زوجي ومصروفي وزعله ..اخذت المصروف غصب ..بس زعلان

[ام نايف2009]

كيفكم جميعا يااغلى اخوات :7:لي بالمنتدى
ابغى مساعدتكم
اكيد كل وحده مننا تبغى مصروف :icon30:شهري
وتلقون الهوشه:a043: في آخر كل شهر على يوم 25بالتحديد
انا اخذت مصروفي بالغصب:e052: بس قال ولله لاااخلي حياتك نكد:santa_1:
انا راح اختصر لكم قد مااقدروانتم اخواتي وابغاكم تقولوا لي اللي بيمشي مع هالاشكال
زوجي شمالي غربي

تزوجته وانا عمري تقريبآ18 سنه

وكان عليه ديون
وراعيته وماكنت اطلب منه لانه يقول لي ماعندي فلوس حتى الاشياء المفروض تكون في كل بيت مو موجوده عندي
كنت آخذها من امه بعطيكم مثال بسيط جدآ ((مثل المكنسه))وغيرها كثير
مع انه كان بإمكانه يجيب لي اي شي لانه راتبه يعطيه لااابوه وانا دارسه ومتعلمه وكنت اقول في نفسي ((انت ومالك لاابوك ))ومايترك لنا الا شي بسيط
بس الحمد لله الحين سدد ديونه وتيسرت اموره وماصار يعطي ابوه الراتب كله ..
وكنت اطلبه مصروف وانا في داخلي يأس منه..ودايم اشوفه يعطي اهله كلهم واخوانه احيانا قدامي واحيانا من وراي ..وانا لا!!!:33:ولما اسأله :tears:يقول لي انا وانتي نمون على بعض ياحياتي واي شي تبينه بجيبه لك
وهو صادق اي شي مثلا لبس الاعياد ولبس البيت يجيبه لي والاكل والتمشيه هو يدفع :santa_1: بس فلوس في يدي لاوالف لا
واللي يضايقني انه مايعطيني في يدي مثلا اذا تمشينا وابغى شي اروح له ويقول مالها داعي وغاليه وو............. لاتخليني ارجعك البيت
اكنسل اللي نفسي فيه...:tears:
ويوم جاء راتب الشهر وجلس على الشاي طلبته وقلت له انت ياروحي ماتقصر علي وكل شي عندي بس ابغى فلوس عندي في جيبي بااختصااار مصروف شهري ثابت اتصدق منه واكفل لي يتيم واذا رحت لمجمع نسائي يكون معاي بدون مااطلبك قدام احد
قال قومي انقلعي من وجهي :santa_1:
انتي انسانه طماعه وتحبين الفلوس وماشفت احد مثلك وحياتك نكديه ماتمشي الا بالفلوس
قلت انت متأكد واش قاعد تقول ؟؟؟؟
وبصراحه اخذت في خاطري منه وقررت اني اقلب على الوجه الثاني
لاني الحمد لله مطيعه له واسمع كلامه وعشت معه الآن تقريبآ 8او 9 سنوات
لدرجه كنسل لي دراستي وممنوع اروح لاااهلي الا بأستاذن منه اذا سمح رحت واذا لاخلاص لا وجيراني ممنوع وانا سمعا وطاعه ...وتخيلوا بنات المفروض مااكتب لكم هالكلام بس بكتبه !!!:33:لانه شي تافهه..مره رحنا السوق عشان اشتري لي حذاء اجلكم الله واخذت امه معاي
وتخيلوا يقرصني في السوق يقول مامعي فلوس وامه كان نفسها في حذا اغلى شوي وقال لها خذي ياامي اللي تبغين عندي فلوس والله اني ناسيه اشترت امه والا لا؟؟بس هذي امه وتاج على راسي من فوق وتستاهل
المهم قلت له شوف حبيبي:30: انا لي حق في راتبك توزع على الكل وانا لا؟؟ليه ؟؟
والله انك تعطيني والا والله :30:اني ادخل اهلي واهلك في الموضوع تفأجأه فيني لان اهله وخصوصا والده يحبني ..
وقلت واللي يصير يصير ..ومن السبت راح افتح لي حساب وتحول لي فيه مصروف ..
وهذا شي من حقي:schmoll: والسكوت عن الحق شيطان اخرص

