زوجي يحبني ويعشقني ويدللني اذا شافني لابسه ذهب !! ادخلوا وقولولي اش اسوي !!

[مجنونه زعلاته]

قولولي اش اسوي :35:!!!

من جد ... ترا هذا الموضوع مسويله غصه او ازمه او اي شي افهموها اكيد حاسين فيا وعارفين ...

:7:شوفوا الحين هو عادي يحبني من غير شي بس في الصرفيات مابضحك عليكم واقول مايقصر او حتى على الاقل يسوي حقوقه في الصرفيات لا والله بس الحمدالله على كل حال


بس مثلا نكون متزاعلين وفجأه قاعد يمزح ويدلع ويسوي حركات ويقول بكره بنطلع مطعم ( اللي احبه لاحضوا ) وبنتعشى وبنقضي للبيت ((( يعني بالله ياناس كنتي انتي وزوجك متزاعلين وفجأه يجي يقلك زي كذا اكيد في شي انا اش اللي خلاني اعرف انه من الذهب لانه طول ماهو قاعد يمزح ويدلع يطلع في الاسواره اللي في يدي وحتى وانا اسولف << تجاوبت معاه ماكأنها كانت زعلانه :36:

الاقيه بس يطالع في الاسواره عينه عليها وماهي اول مره عشان ماتقولون ظالمته وقد اخذ مني ذهب وسوى نفس الحركه نفس البروجرااام حق (( اتمسكن الين تتمكن ))

فأنا نفسي البس الذهب بكل حريه واحطه في العلبه بكل حريه


يعني الحين هو نايم اتوقع لمن يصحى على طول حيفتح معايا الموضوع ويقول ممكن تسلفيني تعطيني من ذهبك اي شي وارجعه لك ,,,,,,,,,,,,,

طبعا مستحيل اني اعطيه مع اني احبه والله يرزقنا الذريه الصالحه بس اعطيه من ذهبي من فلوسي لاااااا


لانه هو واهله بطرانيييييين عندهم الخير ماشاءالله وانا يدوب فرحانه ماشاءالله بكم قطعه عندي وكم فلس ويبغى يخلص عليهم ليه لييييه ؟ صح كلامي والا لا .. وفي نفس الوقت انا احب الذهب عليا يعني لاتقولولي لاتلبسين لا معليش يعجبني لمن البسه ..


ابغى اقرا ارائكم في موضوعي .... ويعطيكم العافيه

 

[%ام جسار%]

حبيبتى يسعدنى انى اول وحده ارد عليك

اكشخى ياعمرى بذهبك وخليه يدلعك ويطلعك بس لاجاء ويتمسكن قوليله استوب ممنوع الاقتراب هذا حقك وخليه يتسلف من اهله دامهم عندهم الخير

والله يهديه ويسخره لك ومايحط عينه على ذهبك

 

[boli]

طيب هو يرجع ولا لا والفلوس يصرفها في شي يجيب عليكم نفع؟ اذا لا خلي ذهبك معاك ابرك لك
والله يهدي سركم

 

[نور زوجها]

قوليله بدال ماتعطيني تاخذ مني معليش

 

[رازيا]

اوعي تعطيه ذهبك يبيعه لا تغلطي غلطتي
كانت جدتي تقول الرجال يعجزه عشاه وما يعجزه عشاه
قصدها لو يريد فلوس يطلع من تحت الارض
خبي ذهبك في البنك اذا كان كثير
والبسي اشياء خفيفة في البيت والمناسبات
واذا جاء وقالك اعطيني ذهبك ابيعه قوليله
حبيبي انت الرجال وتقدر تدبر عمرك
وخصوصا انك قلتي انهم عيلة مقتدرين ماديا
يا كرهي للرجال لما يحط عينه على ذهب زوجته

 

[رازيا]

كانت جدتي تقول الرجال يعجزه عشاه وما يعجزه عشاه
هههههههه غلطت اقصد الرجال يعجزه عشاه وما يعجزه زواجه

 

[رازيا]

ما ادري شو قصتي اليوم مو مركزة ههههههه

 

[حنيني2010]

دام ان زوجك معه فلوس وأهله معهم،، اوعك تعطيييييييييييييييييييييه، نهائي ماتعطيه شي
في ناس تكون ايديهم مليانة وعيونهم فارغة!!!

أنا لو مكانك أتغدى فيه قبل لا يتعشى فيي (خاصة انه معه مصاري)
أطلب يجبلي قطعة ذهب أو ألماس ،، يدلعني بدلع،، خاصة لماتشوفيه يدلعك وعينو عالذهب ،،، قوليله حلوة هلاإسوارة بايدي،، صح؟ يقول لك تجنن،، قوليله: بس ناقصها خاتم يليق عليها! وانظري له بدلع ودلع، ولا كانك فاهمة اللي براسه.

