زوجي والعاصمه

[قصايد1]

بسم الله ورحمة الله وبركاته ً
أنا متزوجه من 4سنوات وعندي بنت وحامل مشكلتي أني مب قادره
إتاقلم مع المكان اللي أنا عايشه فيه منطقه بعيده وايد عن العاصمه ومافيها اي شي من متطلبات الحياه احس أني عايشه في صحراء
حاولت اقنع زوجي نعيش في العاصمه ورفض مع ان شغله في العاصمه
وكل اللي في هالمنطقه لازم يكون عندهم بيت ثاني في العاصمه وعقب لما يكبرون عيالهم ينتقلون العاصمه
والحين اهل زوجي بينتقلون العاصمه الحين محد حولي لاهلي ولاحتى اهل زوج احس بوحده كبيره
ووايد تهاوشت معاه لهالسبب أنا مب مرتاحه من حقي يوفر لي الراحه ومتطلبات الحياه وليش مايفكر في مستقبل
عيالنا أرجوكم محتاجه مشورتكم ساعدوني

 

[قصة خيال]

ماعليه حبيبتي استهدي بالله وصلي على الرسول
يمكن زوجك مرتاح بوضيفته ومايبغا يمتر خطوط رايح جاي يعني اهو بيأمن لكم
مستقبلكم تلقينه هو بعد مو هين عليه هالعيشه وبعده عن اهله
بس ضروف العمل
ومصيرك بتتعرفين على ناس وجيران جدد وعيشي حياتك ولاتخلين للشيطان مدخل
لاتثقلين على زوجك ولا تنكدين عليه وماعليه حبيبتي بتتعودين ووقت المناسبات
زوري اهلك واهله واستغفري وسبحي والله يعينك

 

[قمر بعيونه]

استهدي بالله وبالمحايل وكيد النساء حاولي فيه

 

[قصايد1]

والله حاولت واللي قاهرني شغله في العاصمه حتى هله الحين مب موجودين شلي يخليه متمسك في مكانه والله مافي شي من متطلبات الحياه البسيطة موجوده عندنا مب راضي بالتطور بس ليش مايفكر براحتي بعد حتى هلي مايزوروني وايد والسبب البعد والله أنا تعبانه

 

[صفير_البلبل]

اختي قصايد، استهدي بالله واعقلي. زوجك عليه ان يوفر لك الراحة بالحد المعقوا الا وهو مسكن ومأكل وملبس. اما طلباتك هذه تييب العصبي.

بعدين انت كا شفت ان نفس الفعل (الزن والزعل والنكد والمهاوش) ايوصل لنفس النتيجة (الرفض)؟!؟!؟ غيري الفعل وتتغير النتيجة.

بنت اعقلي وانشغلي بشي مفيد. ادرسي دراسات عليا عبر الانترنت. سوي دورات مجتنية للجيران من المعلومات التي تكتسبينها على الانترنت، كوني عضو فعال في المجتمع بدل ما تكونين سبب نكد لنفسك اولا ثم لزوجك.

 

[دانة الشام]

بعض الناس لاتفضل العيش في العاصمة لأن الحياة فيها أكثر تعقيدا.. وقد يكون زوجك منهم.. ولاتغفلي نقطة هامة أن العيش في العاصمة مكلف تصبح آجارات البيوت أغلى وحتى المصاريف بشكل عام مكلفة جدا .. فأنت مضطرة في العاصمة أن تماشي مستوى معين قد يكون مرهق بالنسبة لزوجك.. فهو يريد مثلا أن يدّخر للمستقبل فلا يتسرع بالاستقرار في العاصمة من الآن.. أغلقي الموضوع حاليا لأنه من الواضح أنك بكثرة اصرارك تزيديه عنادا.. قد يغيير رأيه حين يشعر بالوحدة بانتقال أهله أيضا للعاصمة.. المهم أن تبتعدي عن النكد ولاتكثري من الكلام في هذا الموضوع .. ربي يختار لك الخير.