زوجي يخونني

[برنـسيسة]

السلام عليكم ورحمة الله وبركاته

زوجي يخونني

بكيت يوم عرفت مرة مرة مرة وواجهته ووعدني ما يعيدها

فترة واكتشفته مرة ثانية وقلت له موب مستعد تتحمل مسؤوليتي ودني بيت أهلي قال لا أنا أبيك

والآن عرفت انه شاري جوال ثاني ويكلمها

وش أسوي تعبت

تعبت

تعبت

تونا مكملين سنة زواج وعندنا ولد

أرجوكم ساعدوني أنا أبي أواجهه وأروح بيت أهلي لأني خلاااااااص تعبت

سؤالي :

هل أخبر أهلي والا أروح عندهم وأسكت حتى يتأدب

سؤال ثاني هل أخبر أهله

ما تخيلت في يوم اني بأكتب هالعبارة كموضوع لكن الحمد لله على كل حال

والله ان قلبي يتقطع

مع العلم اني أحبببببببببه مووووت ولا قصرت معاه في شيء بشهادة الكل دلع ودلال ومدح وهو بعد يحبني بس ما أدري وش صار له خرف

 

[برنـسيسة]

أرجوكم أحد يساعدني ترى تعبت نفسيا مرة موب لازم أبكي عندكم عشان تصدقون وتفيدوني

أنا ما أدري ايش أسوي

بكيت ما نفع هزأت ما نفع تكلمت بالعقل ما نفع خلاص آخر شيء بأجرب الكي يمكن ينفع بس ما أبي أغلط أفيدوني خاصة اني أحبه والله انه رجال كويس لكن ما أدري ايش صار له

 

[waimnnn5]

حبيبتي كلنا لازم نمر بنفس الشي والخيانه هذي لازم كل رجال يمر فيها انا انصحك ما تروحين لاهلك وخليك معاه طول الوقت لا تخلينه بالحاله طول الوقت الزقي فيه وين ما يروح حتى لو بيروح يشتري خبز روحي معاه وغير كذا اسأليه قوليله ليش الرجال يخون زوجته خليه يعطيك جواب وكمان اسأليه هل انتي مقصره معاه بشي يمكن انتي تشوفين انك ما قصرتي لكن هو لا ترى كلنا كذا يمكن انك كنت معطيته اهتمام مره كبير وبعد ما جاء ولدك خف اهتمامك فيه ترى الرجال مثل الطفل يحس ويغير والله شوفي انا لي 20 سنه متزوجه وكل يوم اكتشف شي جديد بزوجي فا الموضوع يبيله شويته صبر وذكاء منك والله يصخره لك

 

[كيوت حدي]

الله يسخره لك ويرجعه لك
ياحبيبتي والله انا اقرا كل يوم تقريبا اكثر من عشر استشارات زوجي خانني
ماادري شنو السبب العيب في الرجال ولا الحريم ولا الزمن اللي كثرت فيه الفتن
ناقشيه ياقلبي وشوفي ايش مقصره فيه ناقشيه بهدوء
واقري مقالات عن الزوج الخائن وكيف تستردينه وحاولي تكونين اكثر هدوء وسيطرة
على غضبك وخصوصا لاحسيتي انه يكلمها تجاهليه واشغليه بالدلع والمفآجات يعني سهرات
خفيفة لانه احنا برمضان
وادعي الله كل ليلة في اخر الليل انه يسخر زوجك
ويرده لك في ادعية كثير لتسخير الزوج
والعيد جاي غيري اللوك وابدأي رحلة التغيير جادة يااختي في كل شي لو سويتي جدول
بيكون افضل صدقيني او خطة تحددين فيه افكارك الجاية لجذبه لك
واهم من هذا كله قربك لله وكثرة الاستغفار والمداومة على سورة البقرة تطرد الشياطين
وتهدي الزوج باذن الله وتغيير حياتك
اهم شي المداومه هذا ابتلاء من الله لك عشان تراجعين نفسك
بشنو مقصرة مع الله ومع زوجك
تحياتي

 

[برنـسيسة]

سألته قبل أنا مقصرة في شيء؟؟

انت تبي شيء ما سويته لك؟؟

انت ما تقدر تتركها؟؟

قلت له بكل هدوء كلمني أنا بأساعدك أنا زوجتك ستر وغطاء عليك

لكن ما فيه فايده

بنات أنا خايفه لأن اللي يخون مرة يخون كثير أخاف بعدين أندم اني ما تركته وشفت حياتي من بدري

والله يشهد علي اني أحبه وأبيه لكن ماني مستعده للتعب النفسي والضغوط هذي والله علي كثييييير

 

[حبيبي غير]

حاااااااااااولي اختي تسيطررررين على كيااانه
وقلبه ولا تدخلي اي طرف من الاثنين من اهااااليكم
وحاااااااااااااااااولي تعوضيه بالحب واشياء ثانيه وانتم ادرى
وكلمي بالموووضوووع قولي له ((لو كنت اخونكـ بتزعل حبيبي انا كذا ازعل ))

 

[سوميرني]

شوفي قولي له اسمع يابو فلان لازم تعرف انه الحلالالالالالالالالالالالالالالالالا ل والحرام مايجتمعون في بيت وأنا أهم شئ عندي ديني وأنا ممكن اسوي اي شئ علشان ديني لانه هو الأساس عندي واذا فضلت الحرام علي فهذا الشي راجع لك بس لازم تعرف انه طاعت رب العالمين اهم عندي منك وكل واحد يفضل ويختار إلي يبغاه انت تبي الحرام وانا ابي الحلال فكيف يجتمع الحلال والحرام ؟؟؟؟؟؟؟؟؟؟؟

 

[*لسعة شقاوه*]

الله يفرج همك

 

[طايرتن بوهتي]

الله يسر لك

<<<< مجربه

 

[مامت لمار]

لله يكون فعونك

 

[شواااقة]

الله يفرج همك .. حبيبتي ادعيلة بها الايام الفضيلة ولا تدخلين اي طرف في الموضوع .. اصبري علية وطنشية انا كنت في نفس الموقف وطنشتة وكشفتة اكثر من مرة واخرتها اتجهت الى الله والحمد لله ربي هداة وتراني كاتبة مشكلتي في ها المنتدى الطيب ...وما انكر فية ناس نصحوني ونصيحتهم فادتني .. وحاولي تشـغلينة تطلعون سوى اجلسي معاه تناقشو في اي شي حاورية لما يسألك خليك مرحة معاه وانا عارفة انك مو مقصرة بشي بس هذولا رجالانا اذا مامر بها التجربة بعد الزواج كأنة نا قصة شي الله يكتب لنا الاجر ان شاء الله بصبرنا عليهم .. والله يسمعنا الاخبار الطيبة...

 

[القادمة]

الستر ولو عرفت شيء مرة ثانية لا تواجهيه كثرة المواجهة
تجعله أكثر جرأة لا تسقطي هيبتك عنده
تقربي له بذكاء
اقرأي المواضيع التي تساعدك في المنتدى
وأولا وأخيرا الدعاء والدعاء
أن يجعلك الله قرة عينه ويكفيه بالحلال عن الحرام
وأكثري من الاستغفار

الله يفرج همك وهم كل مهموم

 

[#زهرة البنفسج]

حاسه فيك الله يصبرك
وياخذ بنات الحرام الي مايخفون الله
ونشالله يجي اليوم الي يندمون فيه
عليكي بدعاء