وكان عنده بالبيت 500وقال لي خذيها الله لايردك وقال والله لاااخلي حياتك نكد اذا انتي كذا بتاخذين معاي فلوس كل شهر وبتشوفين ..وانا رديت عليه انه حتى انا بعيشك بنكد<<<خايفين من حياه النكد
وترى راتبه حلو ماشاء الله ومن يوم سدد ديونه وهو يهدد بالثانيه
واخذتها وسكتت واليوم قام مكشر مو بالعاده ورافع صوته علي :santa_1:ويسأل عن الفطوروالحمد لله كنت مجهزته صحيت من بدري..عشان مايلقى علي اي خطأ
واعطيته فطوره وهو نافخ ريشه وراح الدوام ومااتصل فيني وانا بعد مااتصلت قلت في نفسي بثقل عليه
لاني انا وهو مانحب نزعل من بعض ..ونطول وبصراحه هو استغلني كثيروانا تعبت معاه من هالناحيه.. واتفق معاي من بدايه زواجنا مانطلع مشاكلنا برى البيت وانا كنت ساكته على اساس هالاتفاق ..بس لما شفته بدى يضربني طلعت الاتفاق برى ههههههه
ولعنت ابو الاتفاق والحمد لله اتيسرت الامور

اريد رأيك اختي الغاليه [you]في الموضوع ؟؟؟ابغى افضل حل عندك اني استمر في اخذ مصروفي بالقوه كذا وهو بيزعل ...جبته بالطيب ومانفع وبالرسائل وبالايميل وكلمته وجها لووجه وكل شي..الحين شايله همه






​

 

[مذكرات طفله]

الله يعينك والله مأدري شو أقولك

 

[مفتاح القلوب]

من حقك تاخدي مصروف وخليه كم يوم يمكن بغير رأيه ويراحع نفسه المهم لاتتراجعي عن موقفك وخبريه إنك بتخبري أبوه ولا أمه إذا كان يعملهم حساب.
الله يهديه

 

[ام شادي3]

الله يهديه ويعطيكي مصروف خليكي على موقفك وان شاء الله يوافق ماعندي فكرة مقنعه ان شاء الله الاخوات يفيدونك

 

[ام نايف2009]

اشكركم على المرور ياالغاليات
انا آخاف اقرر وتنتكس حياتنا
صحيح انا هددته بااهله واهلي
بس مستحيل اقول لهم
لانه ممكن ابوه مايعطي امه شهريآ...
واهلي بيقول لي آكله شاربه نايمه واش تبين اكثر من كذا
​

 

[الخط الفاصل]

من رأيي تظلي على موقفك وماتتراجعي..خليه يزعل ..لمتى بيبقى زعلان؟؟؟شهر اثنين ثلاثة بكيفه

في البداية زعل ومشاكل لأن ماعودتيه تاخذي مصروف لكن بيتوعد إنك ماتتنازلي عن حقك

 

[المهره الاصيله]

اختي الغاليه انتي صح ولا غلطي في شي لا تتنازلين عن حق لكي لاان اذا رحتي تراضينه بيضغط عليكي وبيحس انك ضعيفه وما عندك سالفه انتي بديتي لاازم تكملين الي بديتيه عادي طنشيه ولا تدقين عليه وخليكي قويه انتي ما سويتي شي غلط ولا تعلمين احد ابد عن الموضوع علشان مايصير له حجه عليكي اذا تراضيتو وقومي با كل واجباتك ولا تخلين عليكي شي يهاوشك عليه اتنمى اني فدك والله يحنن قلب زوجك عليكي

