زوجي و (معـــجـــباته)

[الــغــيره]

مرحباااا

طبعا انا من المتابعااات لهذا المنتدى الراقي وخصوصا هالقسم

واليوم حبيت اشارك

عندي مشكله او ماعرف شو اسميها

وهي الغيره

بحكم عمل زوجي وهو في مجال الاعلام والتلفزيون والفن

طبعا يختلط مع بنات وفنانات وغيره

وانا انقهر ماعرف احس بغيره وقلبي يعورني اذا قعد يحكيلي شو صار بالبرانامج او شو صار بالاستيديوو

احاول ماابين اني زعلت بس يبين ع ويهي وعلى اسلوبي

فهو يتضايق يقولي اذا بتتضايقين ماراح اخبرج شي

طيب انا مو بايدي وربي

شسوي

انا واثقه فيه
واعرف انه اختاراني وامتاكده من حبه لي:32:

بس مع ذالك احس قلبي يتقطع اذا شفت صورته مع وحده في التلفزيون او النت
او اذا وصلته هدايا من البنات

وغير اتصالاتهم اللي ماتخلص

تخيلوا يتصلون الساعه ثنتين وثلاث

ماعرف شسوي

اخاف اتضايق وبعدها مايخبرني بشي ويخبي علي

واخاف اسكت وقلبي يتآآآكل من الغيره

ماعرف شسوي

يقولي انتي من البدايه عارفه طبيعتي شغلي وعارفه كل شي

يعني هو اغلب مكالمات البنات يخليني اسمعهم معاه

واحيانا اخلي نفسي محد ومشغوله بس اسمع ردوده حقهن تكون جافه
ومايعطيهن مجال يتمادن

بس رغم هذا احس بالغيره :33:

يابناات الله يعافيكن نصحني شسوي

اسكت واتحمل والا شو
:8:

 

[دانة الشام]

والله معك حق ...نحنا بدون فنانات واستوديوهات ومعجبات مو خالصين.....!!!!!الله يطمن بالك

 

[الــغــيره]

تسلمييين دااانه

فعلاااا شي يقهررر

ومب عارفه اتصرف ولا شسوي

اخاف اسكت واخاف اني اتصرف

 

[تلميذة ناعمة]

غرباء غرباء
الحين صارت غيرتك على زوجك غلط؟؟؟ اجل شنو الصح انو تموت الغيرة في قلوب المسلمين اسفه بها الكلمة يمكن صارت هي الثانية غريبة
بعضنا صار مسلم بالاسم بس
يا أختي اذا انت مسلمة شلون تقبلي على نفسك تاخذي فنان

 

[darkness]

والله البنات يعجبون بقرد اهم شي يشحن ويحول فلوس الله يستر على بناتنا

 

[قل قسم]

خليك واثقه من نفسك وبيني الغيره بطريقه غير مباشره يعني قولي له مايستقبل مكالمات المعجبين بعد الساعه 12 و1 لانه بدال المكالمات يكون جالس معك مثلا اذا بيتصور مع اي احد يكون بينهم مسافه ومن حقك وحتى لو انتي تعرفين وضعه وشغله بس فيه امور تثير غيرتك ومااتوقع يزعل منها

والله يسهل امورك

 

[الــغــيره]

تلمييذه زوجي مب فنان بمعنى يغني

بس له علاقه بالفن وغيره من هالاموور

وتسلمين ع الرد

 

[الــغــيره]

داركنيس بصراحه مافهمت ردج

ومافهمت شو المعنى

بس يسلمووو

 

[الــغــيره]

قل قسم تسلمين خيتوو
بس هو مايرد ع اي مكالمات مايعرفها من بعد 12

بس المشكله انهم يتصلون وازعاج وربشه ومسجات


وسالفة الصور هذي اللي ذابحتني

يعني مايراعوني

مره كنت معاه في مول
المهم شافونا بنات الله يهدييهم اصروا اللي يبون يصورون معاه

وربي لصقوااا فيه بشكل مب طبيعي

الله يهدييهن يحرقن قلبي

 

[حلوى المساء]

