زوجي وذهبي

[زبدة كاكاو]

بداية الموضوع ان انا ساعدت زوجي من بداية حياتنا لدرجة اني بعت ذهبي
عشانه وكان يقولي ان شاء الله بعوضك
لكن بعد مااتزوج زوجته الثانيه الكل يقول انو يدها ذهب وانا ماعندي ولا قطعه
وماني عارفه كيف اقله يرجع لي اللي اخذه
بالذات انه دحين بيسوي مشروع وحاط كل فلوسه فيه
بس ابغا اسلوب مناسب اطلب منه يرجع لي اللي اخذه

 

[مييسو]

حبيبتي ماعليك من زوجته الثانيه ولا تجيبين طاريها اذا طلبتي قولي له ابي فلوس وحددي المبلغ ابي اشتري ذهب المؤمنون على شروطهم

 

[خلآص...!]

بعين قوويه قوليله ابغى فلوس ابغى اشتري ذهب
لاتراعين ظروفه متزوج عليك ومازلتي تراعي ظروفه انتي اطلبي وهو يتصرف يجبيلك اللي تبيه
رجال حرام فيهم المساعده او التضحيه ​

 

[حزينه حد الجنون]

الله يعوضك بالخير ان شاء الله قليله انك شفتي طقم او اي قطعه عجبتك ونفسك زيها وقليله يالله جاء اليوم اللي تمشي كلمتك وتعوضني والله ييسر امرك ويحنن قلبه عليك

 

[قمر بلامنازع]

صح كلام الاخت انتبي تبيني عشان الثانيه انتي تبغي الذهب​

 

[اسيرة فكري]

عادي فاتحيه بكل بساطه قولي عطني اشتري لي ذهب وانتى غلطانه تساعدينه بذهبك يعني المفروض قبل لايزوج يرجع لك ذهبك والله ارجال اخر زمان المفروض قبل لاتطلبينه يحس على نفسه لاتتنازلين عن حقك طلبيه بالهون من غير هواش

 

[om alreem]

حبيبتي انتي كثير اخلاق ماشاءالله عليكي
الله يعطيكي اجر اكثر من طيبتك وسمو نفسك .
بكل بساطة قوليله اشتريلي ذهب لان انت مرتاح !!
بكل ثقة وجراة
الله يوفقك وانا حبيتك لانك قمة ونادر مثل اخلاقك هالايام
تقبلي حبي ومروري

 

[مذركير]

حقك اطلبي فلوس لو عنده الف مشروع هذا حقك لاتسكتين

 

[رازيا]

المشروع اللي راح يعمله خليه يعطيكي نص ارباحه تعويض عن الذهب تفاهمي معاه بهذا الموضوع
ذهبك حقك انتي ولا تتنازلي عن اي شي
ما دام انه تزوج الثانية يعني الاخ مقتدر
اطلبي منه بكل ذوووق وادب وشغلي كيد النساء عندك يعني اخترعي اي قصة وتكون مقنعة واقنعيه

 

[لمن يجرؤ]

بصراحه المفروض كان ما يتزوج الثانيه الا لما يرجعلك ذهبك

لان انتي اولى بالفلوس منها لان هذا حقك انتي

ومدام صار اللي صار انا اشوف لازم تكلمينه بس باسلوب حلو ولا تجيبين طاري الزوجه الثانيه ابدا

يعني بينيله ان الموضوع ماهو لا مقارنه ولا عندها وانا ماعندي

اطلبي هالشي لنفسك لانو من حقك واذا هو تزوج الثانيه يعني الحمدالله مثل ما قالت رازيا مقتدر

وبعدين حبيبتي سواء احد قالك انها لابسه ذهب او مش لابسه ذهب هذا شي ما يغير القضيه الاساسيه انتي ذهبك وتبينه حتى لو هي مالابسه ذهب ماهي مشكلتك

الله يرجعلك حقك ان شاء الله

هالله هالله فالسياسه والاسلوب الحلو

 

[زبدة كاكاو]

مشكورين على الردود
طيب ممكن تقولو لي كيف ممكن اكلمه
لاني ماني عارفه كيف ابدا

 

[اه من برد الشتا]

الصراحه المره بدون ذهب ماتسوه يجننن الذهب بس هذا الاياااام غالي ولاز تعوضين ذهبك اختاري وقت مناااسب للقناع الله يوفقك وتشترين احلى ذهب

 

[بهيره الموسى]

الله يكملك بعقلك مشاء الله تبارك الله عقلك وسمو اخلاقك اغلى من الذهب
االله يوفقك ويستر عليك ويرزقك اللي تتمنيه اطلبي هذا حقك ولاتترددين

موفقه

 

[hnmydsm]

ماشاء الله عليك((قمه في أخلاقك))الله يعطيك على قدر أخلاقك الطيبه//
اطلبيه حبيبتي،لا تترددي،هذا حقك، لا تخافين من ردة فعله، سواء كانت سلبيه او ايجابيه،حتى لو مثلا رفض او قال ظروفي الحين ماتسمح،قوليله انا ماأستحق اني آخذ حقي نظير تضحياتي وعشرتي الطيبه معاك،وصبري وحبي لك،أنا أم عيالك،ولما طلبتني سابقا وكنت محتاج ماتوانيت عن التخلي عن ذهبي،اللي هو حقي ،واعطيتك ياه بكل حب ورحابة صدر،لأنك غالي والذهب مايغلى عليك يابوعيالي،بينيله انه كل اللي تسويه من حبك وتقديرك له.
أريد أقولك حتى لو رفض ،لاتضايقي نفسك،يمكن يباله وقت،لين يقتنع.ان شاء الله الله بيسر وبيعطيك على قد نيتك الطيبه وصبرك.

 

[انوا رة الرياض]

الله يوفقك ويهدي زوجك وانا مع الاخوات اطلبي 000000000000

 

[ام جيداء]

الله يعوض عليك ويجعل عملك في موازين حسناتك
اختي ..اختاري الوقت المناسب وفاتحيه بالموضوع بهدوء ولاتجيبين طاري زواجه
وخلي اسلوبك لبق وفي نفس الوقت جاده .....
بصراحه انا انصح ان المرأه ماتفرط في ذهبها مهما كان.. تقدري تساعدي زوجك باكثر من طريقه..لأنه ماراح يرجع بسهوله مثل ما اخذه "الا من رحم ربي"..

 

[احتويني بحنانك]

حبيبتي هذا حق من حقوقك لازم تطالبين فيه يعني مو معقوله ماعنده فلوس
طيب شلون تزوج!!!!!!!!!
قوليله كل الحريم يسالوني وين ذهبك ليش ماتلبسينه حتى لو كذب محدسالك قوليله عشان يحس على دمه وكمان قوليله في خاطري اشتري ذهب او اشتهيت طقم زي وحده من الحريم ,الله يكون بعونك وان شاءالله يرجعه لك

استغفرالله واتوب اليهــ

 

[وحيده في دنياي]

قولي له نفسي البس ذهب
من اعطيك الذهب حقي
وانا ماعندي
وطلبيه يعطيك عشان تشتري
انا زوجي باع ذهبي ووعدني
يعووووضني
ومن ذاك اليوم ماشفت شي
لا ذهب ولافلوسي