زوجي يتهمني بـ ,,!! والله قهر

[اخر ايام التوت]

السلام عليكم


مرحبا صبايا وش حالكم ؟!

معاكم يوزر يديد اتمنى تقبلوني بينكم .. :5:


الله يخليكم الي عندها رد يغث ويلوع الجبد موضوعي يتعذرهااااا ...!!!! لا ترد

والذربه ترد ربي يوفقها ويرزقها ,,



بنات زوجي يتهمني اذا زعل وعصب >>>هذا دليل على انه مشاعره الحقيقيه جذي


انتي مغروره وشايفه عمرج علي انا واهلي !! :4:



والله الشاهد علي يا بلقيسيات ... ماعندي من الغرور شي ,, وهذا كلام كل الي يعرفوني مو حجيي انا


تهاوشنا مره ,, ورحت ريحت عند اهلي يومين يعني بدون زعل بس جذي اريح

لكن مادقيت عليه وحقرته علشان يتادب ,, باسلوب


لقيته بعد يومين يرسل لي ردي بيتج احسن لج ترى يصير فيها علووووم !!!

او انتي مستغنيه عني قلت ( حامل وموظفه وعند اهلي ,,الريال مو محتاجتنه ) >>>امبيه تفكيره حده يغث شلون مو محتاجتك!!


بنات هو يحس بالنقص لاني افضل منه على كل الاصعده بس وربي الشااااااهد عمري وبحياااتي ماقلت او حتى لمحت بهالشي

يقول انتي شايفه عمرج علشانج بنت شيوخ !!! موظفه معج فلوس !!! وشهادتج عووووده! مقارنه معه !!!

مع اني مااخذ منه مصروف مساعده له هو بدايه زواجي قال ساعديني وتكفلي بمصروفج الشخصي لاني مااقدر وكل راتبي اقصاط وسلفيااات.. وبكل رحابة صدر وافقت وشايله عمري عنه ,,


بنات زوووووجي عصصصصصصصصصصصصصصصصصصصصصبي وبسرعه يطق عود جبريت ,, وعنيـــــــــــــــد ,, ادري يموووت فيني بس من كثر عناده عادي يضحي فيني :30:..

انا ,,
خجوله وايد وهااديه مااتكلم وايد لا معه ولا مع اهله طبيعتي جذي .. لو عصب اسكت ولا اتكلم حتى لو هو الغلطان ماارد ابد,
نكمل ,,,

وخالتي الله يهديها ..., امه هي وخواته !!!! زادوا الطين باله

كل ماشافوني >>>ساكنه معهم

اكلتي ,,شربتي تقهويتي غسلتي ذاكرتي , نمتي , تسبحتي !!!!!!!! ودج تتابعين اي مسلسل !!!! بنات لا حد يفهمني غلط والله والله اني ارد بذرابه وادب ,,

بس خلالالالالالالالالالالالالالاص الوضع يغث صرت تحت المجهر وكل تحركاااتي محسوبه اصلا مااطلع من البيت الا رجلهم على رجلي ,,

حتى القاهره وشرم الشيخ قبل الثوره ,,راحوا كلهم معي وبنفس الشقه جلسوا ومع هذااا ماتكلمت بالعكس مرحبه بلفكره ...مع انهم سوا اشياء تغث بس صااابره وساكته حتى هو ماعلمته .

واهتمامهم الزايد فيني الي خنقني ,, المشكله مو اهتمامهم فيني المشكله اذا رديت وقلت

لا شكرا خالتي مااشتهي الحليب او شوي واشربه !!! اذا جاء زوجي ركضت على الباب وقالت سويت وطبخت لحرمتك ورفضت تشرب مني !! علشان جذي هو يقول ان اهلي يدارون خاطرج وانتي مغروره

بنااات شلون اغصب عمري على دهن عداااني ومعبوج وانا مااحبه او حليب وانا اكرهه !!! >>>صج عذاب

