وفيت و ما وفالي
New member
- إنضم
- 14 أغسطس 2010
- المشاركات
- 7
مساء الخير عزيزاتي
حبيت أطرح مشكلتي، يمكن ألقى حل يخلصني من التفكير و الأرق اللي أعانيه بسبب زوجي.
أنا صار لي 6 سنوات و نص متزوجة، زوجي ما يقربلي(ما يخصني)، بس معرفة بين العائلتين، و طلب انه يشوفني قبل الزواج و عجبته و خطبني و تزوجنا و هو أكبر مني ب6 سنوات.
في بداية الزواج كنت أعاني لأنه متعلق وايد بربعه، يعني مستحيل يمر يوم و ما يتلاقى أو يسهر وياهم..و كانت معظم المشادات بسبب ربعه، كنت أطلب منه انه ييلس وياي أو انه نطلع ويا بعض بس كان يرفض و يروح لربعه. لين ما تعودت على روتين حياته (بعد المغرب نتعشى و يطلع مع ربعه للساعة 10:30 أو 11 بالليل)
و عشت حياه سعيدة معاه (طبعا كان فيه مشادات بسيطة بسبب اختلاف وجهات النظر) بس كنت أموت فيه و كان يموت فيني. و يبتله بنتين أحلى من العسل(الله يخليهم لي).
و عشت حياه سعيدة معاه (طبعا كان فيه مشادات بسيطة بسبب اختلاف وجهات النظر) بس كنت أموت فيه و كان يموت فيني. و يبتله بنتين أحلى من العسل(الله يخليهم لي).
و زوجي من البداية ما كان يحب اني أتدخل في خصوصياته، يعني ما يحب أمسك تلفونه أو أسأله وين رايح و من وين ياي. و دايما يقول لي أنا لي خصوصيتي و انتي لج خصوصيتج، يعني هو ما كان يحب يفتش تلفوني لأنه يعتبر انه هذي خصوصية و طبعا لأنه واثق فيني.
المشكلة بدت بعد 3 سنوات من الزواج. بصراحة أنا كنت واثقة فيه و ما كنت أشك ان عنده علاقات ويا البنات، و بس عشان أرضي غروري فتشت في تلفونه بالسر و لقيت مسجات من عند وحدة و كاتبتله كلام حب و غزل و ذاكره اسمه في المسجات. ثار جنوني و صحت من أعماق قلبي و كانت صدمة هزت حياتي الزوجية. طبعا واجهته...هو في البداية ارتبك و حاول انه يهديني و صار يحلفلي انه يحبني و ما يحب غيري.. و قال انه واحد من ربعه كان يستخدم تلفونه و يراسل حبيبته و انه اسم ربيعه نفس اسمه.. حاولت أصدقه عشان ما أهدم حياتي وياه. و من يومها صار ما يدخل البيت إلا و هو غالق تلفونه أو يخليه على السايلنت.
طبعا الشك كان مسيطر على قلبي.. و كنت أترياه لين ما ينام و آخذ تلفونه و أحاول أدخل ال PIN Code لين ما عرفته.. لقيت انه ماسح كل المسجات من تلفونه (المسجات المرسلة والمستلمة و التقارير)، و قمت أفتش في الأسماء.. طبعا لقيت أسماء بنات واااايد في تلفونه.. بس بحكم شغله انه يتعامل ويا البنات قلت أكيد انه هالبنات يتعامل وياهن في شغله... و ما لقيت أي أثر لرقم البنت اللي راسلتله المسجات بس لقيت بعد أسماء مبهمة (يعني أرقام مسجلة بأسماء مدن و غيرها) و خذت هالأرقام واتصلت عليهم و تأكدت انهم بنات بس طبعا ما قدرت أقولهم شي لأني ما أعرف طبيعة العلاقة بينهم و بين ريلي.
و واجهت ريلي مرة ثانية و قلتله شو معنى هالأسماء و منو هالبنات اللي تكلمهم.. طبعا قالي انه بينهم شغل و انه مسجل أرقامهم بهاطريقة لأنه مب متذكر أساميهم..
المهم مرت الأيام و أنا على نفس الحال.. أفتش تلفونه و ما ألقى أي مسج فيه بس لقيت أسماء البنات المبهمة مسجلة بأسماء رياييل... و الشك يزيد يوم ورى يوم.. و كنت كل ما أشك في شي أواجهه و نتشاد بالكلام بشكل يومي.. هو مصر على انه ما عنده أي علاقات و أنا متأكده انه يخونني.. و صرت ما أطيقه لدرجة اني طلبت الطلاق أكثر من مرة.. بس هو كان يتجاهل الموضوع.
