زوجي يخنقني بالمنع .....يا اصحاب الحيله اعطوني حليه

[من الايام]

احس اني بنفجر تصرفات زوجي تخنقني انسان اناني ما يفكر الافي نفسه احس انه يبي يضيج عليه , مش عارفه كيف اتصرف من ثلاث اسابيع بدا يمنعني اروح النادي بسايرتي قالي روحي مع الشغاله او شلي ا بنتج معاج او خلي السايق يوديح و من يومين كنت راجعه من الصالون قام و اخذ مفتاح السياره مني و اليوم لما قلتله بيوديني السايق النادي قالي لا خلاص ما في نادي مع انه الاسبوع الي قبله السايق موصلني ما قال شي . مقهوره و بنفجر انا معاه من عشر سنسن اطلع و اروح بشوره و ما في مشاكل في هاذي الناحيه احس يبغي يحبسني في البيت ,شغل و منعني منه و قلت ان شالله ,روحه مع صديقاتج ماشي اوكي ,اريد اسوي مشروع يعقدلي الموضوع و يصعبه لي ,لا تروحي مراكز بروحج ونادر ما يوافق اروح مراكز تسوق مع الاطفال و الشغاله ع حسب مزاجه , و احين يبي يمنعني من النادي و روحة الصالون المكان الوحيد الي احس اني اريح فيه و يدري اني احب الرياضه وايد . ما كلمته اليوم ما ابا اسكت ع الموضوع و في نفس الوقت ابا حل كيف اتعامل معاه ماابا اسكت و ارضا ساعدووني كيف اتصرف مع هذا الرجل لازم حيله او فكره لهذا الرجل و ادريبكم كل وحده عندها خبره بليييز ساعدوني بخبرتكم ما ابا اكون مثل النساء التي تعيش لزوجها لانه زوج لا يستحق ( كذا مره شفت خياناته بالهاتف و علاقاته المتكرره ) اريد ان اعيش لنفسي و هو بدا يضيق عليه شو الحل ؟؟؟؟؟؟؟؟؟؟؟؟؟؟؟؟

 

[طيرشلوة]

اسمحيلي على صرااحتي,,,,كلامج مو منطقي نهااائي,,,,,,,,,,,,,,,,,,,,,

عشر سنوات واولاد,,,,,,وتقولين بطلع مع رفيجاتي وصديقاتي,,,وبروح النادي واتسوق,,,,

رفيجاااتج يجونج في بيتج يزورونج,,,,النادي تشترين اجهزه دام تحبين الرياضه

والسوق للحاجه مو بس للفراره
اختي لو زوجج خياناته كثيره
مايعني انك تنسين انك زوجه ومسؤوله عن بيت واولاد وزوج
وكذلك طاعة الزوج,,,,,,,,

لاتنسين نفسج نعم...........ولكن ليس على حساب بيتج وزوجج,,,,,,​

 

[من الايام]

عزيزتي طيرشلوه,,,,, مشكووره علي ردج بس شكلج ما فهمتيني . انا خلال العشر سنين منعني من الشغل و شوفت صديقاتي والنادي كنت اروحه عادي بس احينه من ثلاث اسابيع منعني نخيلي انت متعوده ع شي و فجاه يمنعج منه و بعدين انا ما اروح النادي الا و هوه محد و الاولاد في المدرسه و ساعه بس , يعني ساعه لنفسي اغير فيها جو البيت و ما تاثر ع واجباتي المنزليه ؟ انا اسالج بصراحه انت تقدرين تعيشين بدون موول ما تطلعين و زوجك يققد معاك ساعه بس في اليوم و كله في شغله او مع ربعه ؟

 

[طيرشلوة]

مو القصد اقدر او لا ولكن كلامك في الموضوع بالاول غير مختلف عن الرد,,,,

 

[wa7da co0ol]

اطلبي منه انه هو يوديك قولي ماابغى السايق ولا السيارة بس فهمني اش اللي غيرك جلسه هدوء ومصارحة

اش السبب

وبعدها اذا مارضي جيبي الات رياضة في البيت واعزمي صاحباتك في البيت

حاولي تعزميه هو يمكن انشغلتي وهو يبغى ينبهك بهذي الطريقة

وادعي الله يسخره لك​

 

[ام احلى بنت]

دلليه اكثر واهتمي فيه
واذا جيتي بتطلعين استأذني منه بكل دلع مع بوسه وضمه وحسسيه انه هو الامر الناهي ومابيرد لك طلب بالاخص لو اخذتي اذنه
افضل حيله انك تطلبيه بدلع​

 

[sesebombom]

ممكن صار خلاف او شي بينكم لحتى منعك اكيد مو فجأه بين يوم وليله تغير اكيد هاد القرار اخده بعد موقف صار بينكم؟؟؟؟
ليكون شافك تماديتي بالمشاوير واهملتي البيت والعيال؟؟؟؟؟؟؟؟؟؟؟؟؟
اكيد في سبب ابحثي عنه

 

[لمســــات انثـى]

الله يعينك حبيبتي مالك الى تصبرين والحياة طويلة يبغا لها صبر
حاولي تناقشية بهدوء شوفي ايش وضعة يمكن مضغوط من العمل يمكن مضغوط من اهلة فيةشئ اكيد مضايقة او انتي ضايقتية بشئ عشان كذا منعك ان شاءالله فترة وتعدي
بتوفيق

 

[من الايام]

مشكورات حبيباتي ع ردودكم لي انا افكر ازعل و اقاطعه كم يوم و بعدين ابتدي اكلمه شو رايكم و صح كلام الاختsesebombom هوه صار موقف قبل هذا اني قلت له اني رايحه النادي و انا طالعه غيرت رايي ورحت بيت ابويه لاني كنت اكلم امي وقالت لي انه ابوج مب صاحي و كان يتصلي و تلفوني ع السايلنت و رديت عليه بعدين لاكن وايد تم يضارب و انا ما اشوف هاذا سبب يخليه يمنعني و يضيق عليه لانه صارت قبل مواقف اني انسا اقوله اني رايحه النادي و بعد يتصل و ما ارد بس عادي ما يقولي شي بس ليش احين ردت فعله وايد مبالغ فيها

 

[شوكلاين]

شوفي حبيبتي لازم في سبب لاتثورين في الحوار معاه حاولي تعرفين ليه ما يبغاكي تروحي اما انه سمع موقف حرك غيرته عليك او حس انك انشغلتي عنه او ما هو صاحي زي الي عندي حسبي الله عليه انا مانعني اروح وشريت ليه جهاز بالبيت والله ان الرجل وبالذات العربي لغز ومعقد

 

[sesebombom]

اختي من الايام شفتي اكيد هاد احد الاسباب
اكيد موقفه هاد يعني عقاب الك ان شاء الله فتره وبتعدي
بس انتي لاتلحي عليه اتجاهليه شوي واجلسي بالبيت هاي الفتره صدقيني لحاله راح يحكيلك اطلعي وغيري جو

 

[شخصية]

اختي انتي تقولين ان عنده سوالف مع البنات و خيانات يمكن لهالسبب قام يضق عليج يمكن الحريم اللي كان يرمسهم معرسات و يطلعن من ورا رياييلهن و هو قام يتفنتك و يفسر كل على كيفه و كلما بغيتي تسيرين مكان تذكر كلامهن معاه و كيف قصن على رياييلهن .. و اكيد انتي حاشاج و كرمج عن اشكالهن بس تعرفين الرياييل ترى مرات يكونون اغبيا و ما يفرقون بين الزين و الشين .