زوجي ومصروفي وزعله ..اخذت المصروف غصب ..بس زعلان

[كيوت مامي]

وانا بعد اقولج لا تتنازلي عن حقج ...لان اذا تنازلتي الحين يعني كل مرة بتتنازلين... واذا زعل عاااااااااااااااادي مرده بيرضى اهم شي خليج على رايج ...

 

[شعاع شمس]

لاتتراجعي عن اللي سويتيه مصروفك من حقك شهريا ويحمد ربه لانك ساكته عنه طول السنوات اللي فاتت

 

[أم في]

اختي نصيحه من كل قلبي لا تاخذين المصرف منه كل شهر مادام مايقصر عليك بشي حاولي تنسين الموضوع احسن لكي من اجل حياه سعاده لان الفلوس ماهي كل شي اهم شي الحب والتفاهم بنكم

 

[محتاجه للمشوره]

ولدك ع ماربيتيه وزوجك ع ماعودتيه
خليه يزعل لحد مايطيح الي براسه وبعدين بيتأقلم ع المصرووف

 

[لون الربيع]

مو صح حبيبتي لاتتنازلي بس مو بهواش بحنكة وجدية
أهم شيء يحس انك ماخدة موقف جاد وان كل شهر يعطيك مبلغ وقدره...
وانتي تحدديه حسب راتبه وامكانياته يعني لاتقيسه بخواتك او صاحباتك يختلف
اهم شيء ماتتنازلي وتخليه يتعود

 

[دمعه بلمعه]

الله يكون بعونك بس لازم ماتنزلين عن المصروف

 

[الحنونة 1]

إنت صح ولاتراضينه ولا شي خلي الأمور عادي ومن حقك ياروحي يكون عندك مصروف دام الحال ميسورة

 

[ساحرة]

المعذرة اختي انت حاطه في بالك يخصص لك مصروف بسيط من راتبه في ظل اسلوبه هذا؟ تتوقعين لو رضى هل بيكون المصروف اللي بيخصصه يكفيك فعلا
طيب في وضعه هذا وطريقته اذا حبيتي تشتري هدية او جا العيد او مناسبة واحتجتي زيادة تتوقعين اللي يخصصه لك بيكفيك؟ او تتوقعين بيوافق يزيدك؟
لو جاك احد وحبيتي تجيبين من برى تتوقعين بتصير على حساب مين؟
بعض الرجال عنده استعداد يعيشك ويزيدك لكن ما يكون يحس انه يدفع لك راتب شهري
اظن تحتاج تفهمينه اكثر
بحيث تبينين له وتوصلين له انك تحت رعايته وانه مسؤل عنك ويهمك يكرمك بالطريقة اللي يحب سواء بمسألة المصروف المخصص او انه يقدر احتياجاتك واذا طلبتيه مايقصر عليك
وعززي فيه صفة الرجوله ومقدرة على سياسة الامور وفخرك بأنك زوجته وانك ما ترغبين تصل السالفة طرارة كل شهر احتاج مصروف
انت مسؤول عني كل يوم ودوم بإذن الله احتاج تلبي اللي احتاج كل يوم لأني بأصير شريكتك دوم

 

[مجنونة تميز]

شوفي ياقلبي ياحياتي انا زوجي نفس الشي شمالي شرررقي بس الاختلاف ان زوجي ماشاء الله تبارك الله والله يزيده ويعطيه من واسع فضله انه راتبه مره مره حلو هوطبعا ماعمره قالي كم راتبه بس بذكائي اللي مودايم يخدمني عرفت مع كذا رافض فكرة المصروف الشهري مع انه لومشالي مصروف بيرتاح لاني اشتري بالشهر اشياء كثييرر خصوصا لبس بس مايقتنع مثلا اني اشتري قطعه وحده بالف لالالالالالا بس ممكن يخليني اشتري كم قطعه بالف ماعنده مشكله وانا قاهرني هالمبداء ممكن القطعه هاذي اللي بالف تكون مسكته وحلوه وراقيه والبسها كثير بعكس اللي كم قطعه قد البسها مره وحده ولااحيانا مالبسها فالمساله عنده بالكم لابالكيف وانا يهمني لبسي جداجدا ويقهرني لاقال لاانسي هذا غالي ويروح يدفع فاتوره بالف بالف وخمس من محل رخيص بهدف انك شريتي كثير ومادري كيف اوصله الفكره بس صراحة يجي بالنفخ والكلام الحلو يعني مثلا لوبروح لزواج ماقصر على نفسي ابد واقول تدري اصلا الناس لاجيت مايقولون جت فلانه يقولون جت مرت فلان ولاشافوني لابسه وكاشخه بيدرون انك مكرمني وانك اخلاق وذوق واني اسمع الحريم يقولون اييه ذي مرت فلان ماشاءالله دايم لبسها ذوق ولبس عيالها مميزوفعلا انا وحده مره قالتلي ان وحده تقول عنك كذا فاستغليت الفرصه فصار يحرص اني اكون توب خصوصا بالزواجات والاعياد اما غيرها ذابحني يقول ماني على بنك وراي بيت ابي اامن بيت الملك وانا مقدره هالشي بس ماشاءالله ماعليه لومشالي مصروف ماراح يضره ومره سمعت الشيخ ال الشيخ يقول ان نفقة الزوج على زوجته ياجر عليها كصدقه بل من اعظم الصدقات التي يؤجر عليها ولايتبعها منا ولا اذى والله فرحت قلت ترا لك اجر الصدقه فقوليله كذا وكبري راسه عل وعسى ينفع بس تدرون وش اللي مضيق صدري ومخليني احس بالياس والاحباط اخاف يروح شبابي وهويمنيني ببيت العمرلانه سنه عن سنه تتغير الاهتمامات والتفكير وصراحه ودي اعيش عمري اللي يصلح الحين مايناسبني بعد كم سنه ماودي اتحسف لافات الاوان واللي مخوفني اكثثثثثثثثررررررشششششي ان اهله له 6سنوات يواعدهم انه بيرمم بيتهم ولالالالاصار شي من هالقبيل مع ان اهله ماشاء الله تبارك الله لاحول ولاقوة الابالله ممممرررره منغنغين ويقولونه طيب اشترلنا جديد يقول لا هذا من ريحة الوالد برمممه مع انه ممممممممممررررررررره قديم ولوبيشتريلهم بيت يقدر بيوم ماشاءالله فلوسهم جاهزه لاوموبيت بعدقصر مع اني ماكنت اتوقع انهم بهالغناء موباين عليهم ابد وهونفس الطبع مايقول مع انه معه وعنده ويقدر يشتري بيت الان بس الشمالي كعادته يطمح للافضل ويخاف من بكرا لدرجة انه مايححقق شي من شدة التفكير والتمعن طولت عليكم بس احس منزمان ودي افضفض بهالنقطه وجاء المجال الله يوفقها ام نايف بهالموضوع فياليت اللي تقرا ردي ام نايف وغيرها وش رايها واسفه جدا عالاطاله وعلى القطه بالموضوع ياام نايف والله يجعلهم مايعطون الابالخمس الالالاف قولي امين وحنا وهم والمسلمين اجمعين بصحه وعافيه امين يارب العالمين سبحانك اللهم وبحمدك اشهد ان لااله الاانت استغفرك واتوب اليك