طبعا الشك كان مسيطر على قلبي.. و كنت أترياه لين ما ينام و آخذ تلفونه و أحاول أدخل ال PIN Code لين ما عرفته.. لقيت انه ماسح كل المسجات من تلفونه (المسجات المرسلة والمستلمة و التقارير)، و قمت أفتش في الأسماء.. طبعا لقيت أسماء بنات واااايد في تلفونه.. بس بحكم شغله انه يتعامل ويا البنات قلت أكيد انه هالبنات يتعامل وياهن في شغله... و ما لقيت أي أثر لرقم البنت اللي راسلتله المسجات بس لقيت بعد أسماء مبهمة (يعني أرقام مسجلة بأسماء مدن و غيرها) و خذت هالأرقام واتصلت عليهم و تأكدت انهم بنات بس طبعا ما قدرت أقولهم شي لأني ما أعرف طبيعة العلاقة بينهم و بين ريلي.
و واجهت ريلي مرة ثانية و قلتله شو معنى هالأسماء و منو هالبنات اللي تكلمهم.. طبعا قالي انه بينهم شغل و انه مسجل أرقامهم بهاطريقة لأنه مب متذكر أساميهم..
المهم مرت الأيام و أنا على نفس الحال.. أفتش تلفونه و ما ألقى أي مسج فيه بس لقيت أسماء البنات المبهمة مسجلة بأسماء رياييل... و الشك يزيد يوم ورى يوم.. و كنت كل ما أشك في شي أواجهه و نتشاد بالكلام بشكل يومي.. هو مصر على انه ما عنده أي علاقات و أنا متأكده انه يخونني.. و صرت ما أطيقه لدرجة اني طلبت الطلاق أكثر من مرة.. بس هو كان يتجاهل الموضوع.
اكتشفت انه ريلي له شخصيتين، شخصية الريال المثقف و الصارم اللي له كلمة وحدة و ما يغيرها و اللي مهتم بصلاته و ينتقد الشباب المغازلجيه و الانسان المشغول بعمله و تجارته و بناء مستقبله و الوقت عنده أهم من أي شي ثاني (شمالي) و بهالشخصية مستحيل أشك انه عنده أي علاقات ويا البنات لأنه طول الوقت مشغول و عنده مواعيد مع رجال الأعمال و هالشخصية طبعا يتقمصها قدامي و قدام الأهل.. أما الشخصية الثانية فهي شخصية الانسان المراهق اللي كل همه مغازلة البنات و الجنس و الشيشة ولعب الورق و بهالشخصية ينسى انه عنده أي مسؤولية و يكون همه انه يمتع نفسه و بس، بغض النظر اذا كانت طريقة المتعه حلال ولا حرام (غربي) و طبعا هالشخصية يتقمصها أول ما يطلع من البيت و يروح عند ربعه. أنا أعرف عدد بسيط من ربعه و أعرف زوجاتهم معرفة سطحية و كل اللي أعرفه انهم مستقرين في حياتهم.. بس هو ما شاء الله عنده ربع وايد و كل يوم يطلعلي بإسم يديد.
و طبعا أنا ما مقصره وياه في أي شي. و حتى و أنا في البيت أكون بأحلى صورة و ريحتي عطر و بخور. و هو ما ينكر هالشي و دوم يمدح شكلي و ملابسي و ريحتي.
و بعد ما اكتشفت الشخصية اليديدة فيه، حاولت اني أغير من شخصيتي و أخلي شخصيتي أقوى من قبل، و صرت أهتم بالجنس أكثر من قبل، ألبسله أحلى قمصان النوم و على ذوقه و تقريبا بشكل يومي. و حتى انه قام يمدح العلاقة الجنسية وياي و يقول اني بيرفكت في الجنس لأني أندمج وياه بكل مشاعري و نروح أنا وياه لعالم ثاني.
و بعد ما اكتشفت الشخصية اليديدة فيه، حاولت اني أغير من شخصيتي و أخلي شخصيتي أقوى من قبل، و صرت أهتم بالجنس أكثر من قبل، ألبسله أحلى قمصان النوم و على ذوقه و تقريبا بشكل يومي. و حتى انه قام يمدح العلاقة الجنسية وياي و يقول اني بيرفكت في الجنس لأني أندمج وياه بكل مشاعري و نروح أنا وياه لعالم ثاني.
