زوجي يسبني

[روز..]

اهلين اخواتي ابي الحل الوافي منكم
اكتشفت في الاجازه ان زوجي راح يسبني عند بنات اخوه ان طبخي مو حلو ؟؟؟وجت واحده من البنات وفضحته وبصراحه واجهته بس هو مو راضي يعترف بالله الحل معاه ؟؟

 

[منى25]

حبيبتي تأكدي من الكلام اللي جاك وخلي عندك ثقه بنفسك ولاتعطين أحد فرصه يقلل من شأنك ماهمك أحد وزوجك تاكدي منه اذا هو فعلا يتكلم عليك ولاتستعجلين..

 

[وحيده في دنياي]

حبيبتي تأكدي من الكلام اللي جاك وخلي عندك ثقه بنفسك ولاتعطين أحد فرصه يقلل من شأنك ماهمك أحد وزوجك تاكدي منه اذا هو فعلا يتكلم عليك ولاتستعجلين..

معــك

 

[كلي حنو]

المفروض يالغلاا قبل لاتروحين وتقولي حق زوجك تتاكدي قبل كل شيء ..

اذا كان فعلا الكلام صحيح اللي تسمعيه او خطأ ..

لان بنات السوء والخراب ياكثرهم يالغلاا ..

هذي اكبر غلطه ان الوحده اذا سمعت حاجه عن زوجها

تروح وتخبره وتزعل ومدري شنوو ..

تدرين انا زوجي قالي اي احد يجي يقولك ان زوجك كذا وكذا لا تصدقيه ..

تعالي واجهيني وقولي لي بس باسلوب حلوو مو تعصبي وتقولي انت وانت ..

لان يمكن اللي جات وقالت لك عن زوجك يطلع كذب وتبي تخرب البيووت ..

قالي راح اخرب بيتي بيدي بذي الحركاات ..

وخليك واثقه من نفسك يالغلاا لا يهمك كلام اي ااحد حتى لو كان زوجك نفسه

اذا قالك كذا قولي له اي عاتي ما احد طلع من بطن امه عالم ..

واذا ع الطبخ اتعلم واتعلم لين ما اعرف اضبط الطبخ ...

وانا اقدر اسعادك بالطبخ اذا حبيتي وربي راح يجن زوجك عليه ..

اذا حابه انا موجوده يالغلاا وفي الخدمه ..

بس اهم شيء لاتسمعي كلام احد وطنشي ..

والله يوفقك يالغلاا في حياتك ويبعد عنك عيال السوء ياارب ..

 

[روز..]

لالالا والف لالالا
انا واثقه ان تكلم
لانه دايم يقول في وجهي طبخك مو حلو
وقد سمعته مرره يسب طبخي عند اصحابه
الله يصبرني

 

[كلي حنو]

معليش يالغلاا عبالي ع الطبخ ..

نسيت انه ع سب لان تلخبطت مع احد ..

اذا ع السب لا تسمعي كلامهاا وطنشيهاا ..

وتاكدي قبل كل شيء من زوجك .. بس تعالي له باسلوب مو ع طول انت وانت ..

ومثل ماقلت لك باللي رسلتها

 

[كلي حنو]

لا ماعليك منه خليه يقوول اللي يقوول ..

انا اعطيك وصفاات من الاكل وربي راح يقول هذا الطبخ والا بلاش ..

بس تعالي قولي لي اي طبخه تبين بس عاد مو كل الطبخات انا اعررف بقولك اللي اعرف اذا حابه ..

وطنشيه لاتردين عليه .. قولي له اذا طبخي مو عاجبك خلني اشووف طبخك اذا حلو او مو حلوو ..

والا شاطر بس بالطنازه واني ما اعرف اطبخ ..

 

[NicE-GirL]

يمكن تكذب

لان هالسالفة صارت لي كثير

مع بنات اخووووه كثيييييييييييييييييييييييير


بس ما ارتحت الا يوم صارحته وطلعوا يكذبون على لسااانه


وبالاخير ارتحت يمكن من الغيرة منك قالوا عمي قال كذا وقال كذا​

 

[NicE-GirL]

مجرد اقتراح اجمعيهم مع بعض

وقولي قدامه فلانه قالت لي كذا


وشوفي كيف ردة الفعل بس خلي السالفة فجأة لاتعلمينهم ​

 

[مليت اقول ياليت]

هلا وغلا روز مبارك عليك الشهر
الله يهديه زوجك ماله حق بس اذا انتي متاكده من انه قال هاكلام ماعاد تقدرين تسوين شي الا انك تبينين انك متضايقه مره من كلامه عنك حسسيه انه جرحك لما يسب طبخك او شي من طرفك عند الناس كلميه وقولي انا ماعندي مانع تنتقدني بس بوجهي لاتروح من وراي او تجرح مشاعري قدام الناس
اتوقع بيحس على دمه وماراح يعيدها ان شاءلله
والله يوفقك يارب

 

[كاتياباسل]

والله مدري شقولك ياقلبي
زوجك غلطااااااااااان لما سمح لنفسه يتكلم عنك عند بنات أخوه
وهماااا كمان غلطانات الله يهديهم لما نقلوا لك الحكي

بس بنات أخوه أرحم من أصدقائه!!!!
حاولي تتخذي موقف حازم ،،،،،وتقولي له مايجيب سيرتك عند زملائه لابخير ولاشر
لأن الناس بتستحقره هو ،،،،موش أنتي



أما بالنسبه لكلام بنات أخوه طنشي كلامهم وسوا أعترف أو ماأعترف مافيه فايده!!!!!



