زوجي يبا يسافر روحه .. شو اسوي قولولي

[um salama]

مرحبا خواتي الغاليات ..

ماعرف يمكن مشكلتي بسيطه بالنسبه لباقي البنات بس انا وايد تعبانه نفسيا ..

زوجي حجزلنا انا و عيالي كلنا اسبوعين و بنسير دوله عربيه ...

المهم اليوم قالي شو رايج اخليها اسبوع قتله ع راحتك ...

قال لاني ابا اسير اوروبا و يا ربعي :icon1366:

حرام عليه مودني مكان رخيص عشان يخلي فلوسه لسفرته ...ولا ومابيخلينا نكمل عشان وناسته .. اناني

انا ماباه يسافر روحه :no::no::no: صح اني واثقه وايد فيه بس المساله اني ماروم ع مسؤولية البيت روحي

و هو يباني اسير عند اهلي بس بعد هناك معاناه .. اسمع كلام جارح منهم .. ليش مخلنج ومسافر وليش ماسرتي وياه وليش وليش ..

ماعرف شو الحل .. انا اقدر اصعب الامور عليه وعقب مابيروم يسافر ..

واقدر اخليه يسير بس بتم صياح و ضيج و ماساه ...


انصحوني كيف اقنعه ينسى السفر :icon1366:

 

[ام الغااااالين]

اختي أذا تقدرين تمنعينه زين لنه بتصير عاده حاولي قدر ماتقدرين والله يكون بعونك

 

[ام دحووومي]

بلاش السفرة الي اسبوع وروحوا مع بعض اوربا
والله مااعتقد يروح يناظر مناظر طبيعية وبس
لايتعود السفر مع ربعة
الله يصلح حالكم

 

[صوت الحب]

حاولي تقنعيه مايسافر والله الربع
والشباب يخربون واهو بيسافر ديره
اجنبيه يعني كل شي مرخص هناك
قولى له ينسافر حميع اونجلس بلاه سفر
تعذري باي شي...

 

[غربة]

شوفي قولي له روح بس انا مب مرتاحة

لكن لازم اخذ حقي في سفرتي انا واليهال

لا تنازلين عن الاسبوعين قولي اسبوع ما تسوى انروح ونشيل شانط شكثر عشان اسبوع ونرجع

ما يمدينا نستانس

وانتي استمتعي قد ما تقدرين واشتري اللي تبين مو نحاسه ولكن انتي تبين تستانسين

وبعدين قوليله انا مب رايحه بيت اهلي ما رتاح واليهال اياذونهم

خليه ايحس بالمسؤليه ويرجع بسرعه

 

[um salama]

والله توني يالسه اكلمه ... مصر مصر يبا يسافر

ادعولي بنات الله يخليكم بموووووووت والله

يقولي فكري زين مافيها شئ عادي والسنه اليايه بسفركم وين ماتبون ..

المشكله هو دافع للمكتب لاسبوعين .. مب هامنه يخسر فلوسه المهم يردنا و يسافر ..

انا اقدر اخرب عليه و اتم اصيح و اسوي مشاكل .. بس اخاف يكرهني و يقول خربت عليه ..

شوفوا العام سار بانكوك وسوا نفس الشئ .. سفرنا و رد .. و عقب سار و سويتله مناحه وجي وقال خلاص اخر مره مابسافر مره ثانية ..

وللاسف عادها و لا كاتب لربيعه فالمسج خلنا السنه اوروبا والسنه اليايه استراليا ...


الله ياخذكم يالريايييييييل انانيييييييين وانا مسكينه يالسه ارتب لعيد زواجنا حاجزه في منتجع اليوم ب 4000
وشارتله موبايل الكروم ب 5000

صرفت فلوسي كلها عشانه وهو اناني بس يفكر في نفسه...

