زوجي يدور مسيار

[جووود بلس]

اكتشفت ان زوجي يدور مسيار واللي خبرني زوجة صديقه

كيف اواجهه ؟؟

او

كيف اقنعه يصرف نظر عن هالزواج؟

خصوصا انه ماحط عينه على وحده معينه ... هو بس يدور

والسبب

انه كل اسبوع في بلد غير على حسب شغله .. وانا مقدر اروح وياه لانه عندي طفلين صغار وحامل بعد :8:


ايش الحل ... دبروني؟؟؟؟ تكفون :33:

 

[زوجه مؤدبه]

اعتقدانك تظغطين على نفسك وتحاولين تروحين معه تحملي ياقلبي علشان عيالك تحافظين لهم على ابوهم .. وكثير عندهم اطفال اكثر منك تلاقينهم كل سنه في مدينه وعيالهم بعد يدرسون بس الوحده وش تسوي انتي خلي الوضع عادي عندك التنقل صدقيني بترتاحين وخوذيها نزهه ..الله يصرفه عن الزواج ويصلح حالكم .

 

[the tigress]

والله لو منك اقول له انا ما عاد اقدر على بعدك ومن هنا ورايح وين ما تروح انا معاك اذا تبي جبت العيال ولا خليتهم عند امي

وبعدين ترا حبيبتي اللي بياخذها علشان تسافر معاه وين ما راح ما هي مسيار - الا انتي اللي بتصيرين مسيار​

 

[أم بشورة]

أختي تقولين عندك اثنين صغار وحامل

مدري يمكن انشغلتي عن زوجك في الحمل والصغار...وهذا سبب خلاه يدور

نصيحتي لا تواجهينه ولا شي ..

بس كثفي اهتمامك بزوجك وبنفسك..وإذا ولدتي بالسلامة أجلي الحمل.......خذي نفس.​

 

[جووود بلس]

زوجه مؤدبه

انا ودي اروح معاه عادي ماعندي مشكله لكن هو رافض يقول مايسوى عليكم التعب وفلوسنا قليله ماتكفي مصاريف تذاكر وسكن واكل

واغلب السفريات يومين ويرجع ويجلس 3 ايام وبعدين يسافر 4 ايام وهكذا

the tigress

والله اقوله كل شوي ويقولي وانا بعد مقدر افارقكم بس هذا شغلي شنو اسوي

وانا يتيمة ابوين مقدر احط عيالي عند احد ابد .. حتى اهله مابيستحملوهم

وعلى قولتك انا اللي صرت مسيار .. حسبي الله ونعم الوكيل



ام بشورة

كيف انشغل عنه اذا هو بالاساس مشغول وبعيد عني بسفرياته ... والحمدلله اولادي الاثنين هاديين نوعا ما وينامو بدري ونسهر انا وياه في البيت لحالنا ونستمتع

بس هو يبغا وحده وياه تهتم فيه وهو بعيد عني ... شكلي عودته على الدلع

 

[الشامه]

والله الرجال ماهم عارفين ايش يبغون انا زوجي كمان قلي صراحة انا نفسي اتزوج مسيار قلتله ليش انا ماني مقصره في شيى قال عادي الواحد يبغى يجرب ومو خسران حاجه انتبهي لزوجك ياغاليه روحي معاه في كل مكان وقولي له فرصه نغير جو مع بعض ونتمشى ومو لازم في كل السفريات بس مره ومره ولما تسافرين معاه ابسطيه على الاخر علشان يحس بفرق لما يروح من غيرك واتمنى لكي سعادة دائمه

 

[جووود بلس]

الشامه

والله صادقه الرجال مايملى عينهم الا التراب ... وبحاول اقوله اننا نسافر وياه واشوف ايش ردة فعله

يارب يوافق ويحنن قلبه علينا

ويارب يسخر لك زوجك ومايشوف غيرك

 

[غلا مسك]

فاضى

انا ابى اعرف وين العشره وين الحب السالفه شكلها عند هالرجاجيل خذوه فغلوه ابى اعرف انت ماتفكر بعيال:11: ولا بمره:2: انك بتكسر قلبها بختصار الرجال اللى يحب مايفكر بالعرس مره ثانيه

 

[جووود بلس]

غلا مسك

مايفكرون الا بنفسهم وبس

اللي مريحني انو مايشتكي مني ودايم يمدح فيني باختصار انا عاجبته يمكن يمثل علي ماعتقد


طيب لية يبغى يتزوج ليه ؟؟؟

بصراحه احسو غامض معرفت له ...