حاولي تدخلي منتديات وتتفنني بالطبخ
حاولي
وحاولي
لحد ماتصيري فنانه!!!!!!
وترى الوحده منا ماأنولدت من بطن أمها طباخه!!!


والثقه بالنفس عامل مهم جـــــــــــدا



ويقولون أقرب طريق لقلب الرجل معدته!!!هههههه


مسكينات أحنا أقرب طريق لقلوبنا الكلمه الحلوه شفتي شلون!!!!!!!!!

 

[؛%النادره%؛]

ههههههههههههه يمكن صادق طبخك مب حلو<<امزح
ياقلبي ماعليج منهم كلهم قوليله اذا مب عاجبك هاتلي طباخه خخخخخخ

 

[أنوثة عقل]

طيب عالجي اساس المشكلة ياحلوة

يمكن فعلا طبخك مو حلو

وهو مل ويبي طبخ حلو

سبحان الله دايما اقول للناس حولي اذا صارت لهم مشاكل من هالنوع

غيري بنفسك عشان ربي يغير حالك

ان الله لا يغير ما بقوما حتى يغيروا ما بانفسهم

وخليك واثقة من نفسك

يعني فشلة بعد تقولين له انت قلت عني كذا وكذا

تلقينه يقول بنفسه ايه طبخك مو حلو وليتك تحسين وتطبخين زي الناس

خلي روحك رياضية

وفيه مقوله لعمر بن الخطاب اذا مو غلطانة

يقول فيها

رحم الله امرئ اهدى الي عيوبي

سويتي مشكلة من لا مشكلة ياحلوة

لا تصيرين سطحيه في تعاملك مع زوجك واذا ماتعلمتي وشلون تقدرين ذاتك

بترفعها عن هالاشياء السطحية بتتعبين واجد

اللحين اسالك بالله

وش استفدتي من مواجهة زوجك بكلام بنت اخوه ماادري اخته

تبينه يقول لا تكذب والله طبخك حلو اصلا

والا يقول هي تكذب والا انتي تكذبين

وربي السالفة كلها تقل هوشة بزران

وربي انا مااستهين بمشاعرك بس وربي لو تعودين نفسك ترفعينها عن هالسطحيات

بنبنين لك شخصية الكل يحبها ويهابها

بنت اخوه تلقينها قالت هذي تستثار بالكلام بطيرها واشبها

سوري اذا كلامي مااعجبك

وسوي نفسك ماقريتيه اذا ضايقك

والله يخليلك زوجك​

 

[مااحبه]

ياحياتي انتي مافكرتي ايش مصلحة بنات اخوه ينقلون لك الحكي..

كبري مخك ومفروض ماقلتي له شي...وخليك واثقه من نفسك..هذي امور تافهه تجاوزيها ولاتخربين على نفسك

 

[ام غلاوي2]

ماعليكي منه دام انك واثقة من نفسك ومن طبخك

 

[روز..]

اشكررررررررررررركم جميعن ع تفاعلكم الرائع

 

[^أختهم^]

ولا يهمك ياقلبي اثبتي لهم انك طبااااخه ومن السب كلنا نسب وننسب خخخخ
وسعي بالك

 

[جيانة]

هلا روز..
لو نظرتي للمشكلة بعين المتفحص لاوجدتي إنه المشكلة لاتكمن في الناقل والمنقول لأنه الانسان ياما يعيش ويسمع ولاراح يفيدك اعترافه بشيء.
ولكن مشكلتك تكمن في عدم اعجابه بطبخك خاصة وإنك قلتي إنه كررها قبل كذا عند أصحابه لذلك أنصحك بزيارة موقع عالم حواء ماشاء الله العضوات مبدعات في الطبخ وتصوير الخطوات حتى..أو منتدى الاقلاع قسم الطبخ ولاتقولين له أنا قاعدة أتعلم خلي شغلك على الصامت وكل يوم فاجئيه بأشكال وأنواع وزيني الصحون العين تعشق قبل البطن ومافي مانع تخلينه يوم يعزم أصحابه وتتفننين لهم بأكلات وحركات حتى بنات أخوه خليهم يجتمعون وقدمي لهم أكلات جديدة..خلي اللي يتكلم يغير رأيه..
وبالتوفيق..

 

[tur alnoras]

السلام عليكم
كل عام وانتم بخير
انا من رايي ان تصبري والاسهل ان تتعلمي طبخ ما يريد ان ياكل

 

[روز..]

شكررررررررررن ع ردودكم