوالف وان اصر على الموضوع بزعل قومي من المكان بهدوء وبثقة وماعليك منه وان أصر وزودها امسكية وتكلمي معه بهدوء وقولي له الفلوس مانبيها تخرب بيتنا وتشتت اطفالنا وتضيع حبنا ( حتى لو مافية حب)
وشرعا النفقة مو واجبة علي والألفين طيب مني ومو واجبة علي حتى لو انا مقتدرة النفقة علي الرجل وللنفقة فقط أعطي القوامة حبيبي أسألي اي شيخ وارجو ان لاتتدخل براتبي ولا تحاسبني على تعبي واتمنى ان تكون آخر مرة تتحدث فيها عن الموضوع وقومي بكل ثقة وشجاعة ولما تتكلمين ركزي عيونك بعيونة بثقة وهدوء .. لايحس انك خايفة من شئ بيقول في نفسة الفين احسن من لاشئ ومن خراب بيوت .. واساسا عن تجربة الرجل لما ياخذا لمال من المرأة مستحيل يحبها مهما كانت طاعتها وهدوئها بالعكس يكرهها سبحان الله طبعا مخالفة الشرع يحس ان لها فضل عليه .. وخوذي لفة على القسم شوفي شكاوى الي وقفوا مع رجالهم ماديا وش كانت النتيجة وانا وحدة منهم واتكلم معك عن تجربة

كنت احسب انه في عمار البيت وانا خربت البيت بتصرفي مع ان البطاقة كانت في يدة حياتي كانت جحيم ويوم اخذتها منه تعدلت الاوضاع شوي والله الرجال ماينعطون وجة بالفلوس يحسون المرأة غبية يجب استغلالها اكثر ولايقدرون مساعدتها ولايرون فضلها ابدا ابدا ابدا

انتبهي
واذا قدرتي تحرمينة الالالفين فترة عشان يعرف انه كان بنعمة وتقدرين ترجعينها بعدين والالفين لاتخلينها في يدة لا اصرفيها على عيالك والبيت

 

[nonoura]

اموالك لك لاتعطيها لاحد اشترى بيت او دهب وخلي قرشك الابيض ليومك الاسود الله لايجيب ايام سودا على الجميع

 

[زوجة وأم وأخت]

أختي هو طلب منك أن تفتحوا حساب للإثنينكم ، طيب بإسم منو بيسجل الحساب لما تنزل الرواتب ؟؟

وهل هو من النوع اللي يحب يطلع معكم ، ويبعزق الفلوس ؟؟ ( على قولة أخوانا المصرين )
ويحب يبعزقها معك ومع الأولاد ، ولا على سفرياته ، وربعه ؟؟

أختي سؤال أخر ، هل تشكي في تصرفات زوجك بأمور أخرى ؟؟

بالنسبة يا أختي الحساب الواحد شوي يخوف ، لأنه ممكن تؤدي لأمور أخرى ..
ممكن يسحب أكثر ويقولك تداين !! او طلعت مع الربع !! أو أو ...
فأنتي أعلم بزوجك ، إذا شايفة لأ .. خلص أعتذري منه بأدب ، وخبريه أنه ببالك تسوي مشروع تتشاركي فيه مع
أختك أو أخوك أو صديقة ، وهذا حلم تبي تحققيه ، وإستخدمي معه أسلوب أنه هينفعكم لبكرة والكلام هذا ( عشان يقتنع ) ..

وإذا إنت شايفة مافي شكوك بزوجك ، ممكن تفتحوا حساب واحد ( ممكن تخبريه بشرطك إنه ممكن تفكي الشراكة إذا ما ارتحتي للوضع ولك الحق وتكون في ورقة تساعدك على ذلك ، حتى تتمكني ، مو يكون التصرف بيده هو وحده من دونك )
حسسيه إنك مقيده الفلوس اللي تؤخذ بدفتر حسابات ، مثلا 2000 مقاضي البيت!!
مصروف الأولاد ، مصروف له شخصي ولك شخصي!!!! ...
يعني تحددي كل شئ ...
والحجه تكون إنه مثلا : تأمين مستقبل الأولاد ، والقرش الأبيض ينفع لليوم الأسود ..

بالتوفيق أختي ..