كمان ملاحظة: أختي حاولي أغلقي على ذهباتك أوغيري مكانهم،خوفا من السرقات المنتشرة هاليومين، لأنك تعرفي وحدة حكتلك عن وحدة انسرق ذهبها،،(فقط إذا سألك ليه مخبية الذهب)>>> فاهمة علي أكيد

الله يوفقك مع زوجك ويرزقك خيره ويجنبك شره.​

 

[حنيني2010]

مع رازيا​

 

[مجنونه زعلاته]

%ام جسار% .. يعطيك العافيه حبيبتي والله يسعدك ...
boli .. لاطبعا مايصرفها علينا يبغى يسدد فيها ديون ماكنا في حاجه لها بس واحد الله يهديه ضحك على زوجي في بزنس وورطنا !! بس برضوا يمين الله يقدر ويقدر ويقدر عندهم الخيييييييييييييييييييييير كله يقدر في ثانيه يسدد وانتهينا بس الله المستعان ...
نور زوجها .. قلتله كذا وقلتله حتى يعني انا دايم اعطيك اصلا ومع هذا ماقد شفت منك شي قلي طيب ان شاءالله الأيام الجايه حلوه (( امشي مع الكذاب لحد الباب )) خلينى نشوف ..
رازيا .. حتى امي قالتلي نفس كلامك وتقلي بالمره لاتلبسين شي واصلا خلي ذهبك عندنا ( وانا الاطقم عند اهلي بس الاشياء البسيطه عندي ) ومره رحت لأهلي عشان اخذ طقم ذهب لانه كان عندي مناسبه اليوم الثاني عند اهل زوجي اتخيلي بعد ماخلصنا السهره ونمت وصحيت الطقم مالقيته اخذه وباعه !!! انصدمت انصدمت ماتتخيلين قد اش بس قلي بعطيك فلوسه بس خلي الوضع يتحسن انا ماني مسامحته اخذه من غير لااحم ولادستور وين احنا مافي ضمير يتحرك جواك ... الله يهديه ويصلحه مالي غير هذا الدعاء الله يهديه ويصلحه ..
حنيني 2010 .. يعطيك العافيه حبيبتي اجل لمن يصحى بس خليه يطالع في الاسواره بقوله ناقصها خاتم ههههههههههههههه حلوه الفكره عجبتني .

 

[رازيا]

سامحيني بس زوجك ما عنده ذووق وحسيته انسان جرئ
المفروض يستأذن اول قبل ياخذ ذهبك انصحك خلي ذهبك عند اهلك وخبيه هناك او حطيه بالبنك
يالطيف عليهم الرجال شو فظيعين
واسمعي كلامي اوعي تعطيه ولا ذهبه وحدة خليه يروح يدبر عمره
الله يهديه ويصلح حاله امين ويسخره لك يارب

 

[بسكوت بالقشطه]

ماشاء الله البنات ماقصرو
مع رازيا ​

 

[استعدت نفسي]

لاتعطينه شي ابد نصيحه مني لاتعطينه

 

[{wtn Amri}]

أنتبهههههههي تعطينه
حتى لآ تخلين له كجآل يفكر إنك ممكن توآفقي
لآ جآب طآري قوولي ستوب إلاذهبـي !!

لآ تغلطين غلطتـي
أنا اللي رضيت أبيع ذهبي وللحين كل أحد يذكرني بهآ : (

يآكرهـي للرجآل اللي يحط عينه على ذهب زوجتـه

 

[مجنونه زعلاته]

رازيا .. مشكوره ومن ناحية جريء فهو جريء بوقآآآحه الله يعين وبسسسس ... اش اسوي ماادري
بسكوت بالقشطه ..
اسعدت نفسي ..
يعطيكم العافيه بس
انا مابعطيه ياجماعة الخير بس اقوول كيف اتعامل مع هذي الشخصيه انه ماعاد يطلبني شي سواء ذهب والا فلوس ...

حتى تخيلوا امه تقعد تدق بالكلام بنتي تبيع من ذهبها عشان مثلا تشتري فستان لمناسبه والا عشان تروح المستشفى والا عشان تجيب ممرخه والا عشان تشتريلها جوال او اي شي ... تبغاني اسوي زي بنتها هذا (( وانا اشوف بنتها في المناسبات تلبس طقم ذهب ؟؟)) مدري وش سالفتهم !! وهم اساسا اول يوم في زواجي مريت على بيتي بس مرور عشان اشوفه لاني باقي مطوله في الفندق قعدت يمكن اسبوع واربع ايام ماشاءالله تعرفون حركاااات وعروسه المووهم ف ذهبي يعني لازم يشوفونه او بمعنى اصح اعرض كل شي يعنني حركات >> عندي ذهب >> الوالده الله يحفظها وخالاتي هم رتبوه وحطوه ع التسريحه ف انا لمن رحت بيتي قالتلي امي خذيه وحطيه عند عمتك ام زوجي لانها ساكنه معايا قدامي البيت ف خلاص عينهم علييييييييه من هذاك اليوم وهيا بنتي تبيع من ذهبها بنتي تبيع من ذهبها !!!


خير طيب وبعدين اش قصدها ؟؟؟؟؟؟؟؟!!

