زوجي والحلم الوردي ..

[حنيني إليهم]

السلام عليكم ورحمة الله وبركاته ..
أخواتي وحبيباتي في الله هذا اول موضوع لي في هذا القسم ..
مع العلم ان لي قصة كتبتها في دفاتر اليوميات ..
لكن ماشجعني أكثر أن اكتب بهذا القسم مع انه ليس لدي زوج ..
فمن قرأ قصتي عرف أين زوجي الآن .. :tears:

ولكن ياحبيباتي أنا أستغرب منكم أستغراب شديد ..
وانا هنا لا أعمم عليكن ولكن البعض أجدها تعامل زوجها معاملة ليست لطيفة ..
مع العلم ممكن أن تقولو وهم كذلك ..
ولكن صدقيني
الرجــــــــــل كالطـــــــــفل بل هو طفل فعلآ ..
بإذن الله سأكتب لكم ماكنت أفعله لزوجي سابقآ وكيف كانت حياتنا أشبه بحلم وردي لايشوبه أي شي ..
وكيف كان بيتنا كله حب ومودة وأحترام بعيدآ عن المشاكل والزعل والصرآخ الدائم ..
كيف كنت أتعامل معه وكيف عودته على طبعي وشخصيتي وكيف جعلته يحترمني ويقدرني ولا يرى سواي ..

سأكتب لكم كل شي فلن أبخل عليكم ياحبيباتي ..
أرجو الأستفادة للجميع ..

سأعود بإذن الله لأكتب لكم ..

 

[بنت مكه 1100]

نتظرك بفارغ الصبر

 

[لوليتآ..~]

بآنتظــآرك عزيزتي

 

[alfrasha]

ننتظرك يالغلا

 

[هموووسه]

بأنتظارك

 

[دلال العبدالله]

ننتظرك وينك ....

 

[حنيني إليهم]

عدت والعود أحمـد ..
أتمنى أن تكونو بتمام الصحة والعافية ..

سأبدأ بإذن الله وأروي لكم ماكنت أفعله مع زوجي وكيف سارت حياتنا بحب :icon26:
وبحـــلم وردي ..

سأبدأ بمراحل وسأتكلم عن نفسي قليلآ وماكنت أفعله انا ..

_.. كنت مهتمه بنفسي و بمظهري كثيرآ لم يرى مني شي يزعجة بمظهري أو شكلي
من شعري جسمي لبسي هندامي رآئحتي وحتى أتفه شي ممكن أن لايركز فيه الشخص مثل أظافري ..
كنت مقتنعه تمامآ بأن الأهتمام يكون أولآ لي ثم له ..

سآخذ راحتي بالكلام قليلآ وسأتكلم (( عامي )) ..

لاحظي حبيبتي لما تكشخين وتلبسين وتتعطرين وتكونين بقمة جمالك وهندامك تنتفتح نفسك حييل وتحسين انه حتى مزاجك تغير وبس مبتسمه وواثقه من نفسك حيييل ..
كنت أستغرب من اللي تهتم بمظهرها لأنها تبي تطلعه عزيمه أو تبي تروح عرس
بالله الناس اللي برى أهـــــم من زوجك!!!!!!!!!!

ماكنت أبخل على نفسي بشي لأني واثقه بأن هالشي بيزيد ثقتي بنفسي وبشكلي
ثم بزوجي اذا شافني بالمظهر هذا ..

(( نقطة مهمه جدآ ))
لاتبخلين على نفسك بالعطور والدهن عود وقمصان النوم وحركات البيت وأكسسوراتك وحتى الشوز تكرمون وانا هنا ماأتكلم عن اللبس اللي برى البيت انا اقصد اللي بينك وبين زوجك ..
لاتتوقعين بأن زوجك مايشوف أو ماينتبه وحتى لو كان كذلك سبق وقلت لك عشااانك أنتي اولآ قبله هو ..

يعني مثلآ اتكلم عن الأشياء اللي ممكن تغيب الوحده عنها ..
خلخال الرجل تكرمون وخاتم الرجل اللي يجيك بسترسات مره ناعمه وراقيه ..
الأهم من ذلك اهتمامك بقدمك ونظافتها والأهم من ذلك مع انه اغلب اللي يمرون علي
يقولون ننسى او مالنا خلق وانا اشوفه جدآ مهم اللي هو المناكير وماأقصد على اليد
اقصد على أظافر رجلك صدقيني يعطيها نعوومه وجمال ويفتح الرجل جدآآآآآ ..
** لاتنسين انه فترة الدوره الشهريه تقدرين تدلعين يدك ورجلك بجميع الألوان وبفتره تستمر ايام ..
بنزل لكم كم صوره عشان تشوفون القدم شلون تصير ناعمه اذا دلعتيها وأهتميتي فيها ..

سأعود بإذن الله لأكمل ..:icon26:

 

[بحبك و بس]

يسلمو حبيبتي بس لا تطولي علينا شوقتينا الموضوع يجنن

 

[شخصية قيادية]

مشكورة حبيبتي وبأنتظار البقية 00
الله يعوضك خيرآ مم ترجين

 

[دلال العبدالله]

بإنتظارك يالغلا

 

[miss-dl3]

ويييييييييييييينج

 

[حنيني إليهم]

سأكمل بإذن الله بالصور المنوعه التي تعبر عن جمالك وتزيد أطلالتك روعه ..

حبيت هنا أعرض لكم الوان المناكير اللي دارجة الحين ..