 

[س ر]

والله صراحه المصروف واجب على كل رجل وانتي ماطلبتي الاحقوقك
انا عن نفسي اخذ مصروف والحمدلله مرتاحه مب كل يوم اقوله ابي فلوس

 

[الغلا2010]

هذى مشكلة فى اغلب البيوت بس لو انا مكانك استمر على كذا واخذ كل شهر لان المصروف حلو باليد

 

[الم الجروح]

نفس الشي انا وياك مايحب اجيب طاري الفلوس لا صرت اخذهم غصب وبهواش
اقول اختي اصري ع موقفك ولا تتنازلين عن حقك ترى الشمالي يحب المراه القويه اللي ماتتنازل عن حقها

 

[ايتن]

السلام عليكم اختى ما عدش ينفع انك ترجعى فى موقفك دلوقت انتى وقفتى ادامه وطالبتى بمصروف وحصلتى عليه خلاص لا تتراجعى بس لو الشهر الجاى ما حولكيش مصروف ودا اللى باتوقعه اسأليه مره واحده وما تعيديش السؤال تانى وما تعمليش مشكله وحاولى اليومين دول تتجنبى استفزازه وما يمسكش عليكى غلطه ولو تقدرى اشترى له هديه حلوه من الفلوس اللى ادهالك دى وقوليله ان دى اهم حاجه كنت عايزه مصروف عشانها انى اجيبلك هديه حلوه تعبر عن حبى ليك وربنا يهديهولك

 

[دانة القصيم]

شوفي ياقلبي

إذا كان هو مهـــب مقصر عليك بشي اي شي تبينه يعطيك ايــــــــــــاهـ أحمدي ربك واشكريه

لانه اولاً تقولين ان معاملته لك مره حلوه تزعلين عليه وتخربين حياتك عشــــــــــــان ( الفلوس )

تكون بايدك ترى الفلوس وسخ دنيا ياخـــــويتي ..,,

ومع مرور الزمن راح يتغير والرجال بالكلام المعسول يمشي معك كالطفل ..,,

وموفقه ياقلبي ..,,​

 

[فراشة حواء]

بصراحه انا برايي انك تستمرين على موقفك
والمصروف المفروض من الاساس يعطيك اياه من اول زواجك

بس زي ماقلتي انك كنتي مقدره وضعه

بس من رايي الشخصي انك لا تعقدين الامور بزياده
وحاولي تحددين له مبلغ كل شهر يعطيك اياه حتى لو كان بسيط اهم شي انه لك
وتكلمي معه بهدؤء

او انك تكلمي مع ابوه اذا لك معزه عنده زي ماتقولين بدون مايدري زوجك
والله يعينك...
ننتظر وش صار معك..

دعواتي..

 

[دلع ينبع]

لا للتنازل عن حق من حقوقك الزوجيه ابدا ابدا ابدا والله كذا راح يقدر الحياة معاك وراح تكون لك شخصيتك وكيانك ..ويحسب لك الف حساب اهم شي انتي تقربي منه اكثر قوليله كلام حلو اذا اعطاك مصروف قولي ياربي لايحرمني منك ياتاج راسي مثلا اشتري اقمسة نوم مغريه وقوليله هذا بالمصروف حقي ..ويعني الكلمة الحلوة تلين الحديد بس لا تتناااااااااااااااازلي ابدا

 

[mnoynabtdy]

ياقلبي والله ان الحريم يبون الستر والبعد عن المشاكل

والرجال يفهمون هذا ضعف وقلت حيله ورضى بالي يصير

شوفي حبيبتي اصري على موقفك ولاتغيرينه

ابدلانه من حقك يكون بيدك فلوس وابتدي معاه ب 500ريال وكل ماحصل زياده في راتبه اطلبي يزيدك وتكون مناسبه حلوه ومستانس