 

[تقوي الهجر]

شووفي اختي رووحي واستانسي الاسبوع ال تفضل فيهم عليج واذا رجعتي اقلبي ميه وثمانين درجه عليه تذمري من المسؤوليه وخوفج عليه وخوفج من السفر مع الربع ولاتجهزين له الشنطه ومدي بوزج وصدقيني بيكره الروحه او اقل شي ماراح تمر السفره عليه في سلام ولاتخافين ماراح يكرهج بالعكس راح يسوي لج حساب قبل لايقرر هو ويا الربع الله يهديهم

 

[ام ناصرخطابه]

اختي ليش تستبق الامور وتنكدي عليك وعلى عيالك
اختي سافر وستاسو ويوم يقرب الرجع حاولي فيه وانتي هناك ان نجلس يومين ويوم ورايوم ويصير اسبوعين
او يوم يقرب رجعتكم اتعبي وسوي روحك ما تقدري تسافري وخليه يايتاخر بسفره
اختي بالمشاكل ما تنحل المشكله بالحيه والمكر والكيد تنحل مثل ما تبي (ربنا قال (ان كيدهنا عظيم))وشلون ما تقدري على الموضوع بالحيله فكري زين واكيد بتحصلي حل

 

[هيلونه]

هلا بك أختي ..

أنا أسأل نفسي دائماً ( ليش ما نحل مشاكلنا بهدوء .. و نخلي حسن الظن بأزواجنا هو مبدئنا ) ..

جربي و أنا أختك و أجلسي مع زوجك في وقت يكون مزاجه عال العال مثل ما يقولون أخواننا المصريين

و كلميه بأسلوب حلو .. مثلاً (( حبيبي أنا عارفة أنه ضغوط العمل تحتم عليك السفر مع ربعك عشان تغير جو .. بس بسألك سؤال .. هل ربعك أهم من شريكة حياتك ؟ << و أحرصي و أنتي تسألينه هالسؤال تتدلعين عليه بتعابير وجهك و تتقربين له بشكل فاتن )) ..

و أستطردي بالكلام هذا .. مثلاً (( ياقلبي و يا نور عيني أنا ما أبي أحد ياخذك مني .. أبيك لي أنا و بس .. ليش حبيبي ما فكرت نسافر ويا بعض لأوروبا ؟ .. أنا واثقة فيك حبيبي .. بس أغار عليك من نظرة عابرة ممكن تقلب حياتنا .. حبيبي قدر غيرتي و الي يسلمك << أحرصي على أسلوب الألحاح لأنه له كبيييييييييير الأثر على قرارات الزوج .. و أسألي مجربة ))

أتمنى أني أفدتك .. و الله يسعدك وين ما كنتي

 

[ربي ارحمنا]

اختي بانكوك ليه ؟؟؟؟؟؟؟؟؟؟؟؟ والله اسمع كثيييييييير عن ذا الدوله الفساااد والرذيله والسعوديه مانعه السفر لها......
حاولي فيه وارفضي رفضا باتا انك تروحين لاهلك قولي يتضايقون من العيااال ........
والله يوفقك..........

 

[um salama]

انا واثقه فيه بس بعد فالسفر كل شئ جايز ... والي بيسير وياه مب واثقه منه ...

انا مب خايفه عليه من البنات كثر خوفي انه يتعود ع السفر روحه

وانا وايد ظحيت عشانه ..

توني كلمته بعد بس كنت وايد عصبيه وتميت اصيح

قتله ليش انته ماتفكر فيه .. بس تفكر ف نفسك .. انا وايد تعبانه ويا البيت و اليهال ليش ماتفكر تسعدني و تسفرني ويااااك

قال اليهال بعدهم صغار وما اقدر اسفركم مكان بعييد .. وتميت اصيح و اصيح .. وقتله اذا السفره اهم عني برايك الله يحفظك

تم ساااااااااكت و يفكر وقالي انا انشالله مابسوي شئ الا وانتي راضيه .. قلته يعني ما بتسافر ... قال لا انشالله انتي تحبيني و بتقتنعيين عشاني ...

والله اني احبه بس من القهر يوم صليت المغرب يلست ادعي عليه انه الله لا يوفقه

 

[أم عمـــــوري]

يمكن هو تعود يسافر ويا ربعه خليه يسااافر بيرد نفستي حلوووة وتستانسين بسفرتكم
واذا عاندتيه بتتنكدين انت وهو وحتي سفرتكم بتخترب
ونصيحة يوم تدعين ادعي بالهداية مب الله ياخذهم الرايييل مهما يكون مالنا غنى عنهم

 

[َهاجسََ]

شوفي الغالية

الريال يحس انه سفرته ويا هله واجب!