 

[ميمونة3]

واااااااااااو الوان المناكير بتجننننننن
شكرا يا قمر

 

[الحور2008]

موضوع رايق الف شكر اكملي ننتظر بفارغ الصبر

 

[حنيني إليهم]

لنبتعد قليلآ عن اهتمامك بنفسك وجمالك والصور
او لنأخذ منها بريك قليلآ ولكن أعدكم بأني سأكمل واقول افكاري التي تخص جمالك ومظهرك ومع الصور ..
ولكن نتكلم قليلآ عن معاملتك للزوج :

أكرر وأقول الزوج طفـــــــــل ..
مهما دللتي ودلعتي هذا الطفل سيزيد حبه لك وتعلقه فيك ..

_.. حاولي دآئمآ الأبتسامه بوجه زوجك صدقوني لها أثر عجيب وكبيررر جدآ ..

_.. ودعي زوجك واستقبليه بأبتسامه وقبلة مع الكلام الجميل والدعاء له بالتوفيق ووضحي له أنك راح تنتظرينه بشغف وبحب كبير :icon26:

_.. الكثير منا تجهل او تنسى بأن زوجها بيقابل برى أشكال وأنواع مختلفه من الناس منهم اللي بيضايقه او يزعله أو يقلب مزاجه ويعكره او حتى ضغوطات العمل او أهله هذي النقطه اتعب اقولكم مهمه جدآآآآآآآآ **

لأنه بطبيعة الحال راح يرجع لبيته وزوجته وحبيبته والمفروض من كل وحده منكم تقدر وتحط هالشي امام عينها مو اقلب عليه وأزعل منه لأنه مضايق وزعلان وأسوي له سالفه وأدخل بمتاهات أنتي بغنى عنها ..

استقبليه بأبتسامه وقبلة وطبعآ راح تحسين من شكله او كلامه انه في شي ..
لاتضغطين عليه وقبل حتى لايجلس تقولين (( شفيييك وليش وأيش صار )) وتمسكينه مسكة محترمه ..

لا حاولي تساعدينه بأنه يبدل ملابسه وتغيرين جوه شوي اذا كان فترة أكل تحطين الأكل وتقعدين معه وتأكلينه وابدآ لاتتطرقين للموضوع اللي يخصه ..
ولما تحسين انه ارتاح او حتى أشر بأشارة الرضا وكل وحده وتعرف زوجها أكثر يعني مثل (( ابتسامه منه او كلمة حلوه او اي شي ))
هنا اقعدي العبي بشعره أو حتى تدلكين جسمه وفاتحيه بأسلوب هااادي وجميل ورقيق
بــ أنه (( فيك شي حبيبي أو ماحب اشوفك مضايق ايش اللي صاير يادنيتي ))
اذا حسيتي انه تكلم وفاتحك بالموضوع شي جميل
اما اذا سكت فحاولي تقولين له (( انت حبيبي وعمري افديك بروحي بس اشوفك فرحان ومبتسم انا من لي غيرك وانت من لك غيري انا سرك وبيرك قول اللي تبيه بكون مستمعه جيده لك ))

** (( نقطة مهمه جدآ ))
اذا تكلم ابدآ ابدآ لاتقاطعينه لأنه الأغلب وهو يقول تقول ليه ومايصير وليه سوى معاك كذا او حتى ممكن تغلط .. >> وهذا الشي ممكن ينفر الزوج منك لاحقآ بأنه حتى يفكر يفتح فمه لك ..
خليه يسترسل باالكلام لما يسكت ..

وأبتـــــسمي وقومي واحضنيه وامسحي عليه وعلى ظهره صدقيني بيحس انه بأمان وأنه فيه أحد يسمع له لاشكى ويضمه لاتضايق بيحس بالحب والحنان وبيحس انك صرتي أقرب له من انفاسه ..
وبيثق فيك وبيصير يقولك اي شي ولا يفكر يشكي لغيرك ..


سأكمل بإذن الله ..

 

[حنيني إليهم]

ماراح أمشي على وتيرة وحده في موضوعي يعني بدخل بمواضيع عديده سواء مظهرك أو شكلك أو ترتيب بيتك والأهم غرفة النوم إلى ملابسك ومعاملتك ودلعك عشان شوي أكسر من روتين المووضوع وندخل كل شوي بشي جديد .. >> وطبعآ كل هالموضوع يخصك انتي وزوجك يعني داخل حدود البيت وماأتكلم عن اي شي برى ..
> لأنه بنظري هو أهم شي ويستحق كل شي .. :icon26:

وطبعآ مع الصور عشان توضح لكم الفكرة ..


موضوعي هذا من أجتهادي الشخصي وأتمنى الأفادة والأستفادة للجميع ..

والله ولي التوفيق .. :icon26:

 

[حنيني إليهم]

خليني شوي هنا أتطرق لأهم شي ..
وهي (( مملكــــتك الخاصة ))
غرفة النوم ..

حاولي دآئمآ تحافظين على نظافتها لأنه هذي شغلة مهمه ..

ثانيآ ترتيبها الدائم ووالتغيير من شكلها من وقت لآخر ..

والنقطة الأهم رآئحتها ..

حاولي دآئمآ تشغلين الفواحة والبخور لاينقطع عن غرفتك ..
عطري ستاير غرفة النوم وديباجك بمرشات وبعدها بخري راح تثبت الريحة مرره .


خليني شوي أعرض لك اشكال الديبجات اللي تزيد فخامة غرفتك لنوم حتى ولو كانت غرفتك بسيطة ..

 

[حنيني إليهم]

سأكمل بإذن الله ..

 

[دلوعتك أنا وبس]

جهد رااائع تشكري عليه

جزاك الله كل خير ومتابعين معاك للأخر

 

[حنيني إليهم]

يعطيكم العافيه حبايبي على الردود ..

وأتمنى أني قدمت لكم ولو القليل ..

وسأكمل إذا شاء المولى ..