طال ما انتي تعرفين طبيعة عملة وهو ما يخبي شي عنك حاولي قدر

الاستطاعة انك تخففين من هذي الغيرة وحتى ما تفتحين عيونه

على شي هو لاهي عنه خصوصا انك شايفة كل شي قدامك ويعلمك


وافضل لك حتى لا يروح يخبي عليك وزي ما قلت لك تفتحي عيونه ​

 

[الــغــيره]

حلوى

وربي اني احاول بس مااقدر

لو ماقلت له شي بس يبين باسلوبي ويتعكر مزاجي

مو هين ان الوحده تلقى وايد ناس تشاركها بزوجها

صعب وربي

احيانا اندم اني تزوجت

بس الحمد لله على كل شي

تسلمين الغاليه ع النصيحه

لا خليت منج

 

[هيلينا]

الله يعينك يااختي

طبيعي تغيرين
والي يحب يغار عى حبيبه

اذا طفش من غيرتك قوليله تخيل نفسك مكاني وش كنت تسوي وش ردة فعلك

اكثري من الاستغفار وادعي الله عز وجل ان يرزقه بعمل مافيه احتكاك بنساء
والله يسعدكم دنيا واخره

 

[هيلينا]

حلوى

وربي اني احاول بس مااقدر

لو ماقلت له شي بس يبين باسلوبي ويتعكر مزاجي

مو هين ان الوحده تلقى وايد ناس تشاركها بزوجها

صعب وربي

احيانا اندم اني تزوجت

بس الحمد لله على كل شي

تسلمين الغاليه ع النصيحه

لا خليت منج

والله حاسه فيك زوجي غير وسيم وانا الحمدلله جميله بشهادة الي يعرفوني
بس يوم يطالع للنساء على شاشة الكمبيوتر او التلفزيون

اصير مجنونه من شدة الغيره الي تشعل قلبي نار
ماقدر اتحكم بشعوري

عكس زوجته الاولى عادي عندها يطالع بلعكس تهديه سديهات فيها مسلسلات وافلام

 

[حلوى المساء]

طيب اختي كرري هذا الدعاء

( اللهم اصرف قلبه عنهن واصرف قلوبهن عنه )

وعند خروجه من المنزل كرري هذا الدعاء

( اللهم اني استودعتك زوجي واحفظه واحميه واحرسه واصرف

عنه كل سوء وكل شر واستودعت رب العالمين في قلبك ان

يحفظه من رفقة وصحبة السوء )

المهم استودعي الله في كل شي يخصك ويخص زوجك وبيتك
​

 

[الــغــيره]

هيلينااا اذا قلت له حط نفسك مكاني يمه منه ياكلني بقشوري

هو اصلا اذا اطلع معاه لو بايده يخبيني عشان محد يشوفني

قبل كنت البس كعب
والحين صار ممنوع لانه ع قولته تخلي المشيه ملفته

صعبه اقوله حط نفسك مكاني

دايما عنده عقدت انا ريااال وانتي البنت


شو نسوي بهالغيره اللي تاكل قلوبنا

شعوور جدا متعب اني اعرف انه قاعد معاهم او يتغدون او او


تسلمين الغلا ع المروور لاخليت منج

لقيت حد يفهم معاناتي خخ

 

[الــغــيره]

حلوى تسلميين اختي

ربي لا يذووقج طعم الغيره

 

[زوجي وطني]

صراحة
والله احسن شي انه مايقول لك شي..والله راح تحسين براحة
ايش الفايدة حتى لو يحكيك..الا انك بتموتين قهر
الاحسن انه لا يقول لك شي وعيشي حياتك غبية والله ما تتندمين

 

[الــغــيره]

زوجي وطني

تراه هو يقولي جي اني مااخبرج احسن
بس انا اقعد اساله شو صار وشو ماصار
واذا مثلا ماتغدا معاي اساله تغديت مع منو وشو

وهو مايحب يكذب ويقولي

بس شكلي ببطل اساله عشان ارتاح

 

[القوية]

انتي تعرفي طبعة عملو قبل ان تتزوجي المفروض انك فكرت بهيك امور من البداية يعني اذا الامور وقف لحد هون احمدي ربك يعني الرجال من غير هيك شغل منو مقدور شلون مع شغل مثل شغل زوجك الله يعينك

 

[هلا الرياض]

طنشي انتى عارفه طبيعه شغله واهتمي بنفسك والله يعينك