 

[انسانه جديده]

حبيبتي لا تعطينة انا عطيت زوجي سنين وكل مرة اطلب منة فلوس يقول مديون لغاية ما صدقتة وكل شهر اقول لة عطني فلوس لشي مثلا لملابس العيال يقول مديون و جاني مرة يبكي قال انة تورط و سلفتة 10000 ريال وقال بيرجعها لي ومرت سنتين كل مرة يماطل وكل مرة يقول ماعندي فلوس وفجاة يسافر مع ربعة او اهلة و انا مستغربة علية و مخدوعة فية لغاية ما طاحت في ايدي كشف حساب البنك واكتشفت انة عندة مبلغ كبير جدا جدا والحبيب يضحك علي و ياخذ فلوسي الرجال ( مالهم امان حرامية ) لاتعطينة وخلية يولي هذي نصيحتي لج

 

[nonoura]

والله حكى انسانة جديدة صح مية بالمية الرجال كلهم بدون استثناء مالهم امان الامان بالله

 

[تناغيم]

و الله يا بنات أنا شاكرة لكم من كل قلبي. كلامج صح يا :أنسانة جديدة" أنا كان مايقارب ال8ألاف تروح من راتبي كل شهر على البيت وكل ما أشتري شي من السوق ألف سؤال ينسأل وهذا غير عن قائمة اللوم اني أنا ماأهتم و أسرف بلفلوس
وهذا غير عن قلة الاحترام لكن باذن الله أني عقدت النية و حاليا كل فلوسي تحت تصرفي

 

[ريــحانة]

فكرة الحساب المشترك يمكن زوجج يكون صادق فيها ، لكن لا انصحكِ بها

أفضل طريقه تقولين له أن أخاكِ أو اي شخص من اهلكِ محتاج مبلغ من المال
لحاجه ملحه
ويكون مبلغ كبير شوي

وطلب منج ...........


كوني صادقه عند قول هذا وكوني حاسمه لا ان تخبرينه او تاخذين الاذن منه
فقط اخبريه اخي اخذ سلفه كبيره وهو مديون الان
وقررت ان اساعده بمبلغ الفلاني شهرياً

والمبلغ الفلاني سحبيه شهرياً وحوليه لحساب جديد بأسمج

 

[toffocake]

تحملي

شوفي عزيزتي سالفة الحساب المشترك انسيها بالمره لان هذا تمهيد للاسوء واذا كا زوجك ما يستحي يطلب شي مو من حقه ليش انتي تستحين ترفضين له شي يخصك اتي بروحك حطي فكري فيها شوي وبتعرفين ولازم انتي تفرضين رايج وعلى العموم انتي حره واكلمج عن تجربه واقعيه

 

[دخيل_الحب]

انا مع نصيحة خواتي لج .............الرياييل ما يتامنوا .......عن نفسي من بداية زواجنا بينت لة انه ماله خص براتبي.....مو مشكلة اكون مسوولة عن اغراضي(بعد لازم اراعية اجار بيت وماي وكهربا علية ما غير اغراض بيت)
الحين مشكلتي يريدني اتحمل بالبيبي بس انا رافضة ودايما اقولة ان الاب علية كسوة عيالة....بعد ما اتفقنا للاحين
الله يوفقج

 

[&دره&]

اما حساب مشترك هذي خطيره


اناامس قلت لزوجي ابي 200 دينار لدورات الاستاذه بالكويت قال حاظر ومن عيوني بدبرهم لج


اليوم يقولي عندج 20 سلف ؟؟!!!؟؟؟!!!؟؟؟!!؟؟!!


تدرين ليش لانه كان كلما احتاج اسلفه ولا يردهم طبعا مثل انسانه جديده كله بردهم وما يكون عنده

انا ادري ديون زوجي لقد شعر راسه لكن لي صار عنده بيزتين طق بديونه عرض الحائط وشراله كماليات يا مسباح ولا تيلفون جديد ولا خاتم ولا ولاولا وانا ليه قتله ابي فلوس لازم اصبر عليه واراعي ظروفه وظروه ما تخلص لي متى يعني

يعني حبيبتي خلي فلوسج بجيبج ولا تتشاركين معاه قوليله 2000 يكفي وزياده بشوف عمري وانا شايله عمري عنك

ووفريلج مبلغ محترم وسافري فيه مع زوجج اذا ما يسفرج دللي روحج يدللج

والله يوفقج يارب

 

[بنت الشيوخ]