 

[جووود بلس]

وينكم يا بلقيسيات ؟؟؟

محتاجتكم والله

 

[أريج الياسمين]

صارحيه بالي سمعتي
وقول له انك دريتي وانك متضايقه قول له انا وش مقصره معاك واذا على المصاريف تحمل اللي يتحمل يصرف على بنت مسيار يتحمل يصرف عليكم قول له كيفك انا بروح مهما صار

 

[متزوجه ولكن]

قريت ان اهم الاسباب لانتشار مرض الايدز هو زواج المسيار لانه بدون كشف ولاشي
وسمعت انه تم القبض على وحده موريتانيه هي وامها وابوها في مكه متزوجه اكثر من شخص مسيار وكل واحد منهم يمشي لها مصروف الف ريال بالشهر لان راس مالها ورقه زواج وبس

اقري مواضيع زي كذا وخوفي زوجك منها
واقوى اسلوب للحرمه الزن
زني عليه باي شي تبينه لاتتركينه يسافر لحاله حاولي قد ماتقدري تروحين معه

 

[دلوعه ع كيفي]

لتخبرينه ولا بيسوي اشياء من وراك والحرمه المسكينه الي خبرتك بتسببين لها مشااكل وهي يمكن تقول بخبرها
يمكن هي تعرف السبب وتغير في حالها او شي

 

[hug me]

لا يرد القضاااء الا الدعاء المستجاب عليج اختي بالدعاء ثم الدعاء ثم الدعاء

 

[جووود بلس]

الله يجزاكم خير ياخواتي

والله ماتركت سجادتي من عرفت الخبر

والله اني مهمومة وتعبانه وانا اصلا تعبانه نفسيا وجسديا بسبب الحمل

ليه مافكر غير بنفسه وراحته ومافكر فيني وبعيالي

والله تعبت معاه شكلي بخبر اهله يتفاهمون معاه ايش رايكم؟؟؟؟

مقدر اصبر من الحرقة اللي فيني

 

[السعا دة طريقي]

اصلا من البدايه انت ايش مسكتك على وضع زي كذا 0000يعني متزوجه مع وقف التنفيذ ايش معنى يقعد كم يوم وبعدين يسا فر 00هو فاكر الزواج لعبه والا الما ده اهم من اسرته 00اطلعي حا زمه معه وخليه يغير عمله ويستقر معا كم حتى لو براتب اقل 00ويروح ما بعدك روح 00الحيا ة اقصر من انك تنتظرين يتعطف ويشرف عليكم كل كم يوم00هذا رايي والله يسخره لك غصب عنه حبيبتي بس شي يرفع الضغط

 

[رياضيات]

اساليه وكوني صريحه معه لايكون بقلبك شي لايدور وناسته وانتي تحرقين بعمرك وتاكدي من صحه الكلام واساليه انا مقصره بشي واعرفي وربي يوفقك ويصرف عنه الزواج ويجملك بعينه يارب

 

[المزاجيه]

الله يكوون بعونج ياخيتي...رجال ماعندهم غير الحل الغير منطقي...
زواج مسيار...طيب اذا عيالك مايدرسون..روحي معااه..قولي انا يتيمه<<<الله يرحمهم..
تقطني عند منوو...الطف فيني وفي عيالي وحملي..وتعبت من التغريب والفراق من بعدك.... فوق اليتم انت بعيد عني....!!
يعني حاولي لو تروحين معاه كذا سفريه مثل ماقالت الاخت..خليه يجرب سفريه معاك وتهتمين فيه..لله يسهلج امرج.
وا

 

[مُحبةالطفولة]

رد

رُحماك يارب في زمنٍ طغت فيه الشهوات على كل حق ,,وصار الهاجس الاول لبني آدم هو المُتعة ,,
في السفر اشغل نفسك يا ايها الرجل العزيز بالعمل والعبادة حتى تكسب الدنيا والآخرة ,,
وعندما تعود الى الوطن فإن هناك زوجة في انتظارك تكبدت ما تكبدت من عناء في اثناء غيابك ,وعد اليها باشتياق ,,عد الى اطفالك واغدق عليهم من حنانك ,,كفاك كفاك سيرا الى المسيار ..عد الى اهلك وغير في عقلك المسار ..
اسال الله ان يعينك يا اختي على الحفاظ على زوجك ,,:21:

 

[جووود بلس]

ماتدروا قد ايش ريحني كلامكم الله يجزاكم خير

المهم هوة بيرجع اليوم الاربعاء والله يقويني يارب وبحاول اتفاهم وياه على سفرتنا معه

وبحاول بعد اكتم ضيقتي وبشوف اخرتها وياه

الحمد لله الذي لايحمد على مكروه سواه وحسبي الله ونعم الوكيل