حبيتي لاتذكرين وش يسوي لهله راح يفهمك غلط

لا اضرب له مثل بخواتك وبخواته ولو انه موصحيح بس خواته تاكدي

وقولي له انت الي بترتاح من الصرف كل شهر لانها تطلع اقل من الي اشتريه كل شهر وماعاد نتهاوش كم تبين وليش تشترين وووووو

وقولي له ماهي معقوله شنطتي فاضيه اشيلها تصفر

لو ابي ابسط حاجه وانت مانت موجود من وين اخذ

ليه ماعندك راتب محتاج وخليك قويه

ولاتملين ولو يزعل ماعليك اقلبيها وازعلي انتي

ولاتوفرين شي عنده اذا ارسلك خوذي ولا تاوين له ولا تحسين بتانيب ضميري

ماطلبتي الا حقك

وحاولي ان الجوال برى المصروف

والله يحنن قلبه عليك ويسخر ه لك

وكل شي بدايته صعب وشوي شوي يلين

 

[عذبهم غروري]

مادام عطاك خلاص..خليك مو مقصره معاه بشئ...اغلب الرجال كذا اذا زادت فلوسه وزوجته طلباتها مو كثيره وتتنازل ..يفكر بالثانيه ...ماينعطون وجه..

 

[محبة مكة]

ما دام هو مقدور خلاص خدي مصروفك
بس اشتري شي والبسي وقولي له هادا من فلوسك اللي اعطيتني
عجبني الشيء والحمد لله كانت معايا فلوس

 

[فراولة.]

ياجماعة بالراحة شوية ليه كل القومة دى بس وانا رأى مع الاخت أيتن صدقينى انا لى سنتين ونصف متزوجة عمرى ماطلبت هذا الطلب ولا اى طلب هو بصراحة بيراعى ويعطينى الحمدلله بس اللى بحتاجه بطلبه بالراحة معاكى ان المصروف كويس وجميل لكن اطلبى منه فى اوقات روقانه واقعدى امدحى فيه لحد مايتنفخ وقوليله ممكن اطلب منك طلب صغنطوط وافتحى الوضوع بشويش وان شاء الله بيوافق اهم حاجة دلوقتى جيبيله هدية وصالحية واوعى يطير من ايديكى علشان المصروف هذا رأيى

 

[ميولي تربوية]

لا ماعليه خليه يتعود على المصروف
وانتي تقولين يهدد بالثانيه لاتخافين شبعان
و500 ريال ماراح تضره وماعليج يزعل اليوم يرضا باجر

 

[اوليفيا]

مشكله والله اكيد من حقنا يكون بيدنا مبلغ ولو قليل نشتري فيه الي نبيه
بس اذا كان الزوج وضعه المادي مايسمح راتبه قليل ويلا يلا يغطي المستلزمات الضروريه
عاد هنا الوحده وش تسوي
انا مره قلت لزوجي ابي مصروف قال وش ناقصك صحيح مايقصر معي بشئ بس ساعات اخرج انا واهلي السوق فجاءة بدون علمه وهو عادي سامح لي بهالشئ وانحرج وقتها ماعندي فلوس
عشان كذا افكر ادور لي وظيفه تغنيني عن الحاجه لكن وينها هالوظي
ومشكلتي اني الى الان استحي اطلب من زوجي فلوس متزوجه لي 8 شهور كنت حتى سالفه الفلوس استحي اجيب سيرتها لاني ادري بظروف زوجي
الايام الي راحت تجرأت مررة وصرت اسولف عن الفلوس بكل جراءه بس احسه يزعل
مع اني للعلم اني وحده ترى طماعه وتحب الفشخره الزايده الكماليات الي يشوفونها اهلي وزوجي ماهي ضروريه بس ودي اكشخ مثل العالم

الله يعقلني ويصبرني ويرزقني الوظيفه يارب
ادعوا لي ربي يسهل لي وظيفه محتاجتها مرررررة