هذا تعبك ومن حقك
وهم الي ملزم بالمصروف
الا اذا كان راتبه قليل ولا يكفي
فيجب عليك المساعده

 

[اليوم وبكرة]

حبيبتي انا يمكن ماعندي الخبرة الكبيرة بالحياة الزوجية ومشاكلها لكن بالنسبة للاموال الاستاذة ناعمة اعطت رايها في الموضوع في اكثر من قصة والذكية الي تتعلم من تجارب الاخرين مو تكون عظة لغيرها رجاءا حتى المصروف ماانتي ملزمة فية والله انقلبت الاية عموما حبيبتي اذا كنت حظرتي دورة حوار الكناري فالاستاذة تكلمت عن الطريقة الي تستخدمينها اذا طلب منك زوجك فلوس وانتي ماتبغين تعطينه وترفضين وهو مبسوط ويتغزل فيك كمان واذا ماحظرتيها انصحك تحظرينها اذا فيه مجال وبخصوص الحساب المشترك تكلمت عنه الاستاذة ناعمة في دورة الحب الى الابد بطريقة اخرى من جد كان ثورة هائلة انفجارات مذهلة بخصوص هذا الموضوع يعني كيف تحولينه لمصلحتك طول العمر انا اسفة مااقدر اتكلم اكثر من كذا عن الدورات لانها امانه لكن انصحك وانصحك وانصحك اذا تقدرين تسجلين فيها بسرعة سجلي .

 

[مرجانه نادره]

لا تعليق لانه الاخواااااااااااات مقصروووووووا بس لاتتنازليييييين عن حقج وبتوفيق

 

[مالكة القلب]

الله يسعدك أختي خليك قويه وحاولي تصرفي فلوسك كلها على نفسك حسسيه إنه الراتيب يادوووب يكفي وما تقدري تشاركي في مصاريف البيت لأنه هو إلي يصرف مو إنتي أشتري ودلعي نفسك بأغلى الأشياء وأي شيء نفسك فيه خذيه ما يجي أخر الشهر غير فلوسك مخلصه أو جمعي ولمن تشتري أي شيء ضاعفي السعر إنك ما تلبسي غير غالي وماركات والماسات أتدلعي بفلوسك هههه الله يوفقك يارب

 

[كوكيز17]

مرحبا يا حلوات
صراحة الخوات ما قصروا ويعطيكم العافية
بس ودي اوضح نقطة بسيطة :
الكل اتفق على مبدأ وهو ان راتب الزوجة يكون لها لوحدها وليس للزوج حق في ان يطالبها بالمشاركة بمصاريف البيت ومسؤلياته او غيرها
لكن المهم
هو
الاسلوب الي تتبعه الزوجه او طريقة الحوار الذي لازم تقولة لزوجها عشان ما يطلب منها فلوس كل شوية ولانهاء هذا الموضوع
بالنسبة لدورات الدكتورة ممتازة ( للامانة انا لم اشارك باي دورة للدتورة انما مجرد قراءة ما كتب في المنتدي عن الدكتورة وبعض القصص والمقالات واحاول الاستفادة منها على كثر ما اقدر )

حبيبتي اقري القصص والمقالات لعلك تجدين ما ينفعك

وشكرا للجميع

 

[لبلوشيه]

لا تفتحين حساب مشترك مع الريال الا اذا كان بأسمك والله انك راح تندمين ومثل ما جال المثل المصرى ( يا مأمنه للرجاله يا مأمنه للميه في الغربال )

 

[ريف قلبي]

اختي انا محاسبه وبعلمج طريقه
سوي ميزانيه شهريه حق مصورفاتكم. يعني شو تتوقعين تصرفين.. وهالشي بناء على مصاريفكم فالشهر الحالي مثلا الجمعيه 1500 صرفتو هالشهر ( يودي الفواتير) .. حطي 1700 او 1800 حق الشهر الياي..ودايما حطي مبلغ شوي أعلى لأن فالحسابات نتوقع الأكثر بس نصرف اقل عشان يكون عندنا فائض آخر الشهر ما كنا متوقعينه.. ومصاريف المدارس والموصلات والكهربا والتلفون وكل شي حتى طلعاتكم وتمشيتكم والترفيه وكل شي .. وحددي انتي في شو ممكن تساهمين,, وتتفقين انتي وهو فالنهايه وتطلعون بدون زعل