زوجي يدري بالدورات..مالحل

[بقايا ملكه]

بسم الله الرحمن الرحيم
السلام عليكم ورحمة الله

اخواتي انا كنت قد عرضت على زوجي في العام الماضي ان اذهب الى الاستاذه ناعمه
وقال لي على حسب الوضع:shutup: ...طبعا مافكني الين سأل وش تسوي الاستاذه ناعمه
قلت له تستشار للمشاكل الاجتماعيه وتساعد وارت معروفه حتى انتشرت الى الى كل مكان ماشاء الله

المهم مع الايام قلت له فيه دورات ودي اشترك فيها بتقام في جده قال وش الدورات قلت له للأستاذه اللي كنت بروح لها في ابو ظبي
طبعا تحقيق
وش الدورات وعلى اي اساس تروحين ومن هذا القبيل
قلت له انا من المشاكل اللي مريت فيها حسيت اني انهرت وفقدت شيء كبير وابي ارجع حيويتي
ودوراتها عن تنمية الذات وتنميةالمعلومات عن كيفية التربيه ومواجهة الحياة فقط

يوم كنت اتصفح امس في دورات جده اللي انا مشتركه فيها جات بنتي واشغلتني ونسيت النت مفتوح والصفحه كانت على دورات جده
جا من برى و قعد وقراها وعرف الموضوع
الحين احس ان الدورات مالها اي طعم كان ودي اروح من غير مايدري ليش هي تقام وعن ماذا تتكلم؟
الحين لو يسير تغيير راح يقول هذا مو من نفسك هذي من الدورات
مع اني بدأت اغير في اموور كثيره لكن مو مره
الحين وش الحل كيف اوضح له ان اي تغيير مو بسبب الدورات:sadwalk:

 

[بقايا ملكه]

:no::sadwalk:
15 مشاهده ولا وحده ردت
تكفوون عطوني حل

 

[السحر الحلال]

سعد مساك مبلكة

ان كان انتي شايلة هم وشلون تقنعيه
فانا شايلة هم كيف اقوله لاني للان ماعلمته بس جالسة امهد الجو
والكلام الحلو في بالي

نصيحتي كثرررررررررررررررررررري الاستغفار

 

[الملكة فكتوريا3]

ا ختى حتى لو عرف وش المشكلة انتي امدحي الدورات عندة وانك استفدتي وانك كنت تجهلين اشياء كثيرة فالانسان مايولد عالم فليش الحساسيات الزائدة وكان الزوج عدوا وليس حبيب

 

[نجـــاح]

مافيها شي حبيبتي عادي خليه يعرف واذا رجعتي سوي مثلي امسكي دفترك واختاري منه الأشياء اللي ودك يعرفها
على شرط تكونين ضامنه انو ماراح ياخذ دفترك ويقرا كل اللي فيه هههه

 

[minimoon]

عادي جدا
أستاذه ناعمه مرة في آخر إحدى دوراتها قالت " خليه يدري عن الأشياء الزينه"
يعني لا تقولين له كل شي, اختاري بعض الأشياء البسيطه 2 أو 3 وقوليهم له.
وقوليله إن" الدورة علمتني إنك إنسان عظيم"..... هذا من كلام الأستاذه بعد

 

[نديمة الشذا]

اتوقع ان التغيير راح يكون بالتدريج لذلك لاتشيلي ما اتوقع انه راح يلاحظ

وفقك الله

 

[وردة الحنون]

عادي ياأختي
قراها وخلص :tongue::tongue:
اذ قال ان الدوارات عن ... و,, يعني فهم وش تحكي عنه :wink::wink:
قولي له ماتدخلتها الا مشان نفسي وذاتي:c018::c018: ومشان زوجي حبيبي:c028::a200:


:c045::biggrin::c007::smile::c011:​

 

[3afraa_33]

وليييش ياحلوه ’’الجحــــــــــــود’’ ونكران المعروف ...!! ... وما المشكلة اذا عرف مضمون هذه الدورات ,,, لماذا تريدين التغيير وتنسبين ذلك لنفسك ومعرفتك واجتهادك الشخصي ... !! ... وهل الإنسان يولد عالماً ؟؟! ... أين المشكلة في معرفة الزوج بالدوارت ... بالعكس هذا دليل وعيك ونضجك وانفتاح فكرك ... وحتى لو لم تستطيعي التغيير بشكل ملحوظ ...فالإنسان يصعد السلم درجة درجة ,,,