اي شي اسويه مثل مااشتهي مااحب ماابي يوصل ريلي وهو يزعل يحس اني مغتره عليهم !! لو صج يسونه لوجه الله مايوصولن لزوجي رفضي لهذا الشي ,, >>الله عالم بالنيه

انا حامل و نساااااااااااااتي قشرى !1 وكله نايمه وتطريش وانتوا بكرامه ,, يطالبني اجلس مع امه !! وهو يشوف حالتي بس بايدي السطل وارجع .. وغير جذي امه تتابع مسلسلاات تركيه والهنديه المدبلجه وانا اكره التلفزيوووون ببيت اهلي مااجلس عليه الا ماندر !!

والله الشاهد اجلس معها بس سبحان الله قبل يجي بخمس دقايق اقوم لحجرتي , يجي معصب وش حقه ماجلستي مع امي !!انا احلف له اني جالسه طول المده بس قبل جيته قمت مايصدق!!! مااحب اسوي زي الحريم الي يلفون ويدورن قبل ردت زوجها بدقيقه تجلس مع امه لالالالالا احب اكون على طبيعتي متى ما اشتهيت جلست معها ومتى مومشتهيه قمت ,, حتى قلت له اقدر اصير لعينه واجلس معها قبل موعد وصولك بدقيقه !!!:30:مايرد علي

بس احس امه وخواته يسونه لخاطره مو لخاطري كل ذي الشغل ,,


انتهى الموضوع يا طويلاات العمرو السلامه انه يقووول

انتي مغرووووره وبيوم راح اكسر غرورج !!!! يعني يهدد بالمستقبل بزوجه ثانيه انا فاهمه ,,:25:

بنات احلف له اقوله بس مو راضي يقتنع اذا رضى يقول لا منتي غروره بس اذا زعل يقول اني وااااااااااااااااااااااااايد متكبره !!!


اخ بس لو انا متكبره صج كان ما انغث ,,

حاولت احل الموضوع وقريت مواضيع بالنت وشوفوا شنو وصلت له :::

1- بنات انا قريت هني موضوع ان الزوج علشان يحس انج محتاجه له حتى وانتي موظفه طلبي مصررروف !! المشكله !!
شلون اطلبه وهو طالب مني اني اصرف على نفسي بحكم ان ماديته سيئه !!!!

2- يقولون ان زوجي بالبوصله مادري شنو شمالي او شي جذي ماعرف صراحه .. ولازم امدحه واكبر راسه !!!
قمت اتغزل فيه وامدحه يرد علي !!! يا نصاااااااابه مو من قلبج >>>>زوجي مفتح باللبن
انا طبيعتي مااسولف وايد لا معه ولا مع غيره بس هو مومصدق لان عايلتهم هذرى فمو مقتنع ان فيه احد يقدر يسكت



بنات الي عندها حل لي تقووول مشكورين .

 

[كلي شموووخ]

الله يفرجها عليك احيانا احس زوجي يغاار مع انه جنوبي بس فهمت انهم يفتخروون بزوجاتهم والله مايندرى عن هالرجال..

 

[نورة العامري]

الله يكون في العون يا أختي و الله يعينج ع ريلج

 

[القمر*]

الله يعينك انفعلت معك وضاق صدري عليك
اطلبي ربيك ان الله يصخره لك ويبينهم على حقيقتهم قدامه
ان الله يمهل ولايهمل

 

[انوار المحبه]

كل الازواج يغارون

زوج اختي يقولها انا اكرره ماشوووف اهلك حسبي الله عليه واحنا رازينه وعادينه ولدنا وربي عشان ظروفه

حتى مصروف عياله احيان اهلي يرسلونه لهم ونحسبه بيشوفها جميله مادرينا انها بتقعد بقلبه على انها اهانه

فــ يمكن زوجك عشان مو شايفك محتاجته يحسب انك مستغنيه عنه غريبين هــ الرجال واغبياء ويقهرررون احيااان

