زوجي وحبيبته قبل الزواج

[طموح أنثى’’]

السلام عليكم ورحمة الله وبركاته

كيفكم اخواتي ان شاء الله بخير

استشارتي اللي اليوم بنزلها لكم

هي مشكله صارت لي من 6 شهور وللحين اعاني منها

وكل يوم يتعذب قلبي

وربي يابنات احس قلبي بيموت من الالم ومو قادره اسوي غير اني

ولله الحمد كل ماحسيت هالشي اذكر ربي والحمدلله يخف الالم كثير

بس يرجع اذا فكرت مره ثانيه

مشكلتي هي

قبل 6 شهور اكتشفت بالصدفه محادثة لزوجي مع وحده من صحباتي((طبعا ماعرفت هالبنت الا بعد ماتزوجت بحكم انها من منطقة زوجي))

المهم عطوووول اول ماشفت المحادثة رحت لزوجي ومريت بحاله يرثى لها وانا بس اصارخ واقوله تخوني يابو فلان ومع مين مع صاحبتي

هو حاول يهديني وجلس يبكي ويقول بس افهميني ومن هالكلام ومن وقتها كلمتها قدامه وهزئتها في البدايه سوت نفسها مو فاهمه وهددتها اني افضحها قدام ابوها وزوجها
وجلست تبكي وتتعذر

المهم بعد ماهدي الوضع قلي زوجي انه كان يحبها وكان يبغى يتزوجها بس خالته رفضت وانقطعت العلاقه

انا قلت خلاص مادام انه ماضي ولحظه شيطان نزغه فيها يعني ما ابغى اكبرها

بس من بعدها زوجي تغير

اقولكم كيف تغير
هو ملتزم بس من بعدها صار يشوف مسلسلات ويسمع احيانا اغاني ومن هالاشياء
وكل مانصحته خاصمني وقلي لمي عفشك ورحي لاهلك
وقبل شهر في رمضان
تخاصمنا على انه كان يسمع اغاني باليوتيوب ونصحته اقوله برمضان وانت شخص ملتزم وين التزامك
وصارت مشكله كبيره وقلي يلا لمي عفشك وعلى بيت اهلك
ضربني بعدها وبعلاقة الملابس لحد ماتقطع جسمي من الضرب وصارت ملابسي كلها دم

هو لما شاف الدم مو مصدق جلس يقولي خلاص اجلسي وانا اللي بطلع

بس انا رفضت وبقووه
ولميت عفشي ورحت بيت اهلي

وانا كنت ناويه انه خلااااااااااااااص ماراح ارجعله ثانيه

ومن وقت مانزلني بيت اهلي وهو مسجات واتصالات وانا مطنشه

وبعد يومين تحلت المشكله ودخل بالموضوع اهلي واهله حتى امي ماكانت تبغاني ارجع

بس عشان اطفالي رجعت


وصرنا تمام كم يوم


والحين طالع بشي ثاني

مسجل في قروب عن طريق الايميل ويتكلم مع بنات بس كلام عادي

قمت انا سجلت في نفس القروب من ايميل ثاني عشان اشوف محتوى رسايله


واليوم انصدمت لما شفته راد على رساله عنوانها هذا الرجل الذي يبكي من اجل الحب


هذا نص الرساله......



منذ متى
كان الرجل جماداً ؟!!

منذ متى أمكننا
أن نخالف تياراً
جذب أرواحنا
وأسر قلوبنا ؟!!

منذ متى امتلكنا
أسلحةً داخليه
نُـــحارب بها
مشاعرنا المُنجذبه
نحو من نُــحب ؟!!

حينما يجرحنا المحبوب فإننا نبكي .....

وحينما يعاقبنا المحبوب فإننا نبكي .....

وحينما يهجرنا المحبوب فإننا نبكي .....