أنااا ,,, أول ما نزلت الدكتوره اعلانات الدورات .... وانبهرت من طريقة سردها لمضمون الدوره وجمال وروعة طرحها ..... ماشاء الله .... على طووول قمت من فوق المكتب وقلت تعال واجلسسسسسسسسسسسس ... :sly:...وهذا الصح :icon30:

وقرأ واستانس مرررررره عالكلام الي قرأه.... وحتى رحت أحضر العشا واذكر اني سويت صينية خضار وتأخرت بالمطبخ , ورجعت وهو مازال يقرأ :tongue:........... وقلت له ... هاه اش رايك ؟؟ ...قال ..تبغين تحضرينها ؟؟ قلت .. اتمنى ... قال ... وش تختارين ..؟؟ قلت انت اختار ... قال ما ادري ... ؟ ..شوكليت ... ولاااا ..اممممم ,, بعد الغاز حلوه .... لا لالا اسبياسي مهمه ...امممم طيب اختراي ثلاث على الأقل ... :c028:.... قلت ... وانا أهم شي عندي زوج تحت التدريب عشان أدربك صح خخخخ ... قال وفيض الأنوثة بعد مهمه.........شوي .... قاااال خلاص احجزها لك ..... ومن نفس الأسبوع حجز لي ب 2600 ..تقريباً ..ماشاء الله تبارك الله ...

وانتم يا أخواتي تلاقون صعوبه في اقناع ازواجكم بالدورات وبسعرها ,, لأنكم بصراحة ما تعطون الدوره حقها ...وتوضحون الصوره صح , وماتفهمون ازواجكم عن أيش تتكلم واش فايدتها على المدى البعيد حتى ,,, خليه يقرأ ويَطلع ,,, عشان يكون عندك دافع أكبر في التطبيق والمتابعه مع الدكتوره ....
الى متى كل حركاتكم من تحت لتحت .... ؟!! ... والف لفه والف كذبه ... والف حيلة .. عشان موضوع مثل هذا .............................؟؟...الصراحة أحلى ... وبعد ماترجعين من الدورات اوردي راح يكون عندك رغبة التطبيق على نفسك ...واذا سألك قولي أسرار !! .... وهو راح يلاحظ تغييرات ...وينبسط ..صدقيني ...وانتي كذا تجتهدين في تطوير نفسك ..وما راح يهمه يشوفك بشكل ثاني ..المهم يحس انك تبين تتغيرين للأفضل ..>> ياخذ فكر يعني :cupidarrow:..
بصراحه غريب تفكيركم ..... اسلوبك يشبة اسلوب وحدة من قريباتي .... حضرت الدورات... وما تبي زوجها يعرف عن ايش الدورات تتكلم ....ليــــــــــــــــــه ؟؟؟!...هل لدينا عصا سحرية لمعرفة كل شيئ في الحياة ... >>> وما العلم إلا بالتعلم ....!

 

[وردة ندية]

طيب وش المشكلة اذا عرف ؟؟!!!!

والانسان يولد متعلم !!!!

بالعكس حلو الواحد يسعى ويحاول ويجتهد احسن من السلبي اللي ما يفكر يقدم ويتطور

خليه يعرف انك حريصة حتى علة تطوير علاقتك الخاصة بزوجك

 

[بقايا ملكه]

الله يسعدكم ويوفقكم ويعطيكم العافيه على ردودكم اللي مريحتني

 

[مشعل حبيب امه]

عادي جدا
أستاذه ناعمه مرة في آخر إحدى دوراتها قالت " خليه يدري عن الأشياء الزينه"
يعني لا تقولين له كل شي, اختاري بعض الأشياء البسيطه 2 أو 3 وقوليهم له.
وقوليله إن" الدورة علمتني إنك إنسان عظيم"..... هذا من كلام الأستاذه بعد

كلامهاصح مافيها شي لوعرف بالعكس بينبسط انك مهتمه فيه..:clap:

 

[ام البطل]

نفس مشكلتي بس عشان مافيه طريقه لدفع الا عن طريقه وبعدين قلتله دورات برممجه وطريقة التعامل مع الناس بشكل صح وقعدت اخرط عليه وبعدين قراها بنفسه قام قلي يالله شدي حيلك الاربعاء تحضرين الدوره والخميس نبغى تطبيق