نيل المنال
New member
- إنضم
- 23 يوليو 2008
- المشاركات
- 332
السلام عليكم مشكلتي اخواتي ان زوجي يحب ينومني عند اهلي كثير وهو رجل مستقيم بس انه دائما ينومني عند اهلي نهاية الاسبوع وحاولت معه وناقشته اكثر من مره وقلت خلينا نخلي سوم الخميس ممسز وخاص للأسره نطلع نغير جو بس هو دائما يقولي العطله لي مالكم حق فيها وهو مو مقصر معهم ببقية ايام الاسبوع يجلس مع ربعه ساعتين وثلاث يوميا وانا هالحين انحرجت من اهلي دائما يسألوني عنه ويقولون زوجك كثرت طلعاته وكثير ينومك عندنا وهو ربعه كذا يعني مالهم شغل بعيالهم نهاية الاسبوع انا مليت الصراحه من هذا الوضع ودي استقر واكون مثل خواتي يروحون بنفس اليوم هو طيب ومحترم بس انه يحرجني كثير بهالنقطه صدقوني صبرت لي سنتين واكثر وهو كذا بديت احس بالملل والقهر حتى امي احس ملت من البزران وحوستهم اللي عندها حل ارجوكم او جربت حاجه معينه ونجحت معها تقول لأني تعبت والله تعبت كل يوم اربعاء كأني ابغى اهاجر عن البيت لازم املأشنطه لملابس ابني واحط لي احتياط ملابس يعني لو مره بالشهر او مرتين تحملت بس كل اسبوع والله صعبه وش اسوي علما بأن زوجي جنوبي غربي( نمطه) ردوا الله يوفقكم ابغى حل لمشكلتي مالي بعد الله الاانتم