اذا على المصروف مادري والله كيف تطلبيه لانك ماعودتيه من الاول بس مايمنع الرتوش الثانيه مثلاً اذا رحتوا المول مع بعض هو اللي يشتري لك بعض اغراضك الخاصه

عوديه يعزمك يشتري هدايا لــ امك وابوك وبنفس الوقت لــ امه هو من ماله الخاص طبعاً


موفقه يالغلا​

 

[دلوعةزوجي]

عزيزتي زوجك ما حس با انك تتصرفين طبيعي لانك طول الوقت ما احب هذا وما ابي هذا وين المشكله لو ظغطتي على نفسك شويتين والله بترتاحين وواضح اهل زوجك يدورون رضاك مو رضاه لانهم يسون لك كل شي بغيابه مو بحضوره
اختي العزيزه امدحيه حتى لو قال نصابه امحيه زود ماعليك من كلامه
حسسيه انك محتاجته با اي طريقه حسسيه واضح زوجك مو حاس بحاجتك وحبك له وحاس انك متزوجتهه ديكور
اسال الله العلى العظيم يسخر لك زوجك ويصفي القلوب ونصيحه اقري الانماط وافهمي نمطه
تقبلي ردي وودي

 

[رجاء و أمل]

حبيبتي لا ضيقي صدرك انا مثلك دائما كان يقول عني مغروره ومتكبره عشان مستوى تعليمي اعلى منه وحالنا والحمدلله افضل من حالهم بس مع الايام عرف اني ماني مثل مايقول وترى الزوج يغار من نجاح زوجته وبعدين الله يعطيك العافيه كان المفروض من البدايه ما توافقي على طلبو في مصروفك كان الزمتيه تراه بيتعود على دا الشي وصعب بعدين تغيريه افرضي عليه مصروفك هو ملزوم فيكي ولا ليش يتزوج طالما ماعنده استطاعه يصرف عليك وتاني شي المفروض تكون لك خصوصيه مع اهل زوجك مو في كل امورك يدخلو وانتي حاولي انك توضحي لهم انك بنت ناس ولك خصوصيتك في حياتك وان كنتي عايشه معهم هذا مايعطيهم الحق في التدخل ووضحي لهم هذا الامر باسلوب راقي وانتي واضح انك ساكته على كل شي عشان تتحاشي المشاكل معهم بس هذا الشي راح يخليهم يتمادو وراح تتفاقم عليك المشاكل وراح يصعب حلها خذيهم بالين والطيب وانتي ماشاء الله عليك باين انك بنت ناس محترمه حتى في اسلوبك ومو عيب تكون لك خصوصيه موفقه

 

[الجنة املي]

اختي فهمت من كلامك انك جدا طيبه مو من الحريم النذلات يعني ما عندك ان كيدهن عظيم الرجال بطبيعته ما يحب زوجته تتعداه بشهاده او منصب لكن انتي حاولي بكل السبل تبينين انك متواضعه وتحتاجينه وانك تتعلمين منه واستشيريه حتى لو مو محتاجه استشارته وبالنسبه لموضوع امه اضغطي على نفسك وتحمليها عسى الفرج يكون قريب وسولفي حتى لو طبيعتك ساكته شاركي في مواضيعهم وجاملي احنا في زمن المجاملات والله يكون بعونك

 

[محبة مكة]

لا يا حبيبتي
انتي كسرتي القاعدة المهمة
الرجال قوامون على النساء
الرجل يحب انو يكد ويتعب عشان يجيب لك فلوس
لازم هو اللي يصرف عليك
انتي بكذة ما عملتي له اي قيمة
اعرف وحدة راتبها 40الف
وزوجها 14 الف
لكنها تاخذ منه مصروفها ومصروف البيت

 

[حزينه حد الجنون]

خذيهم بالكلمه الطيبه يعني خالتك سلمي على راسها وقليله مشكوره علي سويتيه بس والله عشانك رغم اني مااحبه صدقيني هي بتمنعك بعدين تسوين اللي ماتبين وراح تسئلك قبل تسوي لك الشي وعلى كذا والله يهديكم وصلحكم ويسخركم لبعض