وسفرته ويا ربعه وناسة وطماشة و fun

عسب جي

أنا نصيحتي لج وهاي من منظوري

قوليله بسافر أنا وياك بروحنا أوروبا

واذا عندج اختج الوالدة حد من هل ريلج تقدرين تخلين عيالج عندهم خليهم

وحسسيه انه سفرتج انتي ال fun

وحاولي تتفتيين عادة في السفرة عسب ما يفكر يسافر بدونج خاصة السفرات الخفيفة يعني منها تبتعدون عن الروتين وتكونون بروحكم

واذا ما طاع ادخلي عليه بحركات انكم بترجعون شهر العسل وهالسوالف

والله يصلح ريلج و رياييلنا و يسعدج انشالله

 

[قطريه حساسه]

الله يعينج يارب ويخليه يغير رأيه س عليج بالدعاء

 

[سيدة القصر 2]

عزيزتي كلام الأخت أم عموري سليم أعطيه حريته في السفر مع ربعه وخاصة انه بسفرك قبل يعني ماقصر معاك ولاتصيرين أنانيه ودعيله بالتوفيق والصحبة الصالحة وأن يرد لك وهو مشتاق لك ولأطفالك وزوري بيت أهلك وأنبسطي معاهم وتمتعي بصحبة والديك وأحسني الظن فيهم ولاتتضايقين إذا شدو على أطفالك لأنهم زي أولادهم نصيحتي لك أقرأي كتاب (الرجال من المريخ النساء من الزهره) لفهم الجنس الأخر ولا تنكدي عليه والحافظ رب العالمين .

 

[um salama]

شوفي الغالية

الريال يحس انه سفرته ويا هله واجب!

وسفرته ويا ربعه وناسة وطماشة و fun

عسب جي

أنا نصيحتي لج وهاي من منظوري

قوليله بسافر أنا وياك بروحنا أوروبا

واذا عندج اختج الوالدة حد من هل ريلج تقدرين تخلين عيالج عندهم خليهم

وحسسيه انه سفرتج انتي ال fun

وحاولي تتفتيين عادة في السفرة عسب ما يفكر يسافر بدونج خاصة السفرات الخفيفة يعني منها تبتعدون عن الروتين وتكونون بروحكم

واذا ما طاع ادخلي عليه بحركات انكم بترجعون شهر العسل وهالسوالف

والله يصلح ريلج و رياييلنا و يسعدج انشالله

والله ودي حد ايود عيالنا ... بس المشكله ماعندي حد ولا والله ودي احافظ علييه ...

لانه الريال لو كان زيين ساعات الخراب يكون من ربعه ...

 

[صرخة انثى~~~]

حبيبتي هذا الشي اللي دائما يخوفني لان الرجال اذا اخذعالروحات ماعاديجلس انتبهي تروحين لاهلك ولواجبرك مثلا قولي اهلي مسافرين اوغيرة المهم لاتبكين وقوليلة نبي ميزانية كبيرة عشان انامتفقة مع وحدة من صديقاتي على روحات وجيات وشوفي شيقول والله يصرف رجالناعن السفر

 

[ياسنين عمري]

شوفي قولي له روح بس انا مب مرتاحة

لكن لازم اخذ حقي في سفرتي انا واليهال

لا تنازلين عن الاسبوعين قولي اسبوع ما تسوى انروح ونشيل شانط شكثر عشان اسبوع ونرجع

ما يمدينا نستانس

وانتي استمتعي قد ما تقدرين واشتري اللي تبين مو نحاسه ولكن انتي تبين تستانسين

وبعدين قوليله انا مب رايحه بيت اهلي ما رتاح واليهال اياذونهم

خليه ايحس بالمسؤليه ويرجع بسرعه

انارائي اختي غربه

 

[um salama]

اليوم قالي انا مابسافر الا و انتي راضيه .. عشان انبسط وانتي بعيده عني مش اتم افكر فيكم وما انبسط

قتله انزين خلاص انا مش راضيه انسى هالموضوع ...

قال حرام عليج انتي كريمه وانا استاهل .. وانا مابسوي شئ حرام ...

وقتله بخلي عيالي و بسير معاك .. مارضى قال بتكون وايد مصاريف عليه يوم انا وربعي بنتقاسم المصاريف ...

وقال وعد السنه اليايه بوديكم .. هو يتحراني انا ابا اسير ... بس انا اخاف من سيرات الشباب احس يخرببون بعض

ماعرف شو رايكم استخير اني اخليه يسير ولا

 

[البلقيسيه]

الله يكون بعونك