زوجي وبدايات الخيانه :"(

[عروسـة]

السلام عليكم

باقول لكم الحكايه بالتفصيل وان شاء الله تقدرون تساعدوني

زوجي يدخل مواقع تعارف وزواج طبعا ماقلت له شي بس حاولت اراقب الوضع .. كان يبحث عن جنسيات معينه مقيمين في نفس بلدنا بس يدخل يتفرج مايقدر يراسلهم لانو ماعندو اشتراك .. المهم بعد حوالي اسبوعين من هالوضع بديت اشوف انه يرسل رسائل ويستقبل معناتو دفع الاشتراك وصار يقدر يتواصل معاهم .. ماهمني الموضوع قلت ممكن بس حاب يتعرف ويشوف الوضع بالذات انو جديد ع النت يعني اول ماكان يستخدمو بس انا لزمت عليه ابغيه يتعلم .. شوي الا شفت في جواله رسائل باسماء رجال بس جوات الرساله اسماء بنات زي اللي يقولهم ممكن نتعرف وزي كذا .. بس انو ماخذهم من نفس الموقع حق الزاواج
انا طيران رحت سويت اشتراك في الموقع وحاولت اخليه ينتبه لي ليمن ارسل لي رساله
شوي شوي هو يرسل وانا ارد عليه ويحكي حكي ناعم ماافكر اسمعه منو ليمن طلب رقم تليفوني على اساس يتعرف اكثر انا قلت له اوكي ارسل لي رقمك ع اساس اشوف اذا بيرسل نفس رقمه اللي اعرفه او الرقم الثاني اللي حاطه في الموقع

انا الي محيرني ليش يستخدم جواله الخاص ويحاكي البنات منه وارقام دوليه وهو عنده رقم ثاني مطلعه بالخش طبعا ..

اللي ابغاه منكم كيف ممكن اجيب راسه واعلمه درس انه مايسوي هالحركات ويتذاكى يعني عيب يوم صار عنده اولاد صار يسوي كذا وهو قبل مايتزوج ماكان عنده هالحركات

وكيف ممكن اعرف حدوده مع البنات احس صعبه احاكيه انا طبعا اشتريت رقم تلفون مايعرفه عشان احاكيه منه وسويت ايميل جديد مايعرفه عشان اسجل منه ع الموقع

ياليت اللي تعرف شي تساعدني بمعلوماتها وربي يفرج لها ان شاء الله كل همومها ويسخر زوجها ويخليها كفايته من نساء الدنيا يارب العالمين

 

[مييسو]

الله يعينك حبيبتي ويفرج همك ان شاء الله البنات يفيدونك

 

[روحي أنت]

انا من رأيي انك تستمريين في اللعب معه المسن والتلفوون لما تعرفين لوين راح يووصل
ولما تعرفين مبتغاه .. وبعدين اعترفي له انك انتي اللي كنتي تكلميه وانك انصدمتي فيه

الله يسخر لك زوجك وان شاء الله اكوون افدتك

 

[بلا حب وبلا وجع]

لازم تخليه مايشك فيكي انك انتي الي تكلميه..وخليه يحبك انتي ويتعلق فيكي ..وغيري اسلوبك معاه جدا ..خليه يحس انك وحده تانية..وشوفي الوقت المناسب الي تعترفي له فيه انك انتي..بس بعد ماتختبريه كويس من اي نوعية وتعرفيه ..اطلبي منه فلوس يحولها لكي على حساب مثلا صديقة لكي تثقي فيها واطلبي حاجات وشوفي هو صادق معاكي انتي ولا لاء..؟؟وفي نفس الوقت اطلبيه اي حاجه (دور الزوجة)وشوفي يعطي مين اهمية وتقدير اكبر انتي الزوجة ولا التانية ؟؟؟؟
اتمنى انك فهمتي كلامي وشرحي..
والله يعينك ويصبرك؟؟

 

[النيروز]

انتبهي اتصارحية بالموضوع سايرة وامشي معه لحد ماتأخذي معه موعد للقاء في مول او اي مكان وعند خروجك للقاء معه غيري من شكلك بالمره بلبس العباية وكذالك ملابسك خليها عاريه حتى اذا ألتقيتوا وحاولتي تمسكين اعصابك قوليله انامثلك الي يخون لابد يخون اهل بيته
او امسكي عليه مسجات علشان توجهنه فيها

 

[جرح الشوق]

انا من رأيي انك تستمريين في اللعب معه المسن والتلفوون لما تعرفين لوين راح يووصل
ولما تعرفين مبتغاه .. وبعدين اعترفي له انك انتي اللي كنتي تكلميه وانك انصدمتي فيه

الله يسخر لك زوجك وان شاء الله اكوون افدتك

من رايها واصلي اللعب عليه ولا تنصدمي ولا تنكسري والله يوفقك

 

[الوردوالياسمن]

الله المستعان

 

[مهاوي الدوسري]

واصلي اللعب معه.............وانتبهي تقولي له .......وخذي منه كل اللي تبيه..........شوفي هو ايش فاقد عندك ؟؟؟علشان كذا راح يدور عند غيرك؟؟؟؟

 

[الملاحه]