بل يزداد دوام البكاء ويصل حد الإجهاش
حينما نرى المحبوب مع الغير
" زواج من شخص آخر"

نبكي حينما نذكر ألفاظاً
كان المحبوب ينطقها بشكلٍ مميز
نبكي حينما نرى ألواناً
كان المحبوب يُــنَــسِّــق بها
هداياه الجذابه

نبكي حينما نلمس قلماً
أهداه المحبوب وكان طلبه
أن يكون إسمه أول
ماتخــطُّــه بِــهِ أناملنا

نبكي ونبكي ونبكي
حينما
يزورنا المحبوب
"(( في الأحلام فقط))"
فقط , فقط , فقط

كيف لا نبكي وجزء من ذواتنا
نراه بعيداً عــنَّــا

كيف لا نأخذ جرعاتنا اليومية من البكاء
ونحن نرى توأم الروح
في أحضان شخص آخر ((بالحلال))""
فلا نملك إلاَّ أن ندعو لهما
بأن يحقق الله
كل أمانيهما في الدنيا والآخره

نشتاق وندعو له
تصيبنا الغصَّــه حينما ندعو للمحبوب أن يعيش "(( وهو بعيد ,
بل بعيد جداً جداً ))"
بسعادةٍ وهناء
وهو
نور القمر في ليالينا الظلماء ؟!!!

آآآآآآه وألف ألف آآآآآآآآآآه
من فراق
"(( المحبوب))"
توأم الروح
وبلسم القلب المجروح

نبكي على لحظةٍ عمياء
أصابت عقولنا بالتــهوُّر
نبكي على لحظةٍ عمياء أصابت عقولنا بالتــهوُّر والإندفاع
فكانت النتيجه ألــمٌ ومــرار
وتــخــبُّــط وتــذبذبٌ
وضـــيـــاع

​

بنات انا من وقت ماقريتها وانا بموووت من الالم


ليه يسوي فيني كذا

اخاف اكلمه ويقلبها علي ويقولي لمي عفشك ورحي بيت اهله

واخاف اسكت وموووت من الام

واحيانا اقول اروح بيت اهلي وعيش معززه مكرمه احسن من هالالم النفسي


خصوصا اني طالبه جامعيه يعني لازم اهتم بدراستي


تكفووون بنات اللي تقدر تساعدني وتهون علي مصيبتي ماتتأخر ولو بدعوه بظهر الغيب


وربي اكتب ودمعي على خدي

 

[طموح أنثى’’]

بنات انا من وقت ماقريتها وانا بموووت من الالم


ليه يسوي فيني كذا

اخاف اكلمه ويقلبها علي ويقولي لمي عفشك ورحي بيت اهله

واخاف اسكت وموووت من الام

واحيانا اقول اروح بيت اهلي وعيش معززه مكرمه احسن من هالالم النفسي


خصوصا اني طالبه جامعيه يعني لازم اهتم بدراستي


تكفووون بنات اللي تقدر تساعدني وتهون علي مصيبتي ماتتأخر ولو بدعوه بظهر الغيب


وربي اكتب ودمعي على خدي

​

 

[طموح أنثى’’]

اخواتي ارجو ن لاتخيبوا ضني فيكم

حتى لو انا غلطانه في تصرفاتي قولولي

وربي ماراح ازعل لاني عارفه انه كله لصالحي

 

[مغروره بزوجي]

مااقدر اقول الا اللي يبعد عنا وعنكم بنات وعيال الحرام
ويعمي زوجك عن كل البنات ويخليك اجمل ملاك بعينه يااااارب

 

[طموح أنثى’’]

مشكوره يالغلا على هالدعوه

وويااااك يارب


وشكرا على مواستك لي

 

[الحان الصبا]

الله يرده لك رد جميلا والله ماقول الا الله يفرج لك

 

[حبي ميدو]

اااااااااااااااه ياطموح انثى الله يفرج همك ويسخره لك انا اقول لاتحاولين تقولين له حاولي تقربين له وتخلينه يعشقك اعرفي وش يحب فيها ووش الي جذبه فيها وربي عشت مشاعرك لاني خطيبي يحب بنت ويكلمها بس ماخطبها عشانها مو من جماعتنا واظن عشانه مايقدر يثق فيها وكم مره شافها وهي مره ملكت جمال وانا عاديه جدا حسيت ان حكايتك بتكرر معي
انا اقولك تقربي منه قد ماتقدريي خليه يعشقك بكل الطرق حاولي وشوفي نفسك اذا مقصره بشي عدليه وصدقيني ماراح انساك من دعواتي اسال الله العلي العظيم ان يفرج مك بقرب وقت ويسخره لك ولا يشوف بالدنيا غيرك