 

[الزوجة الصابرة]

الله يفرج همك

 

[اخر ايام التوت]

الله يسلمكم بنات أنا داخله من موبايلي بس ادخل من لاب توب ارد وأشكركم وحدة وحدة <<<<< مااعرف أتحكم بالموبايل واكتب
فديتكم مشكورررين

 

[الجده الصغيره]

ومن وجهة نظر الدكتور عدنان الشطي الاستشاري النفسي والاجتماعي أن التكافؤ التعليمي والثقافي أمر ضروري بين الأزواج. فكلما كان هناك تقارب فكري وثقافي بين الزوجين، كان هناك تفاهم أكثر، ولن تحصل اختلافات كبيرة في وجهات النظر.


وتكافؤ الزوجين في المستوى التعليمي له دور كبير في خلق جو من التفاهم، الأمر الذي يدعو إلى تقوية الرابطة الزوجية واستمرارية تلك العلاقة.
وبالرغم من أن الرجل العربي في مجتمعاتنا يفضل أن تكون زوجته أقل تعليماً منه ليضمن خضوعها ويبقى هو الأقوى كما يعتقد، مازال بعض الأزواج يحرصون على أن يكون هناك تقارب على المستويين الفكري والثقافي بحيث يحقق توازناً أسرياً يجعل عجلة الحياة تسير بأمان واطمئنان.
والتفاوت في المستوى التعليمي بين الزوجين يؤدي إلى إحساس أحدهما بالتفوق وإحساس الآخر بالنقص، وتعثر وسائل التفاهم والإنسجام بينهما..جميع هذا يؤدي إلى إثارة المشاكل وإلى زعزعة استقرار الأسرة وحدوث حالات طلاق. فيكفي مشكلة صغيرة لتؤجج نار الصراع حتى تؤدي إلى تفاقمها، ويكون الأكثر استثارة هو الطرف صاحب المستوى العلمي والثقافي المتدني لأنه يكون أكثر حساسية تجاه الآخر.


الواضح ان الخلل اكثره من ناحية زوجك.... لذا تركيزك لابد وان يكون عليه هواولااا...يجب عليك معرفة نمطه هذا مهم لمعرفة آليّة التعامل معه...والافضل لك الاكثار من القراءه عن هذه النقطه في المنتديات النفسيه

 

[!! sama !!]

الله يفرج همك بس معلش حبيبتى فى حاجات كتيييييييييييير مش فاهماها عشان اللهجة بس ماينفعش اخرج بدون رد

 

[ام اسارين]

اعانك الله

 

[اخر ايام التوت]

اسفه بنات ماقدرت ارد على كل وحده لان المنتدى كااااتب لي ::
لا يمكنك اقتباس المشاركات الى ان تصل 500 مشاركه!!

مع ان كل وحده فيكم تستحق الشكر.. وجزاكن لله كل الخير ..


بنات الي تقول انتي كل شي تقولين لام زوجج ماابي لا اريد !! مو جذي انا بعض الاحيان ارفض لاني اتنسى وحاااااااام !! مو قادره


اما النمط يا حلوات اعتقد زوجي شمالي !! بس يحب الالتصاق :39:؟! يعني فيه شوي جنوبي ,,,
!!!!!!!!!!!! :25:

جزاكم الله كل خير !! بس ودي اطلب منه

مصرووووووووووووووف علشان يحس بحاجتي له !!! شلوووووون؟!!

اما مستوى التعليم والله مو بايدي يعني شسويله اذا حتى غرور او تذكير بشهادته المصديه مااقول !!! ولا تذكير بوضعي واسم عائلتي !!! وربي الشاهد.


بنااااات تعبت منه ومن اهله !!!

ملاحظة: لا يمكنك اقتباس المشاركات حتى تصل عدد مشاركاتك إلى 500 مشاركة. حالياً يوجد في رصيدك 2 مشاركات.