أنا محتارة لدرجة الجنون.. دام انا نحب بعض لهالدرجة ليييييييييييييييشششش يخونني..
عندي احساس يقول انه علاقاته ببنات السوء تزيد يوم عن يوم.. لأنه قام يحط أرقام سرية لتلفونه و صرت ما أقدر أفتش التلفون.
عندي احساس يقول انه علاقاته ببنات السوء تزيد يوم عن يوم.. لأنه قام يحط أرقام سرية لتلفونه و صرت ما أقدر أفتش التلفون.
ريلي ما كان له في سوالف الانترنت و الكمبيوتر لين ما أهدوه من الدوام لاب توب، وصار ياخذ اللاب توب وياه كل ما يطلع عند ربعه، و صرت أنا أفتش اللاب توب كل ما تحين الفرصة.. و لقيت انه ضايف بنات وايد على الماسنجر، و سويتلي ايميل يديد و طلبت انه يضيفني على الماسنجر و أضافني بكل سهولة.. و هو طبعا ما يعرف اني زوجته.
في يوم من الأيام طلب ان أدردش وياه في برنامج شات يديد.. و وافقت في البداية قمنا نتعرف على بعض و ندردش في سوالف عامة.. لين ما تقربنا من بعض و طلب انه يكلمني بالتلفون.. طبعا رفضت لأنه اذا كلمته بينكشف أمري.. و كل يوم العلاقة تتوطد أكثر لدرجة انه صار يسوي وياي علاقات جنسية بالشات.. طبعا نكر انه متزوج و عنده عيال و بعض المعلومات اللي قالها عن نفسه صحيحة و بعضها خطأ. مثلا ما قال لي اسمه الحقيقي و رفض انه يرسل صورته.. المهم انه ألحين صار لنا 8 شهور على الشات و هو كل يوم يطلب مني اني أكلمه على التلفون عشان تصير علاقتنا أقوى و يمكن تتحول لزواج. و أنا رافضة أكلمه و أقوله عندي احساس انه اذا تكلمنا بالتلفون بتنقطع علاقتنا و انه أحسن نكمل بالشات. و مرت الأيام و نحن كل يوم نسوي علاقات جنسية بالشات.
بصراحة استفدت وايد من الدردشة وياه لأني عرفت عنه معلومات ما كنت أعرفها من قبل. و طبعا لأن صار مشغول فيني و يسوي علاقه وياي أحسن من انه يكون ويا غيري... بس كنت أموت من القهر لما أشوف كلام الحب و الغزل و الجنس و هو يقصد به وحده ثانية غيري.
بصراحة اذا ما كنت شفت بعيني المسجات اللي في تلفونه.. و اذا ما كنت دردشت وياه بنفسي ما كنت راح أصدق انه يخونني. لأنه في الواقع يحبني أنا و عيالي و ما مقصر علينا بشي.. صار يحاول يقضي ويانا وقت أكثر و يطلعنا في الاجازات. و اذا ابتعدت عنه (لما أكون بالدوام) يرسل لي مسجات حب و شوق و غرام و أنا أبادله المسجات.. بس في نفس الوقت يكون يخونني بالشات
أرجوكم اذا كان عندكم أي حل لمشكلتي أفيدوني.. علما بأني انسانه متمسكة بديني و صلاتي و طول الوقت أدعي لزوجي بالهداية.. لدرجة اني أقوم الليل عشان أدعيله.. لأني أحبه من أعماق قلبي و أباه يكون لي بروحي.
أتمنى من الاستاذة ناعمة تقرأ مشكلتي و تعطيني الحل. لأني كل ما أتذكر انه يخونني أحس انه الدنيا تنهار حولي.. أنا محتاره أكشفله حقيقتي و أقول له ان أنا الانسانة اللي يكلمها بالشات أو لا.
أدري اني طولت عليكم.. بس كنت محتاجة اني أقول اللي في خاطري لأني حاسة اني بنفجر.
انا ما قلت لأحد عن زوجي غير لإختي و إخت ريلي القريبة مني.. و ما قلت لأهلي لأنه ريلي عنيد وايد و ما ياخذ نصيحة أي أحد، بالعكس إذا أحد نصحه يسوي العكس تماما.. الله يهديه