 

[عبودي دنيتي]

شوفي ياقلبي انا ذهبي عند امي صح انه قليل اللي انا شاريته بحدود 30 بس الهدايا اللي جاتني كثييير من الذهب انا وريته اياها كلهم وقلت هذا اهلي شرولي اياه عشان مايتجرا يطلب ابيع شي وانا مخليته عند اهلي
وبقلك شي ثاني اختي الله يصلحها ويتمم عليها خطوبتها قوزلو اامين تزوجت قبل 10 سنوات وكانت اول بنت تتزوج لابوي حبيبي فشرالها ذهب ب80 الف ورب البيت ب80 الف تخيلو وكان هذاك الوقت الذهب رخيييييييييص مررره اذكر لما جابته تقولين فاتحه محل وتفرجنا مشالله المهم هي تزوجت في عيد الاضحى وسافرت مع زوجها ولما قابلناها في الصيفيه كنا متفقين تجي تتجهز عندنا ونطلع العرس سوا امي شافت في ايد اختي بنجرتين وخاتم بسسسسسس قالت امي ليش مو لابسه ذهبك اللحين الناس يقولون شوفو اهلها ما شرو لها ذهب وكان هذا اول زواج تحضره من يوم تزوجت قالت يمه بعته واااااااااااااااااااو امي بغت تنجن
وتدعي عليها وعلى زوجها بغت تنجن ما بقي من ذهبها الا 3 قطع بس قالت يايمه يقول ما معه كل ما طلبته شي قال ماعندي وهي خبله وتحبه تعطيه لدرجه مره قالت له جيب لي كوايه اكوي عليها قال ما عندي فصخت خاتمها وعطته قالت جيب لي كوايه وهو مستانس وبعدها جابت ولد وبنت وتزوج عليها ثم سحرتهم زوجته الثانيه اسال الله ان ينتقم منها ثم طلقها وطلعت من الفول بلاحمص حتى عيالها عنده حسبي الله عليه
انتبهي ياقلبي لاتقولين ذهبي قليل وشوي وترخصينه بعينك مهما كان الرجال يقول ما معي شي وشوي الا وهو طاق بالثانيه على راسك لا وفارش بيتها وماثثه وديه عند اهلج والا كل مازعلتي منه وبغى يراضيك نزليه سوق الذهب يستااااااااااااهل

 

[عبودي دنيتي]

اسمعي اذا عادت قالت بنتي وبنتي قولي بصراحه بنتك ذي مافيها خير اجل صارت هي تصرف على الرجال ليش ياخاله ترضين على بنتك كيف تسمحين لها مفروض تنصحينها تجمع فلوسها ما تدرين عن الدنيا يمكن يقطها عندك باليت هي وعيالها ولا تمرض والا تبي ترسل لامها والا خواتها شي وتقعد تحت رحمة الرجال تترجاه
اذا هو ما قضى لها ولا لبيتها ولا عالجها اذامرضت هو وش ماخذها له تخدمه وتصرف عليه بصراحه غريب امرك ياعمه شكله داخل على طمع انتو اهل خير وياليت بعد زوجك يكون موجود عشان يفهم انك ما تامنين على مستقبلك مع واحد طماععععععععععععععععععععع

 

[مهاجره بلا عوده]

اه لاتذكريني غلطة العمر اعطيته الذهب وطلقني بعدها ب3 اسابيع

 

[مجنونه زعلاته]

عبودي دنيتي .. يعطيك العافيه والله يعوض اختك في الدنيا والاخره وحسبي الله ونعم الوكيل على اللي مايخافون الله ... زمن نسأل الله السلامه ...
وبالنسبه لعمتي ماقدر اقول زي كذا انا تراني ماني حقت نسوان ودق في الكلام ومن حركات الحريم مااقدر او مااعرف الا اذا مررررررررررررره قفلت معايا ... يعني اول شي استخدمه اطنشها ومالي فيها هي وبنتها اهم شي ولدها مايتعدى حدوده وياخذ من ذهبي ... احس حيجي يوم واقلب الدنيا الله يستر ...



مهاجره بلا عوده .. لاحول ولاقوه الا بالله هذا هو كلام امي تقول اذا شافك بعد الزواج مادخلتي مزاجه يحاول وياخذ كل ذهبك عشان يصير عنده مهر يقدر يتزوج الثانيه ويطلق .. حسبي الله ولاحول ولاقوه الا بالله ..

 

[وله زوجي]

انتبهي بعت ذهبي واثثت البيت وكل مارزقه الله باع السيارة وجذالموديل اهم شي يمتع نفسه وأذاصار نقاش بينا سوا نفسه انه يرفهن ويركبنا احسن سيارة والذهب على الله عوضي وإم زوجك حاسدتك على كثر ذهبك تمنى ان بنتهأ أكثر منك ذهب احفظي حلالك عن الطماعين نصيحة مجرب وبعدكل هذا يطري الزواج الثاني حتى الهديه ماتطلع منه بطيب خاطر ماينفعك إلا فلوسك