السلام عليكم اخواتي ..انا متزوجه منذ فتره وعندي فقط بنت والحين بنتي كبيره عمرها 11 سنه..والحمد لله لا يوجد عيب لا فيني ولا في زوجي..زوجي من تصرفاته معي انه يحبني..والله العالم ما في قلبه...بداء زوجي يدخل موقع زواج..وفي يوم نسي على مكتبه النك نيم ماله مع رقم الباسورد السري للموقع في ورقه..فتحت النت ودخلت المعلومات..والله العظيم يابنات صدمه مارح انساها..زوجي كاتب بيانات عنه..انه يبحث عن زوجه ثانيه..لانه يريد منها عيال..وانه صبر بما فيه الكفايه ويريد اخوان واخوات لبنته..وكاتب مواصفات الزوجه..انا بصراحه بكيت صحيت من قلبي..ويوم رد من الشغل واجهته..اعترف لي وقال ايوه والي مو عاجبك ببت ابوج مفتوح..والاسلام حلل ..انا خلاص نويت منه الطلاق..ويوم زوجي شافني زعلانه ولا اكلمه اتصل ف امي..وشرح لها عكس الي قاله لي...قال حق امي انه يحبني ومستحيل يتزوج علي..وانه مجرد نزوه مر فيها..امي صدقته ..بس انا استمريت ارقابه وافتح الموقع من وراها..ولالااسف مازال يدخل ويراسل البنات ويوزع لهن رقم موبايل ثاني ..ورقم البن كود ماله..ويوعدهن بالزواج..الحين اخواتي شو اسوي..يوم خبرت حق اهلي يقولون لي انتي غلطانه لا تفتحين النت وطنشيه..انا تعبت مادري شسوي؟؟ارجوكن خواتي شورن علي..محد بساعدني بعد الله الا اخواتي الغاليات..حسبي الله عليه وربي كرهته..
زوجي ومواقع الزواج
- بادئ الموضوع deyma
- تاريخ البدء