 

[طموح أنثى’’]

مشكوره حبيتي ع هالدعوه

ووياك يارب


بصراحة احس الالم بداخلي خف شوي لما فضفضت لكم

 

[مترو]

شوفي دامك هددتيها بالفضيحه فهي بتخاف و بتمتنع عن مكالمه زوجك
انتبهي تفضحينها صدق و بكرة تتطلق و يتزوجها زوجك !!
انتي شكلك عصبيه و واجهتيه بصراخ و ممكن استفزيتيه عشان كذا تطاول عليك ؟
خليك متابعه بصمت و مراقبته و غيري اسلوبك معه خليك رقيقه و ناعمه شوفي الفرق بينك و بينها
هي رومانسيه و دلوعه و انثى بدليل انه يتذكر لمساتها بتغليف الهديه
غيري من نفسك ابتعدي عن ملاحقته و عن تصيد اخطائه و انتقاده حتى لو سمع اغنيه او ارتكب اي ذنب لا تفشلينه
ادعي له بالهدايه و اذا شفتيه يسمع اغاني خليه يطلع و يلقاك ماسكه مصحف او يشوفك على سجادتك تصلين خليه ينحرج منك انتي كيف طاهره و عفيفه و هو كيف يجرح صيامه و عبادته
و بنفس الوقت البسي و تدلعي و حطي لنفسك شموع و حركات بالغرفه و بالحمام و نوعي بالطبخ و زيني سفرتك بحركات و مناديل سفره و كذا خليك انثى دلوعه بكل شي
ابتعدي عن اي نقاش معه خليه يشوف التغير فيك و تملأه الاسئله
و ادعي ربك بصلاتك يهديه و يرده لك و للحق و يغسل حب هالبنت من قلبه
بس اهم شي خليك متابعه بالقروب و شوفي وش يكتب اعرفي افكاره و ايش مخططاته و ممكن يكتب لو هي فعلا تركته و بطلت تكلمه الله يهديه و يفتح على قلبه

 

[طموح أنثى’’]

حبي ميدو


الله يجبر كسري وكسره ويعجل علينا ربي بالفرج

ورب البيت ان ردك هوووون علي كثير


والحين قررت انه ما افاتحه بالموضوع


مشكوووره ياقلبي

والله يجعلك احب النساء الى قلب زوجك واجمل النساء في عينه

اميييييييييييييين يارب

 

[طموح أنثى’’]

سوري كسره=كسرك

 

[خجلے]

حبيبت والله حزنت لك كثثثييير الله يكوون بعونك ياقلبي
مالك الا انك تكسبي زوجك وتتقربي له
والله يرده لك ويحنن قلبه ويهديه
للصوآآب
​

 

[طموح أنثى’’]

مترو


جزاك الله الف خير ع هالنصايح

واللي باذن الله الواحد الاحد راح اطبقها

ودعواتك لي ياقلبي

 

[حبي ميدو]

حياتي انا بتابع معك طمنيني عنك
وقولي لي حاسه نفسك مقصره بشي معه

 

[ولايف"]

الله يسخره لك

بسس اقلبي الطاوله عليه ..باي تصرف يتصرف
مو معناته تسوين مثله لا ..

سوويت حركات معه بغموووض .. جننيه خليه ينششد اهتمامه لتصرفاتك وانتي تسوينه بدلع ..ويصير يفكر فيها ..

 

[كلي حنو]

شوفي حبيبتي ..

زوجك ما اقولك الحين غلطان ..

لا الغلط من اهله لان رفضوو يزوجوه البنت اللي تحببه ..

بس سبحان الله ربي مايسووي الا الصلاح ..

يعني احمدري ربك ان زوجك ماعااد يخونك بوحده مايعرفهاا

وهذي صديقتك قبل لا ياخذك كان يحبهاا .. المفرووض يتركها وهي بعد

دامها متزوجه تتركه .. بس انتي عارفه القلب ومايهوى ..