لو أنا منج بسايرة وبغازله والشي اللي ما اعرفه بتعلمه عشانه وما بخليه يعرف يكلم منوه وما بعطيه فرصه يكلم غيري يعني بخليه لي وحدي في كل لحظه سواء على النت او بمسجات وبغرقه حب ودلع ووله وبظل على هالحال لين ما يتمسك فيني وبعدين بواعده في مكان طبعا بعد ما تمر فتره طويله على التعارف والغزل وبعترفله بكل اللي سويته وبقوله اللي كنت تدور عليه أكيد لقيته عندي فما له داعي حركات المراهقين

 

[قمر بعيونه]

الله يعينك على ما ابتلاك الحمدالله الذي عافانا مما ابتلاهم به

 

[اسيرة فكري]

العبه هذي مؤلمه جدا لك وانتى تورطتى الله يساعدك احذري انه يكشفك لانه بيشك فيك وحتى اذا ماشك بيقلبها عليك ويسوي روحه بريئ انتى جرجريه وشوفي تاليه وحسني علاقتك فيه شوفي نواحي القصور عندك لان الكامل وجه الله وبعد شفطيه على الاخريعني دايم اطلبي فلوس وخليه يحول لحساب وحده من خواتك اضمن من الصديقه وبعدين اقطعي عنه فتره ومن ثم ارسلي وحده من رسايله تدينه الى جوالك طبعا بالنسبه لك ماراح تكون مفهةمه وله بتكون مفهومه وكذا بيخاف من الفضيحه ويبطل انشالله

 

[متزوجه ولكن]

نصيحه مني من مجربه
خليه عنك ماراح تجيب لك هالطريقه الا الهم وضيقه الصدر ووجع الراس
بتبكين ليين تشبعين لما يقول لك كلمه حلوه او غزل او جنس
تقضين وقتك بالعباده والدعاء له والله افضل لك من مسايرته

 

[gear]

ياقلبي

زوجك ناقصه رومانسية وحب وشوية مشاعر تدغدغ احاسيسه مثل كل الرجال
لذا خليكي انتي المصدر لهذه الاحاسيس والمشاعر بهيئتك الحقيقية
احسن ما يتعود ياخذها من اماكن ثانية

وطريقتك هاذي راح تبين لك الجانب المخفي من شخصية زوجك وتكرهك فيه

لذا نصيحتي انك تتركي هذا الطريق وتحاولي تشبعيه بالحب والحب ثم الحب وزيدي عليهم المدح

ولا تنسين اهم شي الدعاء

 

[sosah]

ربي يعينك حبيبتي وانا كمان اقول واصلي وحاولي ينجذب لك كثير وبالاخير صارحيه بس وانتي تصارحينه لاتبكين .. او معصبه خليك عاديه ..

والله يسخر ه لك

 

[دلع الحوريه]

أقول حبيبتي عيين العقل سويتي بس لاتكشفين نفسك غير موعد واعديه معه عشان يتعلم صح كيف يلعب بذيله بس اشتري جهاز تغير الصوت عشان ماتنكشفين لان لو كلمته بصوته حايعرفك بسرعه ابحثي علي قوقل عن هذا الجهاز اذا تبغي تعرفي معلومات عنه ولله يسخره لك ويهديه بس لا طولين بسالفه عشان مايمل ودورغيرك يتعرف عليها لان بنات الحرام كثير وصيدتهم سهله

 

[ابتسامه مهجوره]

ان شاء الله عمره ماتعلم انتي تدورين خراب البيت والله انك منتي صاحيه كل وحده تمنى ان زوجها مايعرف الله واكبر وش بيستخدمونه اذا تعلموا الا للخراب

 

[عروسـة]

الله يجزاكم خير كل اللي رديتو علي ولايبلاكم باللي بلاني فيه .. والحلوه اللي دخلت وقالت الحمدلله الذي عافانا مما ابتلاهم به صادقه .. والله اني كنت ادخل اول واتفرج وانا كلي ثقه يعني ان زوجي مو لم هالحركات بس نسيت اقول الدعاء .. والله اني ماقد ضحكت من احد ولا تمسخرت من شكوى احد بس يالله ان شاء الله ربي يرزقني الصبر واقدر استمر معاه

تخيلو اخر شي ارسل لي رقمه الثاني ويقول لي اذا حصلتيه مقفل والا مارديت عليك ارسلي مسج وانا ارجع ادق والله قمة الوقاحه .. وانا فتشت بوكه وسيارته وماحصلت الشريحه ولا الجهاز لان جهازه اللي معاه الحين كلما يجي من برا الاقيه ماسح السجل .. انا افكر شلون اقدر اعرف الباسوورد حق ايميله الثاني وحق حسابه في موقع الزواج عشان اعرف البنات بعد ايش حدودهم .. مابي اصير غبيه بينهم ويخليني

الله يجزاكم خير رفعتو معنوياتي والله بوقفتكم معي وان شاء الله راح اكمل عليه لاني اخاف انهار واعترف ...

الله يرضى عليكم تدعون ربي يجعلني كفايته من نساء العالمين عشان الملك يقول لكم ولكي بالمثل

 

[ام رنومه]

الله يفرج همك يااااارب

 

[لميرو]

احسن شئ انك تماشية وتسايرية لحد ما تعرفى اخرة وزى ما انتهى ععاكى يكون انتهى مع غيرك لكى تعلمى علاقتة بيهم وصلت لحد فين والاخر عرفية انكانتت زوجتة وعلى اعتقادى انة ما هيفكر يكرر ها الموضع والله يعينك