ترى انتي بطريقتك تقدري تخلي زوجك ينسى اللي كان يحبها ويبهاا ..

صدقيني الرجال اذا شااف زوجته تسووي له كل اللي يبيه

ولا مقصره معه ولا حاجه صدقيني ينسى ابو الحب اللي كان يحبه ..

بيقوول صحيح قبل اياام طيش والحين الحمدلله راح الطيش ..\

والله اني ما اكذب عليك زوجي يقولي ان في رجال مايليين

وناس يدخنوو وناس يشيشوو وناس والله مدمنيين

والحمدلله تزوجوو وحريمهم مشوهم صح ما صح ..

يعني ترى المره لها دوور كبير في انها تغيير حيات زوجهاا من الاسوء الا الاحسن ..

حاولي كل يووم تستغفري وتسبحي ..

واقراي قراان كل يووم في بيتك حطي مسجل وفييه قراان ..

حاولي توقفي مع زوجك وتنصحييه وتوعييه باللي قاعد يسويه خطا واكبر غلط ..

قولي له ترى عندك بناات ترضى بعدين وحده من بناتك تسووي اللي انت تسويه ..

قولي له انا وانا زوجتك ترضى اني قلبي يصير متعلق بواحد غيرك

او اني اكلم واحد بدوون ماترضى ترى والله مافييه احد يرضى ..

انت فكر فيني وفي عيالك ولا تفكر بالماضي ..

خلاص هذيك كانت حبيبتك بس ما الله كتبت لهاا ..

والزواج قسمه ونصيب .. قولي له صدقني لو انها كان اخذتهاا

لو صار اللي صاار كان اخذتها بس والله ماهلي لك ..

لازم ترضى بالام الواقع .. وانتي لاتزيدي علييه انتي وقفي معه

انصحييه وعييه .. صدقيني كل شيء يباله صبر .. تحملي شهر شهرين

حتى سنه تحملي يالغاليه .. وصدقيني انتي بطريقتك والله راح ينساهاا ولا عاد يفكر فيهاا ..

والله يبعد عنه عيال الحراام ياارب ويوفقك معه ياارب ..​

 

[طموح أنثى’’]

خجل

مشكوره ياقلبي ع هالرد ووياك يارب


حبي ميدوو

تبغي الصراحه

انا احس نفسي بعد المشكله تغيرت

لاني قبل اسويله واضحي باي شي عشاني متأكده اني انا الوحيده بقلبه

لكن الحين كل ماجيت بسوي شي حلو احيانا اسويه واحيانا اقول لا هذا مايستاهل قلبي

وعشان كذا قاعده له ع الحبه

كل ماحصل منه شي يضايقني اواجهه

لكن ان شاء الله الين بحاول اغير هالشي
واكيد تفاعلكم معاي ووقفتكم معاي راح تقويني وتثبتني بعد عون الله لي


ومشكوره ياقلبي ع اهتمامك

 

[طموح أنثى’’]

ولايف مشكوره ياقلي ع هالنصيحه

 

[طموح أنثى’’]

كلي حنو

مشكوره يالغلا ع الكلام اللي قلتيه

بس انا معاك بكل شي الا في نطه اني انصحه

لاني هو يقول اني مو ربي تحاسبيني وانا ما احب احد يحاسبني

امي وابوي اللي هم امي وابوي مايحاسبوني


عشان كذا انا راح اعمل كل شي الا اني انصحه

لانه جربت هالشي وماجاب نتيجه

وما ابغى اجيب هالسيره معاه مره ثانيه لانها تتعب نفسيتي

فخليني انساااها كذا احسن

 

[كلي حنو]

خلاص اجل لاتنصحييه..

وخلييه يسووي اللي يبييه .. مارده يفكر زيين ويشووف ان اللي يسوييه خطأ

خليك ع طوول رايقه ومبسوطه ولا تكدري نفسك ولاحاجه ..

صدقيني بعدين تتعب نفسيتك اكثر واكثر .. واذا تبي نفسيتك تصير حلووه

لا تكلميه ولا تقولي له ان هالشيء خطأ وخليه ع راحته ..

​